طفولتي المشتتة

2

مر الاسبوع على ريم كان هادئ لا يحمل سوى معاناة طفلة قتلت روحها الوحده وصنعت منها طفلة مشبعة بمشاعر الكره للمكان وأهله لا يوجد في قلبها مصطلح كلمة الحب!! لقائها بنايف الاسبوع الماضي طمس مشاعرها وحولها لمشاعر كره لمن حولها حتى ميري صارت تكرها وما تثق فيها لانها عاتبتها على طول لسانها فصارت بنظرها عدوتها طول الاسبوع الماضي امضت وقتها لوحدها وما كلمت ميري ابد طول نهارها جالسة عند الشباك ساكته تكتم الحقد والكراهية بقلبها لمن حولها إلا شخص واحد تذكر خيالات من صورته ما تقدر تستحضر صورتها لانها تركتها وهي صغيره
أمها هي الوحيده للي تحمل لها مشاعر الحب والحنين لها ولكن هل سيأتي يوم وتلتقي فيها ؟!
دخلت ميري على الغرفه شافتها على حالها من الأسبوع الماضي ما تتكلم بس تناظر الشباك تنهدت على حال هالطفله العنيده والملسونه
ميري بهدوء وضعت الأغراض على السرير : تعال شوف أغراض المدرسة عشان انت بكره تروح على المدرسه
ريما نظرت لميري نظرة حزن ولوم ورجعت تناظر خارج الشباك وهي ساكته
ميري هزت رأسها بقلة حيلة وخرجت من الغرفه
ريم بعد خروجها وقفت واتجهت للسرير مسكت الأغراض تشوفهن كان ملابس للمدرسه وحقيبه مدرسه وبعض دفاتر وقلم........ تركتهن واتجهت لسريرها للنوم لعلها تنسى بعض احزانها وقهرها .

كنت جالس بالصالة انا وساميا نشرب قهوة وسلمى تتدلع على ساميا ودها تروح على الملاهي وساميا رافضه قطعا توديها ازعجتني وانا راسي بيوجعني من ضغط العمل فتدخلت حتى أنهي هالنقاش للي سطل راسي
نايف بهدوء : خلص بابا بعد صلاة العشاء انا اوديك
ساميا باعتراض وحزم : انا قلت لا
نايف : طيب خليها تروح وين المشكلة؟!
ساميا : بكره عندها روضة لازم تنام مبكر
سلمى لوت بوزها باعتراض وبدت سيل الدموع
ضحك نايف على شكلها من قلبه
نايف وهو يضحك : يا روح بابا خلص لاتبكي ووجه كلامه لساميا ما رح نتأخر صح بابا ووجه نظره لسلمى وهو يبتسم
ساميا مو عاجبها الكلام : ساعه بتكون بغرفتها ووجهت نظرها لسلمى فاهمه
سلمى بابتسامة نصر : فاهمه وطارت ركض للخدامه لحتى تجهزها للطلعه
نايف كنت اراقبها وهي تركض وتنادي الخدامة مستعجله خايفه يضيع الوقت عليها قعدت اضحك على خبالها ونظرت لساميا للي مو عاجبها
نايف : أي ساعه دوام سلمى بالروضة
ساميا : لو مهتم كان ما رضيت توديها
نايف : خليها تغير جو بكره الروضه وضغط دراسه واجبات رح يكون عليها تابع استفساره عن سلمى
اشترت سلمى حاجيات الروضة؟
ساميا : لا تخاف هاذي جنيه ما تروح عليها رايحه اشترت من المكتبة كل الأنواع ما خلت شي إلا اشترته ولو تشوف كيف عملت عرس لاني أخذت منها قلم وكم دفتر وارسلتهن مع الخدامه لريم مع أنها عدها أقلام أشكال والوان
نايف بضيق : اففففف ضيقتي خلقي بذكر هالمخلوقه شكثر كرهي لها لسانها طويل أعوذ بالله كنت ناوي خلص اذبحها واتخلص منها بس صقر منعنا الله يسامحه
ساميا : يعني تذبحها وتنطق بالسجن انت وش استفدنا!!! خليها تنطق بغرفتها وما تتحمل اثمها
نايف : يصير خير مشكلتي بسرعه اعصب وما اقدر اضبط أعصابي
قطع كلامه
سلمى : انا زاهزه(جاهزه)
نايف بضيق خلق : يالله مع السلامه
خرج وهو يمسك بيد سلمى متوجه للملاهي ناسي انه في طفله في هالبيت لها حق عليه مثلها مثل اخوانها نسي أنه في طفله انحرمت من طفولتها ومن أبسط حقوقها طفله يتيمه بس اهلها عايشين ! كره نايف لأمها وأهل أمها اعماه أنها ابنته من لحمه ودمه وما لها ذنب!!!!!!