قصة : { #ظروف_معنداني } 💔❌
الحلقة الخامسة عشر { ١٥ } 🔕
فارس بخضة : حاتم عمل كدة !!
المدرب : ايوة ، انا قلت لازم اقولك عشان تبقا عارف انت هتلعب مع مين
فارس : تمام !
( يقفل فارس مع المدرب ، يتصل فارس ب حاتم مبيردش ، ييجي الليل ، فارس ف اوضة الچيم بيتمرن ، تدخل مروة )
مروة : عامل ايه ؟
فارس وهو بيضرب ف كيس الملاكمة بعنف : تمام
مروة ب استغراب : انت كويس ؟!
فارس وهو بيضرب : اممممم
مروة : حساك متضايق ، انت ليه بتضرب جامد كدة ؟!
( مبيردش ومش مبطل ضرب )
مروة بعدم ارتياح : فارس ايدك !
( يقف فارس ويلف حوالين نفسه باصص ل فوق عمال يتنفس بسرعة )
مروة وهي بتمسك ايده : فيك ايه ؟!
فارس : مافيش حاجة
مروة : انت متضايق من حاجة ، في حاجة مخبيها عني ؟!
( يسيب فارس ايد مروة ومسك مشها ب ايده الأتنين )
فارس : لأ ، انا بس جوايا حاجات بطلعها ف التمرين ، متقلقيش
مروة : ايوة ايه بقا الي جواك ؟
( تدمع عيونه ، يبعد عنها ويحط ايده ع دماغه ويديها ضهره ، بس مروة تشوف دموعه ، تقرب عليه وتحضنه من ضهره )
مروة بحزن : بالله عليك اياً كان الي مضايقك مش عاوزة اشوفك زعلان ، هتتحل إن شاء الله ، عشان خاطري متزعلش وحياتي عندك
( يلف فارس ويحضنها ويبتسملها بحب )
مروة : متشلش هم انا معاك
فارس بحب : والله الي مصبرني إنك معايا
مروة : اتفقنا لحد اخر يوم ف عمري
فارس : يعني مش هترجعي ف كلامك وتقولي كلام عيال ؟
مروة : مستحييييل !
فارس وهو بيحضنها : ربنا م يحرمني منك ابداً
مروة : ولا منك
فارس : يلا اطلعي نامي الوقت اتأخر
مروة : وانت ؟
فارس : هتمرن شوية وبعدين اطلع
مروة : خلاص هتمرن معاك
فارس : هههههه ي ماما انتي اخرك بوكس يبيتك ف الأنعاش
مروة : اخس عليك دة انا جامدة اوي واعجبك !
فارس : ي عم انت عاجبني من غير اي حاجة والله
مروة بكسوف : خلاص هقعد اتفرج
( تقعد مروة ع كرسي )
فارس : ايوة ارجعي ف كلامك كالعادة اهو
مروة وهي بتقوم : متستفزنيش
فارس : خلاص هدي عضلاتك بس
( تقعد مروة تتفرج ع فارس ، تمر ساعة ، فارس بيتمرن ، يبص يلاقي مروة نامت ع الكرسي ، يوقف تمرين ويشيلها يدخلها اوضتها ، ينيمها ويغطيها ويطلع اوضته ياخد دش ، يطلع يمسك الفون يتصل ب حاتم قبل م ينام يلاقي فونه مقفول ، يتنهد ويسيب الفون وينام ، يطلع الصبح ، يقوم فارس يلبس وينزل ، تشوفه مروة ، تقرب عليه )
مروة : رايح فين ؟
فارس : رايح النادي هكمل تمرين هناك لحد الماتش م يبدأ بالليل
مروة : اوك خلي بالك من نفسك ، هشوفك بالليل
فارس وهو بيبوس دماغها : اوك
( يمشي فارس ، يوصل النادي ويدخل اوضة اللبس )
فارس : هو حاتم مجاش ؟
الشباب : لا مجاش
فارس : اوك !
( يقعد فارس متوتر ودماغه مشغولة بالتفكير ، يقوم يغير هدومه ويبدأ يتمرن بيحاول يلهي نفسه عن التفكير ، ييجي الليل ، قبل المباراه بعشر دقايق ، فارس ف التويليت واقف قدام الحوض ، يدخل حاتم ، يبصله فارس )
فارس ل حاتم : انت ايه الي عملته دة ؟!
حاتم بهدوء : عملت ايه ؟
فارس : ازاي هتلعب الماتش دة وانت عارف إنك لو دخلت هيبقا التصفيات بيني وبينك عشان نوصل للألماني !
حاتم : اة عارف
فارس ب استغراب : دة انت قاصد بقا !!
حاتم ب ابتسامة : ايوة
فارس بفهم : ماشي ي حاتم ، زي م تحب !
حاتم : انت الي ابتديت ي صاحبي
فارس : بس دة موضوع ودة موضوع ، انت دخلت كل حاجة ف بعضها ليه ؟!
حاتم : مش كل حاجة هتحصل ع مزاجك ، اة وع فكرة ، كنت عايز اقولك حاجة مهمة اوي
( يقرب حاتم جنب ودن فارس ويهمس بالكلام )
حاتم بهمس : انا السبب ف موت مريم 🙂
فارس بخضة : ايه !!
حاتم : انا الي قلبت بيكم العربية
( يتخض فارس ولسة هيهجم ع حاتم ، يطلع حاتم من ورا ضهره حديدة ويضرب بيها فارس ع رجله يوقعه ف الأرض )
فارس بوجع : اااااه !
( فارس واقع ف الأرض ماسك رجله عمال يتألم )
حاتم : مسألتنيش ليه ، اقولك انا
( يقرب يوطي عليه ف الأرض )
حاتم : عشان كنت عاوزها ورفضتني ، حاولت معاها بكل الطرق ، حنية ، حب ، غصب ، مفيش فايدة ، اختارتك انت وعملت زي مروة ، وانا محدش يقولي لأ ، عرفت بقا ، انا لما اعوز حاجة باخدها ، بس لو مطولتهاش مهنيش غيري عليها ، خليك فاكر دة مع حبيبة القلب عشان انا لسة منستهاش وليا معاها حوار كبير
فارس ب انفعال وصريخ : ي ابن الكاااااااااااااااااالب 😡
