شغف السيف(مكتمله)

الثانى والثلاثون

" الم الفراق لن يعرف معناه الا من جربه واكتوى بناره
ان تحب من كل قلبك ويجبرك القدر على ان تفترق عنه
الم ينهش فى القلب حتى يقتله ببطئ
ولكن عندما تلتقى بما كان سبب المك وحزنك ومعانتك
ويقف امامك ماهى رد فعلك
كيف ستتعامل معه
الفرح الشوق الكره والالم والغضب
مشاعر متناقضه اليس كذلك
هذا كان شعور سيف فى هذه اللحظه وهى تقف امامه
بعد مرور كل هذه السنين لم يغير فيها الزمن شئ
غير بعض الخصلات البيضاء
ولازالت تلك الابتسامه الحنونه مرسومه على وجهها
وعيونها تلتمع بدموع الشوق كانها غريقا وقد و جد مرساته
سيف بصدمه /انتى
اقتربت منه كادت ان تضع يدها على وجهه الا انه نفضها بعنف وتحدث بقسوه وبرود /انتى ايه الا جابك
تحدثت بألم /جيت عشان اشوف ولادى ايه موحشتكش
كل هذا وشغف تنظر لما يحدث امامها بصدمه وتنقل نظرها بين سيف ووالدته وتلك الفتاه التى تشبه سيف الى حد كبير
سيف بسخريه/افتكرتى ان دلوقت ليكى ولاد لا بجد
حاجه تضحك يا ليله هانم
والدته التى تدعى ليله /ابنى ارجوك اسمعنى
امسكها بقسوه /ما تقوليش ابنك انا مش ابنك وانتى مش امى، امى ماتت من يوم ما سابنتا فاهمه ماتت

التف وجه سيف للناحيه الاخر بسبب صفعه
وعندما ادار وجهه رأى والده ينظر له بغضب /انت اذاى تقول كده نسيت انها امك
وما جعلهم ينصدمو عندما ضحك سيف بصوت عالى وتحدث بسخريه /ايه يا مهاب بيه دلوقت افتكرت انها امى ياترى ايه سبب التغير ده غريب بجد يعنى الشخص الا كان بيعاقبنى بس لما اناديها بأمى
دلوقت بيضربنى مش ده الا انت علمتهولى ولا نسيت

مهاب بحزن /ك_كنت غلطان
سيف بغضب /ده مش مبرر عذر اقبح من ذنب وانا مقبلش ان الست دى تكون امى
تحدثت الفتاه بغضب /انا مسمحلكش تتكلم مع ماما
بالطريقه دى
سيف بسخريه /لا وكمان اتجوزتى وخلفتى
وعايشه حياتك ومسألتيش علينا عشان مكنتيش فاضيه
بس السؤال الاهم بقا
مين ابوها
ولا ملهاش
شهقت عهد ووضعت يدها على فمها والدموع تجمعت بعيونها
وشغف تشعر بالصدمه مع كل كلمه يقولها انه ليس سيف الذى تعرفه الذى امامها شخص اخر
وذهب دون ان يضيف اى كلمه اخرى
وتركهم يقفون بصدمه
تحدث مهاب بحزن /انا اسف الغلط ده غلطى
ليله بدموع /انت السبب ابنى بيكرهنى
عهد /متزعليش يا ماما احنا المفروض مكنش لازم نيجى هنا
تقدمت شغف منهم /انا اسفه بس انا سمعت الا حصل وعلى ما اظن انتى والدت سيف
ليله بحزن /ما فيش داعى للأسف يا بنتى وانا امه
شغف بجديه /تقدرى حضرتك تتفضلى جوه
انتى وبنتك
ليله /احنا هنمشى
شغف بمقاطعه /ارجو انك تعتبرينى زى بنتك وتقبلى عرضى انتوا هتتفضلو جوه
وتتكلموا مع بعض وتحلو مشاكلكم وبعدين تقدرى تعملى الا انتى عوزاه
اومأت لها واخذت عهد الى داخل القصر
مهاب بهمس/شكرا
شغف /مافيش داعى للشكر
وتركها وذهب وبالها مشغول فى سيف ماذا سوف يفعل
هو لم يتحدث ابدا عن والدته امامها
ذهبت وهى تبحث عنه رأته يركب سيارته ويغادر
وما كان منها الا ان تبعته
حتى وصلت الى
غير معقول هذا نفس المكان الذى جاءت اليه
وهو لحقها الى هنا
رأته يترجل من سيارته ويقف بجمود امام البحر