#حذيفه_و_عائشه (13)
بعد عودة حذيفه للمنزل وآثناء جلوسه بين عائلته علم من فاطمه أخته أن عائشه مريضه
عائشه بصدمه نظر لوالدته : عائشه مالها ياماما
والدته بتوتر : تعبانه شويه ياحبيبي
حذيفه : تعبانه مالها يعني
والدته نظرت لزوجها قائله : قولوا مالها ياعبدالعزيز أنا قايمه أحضر الغدا
حذيفه بتعجب : في اي يابابا مالها عائشه ماما مش عايزه تتكلم ليه
والده بقلق : بصراحه يابني عائشه أكتشفت إنها مريضه بالكانسر
حذيفه بصدمه : ها كانسر اي بتهزروا
والده بحزن : مبنهزرش ياحذيفه عائشه مريضه
حذيفه قام من مكانه بسرعه متجها للباب
والدته وقفت أمامه قائله : مينفعش تروحلها
حذيفه : هطمن عليها من والدها ع الأقل هي مش خطيبتي
والدته بحزن : مبقتش خلاص عائشه رفضتك
حذيفه بغضب : علشان مرضها مش كدا
والدته : قالت مش عايزاك تضيع عمرك مع واحده مريضه
حذيفه بغضب ترك والدته وخرج من المنزل مسرعا
والدته بحزن : رايح فين بس ياحذيفه مهما تعمل مش هتوافق
_____________
في منزل عائشه
تجلس في غرفتها وهي تمسك مرآه تنظر لنفسها بألم وتمسح على حاجبها ورموشها التي تساقطت من الكيماوي وهي تحدث نفسها
شكلك أتغير اوي ياعائشه معقوله دي إنتي
ثم فكت شعرها ووضعت يدها عليها فبدأ بالتساقط في يدها
نظرت لشعرها في يدها قائله وهي تصبر نفسها : متزعليش ف الجنه هيكون ليكي شعر أجمل من دا بكتير هيكون طويل اوي وناعم زي شعر الإميرات
ثم قامت من ع السرير وذهبت لغرفة والدها بهدوء وجذبت ماكينة الحلاقه خاصته ورجعت لغرفتها ووقفت أمام المرآه وبدأت حلق شعرها
دخلت عليها والدتها وحينما رآتها فزعت
: عائشه انتي بتعملي
عائشه بإبتسامه : زي مانتي شايفه ياماما بحلق شعري
والدتها بحزن : لي كدا يابنتي ماهو موقعش كله كنتي سبيه
عائشه وشعرها يتساقط ع الأرض حولها : مش عايزه السرطان يحس إنه أنتصر عليا بحلقه بإرادتي بدل مايكون غصب عني
ثم إلتفت لوالدتها وأحتضنتها قائله : متقلقيش عليا بنتك قويه اوي
والدتها ببكاء جذبت منها ماكينة الحلاقه وبدأت بحلق ماتبقى من شعرها قائله
: وانا واثقه ف بنتي وف قوتها
