حذيفه وعائشه

12

#حذيفه_و_عائشه (12)

ف المستشفى وأثناء جلسة الكيماوي الخاصه بعائشه
كانت عائشه تتألم لكنها تتظاهر بالثبات حتى لا يشعر والدها بألمها كانت تسبح وتستغفر طول الوقت
بعد الإنتهاء من الجلسه إستلقت ع السرير وحولها والديها
وداليا صديقتها أيضا لم تتركها
عائشه بإبتسامه : اي ياجماعه واقفين حواليا ليه أقعدوا أنا كويسه
والدتها لم تتحمل رؤية إبنتها ممده ع السرير جسدها بدأ ينحف وآثار المرض ظهرت عليها بشده ووجها كان شاحبا
قالت ببكاء : أنا رايحه الحمام أغسل وشي وجايه

جلس والدها بجانبها وأمسك بيدها قائلا : أنا عايز يبقى عندك صبر وتفضلي تقولي الحمدلله ع طول ياحبيبة بابا

عائشه : أنا صابره يابابا وهفضل صابره لأني أقدر أصبر "ربنا قال لا يكلف الله نفساً إلا وسعها " يعني إلا أنا فيه دا أنا أقدر عليه مش فوق طاقتي ولا حاجتي

والدها بتنهيده : ربنا يقويكي يابنتي حتى وانتي مريضه بتعلميني كل يوم حاجه جديده

عائشه بإبتسامه نظرت لداليا التي تقف جانبا
: تعالي يادودو واقفه بعيد عليه

والدها قام من ع الكرسي وأجلس داليا مكانه
وخرج من الغرفه

عائشه بإبتسامه : مبارك 
دليا : شكلي حلو

عائشه : قمر ف الخمار اللهم بارك

دليا : أنا من هنا ورايح هغير طريقة لبسي كلها وكل حياتي هتتغير

عائشه بفرح : كنت عارفه إن اليوم دا هيجي علشان كدا فضلت متمسكه بصحوبيتنا حتى مع إختلاف كل واحد فينا ماهو الجنه الواسعه دي مكنش ينفع أدخلها من غيرك

دليا بكت وأحتضنها
عائشه بضحك: اه اه بالراحه يابت جسمي واجعني الصحه بقت يدوبك

دليا إبتعدت عنها قائله : أسفه
ثم إبتسمت وقالت بكرا تخفي وهكسر عضمك ف حضني

عائشه : إن شاء الله ياقلبي المهم طمنيني عامله اي مع مراد اي مش هتتجوزوا بقى نفسي أحضر فرح قبل مااموت يابت

دليا بغضب : ماتقوليش كدا تاني علشان مزعلكيش ماشي ولا تجيبي سيرة الموت دا ع لسانك

عائشه بضحك: ماشي ياستي خلاص المهم بجد مش هتجوزوا بقى أصل أنا مش عاجبني حوار الخطوبه ال انتو عاملينه داه

دليا بحزن : لا مخلاص بقى مبقاش فيه خطوبه

عائشه بصدمه إعتدلت في جلستها : نعم بتهزري مش كدا

دليا بحزن : لا مبهزرش فاكره لما قولتيلي التهاون ال بيحصل ف فترة الخطوبه دا من أسباب قلة البركه ف الزواج وانا خلاص عايزه أبدأ حياتي من جديد عايزه أبدأها بطاعة ربنا

عائشه بفرح : الحمدلله ياحبيبتي ربنا يثبتك بس مش فاهمه بردو ليه مبقاش في خطوبه

دليا بحزن : مراد تقريبا مش عاجبه كلامي بيقولي ازاي خطيبتي وممسكش إيدك ولا أكلمك ولا أقولك وحشتيني ونفضل نتكلم طول اليلل ف الفون