اليوم البارت مختلف لذلك هوة يعكس رأيي الشخصي فقط واللي الي مطلق الحرية بالتعبير عنه
بالظروف اللي يعيشها عراقنا الغالي اليوم فكل شخص من الطبيعي ان يكون الة رأي سياسي او توجه سياسي وهذا مو غلط كل شخص يعمل بما يؤمن به
لكن عن نفسي فأني علماني وما اؤمن بمبدأ او فكرة اي حزب او شخصية سياسية رغم انو همة ماعدهم لا مبدأ ولا فكر بس للعوام
لكن كذلك اني مو مع اللغط اللي صار اخر فترة بعد لقاء رغد صدام حسين وبعد الرسائل السرية اللي افرزتها خلال لقائها اللي الاغلبية شافوا او ع الاقل سمعوا بي
نصيحة في حال فكرت رغد انو ترشح للانتخابات بأعتبارهة مواطنة عراقية ( كما تصف نفسها ) لا تحطون نفسكم بموضع الاختيار بين رغد اللي كلنا نعرف هية تمثل نظام ابوها و الاشكال اللي موجودة هسة بالسلطة لان الثنين وجهين لعملة وحدة
بعضكم رح يعتبر اني داعارض التوجهات السياسية لأكثريتكم او اني داروج لشخص معين بس أگلكم نهائياً گلت واعيد اني شخصية علماني واللي بالسلطة كلهم ميشرفني انو اؤمن بمبدأ احد منهم ولا رغد تستاهل انو ادعم فكرتها واللي شاف اللقاء كامل رح يفهم ليش
وارجع واگول هذا البارت مكتوب منقبلي واحدي مدامثل احد بس دامثل نفسي اعرف انو بينكم ولائيين وحزبيين وشيوعيين وايضاً علمانيين من تروح وتريد تنتخب تذكر انو اللي دتختارة في موضع السلطة خيرة وشرة يرجع عليك وعلى ابنائك ومستقبلك وحياتك كلها والاهم على بلدك
من تريدون تزوجون ابنائكم او بناتكم رح تحاولون قدر الامكان تختارون الافضل واللي تعرفون انو رح ينسعدون وياهم كذاك من تنتخب شخص تأكد انو يستاهل صوتك وثقتك وتذكر انو عملة مهما كان صح او غلط فهوة حيأثر مو بس على حياة ابنك او بنتك لا حيأثر على وطنك وكل ابنائة وانتة اولهم
وبالنسبة للي يتبعون احزاب هل وكت بالروح والدم هذا الفيديو هم هدية الكم
احفاد صدام هذا عمكم الكبير اللي صار لحم شوي سلموا علية
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
