#حذيفه_و_عائشه (17)
مر اليوم وحذيفه لم يترك عائشه لثانيه
والد عائشه : المغرب أذن ياحذيفه إنزل صلي ف المسجد وروح إرتاح بقى يابني انت من إمبارح منمتش
عائشه بلهفه : لا يروح فين
نظر لها الجميع بتعجب
عائشه بإحراج : أقصد يعني أن ماما بقالها فتره مراحتش البيت وتعبانه بقالها كام يوم معايا خليها هي تروح ترتاح وكدا
حذيفه بإبتسامه أقترب منها وهمس في أذنها قائلا : هو انتي فاكره اني ممكن أمشي
عائشه نظرت له بكسوف
حذيفه : احم فعلا ياعمي كلام عائشه صحيح طنط بقالها فتره هنا ف المستشفى خليها تروح ترتاح شويه وانا هفضل هنا جمبها
والدها ووالدتها نظروا لبعض بضحكة
والدتها بضحكه : متأكده ياعائش إنك عايزه حذيفه وانا اروح عادي
عائشه بإرتباك : لا مقصدش ياماما دا علشان ترتاحي مش أكتر
والدتها بضحك : علشان ارتاح بردو ماشي هعديهالك
ثم نظرت لحذيفه قائله
" من يوم مانت ظهرت ف حياتها وعائشه وشها نور وبقت بتضحك كتير من قلبها وكأن قلبها بيرقص من الفرحه خلي بالك منها ياحذيفه عائشه بتحبك
عائشه وضعت يدها على وجهها من الكسوف
حذيفه بسعاده : عائشه ف عنيا متقلقيش عليها
والدتها قامت وقبلت رآسها قائله : أستودعك الله ياحبيبة ماما
عائشه أمسكت بيدها وقبلتها : في رعاية الله ياامي سلميلي على محمد وقوليله يخلي باله من دروسه ومذاكرته
والدتها : هجيبه معايا بكرا دا كل شويه يتصل ويقولي عايز أجي لعائش
والدها : ها خلصتوا يلا علشان الوقت ميتأخرش
عائشه بتعجب : رايح فين يابابا
والدها : هروح أمك أكيد امال هسيبها تروح لوحدها
عائشه : أنا كنت عارفه انك هتقول كدا طب أتأخر براحتك بقى
نظر لها الجميع بتعجب
عائشه بإرتباك : أقصد يعني الطريق طويل ولازم يمشي على مهله يا جماعه اي النظره دي أتأخر براحتك يابابا
حذيفه بتعجب : تقريبا عائشه مخها فوت إتفضل انت ياعمي سيبك منها
عائشه نظرت له بغضب : أنا مخي فوت ولا انت معندكش مخ أساسا
والدها بضحك : طب ناكفوا ف بعض براحتكوا عما ارجع ومتقلقيش ياعائش هتأخر براحتي
ثم غمز لها وهو خارج من الغرفه
عائشه هو بيغمزلي كدا ليه : يابابا يابابا لا انت فاهم غلط
حذيفه أقترب منها بإبتسامه عريضه ونظرت هيام : بابا مشي خلاص وبقينا لوحدنا
ثم جلس بجانبها ووضع يده على خدها بلطف
