كوني أُنثي🌼

الرقة .. والرقى

الرقة .. والرقى

نكمل رحلتنا الجميلة اللى بدأناها

الاول احب افكركم بالحلقات اللى فاتت عشان نكون متابعين ومانتوهش من بعض

الحلقة الاولى : الرقة، سلاح الأنثى الاقوى

الحلقة التانية : سيمفونية الرقة

الحلقة التالتة : الرقة، لحن الحياة

وهنزل اللينك بتاع كل حلقة فى كومنت تحت

الحلقة الرابعة "حلقة انهاردة" الرقة والرقى !

لما بنتكلم عن طريقة الكلام وازاى الحروف بتخرج من شفايفنا هى دى الرقة،،

أما لما نتكلم على نووع الكلمات اللى بنقولها فهو دة الرقى،،

والرقة والرقى اختين توأم حلوين

ماينفعش يتفرقوا عن بعض ،،

قبل مابدا فى الكلام عن الرقى ،

فى ملكة جميلة المرة اللى فاتت قالتلى انها لما بدأت توطى صوتها ،،

حست ان جواها طاقة وعايزة تطلعها،

بما ان اللى جواكى طاقة صوتية لازم تطلعيها فى صورة طاقة صوتية،،

هقولك على طريقة حلوة؛

لما البيت يكون فاضى افتحى قناة القران الكريم؛

وهاتى مصحف وافتحى على نفس السورة ؛

واقرأى مع القارئ ؛

وحاولى تقلديه اووى فى النطق وفى مستوى الصوت ،،

لمدة من 10 دقايق ل 30 دقيقة ،،

صدقينى الطاقة هتروح منك جداااا ان شاء الله ،

وكرري الموضوع دة كل ماتحسى انك محتاجاله ،،

بالاضافة ان التمرين دة بيزود اللباقة فى الكلام جدا على فكرة ،،

وفى تمارين تانية للباقة بتجيب نتيجة كويسة اللى محتاجاها تقولى وهكتبهالها

نرجع لكلامنا عن الأنثى الرقيقة وكلامها الراقى ،

اﻻنثى الرقيقة لما بتتفاجئ مابتقولش يالهووووووى !!

بتقول

!! Oh My GOD

واعرف واحدة رقيقة لما بتتقاجئ بتقول يانهارى !

بتطلع منها لذيذة أووى

اما بالنسبة لى انا لما بتفاجئ بلاقى نفسى بقول يااربى !!

بصى بقولها ازاى :

ياااراااابببيييي !!!

على فكرة ناس كتير حبوها وأخدوها منى واتعودوا يقولوهاا

♢♢♢♢♢♢♢♢♢♢♢♢

الانثى الرقيقة مابتقولش الكلام المنتشر اللى بيقولوه البنات وفاكرينه ستايل!