#حذيفه_و_عائشه (2)
"في منزل عائشه"
والدة عائشه : مالك يابت عماله تلفي حواليا من ساعة ماجيت كدا ليه
عائشه بنظرة سهوكه : بصراحه انا عايزه اروح لداليا
والدتها : تروحي فين إنتوا مش بعض طول اليوم ف الجامعه
عائشه: عندها مشكله ياماما ومحتجاني معاها
والدتها بتعجب : مشكلة اي اوعي تقولي هتفركش
عائشه : تفركش اي ياماما دي جايلها عريس وهي مخطوبه
والدتها بضحك : اللهم صل ع النبي ياختي ماتشوفيها بتعمل اي وتعملي زيها خليني أخلص منك
عائشه : أحم لا أنا مستنيه فارس أحلامي ال هياخدني ع حصانه وبدأت عائشه تسرح بخيالها وتشير للسقف بهيام قائله أبو قلب معلق بالمساجد دا ياماما عارفاه حد كدا محترم بس رومانسي يكون دمه خفيف بس تقيل ف نفسه كدا يكون مجنون زي بس عاقل وكلامه موزون يكون ..
قاطعتها والدتها قائله : مش عايزاه بيطير
عائشه أفاقت من سرحانها قائله : اي ياماما لازم تفصليني كدا
والدتها وضعت في يدها طبق بداخله طماطم وأشارة: خدي قطعي الطماطم دي وبطلي كلام شويه إتأخرنا ف عمايل الغدا أبوكي وأخوكي زمانهم خارجين من الجامع
عائشه أمسكت الطبق وقبلت خد والدتها قائله بفرح : شكراً ياأحلى ماما بعد الغدا هروحلها وارجع بسرعه
والدتها بنظرة تعجب : انتي يابت انتي أنا مقولتش هتروحي ف حته انتي بتكروتيني
عائشه غمزت لها ودغددتها : خلاص بقى يانودا الله
والدتها وهي تقهقه من الضحك : هههههههههه روحي ياختي بس ابعدي عني
عائشه بفرح : تمام يافندم
''''''''’'''''''''''''
بعد فتره قصيره عاد والدها وأخيها ال المنزل وأنتهت عائشه ووالدتها من تجهيز الطعام
جلسوا جميعا ع مائدة الطعام الا عائشه كانت تغسل يدها
بدأو بالأكل آتت عائشه وجلست معهم وضعت الطعام في فمها بلهفه قائله : يااا أنا جعانه اوي
والدتها : جعانه بردو ولا مستعجله علشان تمشي
والدها بتعجب : رايحه فين ياعائش
عائشه : رايحه لداليا لبابا
محمد : طب متتأخريش عندها
عائشه : حاضر ياصغنن عامل اي ف المذاكره صحيح 3إعدادي عايزه تركيز خد بالك
محمد وهو يمضغ الطعام: خليكي ف جامعتك انتي بس
عائشه صمتت لثواني وتذكرت أنها لم تقل بسم الله قبل الأكل
فقالت بصوت مرتفع (بسم الله أوله وآخره)
والدتها بتعجب : بتعلي صوتك كدا ليه ماتسمي ف سرك
عائشه : بعلي صوتي علشان لو حد ناسي يفتكر معايا وبكدا أخد الثواب إني ذكرته
