قصة : { #ظروف_معنداني } 💔❌
الحلقة الحادية عشر { ١١ } 🔕
( يدخل علي المطبخ يشوف حاتم )
حاتم وهو ماسك رجله بوجع : ااااه 😑
علي : مالك انت كمان ؟!
حاتم : بنت الكلب كانت هتكسر رجلي !!
علي ب استغراب : عملتلها ايه ؟!
حاتم : خليك ف حالك ماشي
علي : طيب متعرفش فارس راح فين ؟
حاتم : وانا ايش عرفني انا ف ايه ولا ف ايه انت كمان !
علي : طب انا مروح
حاتم : استنى خدني معاك وصلني
علي : طب يلا
( يمشي حاتم وعلي ، مروة ف اوضتها قاعدة ع السرير منهارة م العياط ، يرن فونها ، تمسح دموعها وترد )
مروة : الو 😔
ايه : ايه ي مرمر عاملة ايه ؟
مروة : الحمدلله ، انتي ازيك ؟
ايه : الحمدلله ، بقولك ايه
مروة : ايه ؟
ايه : عندي خبر ليكوا
مروة : ايه هو ؟
ايه : ابن خالتك اضحك عليه ف فلوس السفر بعد اما باع الشقة ، بس اشتغل يختي معرفش فين كدة جابر الي يعرف ، المهم هو جايب شقة دلوقتي وعايزكوا ترجعوا تاني ، تقريباً حس بالزنب ولا ايه !
مروة : بجد هو قالك كدة ؟!
ايه : ايوة ي بت ، هترجعوا ولا ايه ؟
مروة ودموعها بتنزل : ايوة انا عايزة ارجع ، انا مش عايزة اقعد هنا تاني 😥
ايه ب استغراب : دة انا فكرتك مش هترضي !!
مروة بعياط : لا هرضى ، قوليله احنا هنرضى !
ايه ب استغراب : في ايه ي مروة مالك ، انتي بتعيطي ؟!
مروة : اية انا عايزة امشي من هنا 💔
ايه بقلق : يخربيتك قلقتيني ، م تقولي في ايه طيب ؟!
مروة : مافيش حاجة ، بس انا مخنوقة
ايه : لا انتي ترجعي ، انا هقوله ييجي ياخدكم انهاردة
مروة : ياريت ي اية والنبي
ايه : بس امك هترضى ترجع ؟
مروة : سيبك من امي انا هقنعها
ايه : طب ماشي ، اقفلي وانا هخلي جابر يكلمه وانتي روحي كلمي امك
مروة : ماشي ، سلام
( فارس سايق عربيته متضايق وعيونه مدمعة ، مكانش متوقع إن مروة تبقا كدة ع حسب الي شافه ، ولا كان متخيل إنه يشوفها ف وضع زي دة ، يرن فونه ، يمسكه )
فارس : ايوة ؟
هنا : ايه ي فارس
فارس : ايه ي هنا
هنا : انت فين ؟
فارس وهو بيبص حواليه : مش عارف ، بتمشى ، في ايه ؟!
هنا : طب ينفع ترجع البيت دلوقتي ؟
فارس : في حاجة ولا ايه ؟!
هنا : لما تيجي هقولك ، متغيبش بس
فارس بقلق : طب انتوا كويسين ؟!
هنا : لا احنا كويسين متقلقش
فارس : اوك ، جاي
( يقفل فارس مع هنا ويرجع البيت ، يدخل يلاقي عامر اخو عاصم قاعد مع هنا وبباه )
فارس ب انفعال : انت ايه الي جابك هنااا !!
هنا : فارس اهدى
فارس : ي بجاحتك انت واخووك 😠
عامر وهو بيقوم : اسمعني الأول وبعدين اتكلم !!
فارس : اسمع ايه ؟
عامر : عاصم ف المستشفى ، هيعمل عمليه كمان ساعتين ، كان طالب بس يشوف هنا ويشوف ابنه قبل م يدخل
فارس بعدم اقتناع : مش هيحصل ، لو فاكر إنك هتيجي تاكلنا بالكلمتين دول تبقا غلطان ، انت مش بتكلم عيل بريالة ، يغور ف ستين داهياااا 😠
عامر : انا عارف إنك مش هتصدقني ومن حقك متصدقنيش ، هو ف المستشفى ودة مكان عام وانت هتكون معاهم مش هتخسر حاجة ، بس انا ممكن اخسر اخويا لو منفذتلهوش الطلب دة ، خصوصاً إنها عمليه قلب مفتوح وحصلت فجأة ، انا جاي انهاردة ولو ادت إني اترجاك هترجاك 😟
الاب : مافيش داعي ي عامر لكل دة ، خد اختك وابنها وروح معاه ي فارس
فارس : ي بابا ...................
الاب : اسمع الي بقولك عليه
فارس بتنهيدة : ماشي ، اطلعي هاتي ياسين
هنا : حاضر 😕
( تطلع هنا تجيب ياسين وتنزل تروح مع فارس وعامر المستشفى ، يوصله ، تدخل هنا ومعاها ياسين الأوضة الي عاصم فيها ، يدخل معاها فارس وعامر ، تدخل الممرضة عشان تجهزه للعملية )
عامر : معلش استني بس دقتين يشوف ابنه
الممرضة : اوك
( يطلع فارس برة الأوضة لما يلاقي حالته فعلاً تعبانة ويطلع وراه عامر ، هنا وياسين قاعدين مع عاصم ، يصعب ع هنا دمعتها خلاص هتنزل من شكله )
عاصم وهو بيمسك ايدها : وحشتني النظرة دي 🙂
( تنزل دموعها )
عاصم بتعب : اول مرة اشوف نفسي ف عينك ي هنا ، وكأنك اخر مرة هتشوفيني !!
هنا بحزن : متقولش كدة ؤ بس ايه الي حصلك فجأة ؟!
عاصم : وقعت ، زي م فضلت مستقوي وعمال اتنطط ، فجأة وقعت 💔
هنا ودموعها بتنزل : إن شاء الله هتبقا كويس 😥
عاصم : اديني ياسين احضنه
( تديهوله ، يحضن ويبوس فيه ، تدخل الممرضة )
الممرضة : استاذ عاصم لازم تدخل دلوقتي
عاصم : اوك
( تاخد هنا ياسين وتجهزه الممرضة ، يعدي الوقت ، عاصم ف العمليات ، عامر وفارس وهنا واقفين برة )
عامر ب امتنان : انا متشكر إنكم جيتوا ، انا مش عارف اوصفلكم نفسيته بقت متحسنة ازاي قبل م يدخل العمليات !
فارس : إن شاء الله يخرج بالسلامة 😒
عامر : إن شاء الله
( يمر عشر دقايق ، يخرج الدكتور )
عامر ب استغراب : خير ي دكتور
الدكتور ب أسف : البقاء لله
عامر بصدمة : اييييه !!
هنا بخضة : احيه عاصم 😧
فارس ب استغراب : ازاي ي دكتور هو لحق ؟!
الدكتور : استاذ عاصم كان بيتعاطى نوع من انواع المخدرات ، اتفاعل مع البنج وجابله سكتة ف ساعتها
عامر : ازاي يحصل كدة ، يعني انتوا مكنتوش عارفين ؟!
الدكتور : احنا سألناه قبلها وقال مش بيتعاطى اي حاجة ، عن اذنكم
( يمشي الدكتور ، يروح عامر وراه متعصب ويقعد يتناقش معاه )
فارس وهو بيبص ل هنا : يلا بينا ؟
هنا : اوك 😔
( تمشي هنا وفارس يرجعوا البيت ، اهلهم قاعدين )
الام : الله يرحمه ويسامحه
هنا بحزن : انا طالعة اوضتي
( تطلع هنا اوضتها ويمشي فارس م البيت ، تطلع مروة عند هنا )
هنا : تعالي ي مروة
مروة : مشوفتيش ماما ؟
هنا : ايوة راحت تشتري شوية طلبات للبيت
مروة : اوك
هنا ب استغراب : مالك ي مروة ؟!
مروة : لا ماليش
هنا : طب اقعدي معايا
مروة : حاضر
( ييجي الليل ، فارس يوصل البيت ، تسمع مروة صوت قفلة الباب ، تقرب تخرج م المطبخ )
مروة : فارس
( يقف فارس ويبص ل مروة بنص وشه )
فارس : ايه 😒
مروة : كنت عاوزة اقولك شكراً ع الي عملته عشاني
فارس : كان غلطة
مروة ب استغراب : هو ايه ؟!
فارس : الي عملته عشانك ، كان غلطة
( تتخض مروة ، فارس بيتكلم بكل جدية )
مروة : ليه بتقول كدة ؟!
فارس : عشان انت متستهليش غير كدة !
مروة بزعل : هو انا عملتلك حاجة ضايقتك ؟!
( ميردش فارس ويطلع )
مروة : ي فارس 😟
( يعدي الوقت ، توصل امها ، تحكيلها مروة ع كلام اية )
الام : انا عارفة إن الي حصل الصبح ضايقك ، بس انا جيت هنا عشانك ، ليه عايزة ترجعي للهم دة تاني ؟!
مروة : عشان انا هنا خايفة !
الام ب استغراب : خايفة من ايه ي بنتي ، دول بيعاملوكي احسن معاملة هنا !
مروة وعيونها بتدمع : انا كنت هناك وسط الي اعرفهم ويعرفوني ، عمر م حد هني او زلني ، كان كل همي إن هيما يبطل يمد ايده عليا ويضربني ، بس وجع ضربه هناك اهون بكتير من وجع قلبي وانا هنا 💔
الام : يعني انتي عايزة ترجعي هناك ؟
( تسكت مروة )
