روايــة حُــبْ الـطٌـفُـــــولـةةة

الـبـارت الـ4

البارت 4

لرواية حُـــبْ الطّـفُــــولَـةة

رِوَاايَـــاتْ الْكَــاتِـبَــــة: ✨🤍هَـــدِيــلْ بِـنْ عَــامِــرْ🤍✨

- حاولت ألا أحبك بهذا القدر، ولكن مع كل محاولة أزداد شغفًا وحُبًا ..

سكتتت و خشت للدار للبنات بدلت دبشها و بدت تحوس معاهم ، لعند بعدها بساعات و تسمع ف صوت شاب ينادي ع اسم هبه
هبه: نعم كنك ؟؟؟؟؟
عامر: قتلك ترا كلميلي ايمان أختي م جوا
هبه: ف داخلها فرحانه بكل ان كلمها و حكي معاها، باهي حاضر و مشت تكلم فيها، ايمان ايمان يبيك عامر برا راه
إيمان: كنا ان شاء الله خير
هبه: مش عارفه الحق ما قاليش ف شن يبيك المهم انتي شوفيه
إيمان: حاضر هي توا نشوفه و مشت تشوفه

*******************

خشت هبه ادوشت و طلعت لابسه تيشرت لونه احمر قصير و عليه شرت لونه أصفر و صندل مفتوح و في خيوط لونه أصفر ف الاحمر و رفعت شعرها ك العادة و قعمزت حدا امها (فاطمه) و كانو الاغلبية قاعدين ف الخيمة
جت غفران قعمزت ب حدا هبه و بدت تهدرز عليها
غفران: تصدقي ديما نحكي عليك ل ماما و عويشه عاجبتيني بكل ستايلك حلو و عيونك تهبل ي خيه تبارك الرحمن عليك
هبه: ي حليلي احرجتني ي قلبي و الله عويناتك لي يهبلو و يشوفو ف كل شي يهبل
غفران: لا هدا كلام الحق عاد والله، ياريت عندي خو راهو خديناك ليه
هبه: تسلمي يارب، و بين ما هي تحكي نادتهم زيزو
زيزو: هبه غفران ؟؟؟
هبه: نعم
زيزو: بصوت واطي تعالن نبيكن
هبه وقفت و هي ماشيه فكت المساكه م شعرها و بدت تساوي فيه و هي تمشي ف نفس الوقت خش عامر م الخيمة رفع عينه شاف ل هبه و شعرها و لبستها وقف ف مكانه معش تحرك ، هبه ما شفتلش لان خشت و بدت تحكي مع زيزو و لحقتها غفران
زيزو: نبيكن تهنني ع المطبخ الله يربحكم و معاكن سميه اديرلكن القهوة و انتن تقدمن و معاكن رتاج باهي بنخش ندوش و بنمشي مع ايمان للكوافير
هبه: خلاص تمام عادي مافيش مشكله
غفران: عادي تمام و توا نكلم عويشه حتي هي
زيزو: تمام المهم هنوني بس
غفران: اطلعي ما تفكري ف شي الامور هانيه ان شاء الله
زيزو طلعت و خشت تدوش ، نختصر :
المهم خشو البنات كلهم المطبخ و جهزو كل شي للناس الموجوده ف الحوش و ف الخيمة و لي تستشور و لي ادير ف ميك اب كل وحده ادير ف شي بما ان اليوم هي الزفه و بعدها البنات كل وحده فيهم شدت ف شي و ادير ف لروحها ما عادا هبه كانت تبي حد يشيلها للمزين كلمت امها ( فاطمه ) انها تشوف حد م خوالها برا و تكلمهم
فاطمه: شوفي خالك عبدالله بالك فاضي يشيلك
هبه: تمام توا نشوفه نبعتله محمود و لا من
فاطمه: عادي كلمي محمود يكلمه لنا
هبه: تمام
********************
رِوَاايَـــاتْ الْكَــاتِـبَــــة: ✨🤍هَـــدِيــلْ بِـنْ عَــامِــرْ🤍✨

محمود: ي عيون محمود يلي كل ما نشوفك ندوب
هبه: بطل بسالة و نبيك تكلملي خالو عبدالله
محمود: و انا لي فرحان و نحساب الدنيا نفتحت ف وجي و قلت هدي تبيني ، ديما بختي هكي عارفه انا
هبه: بتكلملي خالو و لا نخش ع خشت عامر
هبه بدا قلبها يزيد عن النبضات الطبيعيه
عامر: كنكم واقفين هنا
محمود: و انت كنك ديما مخرب مواضيع الحب
هبه: خافت لالا مش هكي غير كلمته لان نبي يكلملي خالو
محمود: كنك خفتي منه لي يشوف كلامك يقول تحبيه و خايفه يطير منك مش ضروري تبرري عادي ي قلبي
هبه: وجهها انحمر لما قاللها لي يشوفك هكي يقول تحبيه ، لا ما نحبش و بعدين يتكلم خالو و لا كيف يصير
عامر: لا خليكم أنتم كلمو حبكم ع ما كلمتك خالك
هبه: شافتله بـاستفزاز ، بعد هكي معش في و مشت
عامر: كنها هدي والله الا مريضه خززي ع خاطر هكي نكرره امهن البنات انا
محمود: استفزيتها حتي انت تكره شني ي راجل و النبي هدي تنكره عسل و سماحه و ي حليلي منها كلها ع بعضها حتي مشيتها تهبل
عامر: تعرف راه نفصعلك رقبتك امشي شوف اصحاب بوفه جو و لا مزال و كلم عبدالله
محمود: تمام افندي و انت غير تعطي ف اوامر و خلاص و مشي
عامر: ف عقله زعمك هي صح سمحه ،سمحه اها بس شن بنديرو بسماحتها قليله ذوق و بارده هكي نقول انا