روايــة حُــبْ الـطٌـفُـــــولـةةة

الـبــارت الـ3

الـبـارت الـثالـث

لرواية حُـــبْ الطّـفُــــولَـةة

رِوَاايَـــاتْ الْكَــاتِـبَــــة: ✨🤍هَـــدِيــلْ بِـنْ عَــامِــرْ🤍✨

‏"تخيل أن يكِنّ لك أحدهم حُبًّا كالذي في قلبِك، تخيل أن يُلقيك القدر بقلبٍ يُشبهك." 🖤

هبه: عاااامر قتلك تبيك امي
عامر: تم هي جاي ، ووقف و مشالها ، نعم ي خالتي تبي حاجه
فاطمه: اها سلم عموري غير بنسأل ع علي نبيك تتصل بيه تقوله يجي ياخدني نروح اليوم
عامر: كنك عليش ي خالتي تحسي ف حاجه تبي حاجه؟
فاطمه: لا والله ما نبي حاجه لكن قلت نروح اليوم نشوف العيال ما نندري عليهم يتغدو و لا يتعشو نبرم عليهم و نشوف الحوش و بكره نجيكم
عامر:والله مانك متحركه ي خالتي ، ع اساس الشباب صغيرين هما و بعدين خليهم يجو هنا حوش خالتهم
فاطمه: ماهو شغل كان هكي والله جو عارفهم انت
عامر: حاضر ي خالتي مش تبيهم يتغدو و يتعشو توا نكلمهم يجو يتغدو و يتعشو معانا
فاطمه: باهي تمام، خلاص امالا عطيني نكلم علي نبي يجيبلي كم حاجه م الحوش
عامر: حاضر هي توا نجيب الفون و نعطيك تكلميه
هبه: ف سرها فرحانه بكل ان مسكهم عامر و ماخلاهمش يروحو، باديه تحبه بكل

*****************

محمود: امي ي أمي ي أمي اين انتي
مريم: غمآمه تغمك قهرتني ، نعم
محمود: كنك ي أمي وبدا يبوس ع يدها و راسها الله الله راك تنسيني ف الجنه راني رضي والدين انا
مريم: غير خطاني بلا طروحك راه نحلف ما تخشها الجنه
محمود: صدقتي روحك ي أمي تحسابيها دارك عاد انتي لي تحلفي، صح الجنه تحت اقدام الامهات لكن ما قالوش المفاتيح ف يدهن صح و لا ي هبه
هبه: تضحك ههههه صح
مريم: ههههه ههه عطك الخير و انت ضروري كل حاجه تلقالها حل
عامر: باهي هيا خلاص صبي خش المربوعة و انت م الصبح تضحك
مريم: ايوه خوده ي عامر فكني منه هالشيطان
محمود: منوره ي أمي منوره ي خبزه مدوره
مريم: ع من خبزه مدوره ترا فهمني
محمود: مش عليك و ربي ما عليك معقوله انتي خبزه مدوره انتي جبنه مثلثات زي الباربي ي أحلي ام ف العالم كله
مريم: ايوه نحساب
هبه و غفران و سميه يضحكن م جدهن غفران: نعنجد كلامه بكل عسل ي خيه
سميه: مش متخيله ان لما يكبر يعقل أو يجوز لان هدا ام التفااااهه
هبه: بالعكس توا يعقل نحس في غير هكي بس
سميه: ما اعتقدش الحق هدا شكل واحد يعقل مستحيل 😂

******************

جاء الصبح و كل واحد ماحوتك تحرك م مكانه م تعب الرقص و الحوسه متاع الرمي و كالعاده خش محمود نوضهم و حركهم بصوته و كلامه
سليمه: صباح الخير ي إزعاج
محمود: عمتي الغالية ، إزعاج شني ي مسكينة تي س 9 توا خلاص ظهر مزال علي ساعه
سليمه: حرام عليك اتقول عندنا مدرسه عليش منوضنا بصوتك م توا
محمود: ي عمتي انتي عزوز مفروض واعيه م س7 نعرف العزايز ف المناسبات ينوضن اول وحدات صح و لا ي خالتي
فاطمه: صح صدقت
محمود: ي حليلي م خالتي و خلاص ، و شاف ل هبه و قاللها صباح التفاح يلي وين نشوفك نرتاح بصوت هادي
هبه: شافتله و ابتسمت صباح الورد
مريم: هيا هي صبي امشي لبوك خلي يبعتك للمحل تجيب حاجات كلمته عليهم م امس هي سادك رغغي و نفاخ
محمود: كل ما تشوفي وجي تقولي محلاات ، تم حاضر ي أمي و هو طالع ياربي جوزني و ديرلي جو معش نبي نعيش مع أمي بصوت عالي
ايمان: مجنون و ربي امتي يعقل ماني عارفه
زيزو: لا لا اطمني مش ح يعقل م هو صغير و نقولو توا يكبر يعقل لا عقل لا ريحنا 😂
عائشه: خلو ي خيه توا يعقل و راسكم و يقعد ماشاء الله عليه