قصة : { #ظروف_معنداني } 💔❌
الحلقة الثالثة عشر { ١٣ } 🔕
هنا ب اندهاش : لا والله بدأنا ولا ايه !
فارس : تقريباً كدة ، بقولك ايه
هنا : ايه ؟
فارس : اجهزى هنطلع الساحل
هنا ب استغراب : دلوقتي ؟!
فارس : ايوة دلوقتي
هنا : طب استنى بابا وماما يرجعوا !
فارس : لا هنطلع انا وانتي ومروة
هنا بفهم : امممممم قول كدة ي عم ماشي ، مقلتليش عملت ايه معاها وكنتوا فين ؟
فارس : هقولك بس قومي جهزى شنطتك الأول يلا
هنا : اوك
( مروة قاعدة مع مامتها )
الام ب استغراب : هو ايه دة ، حبة تقولي ماشية ودلوقتي مش ماشية هو في ايه ؟!
مروة : ي ماما انا كنت متضايقة م الي حصل الصبح عشان كدة كنت عاوزة امشي
الام : ودلوقتي فجأة مبقتيش متضايقة ، وصحيح كنتي مع فارس اخدك فين ؟!
مروة ب ارتباك : مهوووو هو الي خلاني مبقتش متضايقة ، كلمني وانا اقتنعت بكلامه وكدة يعني ، صالحني
الام ب استغراب : صالحك !
مروة : اة
الام بعدم اقتناع : ومن امتى هو بيطيقك اصلاً ؟!
مروة بتوتر : الي حصل بقا احنا ف ايه ولا ف ايه ي حجة !
الام بتنهيدة : ماشي ي مروة ، لاحظي إني قلتلك انا معاكي للأخر ف متحاوليش تجيبي اخري معاكي من دلوقتي !
مروة : والله خلاص مافيش حاجة
الام : ماشي
( هنا بتجهز هدومها وفارس حكالها ع كل حاجة )
فارس وهو بيقوم : انزلي بقا قولي ل امل إن مروة جاية معانا
هنا وهي بتحط هدومها ف الشنطة : خدامتك انا ، بتدبسني !
فارس : معلش خليكي انتي الكبيرة عبال م اعمل مكالمة بس
هنا : طاااايب
( تنزل هنا تحت ، تخبط ع اوضة مروة وتدخل )
هنا : بقولك ي امل
امل وهي بتقوم : ايوة ي بنتي ؟
هنا : هناخد مروة معانا
امل ب استغراب : تاخدوها فين ؟!
هنا : طالعين الساحل دلوقتي هناخدها تغير جو يومين كدة ، دة بعد اذنك طبعاً
امل : اهي عندك ، لو عايزة تروح معاكوا تروح
هنا ل مروة : ايه رأيك ي مروة ؟
مروة ب استهبال : اوك ماشي
هنا : اشطاا جهزى نفسك
مروة : اوك
( تطلع هنا ل فارس )
هنا : قلتلهم ، يلا روح جهز هدومك
فارس وهو بيتكلم ف الفون : اوك
( يكمل كلام ف الفون )
فارس : ي بني انا عارف انا بعمل ايه ، انت بس قوله انا مش هبقا فيها لحد م اشوف ايه النظام مع حاتم ، ايوة مينفعش نبقا انا وهو قصاد بعض ، ماشي ، يلا سلام ، ابقا قولي عملت ايه هاااا ، اوك باي
هنا بقلق : في حاجة ؟!
فارس : لا مافيش
هنا : انت ناوي ع ايه مع حاتم ؟
فارس : ولا حاجة
هنا بشك : مش عارفة ليه مش مطمنالك ي فارس !
فارس : فكك الي حصل حصل ، ساعتها هو مكانش يعرف إني بحبها ولا اي حد يعرف ، وهو مش بيعتق اي بنت تيجي ف سكته انتي فاهمة يعني مش مروة مخصوص ، ف لو اتصرفت بجنان هبوظ الدنيا وهخسر صاحبي ، اقدر احاسبه ع الي جاي مش الي راح ، هروح اجهز هدومي
هنا بقلق : ماشي !
( بعد شوية ، ينزل فارس وهنا ومروة يركبه العربية ويمشوا ، مروة راكبة جنب فارس قدام وهنا راكبة ورا ، يعدي الوقت ، ف الطريق )
هنا : ههههههه
فارس وهو بيبصلها ف مراية العربية ب استغراب : في ايه ؟!
هنا : اصل شكلكم يفطس وانتوا عمالين ترموا نظرات ، انا شيفاكم برضو خدوا راحتكم انا مش غريبة
( تتحرج مروة )
فارس : انتي قاعدة مراقبة ؟!
هنا : اصل بقالي كتير مشفتكش بتسبل
مروة ب احراج : هههههه
فارس : شكلي هنزلك ف اول ريست يقابلني
هنا : طبعاً م انت م هتصدق عشان مبقاش عازول ، بس انا ع قلبكوا برضو
فارس : طيب
هنا : مروة
مروة : نعم ؟
هنا : ساكتة ليه م تقولي حاجة !
مروة ب احراج : لا عادي
هنا : شكلك عايزة تنامي
مروة : اة اوي
هنا : خلاص قربنا نوصل ، ولا ايه ي عم السواق انت ؟
فارس : اة خلاص القرية قربت
( بعد شوية يوصله )
فارس وهو بيركن : يلا انزلوا
هنا : اخييييراً
( ينزلوا ويدخله شاليه دور اول زي ڤيلا صغيرة )
هنا : غيروا هدومكم بقا عشان ننزل
مروة ب استغراب : وانا هنزل ازاي برجلي مينفعش !
فارس : مش لازم تنزلي الماية ولو نزلتي وحصل حاجة للجبس لما نرجع نبقا نروح للدكتور يغيروا
مروة : اوك
( الكل يغير هدومه ، يخلص فارس )
فارس من برة : انا تحت ابقوا حصلوني اوك
هنا من جوة : ماااااشي
( يمشي فارس ، تلبس مروة بادي نص كم وبنطلون )
هنا : ي بنتي احنا نازلين الماية مش رايحين كافيه !
مروة : البس ايه طيب ؟
هنا : بكيني مثلاً
مروة بخضة : بكيني !!
هنا : ايوة بكيني ، ممنوع حد هنا ينزل غير بالبكيني اصلاً
مروة : بس انا مبلبسش مايوهات ومش جايبة معايا !
هنا وهي بتفتح الدولاب : انا هديكي من معايا
( تطلع هنا مايوه لونه بينك )
هنا : امسكي
مروة وهي بتاخده : اوك !
( تدخل مروة تلبس المايوه وتطلع )
هنا ب اندهاش : واااو تحفة عليكي
مروة ب احراج : لا لا مستحيل انزل بيه دة !
هنا : ليييه بس ؟!
( يدخل فارس )
فارس : بقالكوا ساعة بتغيروا في ايه !!
( يشوف مروة يتخض )
فارس ب استغراب : ايه دة ، انتي هتنزلي كدة ؟!
مروة ب احراج وهي بتداري جسمها : ااا لا هدخل اغيره !
فارس : ياريت !
( تدخل مروة تلبس ع المايوه بادي وشورت )
هنا ل فارس : بدأنا نغير ولا ايه 🤭
فارس : انجزوا بقا انا قاعد لوحدي تحت
مروة وهي بتطلع : خلاص خلصت
هنا : ايوة شورت ارحم من بنطلون وبرضو مش عارفة هيرضوا يقعدوكي كدة ولا لأ
فارس : انا هتصرف يلا
( يروحوا يقعدخ ع الشاطئ ، يقرب الأمن عليهم )
الامن : كابتن فارس
( يبصله )
الامن : حضرتك عارف القوانين هنا ، مينفعش تنزل غير بالبكيني
فارس : معلش ي كيمو هي مش متعودة ع كدة وهي مش هتنزل عشان رجليها هبقا اكلم خالي لو في ازمة
الامن : الي تشوفه حضرتك ، عن اذنك
( يمشي الأمن ، بعد شوية )
هنا وهي بتقوم : راني عاملة ايه ؟
رانيا : هنا يخربيتك فينك مختفية !
هنا : لا موجودة اهو
رانيا : اخبارك ايه ؟
هنا : الحمدلله تمام
رانيا وهي بتبص ل فارس : ازيك ي فارس ؟
فارس ب ابتسامة : ازيك ي طنط
رانيا بضحك : ههههه يخرب عقلك لسة بتقولي ي طنط ، مين القمر ؟
هنا : دي مروة صاحبة فارس
رانيا : ازيك ؟
مروة ب ابتسامة : الحمدلله
رانيا : سلميلي ع ماما كتير هااا وقوليلها وحشتنا خلينا نشوفها
هنا : ماشي ي حبيبي
رانيا : باي ي روحي ، باي ي فارس
فارس وهنا : باي
( مروة قاعدة ساندة ع ايدها ومغمضة عيونها )
هنا : مروة ، بت !
مروة ب انتباه : ايه نعم ؟
هنا : لو عايزة تنامي اطلعي نامي فوق
مروة : ههههههههه
فارس ب استغراب : بتضحكي ع ايه ؟!
مروة : هههعهععههه
هنا : يخربيتك في ايه ؟!
فارس : مالك ي مروة ؟!
مروة بعصبية : مالي انا مالي هاااااا ، مااااااااالي !
هنا بخضة : طب اهدي طيب بتزعقي ليه ؟!
مروة : ههههههه
فارس بقلق : لا انتي فيكي حاجة غلط !
( يقلب ضحكها عياط )
هنا ب استغراب : بتعيطي ليه طيب ؟!
فارس وهو بيقوم يقرب عليها : مروة في ايه ، انتي تعبانة ؟!
مروة بضحك : تعبانة اة ، لا تعبانة ، مش تعبانة لا ، انا بعمل كدة ليه ، ههههههه
هنا ل فارس : لا بجد مش طبيعية ي فارس !
( مروة عمالة تبص للناس وتضحك بصوت عالي ضحك هستيري ، الناس تضايق مفكرينها بتضحك عليهم )
البنت : في ايه ؟!
مروة : هههعععخهه
