#سوالف _ابو _يزن

السلام عليكم شلونكم يابة

#سالفتنه اليوم طويلة
                      .. المعيدي ..

ومعنى كلمه معيدي عد الجاويد( معدن الكلام)

والي متعجبه سالفه لايسبني

سالفتنه ليوم دارت بين  الدوواين وجلسات الاهل والسمر هي سالفه  حمد ال حمود شيخ عشيرة الخزاعل والرجل الذي حط بديرة حمد  وهوه علي الصويح..شيخ ال زيرج  وعلي رجل من مربي الدواب (الجاموس) انتقل للعيش قرب عشيرة الخزاعل وشيخها حمد ال حمود جان بوكته فريضه الفرات الاوسط  ولرجاحة عقله وحكمته اصبح الصديق المقرب للشيخ
وكانت صداقة الشيخ حمد مع علي الصويح حديث الناس وحسدهم لما كان الشيخ حمد يحترم علي صويح  وصار صديقه المقرب مايكعد اله بصفه وتعرفون سركال واولاد عمه والمغربين عل شيخ نتحسو وكالو المحفوظ يقدر المعيدي ويحترمه ويجله ويخلي يكعد بصفه لازم نحجي وي شيخ ونبعده عنه وجان علي الصويح امي لايجيد القرأ والكتابة  جان رجال بسيط  في اكله وهندامه  وتصرفاته وكان الشيخ يقول لعارفيه انا اقدر الرجل (بالمخبر لا بالمظهر) ويقول عنه ان مخبره ومعدنه ذهب صافي  وجم  مرة راهن ضيوفه باختبار معدن هذا الرجل الحكيم..

وكان ابناء عم الشيخ ضد هذه العلاقة الطيبه التي تربط ابن عمهم مع المعيدي ( والناس الاغلبيه  ينظرون الى المعيدي أنه اقل منهم شآنا )
فصارحوه بهذا الامر
فرد عليهم انه ذو عقل راجح ويستحق هذه المنزلة

فكالوله انته  رفعت من شآنه
كالهم  الشيخ : يرضيكم اذا اختبره وشوفو اذا نجح يبقه صديجي واذا مانجح من حينهه بعد لايعرفني ولااعرفه

1 - اذا كبل المعيدي لا احد من العبيد يتلكاه ليربط الفرس .

2 - اذا دخل المضيف وسلم فلا يرد عليه احد .

3 - وصة  الكهوجي يطيه الفنجان فارغ من الكهوه تلث  مرات والرابعه يصب بي

4 - وصة المعزب الي يصب على ايد الخطار  كبل  الزاد  ان يجي بابريج فارغ من الماي تلث مرات والرابعه يترسه

رضو ربع حمد ال حمود بهاذ الاختبار

وبعد أيام زاره علي الصويح  ومن وصل باب المضيف ونزل من فرسه ربطه بسرعه   ومنتظر احد ياخذ منه لجام الفرس ومن طب للمضيف ماسلم كبل كعد ويندل مكانه بصف شيخ يكعد  كام الكهوجي اطاه كهوه  الفنجان فارغ حسب تعليمات الشيخ رفضه وماخذاه  مرتين ثلاث الة  المره الرابعه اخذ الفنجان وشرب الكهوة و دعاه المعزب يغسل اديه حتة ياكل رفض تلث مرات و الرابعه كام وغسل اديه واكل ومن كمل أكله وكفو الزاد  التفت عليه الشيخ وكاله

ليش ربطت فرسك كبل ماطب المضيف !! ما عندي عبيد الي تخدم  لينوكل؟

وليش ماسلمت من دخلت !!! الا يستحق الموجودين سلامك ؟

ووليش ماشربت كهوتنا ثلاث مرات !!!! كهوتنا ما تنشرب ؟

وليش من دعوك تغسل اديك تاكل تلث مرات و ماتكوم !!!! ما عدنه زاد لخطارنة

فرد المعيدي : لا انته الشرف والجود لكن لكل امر سبب

ربطت فرسي لاني شفت عبيدك يتعمدون التشاغل عند وصولي

و ما سلمت كون الديوان من دخلت ماكطعو  احد منهم سالفته فعلمت اني اذا سلمت محد يرد

والكهوجي تلث مرات الفنجان بيده يرن والرابعه خن

وصاحب الابريج يدعوني تلث مرات وجتافة عدول والرابعه مال جتفه الايمن عرفت ترس البريج

تعجبت لكوم لفطنته وجان حكمه

كال الشيخ : عندي سؤال من يرد عليه ( شنهي الثلاث الذي يحركن ثلاث )

محد رد عليه ضلوو مدنكين ويحكون بعلباهم

فالتفت الشيخ الى صاحبه وكال ما ردك يا علي صويح

كال المعيدي

العين تحرك اليد
وحنه من نشوف واحد يكبل علينه ويمد ايدة للسلام العين شوف وهيه تحرك اليد

الاذن تحرك الراس 
من واحد يصيح عليك راح تسمع صوته وتفر راسك

والكلب (القلب )
يحرك الرجل وانا لو ما احبك ما زرتك

فالتفت الشيخ حمد الى اولاد عمه وكلهم شفتو حكمته وذكائه هو يستحق ان يكون صديجي المقرب. كلهم مو كتلكم المعيدي معدن الكلام ضلو مدنكين رؤسهم وساكتين

تحياتي لكم اتمنا نالت اعجبابكم ♥

#سوالف_ابو_يزن