بالمكتب جلس الحاضرين وبعدها بدقايق دخل خالد المكتب وكان الهدوء سيد الموقف
جلس خالد بهدوء جنب ابوه فيصل وناظر جده للي كان يناظر الورق للي قدامه
تنهد الجد وبعدها
رفع راسه بهدوء ووزع نظره بين الحاضرين وتكلم بهدوء وهو يحدد نظره على الاربعه :
ممكن اعرف سبب هاذي السخافه للي عملتوها مع الرجال
بدر بنرفزه : لو انه رجال كان طلق ريم ومو يشتكي لك مثل الحريم كان واجهنا قاطعه الجد بعصبية : انت اسكت ولما اسمح لك تتكلم وقتها تكلم وبحزم من متى هاذي المرجله بالفعل انه تفكيرك تفكير بزر
ناظره نایف بقهر كيف يلفظ اسم بنته بالسهوله هاذي وقدامه كتم غيضه وناظر ابوه يشوف وش اخر هاذي المهزله
الجد بحده ناظر نواف : ممكن تتكلم وتقول سبب هاذي السخافه
نواف ناظر اعمامه وبعدها ناظر جده بعد ما اخذ نفس وهو يرتب الكلام : الصراحه انا
اعترف انا اخطينا يوم هددنا زياد المفروض فكرنا بطريقة ثانيه انه يطلق قاطعه نايف بقهر وعيونه يتطاير منها الشرار : وانت وش عليك حتى تطلقها وش دخلك
بينتي وبحزم انا ساكت احترام لابوي وقسم بالله اذا دخلتم نفسكم ببنتي لتندمون واعطاه
نظره قویه
سليمان وقف بعصبيه : وقسم بالله ما يتزوجها وعلى جثتي
وقف نايف وهو ثاير : انت ما لك دخل فاهم ورفع اصبعه بتهديد
وقف صقر وفرق بينهم جلس نايف وهو يعطي الشباب نظرات ناريه
الجد بعصبية ناظر الشباب : اعتقد اني قبل ما املك عليها
سألتكم وشاورتكم اذا حد منكم وده يملك عليها
وبقهر
كلكم رفضتم
وبصراخ
والحين لما ملكت البنت ودكم تطلقونها
خفف الجد عصبيته وبحزم
اعطوني سبب واحد لسخافتكم هاذي
سلیمان ببرود : بنت عمنا ما تطلع غريبه اولاد عمي اولى بها
عمر بجديه : طلقها من زياد وانا مستعد املك عليها
ناظره بدر بتحدي : تخسى تملك عليها لانها من نصيبي فاهم
وقف بعصبيه واعطى بدر بوكس على وجهه
حط بدریده مكان البوكس وتحسس دم خفيف من انفه وجن جنونه وهجم على عمر وهو
يصرخ : والله ما تتزوجها
بعدوهم عن بعض وجلس كل واحد بجهه وكل واحد يناظر الثاني نظرات كره
أنت تقرأ
طفولتي المشتتة
Roman d'amourوقفت باب بيت اهلها مترددة تطق الباب وألا فين تروح ما في مكان تلجئ ليه غير اهلها بعد ما طلقها زوجها وسرحت بخيالها لما عاندت اهلها واخذت زوجها بالسر وهربت معه بدون علمهم صحاها من سرحانها بنتها الي بحضنها وهي تبكي ابنتها الي لم يتجاوز عمرها شهر لم تقد...
