كرونيك:💔 ما_ذنبي💔

25

الحلقة 25
إسلام يحلف و يقلهم جامي شفتها من نهار راحت ولايحلف بمصحف باه يصدقوه و لا عماد يحكي واش صرالهم كي راحوا ( عشنا انا و ريم احلى شهورة كونا نروحوا نقراو كيف كيف و كي تغلب نقعدوا فأرض خاطر كرش تعبتها كنت نتوحشها نخرج نطل عليها و هي تقرا و فدار نعونها في شغل دار و كي توحشني تقولي أرواح قريني اني مفهمتش و كونا نخمموا بيبي وين نحطوه سع قلنا نمدوه لجرتنا مرا كبيرة هي و بنتها يحكموه خاطر يحبوا ريم حبيتها كتر من روحي و في يوم قررت ندير مشروع صغير نعيشوا منوا حتى نكملوا لقراية سلفت من عند واحد صوارد فات شهر راح شكا بيا لابوليس حكموني يمات قتلهم نخرج نجبلهم صوردهم كنت راح نجيبها عندكم و نرجع نحمل لحبس على روحي ألمهم نطمن عليها و كي رجعت كانت صدمة قاتلي وحدة من جيرنا بلي جا راجل يبان لباس بيه عنقتوا و ركبت معاه فطكسي وراحت) سقسيت عليها من بعيد قالولي مرجعتش لداهم وين تكون راحت ؟ وشكون لراحت معاه؟ راااح نهبل
طارق عمها نوض نروحوا وين كنتوا تسكنوا نسقسيو مليح
طارق طبطب على لساكن فدار لكانوا سكنين فيها من قبل : خويا تعيش راح نسقسيوك متعرفش لكانو كرين قبلك وين راحو؟
راجل: لا خويا و انا شريت دار تقريبا من 5 سنين
عماد: متشفاش وكتاه شرتها و وكتاه سكنتها
راجل: استنى نجيبلك العقد
عماد عرف بلي نهار لخرجت فية ريم هوا نهار لسكن فيه راجل عماد ببرا شاف واحد يعرفوا سقساه على ريم و قالو بلي مولا دار خرجها فليل هي و امرا لكبيرة و بنتها راح عماد طبطب على مرا لقتلو بلي راحت مع راجل ناضت تبكي و قاتلو سمحني كنت نكذب عليك و غيرة تعمي ريم راحت مع خلتي نورة و بنتها.
نروحوا عند ريم
كانت راقدة فأرض و تتوجع خالتي نورة يابنتي احملي و صبري ريم: هههه مرض نحملوا خاطر تاع ربي من ضربة لعبد لمتحملش