كرونيك:💔 ما_ذنبي💔

20

الحلقة 20:
العرس. خرجت ريم و كانت لابسة سروال جين و ليكات نواغ ومع شوي مكياج جات هايلة لقات عماد يستنى فيها قدام باب بطكسي.
عماد في قلبو (سبحان ربي لخلقها تهبل و زيد شخصيتها قوية كيما حلمت لقيت): ريم كيما انتي كان عندك شروط و قبلتهم حتى انا عندي شروط
ريم: مدامك قبلت بشرطي تسمى كلش نورمال
عماد: أول شرط نعيشوا وحدنا في دار بإجار و تعيشي بدرهمي و على قدي و علبالك بلي مزلني نقرا و زيد عرس منديرش نجي نديك طول واش قلتي.
ريم: قابلت معندي حتى مشكل مدامك راح تعملني بإحترام و تخليني نقرا خلاص مكنش مشكل.
تحدد عرس ريم بعد شهر كانت رشا تجهز شرات دنيا كاملة و ريم طبة مشرتها محال تقبل صدقة مهرها لكان قليل خلاص شرات بيه شوي قش دار و قش خروج و خلاص. قتلها مرت ناصر نجهزلك مي ريم كرمتها متسمحلهاش.
فارس : ريم هزي كابتك و روحي راجلك يستنى برت
ريم: عرس مزالو 10 أيام؟؟؟
فارس: شكون راح يندب عليك و يجيك قودي من داري ديجا حملتك بزاف .
ريم: مرسي على كل حال كون مجاش خايفة من ربي كون رديتلك مي الله غالب.
خرجت ريم من دار تكرر في رجليها حست بإهانة ركبت مع عماد مفقتش بروحا بدات تبكي بشهقة مقدرتش تحمل.
عماد: ريم علاه تبكي على عرس كي مدرتلكش؟
ريم وهي تبكي : أخر همي عرس
عماد : لكان راكي خايفة مني قوليلي ؟
ريم: هههههههه نخاف هههه قلب هذا (وشرة لقلبها) خلاص برد ولا ميحسش.
نرجعوا عند اهل فارس كي فاقوا بلي ريم راحت طارف و ناصر معجبهمش حال
ناصر؛ علااااااه علااااااه ديما متهور علااه بنتلك قهرتها هكذا نوااا راك غالط راك قللت من قدرنا قدام الناس علااااه مخلي لحقد يعمي عينيك .
جدها: خلاص ناصر لصرا صرا ألمهم تهنينا منها
ناصر خرج و قلهم يجي نهار و تندموا على واش درتوا فيها و كون جا سيف حي محال يخليكم ديروا هكذا راكم