كرونيك:💔 ما_ذنبي💔

11

الحلقة 11:
طلعوا مخطوفين لقاو عمها جلال منحي كابل تاع تريسيتي و يضرب فيها و هيا تبكي و مغطيا وجها .
جدها : جلاااااااال نحي يدك منها
جلال ولا يلهت كي كلب : والله نربيها لكلبة هدي تضرب بنتي.
طارق : بصح ام بنات في بعضاهم كون قلت لبابا وهو حل مشكل
جدها: شاف فيه و قالو اول و أخر مرة تمد يدك عليها كشم درتلك قولي
جلال: خص غير بنت عاهرة ندرلها حساب
ريم كان لحمها كامل بدم: توصل لماما و تحبس يا خامج
جدها: ريييييم عيب
ريم: ريييم ريم ريم ... كرهتوني مكمش نتوما برك لتكرهوني انا كون جا موت تتشرى اني شريت قدكم و تهنيت مكمش حبيني طيشوني لشارع ولا ردوني لماما و طلعت تجري لبيتها و قفلت عليها باب.
بعد 3 ايام كانت جمعة عايلة كامل ملمومة جدهم: ريم مزلت مخرجتش من بيتها 3 أيام لا مكلة لا شراب روحو جيبولي لمفتاح تاعها
طلع جدها لقاها رقدت فارض و بسخانة راح تموت زرب عيط لولادو باه يدوها لسبيطار
دها طارق و ناصر و فارس لحق قلهم طبيب لزمها تبقى على أقل يومين .
فليل حلت عينيها سمعت فرمليا تقول عندها 3 ايام هنا واحد مجا طول عليها وقيلا طيشوها . ريم غضتها روحا ولات تبكي على زهرها وش صاري فيها عايشت ليتم و ولديها حيين معلبلهاش بذنبها واش غير انها بنت أحلام تفكرت مها توحشت حنانتها عندها عوام مشفتهاش ولات ناضت بسيف بعد ضرب لتعرضتلوا و خرجت من سبيطار مشيا معلبلهاش وين تروح المهم مترجعلهمش بعد مشية ليلة كاملة لقات واحد قاعد يقولها ارواحي وحال لباب تاع طاكسي جات راح تركب جبدها راجل كان راجل عمتها هند و معاه عمتها سلكوها على شعرة.
هند: ريم واشبيك مهبولة تركبي معا واحد متعرفيهش . علابلك واش يديرلك؟
ريم: هيه علابلي يخطفني و يقتلني و يبعني أعضاء بشرية و نموت و نروح عند ربي نشكيلو منهم يخدلي حقي منهم كامل غير ربي