طفولتي المشتتة

8

‏اليوم وكل يوم عبارة عن نسخة رديئة جداً من الأمس والغد.

**********************************

صحيت ريم الصبح وبكل نشاط كانت فرحانه خلاص خلال هذا
الاسبوع رح تشوف امها سعادتها لا توصف
دخلت ميري ووضعت الفطور على الطاوله وكانت مستغربه من سعادة
ريم اول مرة تشوفها مبسوطها طول السنين للي مضت
تقدمت ريم لتناول فطورها ونفسيتها مفتوحه للاكل
هل يا ترى ستدوم سعادتها ؟
قبل ما تنزل من السيارة : وعد ما اتأخر عليك بس امهلني نصف
ساعة وأكون عندك
حمد تنهد : يالله انتظرك بس لا تتاخرین عشان نلحق عالطيارة
هزت راسها بالموافقة ونزلت من السيارة وهي تحمل کيس في يدها
دخلت على بيت نايف بعد ما دخلتها الخادمه
دخلت كانت ساميا جالسة في الصاله تلاعب بسيف ردت الهنوف
السلام
قامت سامیا بابتسامة : هلا والله تو ما نورت
الهنوف : الله يحييك
وجلست على الكنب وبعد السؤال عن الحال والاحوال تكلمت الهنوف
بتردد : وين ريم ؟
سامیا ببرود : فوق بغرفتها
وقفت الهنوف : بعد إذنك ودي اطلع اسلم عليها قبل السفر
ساميا : إذا تحبين اناديها لك هنا ما في مشكله
اشرت الهنوف بیدها : لا انا بطلع لعندها
نادت ساميا على ميري لحتى تدل الهنوف على غرفة ريم ورجعت
مكانها تلعب سيف
مشيت خلف ميري حتى وصلنا لغرفتها اشرت میري على باب الغرفه
وانصرفت
تنهدت وطقيت الباب ما سمعت لها صوت فتحت الباب ما أنكر اني
تضايقت لما شفت غرفتها كانت جالسه عند الشباك وسارحه بخيالها
حتى ما انتبهت على دخولي
ناديتها بهدوء : ريييم
التفت وقالت : میر
وسكتت وكانها تفاجئت بوجودي
ابتسمت لها بحنان : تعالي ريم
تقدمت بهدوء سلمت عليها وجلسنا على السرير : کيفك ريم
ردت بابتسامة جميله : بخير
الهنوف مسكت الكيس وناولتها نظرت لي بحيره وتساؤل جاوبتها قبل
ما تسأل : هذي هديه مني لك إذا رفضتيها ازعل منك
تناولتها بلطف ووضعتها بجانبها
مسكت يدها بحنان : انا زعلانة منك يا ريوم
ريم ببراءة : ليه زعلت مني انا ما رفضت هديتك
تكلمت معها وانا ناوي انبها على بعض الامور لاني متأكدة ما في
حد يعلمها الصح من الخطأ : زعلانه منك ليه تركبين مع ذاك الشاب
البارحه ما تعرفين انهم يسرقون الاطفال ؟!
ريم بهدوء : اعرف الابله خبرتنا
الهنوف باستنكار : تعرفين ؟؟!! ليه تركبين دامك تعرفين ؟
ريم بحزن عميق رفعت راسها ونظرت الهنوف بانکسار : عشان يقتلني
ويريحني من حياتي وامتلت عيونها دموع
حضنتها الهنوف بحنيه : يا حبيبتي ما يصير كذا الحين بتفكرين كل
الناس سعيده بالعكس في ناس كثیر محرومه في اطفال ما يلاقون
القمة خبز ياكلونها في ناس يطقون من الحر ما عندهم مكيفات وفي
ناس بالمستشفى مريضين ما يقدرون يلعبون ويحسون بالالم انت ما
شاء الله عايشة في بيت وسيع وتاكلين احسن الاكل وجسمك سليم
لازم تقولين الحمد لله
تعرفين انه في اطفال كثير مشللولين وما يشوفون انت تخيلي طفل
ما يقدر يروح ويلعب حتى المدرسة صعب يروح لها !!!
وبعدين ليه تقتلين نفسك ما تعرفين انه الانتحار حرام وفي بعض
ناس اغبياء اذا واجهتم مشكله ينتحرون !! تعرفين انه عقابهم عند
ربنا النار ؟!!
بتحبين تدخلين النار ؟
هزت ريم راسها بالرفض
مسحت الهنوف على راسها : شطورة ما ودي هذي السالفة تتكرر وعد
هزت ريم راسها ببراءة : وعد
الهنوف بتشجيع : ايوه كوني كذا قويه
ريم : يعني الحين راضيه مو زعلانه ؟
الهنوف وهي ناويه تعطيها دروس بالادب بشكل غير مباشر : لا بعدني زعلانه منك شوي
ريم : ليه بعدك زعلانه خلص وعدتك ما اكررها
الهنوف : انا زعلانة منك لانك تغلطين على الاكبر منك ليه كذا يا ريم
تشتمين الكبار وما تحترمينهم
نزلت راسها ريم ما عندها إجابة
رفعت الهنوف راس ريم : لا تنزلين راسك خلي راسك دايما مرفوع
وكملت بحنان تعرفي انه الرسول نهانا عن الشتم والسب واللعن ما
يجوز تشتمین حد وبعدين للي يشتم الناس يوم القيامه كل اللي
شتمتيهم ياخذون حسناتك وتبقين بدون حسنات وبعدها حتروحين
النار لانه ما معك حسنات يعني بتحبين يوم القيامه تدخلين النار ؟
هزت ريم راسها بالرفض : بس الناس يغلطون على
اكملت الهنوف خلهم يغلطون ويوم القيامة بتاخذين من حسناتهم
وبعدين الرسول قدوتنا ما كان يشتم حد
والبنت المؤدبة للي ما تشتم حد وتحترم الناس عشان يحبونها
ويقولون عنها هذي بنت مؤدبه اما اذا كانت تشتم الناس يعيبونها
صح ؟
هزت راسها بالموافقة : وسألت ببراءة
طيب ليه ابو سيف دايما يشتم ويلعن يعني الكبير عادي يشتم ؟!
تنهدت الهنوف وبداخلها هاذي المشكله لما الطفل يشوف للي حوله
كلهم يشتمون ويلعنون
البيئة تؤثر باخلاق الاطفال وهي من اهم اسباب سوء اخلاق الاطفال
لما يشوفون الام والاب يشتم ويلعن اكيد رح يقلدهم نظرت لريم
واكملت : لا يا ريم الكبير ما يصير يلعن ويشتم وبعدين انت قدوتك
الرسول والا ابو سيف ؟
ريم بدون تردد: الرسول قدوتي
الهنوف وهي تنظر لساعتها تأخرت على حمد: احسنتي الرسول
قدوتك والحين ابغى منك وعد ما تغلطين على الاكبر منك
كانت ريم ودها تتكلم بس قطعها فتحت الباب
نايف بسخريه : اشك بعقلك يا الهنوف متأخرة على زوجك عشان
تقعدين مع هاذي واشر بسخرية على ريم
واكمل كلامه :وكمان تنتظرين منها وعد ما تغلط وضحك بسخريه
هاذي واشر على ريم عمرها ما رح تنعدل وخاصة لسانها لانه اللسان
الطويل وش يقصره غير القص اما سوالفك ونصايحك يالهنوف نكته
وبامر يالله قومي زوجك معصب عليك لانه تاخر وبسخريه يالمربيه
يالله قومي
وقفت الهنوف بعصبية : حرام تكون اب ما حد بيضيع البنت غيرك
نايف بتطنيش : لا تحرمين على كيفك ويالله بسرعة لانه زوجك
معصب ومسكها من يدها وسحبها خارج الغرفة
نفضت يدها الهنوف وناظرته باستحقار ونزلت بدون اي كلمه
استند على الجدار لعدة دقايق وبعدها توجه لجناحه ليرتاح وهو عازم
على انه يخلي ريم تكرهه لوحده .
ليش نايف وده ريم تبقى تحمل له مشاعر الكره ؟!
كانت جالسه وما تحركت مو قادره تستوعب الموقف ليه نايف يعاملها
كذا ؟ طيب هي ما شتمته ولا آذته ليه كل الناس يكرهونها ومسحت
دموعها وتذكرت الهنوف وهديتها مسكت الكيس واخرجت الهدية
وفتحتها كانت دمية جميلة جدا صارت دموعها تنزل وهي تجهل
السبب هل من كلام نايف بتبكي او لانها خايفه نایف ما يفي بوعده او
لانها اول مرة بتمسك لعبه
حظنت اللعبة والقت نفسها بعشوائيه على السرير ودموعها على
خدودها
بعد مرور
ساعات
دخلت ميري غرفتها لقتها نايمه وحاضنه اللعبة ووجها أثار
بکی ... حملتها وحطتها على السرير وغطتها وخرجت وتركت ريم
باحلامها
كانت تجلس ریم كعادتها من لما تصحى تجلس عند الشباك حفظت
كل الاماكن اللي بتشوفها من الشباك ومع إنه ما زالت عطلة العيد لكنها
ما كانت تطلع من غرفتها
كانت تفضل الجلوس بغرفتها خوف إنها تنسي نفسها وتشتم نايف
ويمنعها من زيارة امها
وبنفس الوقت كلما تدخل ميري غرفتها تفرح يمكن نايف ارسلها حتى
تجهز نفسها لكنها كل مرة يكون توقعها غلط .....*
*
*
*
مرت ايام عطلة العيد بسرعة وما ارسل نايف بطلب ريم واليوم عندها
دوام بالمدرسة قامت من السرير بعد ما صحتها ميري جهزت نفسها
بسرعة وبدون تناول فطورها لعلها تلحق نايف قبل ما يطلع وتساله
عن وعده