كرونيك:💔 ما_ذنبي💔

05

الحلقة 5
وزيد تتبلى على خلق كلب مصعور ولات
ريييم : أطلقني معند مقودك فيا لا انت لا هدا و شرة بصبعها و بنظرة قرف لفارس
فارس عينيه شعلو نار و نحي سنتير من سروال و هجم عليها مخلالها حتى طبة صحيحة طارق غاضتوا مي مقدرش يدخل و من بعد كي شافها راح تموت بين يديه زرب نحاهالو و تشوكا كي شاف ريم مهيش تبكي حملة ألم راجل محال يحملو و منزلتش دموعها قدمهم
طارق: ريم اكي سفا؟ اهدري معايا؟
ريم : تقتل الميت و تمشي في جنزتوا هههه نفاق.
بعد ايام قرب دخول مدرسي و كان اول عام لريم معندها حتى فكرة على لقريا تشوف فارس كيفاش يشري لولادو ادوات و قش و كل خير و هي طبعا واحد ميتفكرها و زيد من نهار حكاية برا قفل عليها طاقة بكدنا و شدد عليها حراسة في ليلة دخول مدرسي دخلت امينة لبيت ريم لقاتها طل على طاقة
امينة: ريم هدوا حوايجك شريتهملك باش غدوة تروحي تقراي ؟
ريم: وش نقرا هدي؟
امينة : منك بصح متعرفيش درك نفهمك قاطعها صوت فارس يعيط : أمييينة بعتك ترملها حويجها و لا تحكي معاها انزليييي .
ريم بصوت واطي :كلببب نكرهوااا
امينة : بصوت واطي اشت عيب و كون يسمعك تخلى باي ارقدي مليح غدوة نوضك بكري.
فارس : أمينة هدي اخر مرة نلقاك تهدري معاها متلعبيهاش ناس ملاح كي طلقة احلام 3ايام تزوجتك وفرحتي نورمال
امينة:واش دخل هدي في هذي دكور بخي بنتك كون نشوفها تموت مندخلش دكور؟
غدوة صباح ناضت ريم لبست قشها بإهمال و لبست طبليا و كرطابل و شعرها مكشرد و جات نازلت لقتهم يفطرو؟
رشا : بابا تروح في طاكسي هذي معانا؟
فارس:هههه متخفيش زينة تاعي اصلا محطتكمش في نفس مدرسة هيا يدها سواق و انتي و ختك تروحوا معاي وان عندي غيركم
ريم في قلبها ( كون بابا مزالو حي كون او يعامل فيا كيف رشا ااه زهر ) جات نايضة مكلات والو و مكانش اصلا ليقولها كول