قصة : { #ظروف_معنداني } 💔❌
الحلقة التاسعة { ٩ } 🔕
( يوصلوده البيت ، الكل قاعد )
امل : سلامتك ي حبيبتي
مروة : الله يسلمك
سلوى ب اسف : معلش بقا ي مروة ، جت فيكي المرة دي
مروة ب ابتسامة : فداكوا ي طنط 😊
سلوى : تسلمي ي قلبي
حاتم بحب : سلامتك ي مزتي ، الاهي كنت انا 😍
هنا : هههههه يخربيتك 😄
مروة ب احراج : الله يسلمك 😅
هنا وهي بتقوم : يلا قومي معايا ريحي رجلك بقا
مروة وهي بتسند ع هنا : حاضر
حاتم : اجي اشيلك ؟
فارس : م تهدى يلااا 🙄
حاتم : طااايب 😊
( تدخل مروة اوضتها مع هنا )
علي وهو بيقوم : هنمشي احنا بقا ، نشوفك ف الكلية
فارس وهو بيقف : بكرة اجازة
حاتم : خلاص هنبقا نجيلك
فارس : ماشي هستناكوا
حاتم وعلي : سلام
فارس : سلام
( يمشي حاتم وعلي ، الكل يطلع ينام ، فارس ينزل تحت ، يقرب يخبط ع اوضة مروة )
مروة وهي بتقوم من ع السرير : ايوة
( تقرب تفتح الباب )
فارس : عاملة ايه دلوقتي ؟
مروة بفرحة : الحمدلله 😍
فارس : قلت اجي اطمن عليكى
مروة : انا كويسة الحمدلله ، هنا عاملة ايه ؟
فارس : واخدة ياسين ف حضنها ونايمة ، خايفة
مروة وعيونها بتدمع : ربنا م يحرمها منه ابداً 😟
فارس ب استغراب : انتي بتعيطي ؟!
مروة بحزن : لأ 😔
فارس : بتعيطي ليه !!
مروة ودموعها بتنزل : اصلها صعبانة عليا اوي ، إنها تحب حد وتتصدم فيه كدة ويخذلها دي حاجة وحشة 😥
فارس : عندك حق ، اهدي طيب هي هتبقا كويسة ، انا جنبها مش هسيبها ابداً
هنا بدموع : عارفة ، ساعات بقعد افكر واتخيل إني عندي اخ زيك كدة يفضل ف ضهري وسند ليا ، بس بلاقيني لوحدي 😔
فارس : ي ستي اعتبريني اخوكي ، وانا موجود اي وقت لو عوزتي اي حاجة هتلاقيني
( تشاورله ب اة ، يمسح دموعها )
فارس وهي بيحضنها : خلاص بقا
( تتخض مروة م الحضن وتتحرج ، تيجي دماغها عند قلبه من قصرها وطوله ، تسمع دقاته الهادية ، تغمض عيونها وتلف ايدها حواليه ، تنسى الدنيا ، يفتكر فارس مريم ، يتوتر ويبعدها عنه )
فارس : ادخلي نامي ، تصبحي ع خير 😒
مروة : وانت بخير !
( يطلع فارس يلاقي هنا ف وشه )
فارس بخضة : خضتيني !
هنا ب استغراب : انت بتعمل كدة ليه ؟!
فارس بعدم فهم : بعمل ايه ؟!
( تشد ايده وتاخده ع اوضتها )
فارس ب استغراب : في ايه ي بنتي ؟!
هنا وهي بتقف قصاده : ليه بتعمل تصرفات تخليها تتعلق بيك وتحطك ف دماغها ؟!
فارس : انا مش قصدي ، عادي والله 😕
هنا : مهو الأزمة أنك متقصدتش ، او بمعنى اصح خايف تقصد !
فارس ب استغراب : هنا الموضوع مش مستاهل كل دة !!
هنا : لا مستاهل ي فارس ، مريم لو كانت عايشة مكانش هيرضيها إنك تبقا موقف حياتك عشانها ، هي خلاص ماتت
فارس بضيق : متقوليش ماتت 💔
هنا : لا ماتت ، فوق بقا
( يمشي فارس يروح اوضته ، تروح وراه هنا )
هنا بندم : استنى ي بني مش قصدي !
( يدخل اوضته وهنا وراه )
فارس وهو بيلفلها : هنا روحي نامي لو سمحتي ✋
هنا : ي فارس انا .........
( تطلع مروة عشان تطمن ع هنا ، تسمع كلامهم ، تقف )
هنا : مش عوزاك توقف حياتك ع حاجة خلاص راحت ، ليه مانع قلبك إنه يفكر ف حد تاني !
فارس : بس مش يوم م يفكر هيفكر ف مروة ي هنا !
( تتخض مروة وتنزل دموعها ، ترجع اوضتها تحت )
هنا ب استغراب : ومالها مروة ، انت من امتى بتبص للماديات بقا ، دي مريم الله يرحمها كانت ظروفها انيل من مروة ، ولا انت نسيت ؟!
فارس : مش قصدي المادة بس .........
هنا : بس ايه ؟
فارس بحيرة : مش عارف بقا بجد 😔
هنا : انت حبيتها ؟
فارس بخضة : حبيتها ايه هو انا لحقت !
هنا بضحك : إذا كنت انا حبيتها 😂
فارس : انتي هتقوليلي ، م انتي اي حد دايسة معاه 🙄
هنا بضيق : اة !
فارس بندم : انا اسف ، مش قصدي والله !
هنا : هنفضل نخبط ف بعض كتير ونقول مش قصدي !
فارس : معلش انا بس .........
هنا : انا عايزة اطمن عليك ، نفسي تحب وتتحب من تاني ، نفسي تدخل الفرحة لقلبك ، كفياك بقا حزن وهم 😟
فارس بحزن : وفكرك انا مش نفسي ارجع زي زمان ، انا كل يوم بيعدي عليا بدعي ربنا إني اكرها او انساها 💔
هنا : بس انت عمرك م هتنساها ولا هتكرهها ، بس تقدر تحب غيرها ، انت سيب لقلبك فرصته بس
فارس : طيب بمناسبة الفرص بقا ، انا حاسس إني فعلاً مشدود ل مروة ، ومش حب عشان انتي بتلزقي ف الكلام
هنا ب فرحة : بتهزررر ، انا كنت عارفة ومتأكدة ، مبروووك 😍
فارس : مبروك ايه هو انا بقولك هتجوزها !!
هنا وهي بتغمزله : ي عم اعتبرها مقدماً 😉
فارس : بس اوعي تجيبي سيرة لحد وانتي عارفة اقصد مين ☝️
هنا ب استغراب : ليه هو انت مش هتقولها ؟!
فارس : لا طبعاً اقولها ايه ، مروة انا مشدود ليكي ، اكيد لأ ، سيبيني اخد وقتي بس
هنا : ماشي ي عم براحتك خالص ، بس تعرف مروة دي انسانة طيبة اوي وحنينة ، انت مشفتهاش كانت مخضوضة عليا ازاي لما كان عاصم بيضربني ، سلكتني منه مرتين ومخافتش 🤷🏻♀️
فارس ب انتباه : اهو عاصم دة الي نهايته ع ايدي قربت !
هنا بخضة : سيبك منه !
فارس بقلق : إنه يتجرأ وييجي لحد هنا دة ف حد ذاتها مصيبة !
( مروة ف اوضتها بتعيط وبتكلم نفسها )
مروة بعياط : متزعليش مهو عنده حق ، ازاي هيفكر ف واحدة زيك بس ، انتي الي هبلة عشان علقتي نفسك بتصرفاته وشوية كلام حنين من بعد قساوة ، نسيتي انتي فين وهو فين ، نسيتي انتي مين وهو مين ، فرحتي بحضن ولمسة ايد ، اسكتي بقا كفاية ، سيبيه يفرح مع غيرك ، انتي اخرك تحلمي وبس ، مش انتي الي هتنسيه حب سنين 💔
( تنام مروة ، فوق )
هنا : بس كان جامد الحضن دة 😉
فارس بندم : اسكتي بقا انا ندمان من بعده والله !
هنا : ليه كدة ؟!
فارس : حسيت إني اتعديت حدودي معاها !
هنا : لا بالعكس ، اظن هي كانت محتاجة الحضن دة لإني مشفتش منها اي رد فعل ، كانت ساكتة 🤷
فارس ب انتباه : انتي كنتي بترقبينا ولا ايه ؟!
هنا بخضة : مين اناااا !
فارس : ايوة انتي ، مش كنتي نايمة اصلاً ؟!
هنا : اة م انا لسة نايمة اهو
( تجري هنا ع السرير تنام ، فارس يحط الغطا ع وشها ويقعد عليها )
فارس : طب نامي
هنا بضحك : هههههه خلاص هتفطسنيييي 😆
( يقوم فارس )
فارس : تصبحي ع خير
هنا : وانت بخير
( يبوس دماغها )
هنا : متنساش تحلم بيا ، يوه يقطعني ب مروة بقا 😉
فارس : يخربيتك هتفضحينا والله انا عارف ، اسكتي بدل م قعد عليكي تاني !!
هنا بضحك : لا خلاص روح نام 😄
( يمشي فارس ل اخر الأوضة ويرجع تاني )
فارس بتذكير : ايه النصب دة ، دي اوضتي !!
هنا وهي بتقوم : اة صحيح لامؤخذة 😂
( ف بيت عاصم ، قاعد ماسك تلج حاطه ع وشه ، يدخل اخوه الكبير )
عامر : اهلاً بخبيتها ، منور البيت والله ، كام واحد ضربك المرة دي ؟
عاصم بغل : وربنا ل اموته 😡
