#سوالف _ابو _يزن

ألمرأة

منقول

مساء الخير احبتي

اليوم موضوعنا مهم جدا يعتبر ركيزه وأساس بناء كل شي بالحياة ابتداء من الأسره. ونهايه بالمجتمع...
المرأه.. المرأه.. المرأه
شنو هي المرأه
هي بنت
لام
الزوجه
الاخت
الحبيبه
الصديقه
هي هواي أدوار بحياتنه
بس يا ترى منطيهه كل حقوقهه
بعيداً عن حقوق مقدرين تضحيتهه
آلامهه وتعبهه ومجهودهه
شنو مقدمين الهه

ابسط حقوق اي انسان بأي بقعة من بقاع العالم هوة الحرية انك تكون حر هذا يعني انك انسان صاحب قوة وإرادة المرأة اليوم بمجتمعنا محرومة من حق التعليم ومن حق اختيار شريك حياتها إضافةً الى الممارسات العشائرية الاضطهادية والقمعية تجاها هاي الممارسات كالنهوة والفصلية والهدية تقتل روح المرأة

شخص بلحظة غصب او لسبب او دون سبب يقتل شخص ثاني هنا المرأة رح تروح بالاجبار تحت مسمى الفصلية لعائلة القتيل وتنسلب كل حقوقها وتنفرض عليها واجبات فوگ طاقتها وتنسلب روحها بس في سبيل القاتل يكون مرتاح بين اهلة وناسة

اثنين اخوان متعاركين تصالحوا الاول يجبر بنتة انو تتزوج ابن الثاني حتى تتصلح علاقتهم اكثر من دون مراعاة انو اكو كائن من دم ولحم دتنهتك حرمة حياتة واحلامة ومستقبلة

يسلبون منهه طفولتهه  ويمنعوهه من تعليمهه لو يزرعون بعقلهه افكار محدوده كله عيب  وعيب واسكتي ولا تحجين ولاتناقشين يحيطوهه بدوامه من الجهل والمحدوديه الفكرية وبعد فترة تتم مقارنتهه بامراه أخرى لو يتم التخلي عنهه من يلگة البديل الي افضل منهه واحسن  لو يذلهه بابشع الطرق  او يستنكر وجودها  ويخرس  صوتهه ويسكتهه...
ليش هيج شنو ذنبهه هيج تتحمل
رب العالمين كرمهه منو اله حق يذلههه
ليش البنت من تريد شي او تتخذ قرار بأغلب لأوقات لازم تواجه رفض من هواي جهات ليش

شخص يحب بنت عمة اللي متحبة ومتنظرلة غير كأخ يگوم ينهى عليها وتظل طول ما حظرتة يريد مرتبطة بنهوة شخص عسما يطلع بگد ابوها هية ما إلهة حق تحچي شي لان ابن عمها اولى بيها واللي يتزوج وخدة وثنين وهية حياتها تمشي بدون متعرف معنى الحب والعائلة والامومة واكو من ماتن بدون ميتزوجن بسبب نهوة اشخاص مختلين عقلياً يعانون من جنون التملك

ليش تحرمون المرأة من انو تكون دكتورة ومن تتمرض نسائكم تصرون محد يعالجهن الا دكتورة امرأة

حتى الحيوانات ترحم بعضها اكثر من رحمة مجتمعنا للمرأة اللي خلفتك امرأة واللي خلفتلك ابن يشيل اسمك امرأة واللي تستدك امرأة واللي تحفظ شرفك امرأة

ليش تجبرون بناتكم ع الزواج بعمر صغير ومن تنضرب تلوموهة ومن تنهان تعاتبوها ومن تطلگ تهينوها

ليش تحرمون بناتكم من التعليم وبعدين تلقبوهن بالجاهلات

#لا للعنف ضد المرأة

وتذكروا قول ربكم ( رفقاً بالقوارير ) الرجولة بحماية المرأة وحماية شرفها مو اهانتها واذيتها وتحطيمها

اسف على الطالة

دمتم في رعاية الله

#سوالف_ابو_يزن