"مرقت فضوا ليها الساحة..
دي العروس وسمحة سماحة..
قادر ربنا السواها..
دي العروس وسمحة سماحة..
مرقت في الرقيص تتنى..
دي العروس وسمحة سماحة..
مرقت وخايلة فوق الحلة..
دي العروس وسمحة سماحة..
كل الناس دي فرحت ليها..
يا رب العباد تتهنى..
دي العروس وسمحة سماحة"..
هكذا كانت النسوة يتغنين في الخارج، بينما في الداخل تجلس ايناس والتوتر يتأكلها، رغم كل ذلك بدت كملكة ستتوج على العرش، بثوبها السوداني الاحمر الزخرف بخرزات ذهبية لامعة، ومستحضرات التجميل الموضوعة ببراعة على وجهها، بينما زين رأسها ب"الجدلة" السودانية المعروفة، و زينت كلتا يداها ومعصمها بالذهب، كذلك ارتدت خلاخل ذهبية في كلا قدميها، وصندل ذو كعب باللون ذهبي..
(طبعا بصراحة انا بحب البلدي اكتر من الزفاف🌚♥العروس بتلبس فستان بجوة احمر قصير وبفوق توب لونه احمــــــــــــــر وفيه تشكيلة بالدهبي♥♥وطبعا للم بعرف الجدلة🐸الجدلة دي زي الطاقية كده بس لونها دهبي وفيها خروم خروم وفيها حاجات نازلة زي السلسل العادي🌝❤طبعا عندي شك كبير انه م في زول فهم🌚💔الم فهم بشرح ليهو في الكومنت🌚👇ومع الجدلة دي بجي طقم،،بتكون من اساور كبيرة بتتلبس فوق الكوع بشوية،، واساور في اليد وخاتمين غير الدبلة وخلخالين في القدمين وحلق وسلسل عادي كلهم بالدهبي♡♡♡♡♡،،، وتاني في القرمصيص بتلبس زي طرحة الزفاف، بغطوا بيه وش العروس،،، تقريباً كده ده كله البتلبسه الا لو في عادات مختلفة تاني حسب القبيلة والمنطقة،، الم فهم ارسل طوالي كومنت☺️👇وانا مستعدة اشرح في المنصة،،،نبهوني لو شيء ناقص)..
كانت كلاً من ميسون وغرام، معاها في الغرفة، كلتاهما مزينتين بفستان بيجي، عليه معطف خفيف من قماش ال'قرمصيص'، وحزام على شكل زهرة من ال'قرمصيص' ايضاً، وترتديان حجاباً من لون البيج مخلوط ببعض الاحمر، تضع كلاً منهما احمر شفاه وكحل على العين، لكن رغم بساطتهما الا انهما كانتا رائعتي الجمال، بل واكثر!..
كانت ميسون تتلاعب باعصاب ايناس المتوترة قائلة بمشاكسة ومكر:
-عارفة يا ايناس انا بس خايفة من شيء واحد، يعني حسب الفهمته راجلك ده اخر مرة شافك قبل خمسة سنين، يعني عادي اول م يشوفك انخلع واطرشق العرس..
ضربتها غرام على ذراعها ناظرة لها بلوم، لتنظر لايناس التي ارتجفت من ذاك التخيل، قائلة لها لتطمئن:
-لو كان همه الشكل م كان صبر خمسة سنين، عادي في دليشون بت سمحة، هو بعد الخمسة سنين جاهد عشان اصل لك، م تشتغلي بميسون دي، ده حقد بايرات منها ساي..
(بايرة يعني م متزوجة🌚🐸😹💔)..
قبل ان تطمئن لكلام غرام، علت الزغاريد، لتنبأ عن قدوم العريس لاخراجها، لتسرع ميسون بجلب قماش'القرمصيص'، وتدثر ايناس به، لتغطي نصف وجهها وينزل بسلاسة على ثوبها، لتبدو كاميرة مجهولة بالفعل!..
