كوني أُنثي🌼

الرقة .. لحن الحياة

الرقة .. لحن الحياة

فيونكاتى ،، وبسكوتاتى

وحشتووونى

اخبار الرقة معانا ايه؟؟؟

المرة اللى فاتت عرفنا سر صوت الانثى الرقيقة ،،

بتتكلم بصوت هاااادى ،،

بتتكلم بصوت واضح ومش عالى ،،

بتدى كل حرف حقه ،،

بتبتسم وهى بتتكلم ،، وبالتالى حروفها كلها رقيقة :)

المرة اللى فاتت قسمنا الحروف ل 4 مجموعات

حروف ساكنة،، و حروف عليها تشكيل

ودول اتكلمنا عنهم المرة اللى فاتت

المرة دى الكلام على مين ؟؟

حروف المد ،، والحروف الضخمة

حروف المد ،،

واو .. ألف .. ياء

مد الواو ،،

اضغطى عليه اوى وانطقيه مرتين ✌

وضمى شفايفك اوووى ،،

نورا .. ⬅... نوورا

يوسف .. ⬅.. يووسيف

جربى واتدربى هتلاقيها بتطلع منك لذيذة

☆☆☆☆☆☆☆☆☆☆

مد الياء،،

قولى مييين؟

وبصى لنفسك فى المراية ،،

شوفتى بتقوليها ازاى ،،

زى حرف ال i فى انجليش ،،

بتضغطى عليه أووى وتنطقيه مرتين

لازم مرتين ✌

عشان تفرقيها عن الكسرة .

نانسى .. ⬅.. ناان سيى

نيفين .. ⬅.. نييفيين

فى ناس بتقول يانفين

انتى رقيقة تقولى ياا نييفيين

☆☆☆☆☆☆☆☆☆☆

الالف المد مهمة جداا ،،

وأصلاا مد الألف هو اكترررر حاجة بتبين الرقة ،،

الفكرة فيه انك تقلبيه على ياء خفيفة اسمها ألف مكسورة ،،

جربى قولى كلمة فيس ،،

أيوة هى دى الألف المكسورة ،،

مابتقوليش فاس ولا فيييس ،،

وسط بين الألف والياء ،،

يعنى مثلا لو هتقولى " الساعة كام "

مابتقوليش السيعة كييم X

ولا تقولى السااااعة كااام وانتى فاتحة شفايفك X

وسط بين الألف والياء.

لو هتقولى خالد .. نادر .. مازن

كلهم الف مكسورة .

زى ماقولتلك الألف المد هى اللى بتبين الرقة ،،

وهى أهم حاجة فى اللى فات كله .

☆☆☆☆☆☆☆☆☆☆

اخر حاجة الحروف الضخمة:

ض ،، ظ ،، ص ،، ط

ض نقولها بين ضاد و دال ،،

مش دال صريحة ،،

نفس الحكاية ص... س

ط... ت

ظ ... ز

خدى بالك احنا بندور على الرقة الطبيعية ،،

يعنى الحروف الضخمة اللى فاتت زى ماقولتلم وسط ،،

ماتبقاش رقيقة أوى ولا ضخمة أوى ،،،

اما الحروف الرقيقة أصلا

باء ... ميم ... سين

رقيقيهم أكتر وأكتررر لحد ماتقدرى .

كدة خلصنا مخارج الحروف .

☆☆☆☆☆☆☆☆☆☆☆

فى سرررر هقولهولك وهيعجبك أوووى

اختارى كلمة تكون زى لازمة ليكى ،،

كلمة تكونى بتنطقيها كويس وتبدأى تقوليها كتير ،،

الحكاية دى بيكون دمها خفيف أوووى ☺

أنا مثلا بقول كلمة "أصلا" كتير ،،

بدخلها فى كل كلامى ،،

واكتشفت ان ليها معجبين كتيييير ☺

اقعدى مع نفسك واختارى كلمة ،،

وجربى كدة وهتنبسطى من النتيجة ان شاء الله

هنلخص اللى قولناه

مد الواو والياء نضغط عليهم ونقولهم مرتين

مد الألف هو اللى بيبين الرقة وبننطقه ألف مكسورة

الحروف الضخمة نرققها من غير مبالغة ،،

الحروف الرقيقة نرققها اكترررررر ،،

اختارى لازمة ليكى وقوليها بصوت رقيق ،،

وأخيراااا نصيحة كل مرة : متنسيش الابتسامة الجميلة اللى بتخلى الكلام رقيق

المرة الجاية باذن الله عن الكلام اللى بتقوله الانثى الرقيقة ،،

والكلام اللى لايمكن تقوله ،،

وهقولك شوية كلمات أنجليش تحتاجيها فى يومك هتزودى بيهم رقتك ،

وهقولك ان شاء الله النطق الصحيح للكلمات دى ،

وكام قاعدة كدة عامة تحسن نطقك فى الانجليش ،،