روايــة حُــبْ الـطٌـفُـــــولـةةة

الـبــارت الـ 2

البارت التاني
ل رواية حُـــبْ الطّـفُــــولَـةة

رِوَاايَـــاتْ الْكَــاتِـبَــــة: ✨🤍هَـــدِيــلْ بِـنْ عَــامِــرْ🤍✨

و ع شباك الأمنيات نلقي امنياتنا ...!!
قد يحدث ان يغلق الشباك و لا يستقبلها
أو يفتح و يتلقاها و لكن أحيانا افتتاحه لا يكون بشرة خير أو العكس !!!
و ليس كل ما نحلم به يتحقق .

هبه: ووصلت للشنطه خدتها بعدها انزلقت م رجليها تجي طايحه ع عامر و طاحت هي وياه
عامر: تي هاااي انتي معقوله ف حد يحط رجله ع الدرج ع خاطر اطيحي حماره ولا دماغك مصكر انتي
هبه: ماهو ما عرفتش نوصل هدا عليش درت هكي
عامر: ما عرفتش نوصل هدا عليش درت هكي ننننن، ما شاء الله عليك و الله، كان قلتيلي انا لي قاعد واقف حداك جبتها لك
إيمان: كنك ي عامر صوتك واصل لأخر الدنيا شن في
عامر: اسالي الغبيه لي قدامك طاحت عليا و طيحتني بغبائها
ايمان: باهي وسع بالك معلش خلاص أكيد مش قصدها
عامر: مش قصدها راكبتلي فوق الدرج مش عارف انا
إيمان:, شافت ل هبه و لقت عيونها معبيات ادموع بتبكي م هزايب عامر ليها احرجها ب كلامه، كنك تبكي ما تعدليش عامر ديما هكي راه والله حتي معايا انا
عامر: شافلها تبكي جاء بيتكلم زي لي بيعتذر منها بعدها قرر ان ما يتكلمش و طلع
ايمان: خلاص ما تزعلش و الله عامر راه ما قصده شي غير هو هكي طبعه راه ما دوريش
هبه: يقولي انتي غبيه و يهزب فيا ما نحبش حد يعلي صوته عليا و يهزبني انا 😭
ايمان: باهي معلش امسحيها ف وجي تعالي هيا برا معانا و اكيده خالتي ترجي ف دواها
هبه: مسحت دموعها و طلعت و عطت امها الشنطه و طلعت الدواء خشت للمطبخ تعبيلها ف كبايه اميه و كان ضي المطبخ طافي مابتش تولعه لان لقت الكبايه حداها و هي طالعه ف حد شدها م يدها ف الظلام خافت جت بتعيط حط يده ع فمها وولع فلاش الفون طلع عامر
هبه: شهقت و حطت يدها التانيه ع قلبها خلعتني تعرف
عامر: بعيد الشرر، وسامحيني ع امبكري رقيتيها ليا و انا ما نحبش الجو هدا
هبه: شافت ليدها لي شادها عامر و ابتسمت
عامر: يتكلم و حس ان هبه مش معاه و تشوف ليده جاء طول فكك يده م عليها اسف مش قصدي المهم ان شاء الله تكوني سامحتيني و طلع م المطبخ
هبه: ياربي نحس ف شخصيته زي لي ف الافلام يهبل ، سمعت ل امها تناديلها حي نسيت امي و ما عطيتهش آلميه خدت الكبايه و طلعت
فاطمه: صحيتي ي بنيتي بس كنك طولتي جوا
هبه: ندور ع كبايه اميه
فاطمه: اها باهي بترقدي حدايا اليوم و لا جوا مع البنات
هبه: لا توا نرقد حداك اليوم بالك تبي اميه و لا حاجه نفطنلك
فاطمه: باهي امالا جيبي حاجه تتغطي بيها

***************
رقدو اليوم هدكي و كانو يبو ينوضو بكره بكري ع خاطر ح يصبح الرمي و الفاتحه
جاء الصبح و الكل ناض يجهزو ف حاجات الضيوف للرمي و للفاتحة
خلال كل حد قاعد يجهز ف روحه خش محمود وشاف هبه قاعده ترتب ف المشروب ف السفر هيا و البنات و يطلق الهستيريه عليهم
محمود: صباح التنكر مرتبط و لا نخليك تفكر
هبه و رتاج و سميه و غفران و معاهم عائشه اخت غفران الكبيرة، غفران و هبه:بدو يضحكو من يغلبك انت ف الكلام ي حوده
عائشة : مبردك كلا انت ما توحلش ف شي بكل
محمود: سمعتي هدي ي عيشة
عائشة: مش عيشه عائشه في مد بالالف و همزة ع النبرة
محمود: عيشه المهم النطق عيشه مش عائشه
عائشة: ي غبي مش عيشة قلت عائشة
محمود: المهم نهايتها تاء مربوطه
عائشة احححااا كله انت ما توحل ف شي
محمود: احححااا ي وزير الصحةة

****************
رِوَاايَـــاتْ الْكَــاتِـبَــــة: ✨🤍هَـــدِيــلْ بِـنْ عَــامِــرْ🤍✨

فاتو ساعات و جو الضيوف و دارو الخيمه لبسو ايمان البودري و جهزو كل شي ع اللون البودري و مزال نص ساعه ع موعد قراية الفاتحه

محمود: م الخيمه يالا يالا امي امي ي يماااا يما انا غزالي وين نمشي بيه بصوت عالي
مريم: ها كنك فضحتنا قدام الناس البرانيه شن تبي
محمود: مساء السعادة لو سمحتي قهوه سادة
مريم: باهي باه خلاص اقلب وجك
محمود: قتلك بنخش نبدل دبشي قوليلهم ما يلبسوش وشاحاتهم عادي ما كأنيش خشيت ، ترا شويه حولي ي أمي خليني نشوف
مريم: شن تشوف ي همي الاحرف اطلع م قدام وجي راه نتصل ب بوك
محمود: ديما هكي ي أمي انتي تحبيش الواحد يسترزق ع حاله قاطعه رزقي ليش ي نبع الحنان و انا كلي راحه و امان
مريم: حنان شني و امان شني و انت كلهم يشوفو فيك زي ولدهم تعرف تمشي و لا نقولك اصبر خلني نتصل ب بوك هي شدت الفون بتتصل جاء باسها ع راسها و طلع

****************
تمت الفاتحة و مولعين الاذاعة و يرقصو شويه و يهدرزو شويه لعند آذن المغرب بدو يجهزو و ينظمو ل جية عرب الرمي و فعلا ساعات و خشو عليهم و بدا التنافس ف التصفيق و الاغاني بين اهل العريس و بين اهل العروس و انتهي الرمي و الكل كان مبسوط و فرحان و كملوا الحفلة ف الليل مع الشباب

******************

محمود: لي فيكم مراة و لا فيكم راجل يجاوبني ع السؤال هدا
عامر: قول ترا ي ذكي انت
فرج: محمود و فلسفته الزايده
ايمان: توا يطلع سؤال زي وجه المشكلة
زيزو: هي قوول ي عبقري انت
مريم: فوتو هدا حتي المدرسة ينجح ب الدف، شن يطلع سؤاله
محمود: هدي اهانه ف حقي ي أمي ما ننجحش دف انا ننجح م الدور التاني ي اما اعاده، المهم خلاص خلني نمشي ما فيكم راجل و لا فيكم مراة السؤال مشروح و باي
فرج: غير قعمزز شوقتني ع السؤال و ربي ههههههه
بوفه( خوهم الكبير) : وراس امك تقعمزز غير هيا بس توا
محمود: السؤال خطير راه لالا فوتو مش ح تعرفو
عامر: غير هيا قول بطل بسالة
محمود: حط رجل ع رجل ، السؤال يقوول عليش الخشب يتيم؟؟؟؟
قلبوها كلهم ضحك م جد جدهم
فرج: يتيم لان بو و امه ماتو ف حادث شنيع
بوفه: لا ي راجل الخشب يتيم لان ماعندش لا بو لا ام
مريم : يتيم ليش قولي انا امك
ايمان: لان مصنوع م الشجر
زيزو: ما تمسكهش عليا لكن تقريبا لان قصو م بوه و امه 😂
محمود: ماشاء الله عليكم كلكم فالحين ، الخشب يتيم لان مقطوع م شجرة ، و الله انا مفروض م الاوائل ع مستوي ليبيا يلا هدا م كتر الحسد و الغيره بس
مريم: هههههههههههه عنشكلك ي حوده
بوفه: ههههههههههه ع من تخطر
فرج: والله ما خطرت علينا هدي ههههههههه
ايمان: ماهو قتلها لك انا
محمود: قربتي لكن ما قلتيش الإجابة
زيزو: الحق غريبه لي ما تاخدش فيها م الاوائل
محمود: ما نحبش الغريبه نحب المقروضه 😂

***************

هبه: عاااامر قتلك.............

#يتبع