كوني أُنثي🌼

حركات الأنثي الرقيقة....

ملكة بتسأل : فى فيميلز صوتهم ساحر ياترى دى ممارسة ولا هبة من ربنا؟

أحب اقولك ياملكة ان نبرة الصوت ممكن تكون حلوة؛

بس مجرد ما الصوت بيعلى او الحروف تتاكل؛

بتحسى بنشااااز !!

والعكس صحيح ،،

ممكن تكون نبرة الصوت عادية ؛

بس طريقة الكلام نفسها تخليكى تحبى تسمعى اللى بتتكلم ؛

ومش عايزاها تخلص الموضوع؛

رأيى الشخصى طريقة الكلام ومستوى الصوت أهم من نبرته .

هقولك مثال :

أخت واحدة صاحبتى ؛

صوتها مش ناعم خالص ،،

وكمان فيه بحة ،،

بس هى بتتكلم بطريقة ناعمة ورقيقة ،،

لما كنت بتصل على صاحبتى كنت بتمنى اختها ترد عليا الاول ،،

من كتر مابحب صوتها ،،

الكلام دة طبعا زمااان ،،

أيام التليفون الأرضى :D

☆☆☆☆☆☆

فى أكتر من ملكة حابين يتأكدوا هل الموضوع ممكن ييجى بالممارسة فعلا؟؟

اجابتى ايوة طبعا ،،

اى حاجة فى الدنيا ممكن تيجى بالممارسة،،

فى مقولة بتقول "انما الخلق بالتخلق"

يعنى لو عايزة توصلى لخلق معين دربى نفسك عليه ،

انتى بس ابدأى واحدة واحدة وان شاء الله توصلى :)

☆☆☆☆☆☆

بالنسبة للكلام بالانجليش ؛

ملكات كتير فهمونى غلط ،،

دلوقتى كلنا بنقول كلمات انجليش ،،

كل الحكاية انى بقول نقولها صح بالنطق الانجليش ،،

يعنى مثال freezer ،،

ماعتقدش ان فى حد بيقول مجمد مثلا !

كلنااا بنقولها انجليش يبئى نقولها صح ،،

هو دة بس اللى طلبته .

تانى حاجة كلنا بنتكلم كلمات عامية عاااادى جداا ،

لكن لما الكلمات العامية يكون نطقها مش حلو ،،

يا اما نقولها لغة عربية صح ،،

يا اما نقولها انجليش صح ،،

يعنى لو فى يومك العادى هتقولى أنف وقمامة وخف وذبابة ،،

مفيش مشاكل ،،

لكن لو هتقوليهم بلهجة عامية يبئى الانجليش فى الحالة دى أحسن.