قصة : { #ظروف_معنداني } 💔❌
الحلقة الخامسة { ٥ } 🔕
هنا : انتي مش شايفة البغل الي هيلعب قصاده ، وكمان بابا مش حاضر !
الام بخوف : انتي هتخوفيني ليه بقا !
هنا : ربنا يستر
الام : يارب
( تبدأ المباراة )
هنا : اهو عمال يتضرب اهو !
الام : اسكتي بقا وترتي اعصابي 😑
( يفوز فارس بضربة قاضية بعد اما اتبهدل ضرب )
هنا بصريخ وهي بتقف : ووووووووو 👏🏻
الام بخضة : يخربيتك سرعتيني !
هنا بحماس وفرحة : فاز فاااااااز 😆
( تروح هنا ومامتها اوضة تبديل اللبس ل فارس ، تهجم هنا عليه تحضنه )
هنا : مبروووووك 😍
فارس وهو بيحضنها : الله يبارك فيكي 😄
الام : بالراحة عليه ، تلاقيه متكسر ي قلبي !
( تقرب مامته وتحضنه )
الام : الف مبروك ي حبيبي
فارس : الله يبارك فيكي
حاتم : هتروح ولا تيجي نسهر ؟
فارس : لا انا مش قادر هروح طبعاً
هنا بحماس : بكرة نعمل حفلة بمناسبة إنكم كسبته 😃
حاتم بحماس : ايوة كدة اشطاااا 😃
فارس : مافيش داعي ي هنا
هنا : ملكش دعوة انت انا الي هرتبها
فارس بعدم اهتمام : زي م تحبي
الام : يلا بينا بقا
( يعدي الوقت ، ف بيت فارس ، الكل قاعدين الأنتريه )
امل وهي بتقرب عليهم : مبروك ي بني ، ربنا يجعلك منصور دايماً
فارس : الله يبارك فيكي ي امل
مروة بتردد : مبروك
فارس وهو بيبص للفون بتاعه : شكراً 🤳🏻
هنا وهي بتقوم : انا هروح اكلم بابا هيفرح لما يعرف
سلوى : طب الحقيه قبل م يطلع الطيارة
هنا : اوك
سلوى : يلا ي حبيبي اطلع اوضتك ارتاح شوية
فارس وهو بيقوم : اوك ، تصبحي ع خير
سلوى : وانت بخير
( يطلع الكل يناموا ، فارس عمال يتقلب يمين شمال مش عارف ينام من كتر الألم ، تطلع مروة تدي هنا الأكل بتاع ابنها )
هنا : ميرسي ي مرمر
مروة : العفو 😊
( تمشي مروة وتقفل الأوضة وراها ، تعدي ع اوضة فارس تسمعه بيتألم بصوت مكتوم ، تقرب ع الأوضة )
مروة ف سرها : وانتي مالك انتي م يولع 🙄
( تمشي مروة بس متقدرش تمنع فضولها ، ترجع تاني تخبط ع الباب )
فارس ب انتباه : ايوة ، ادخل
( تدخل مروة ، يبصلها فارس ب استغراب )
مروة بتوتر : اااا محتاج اعملك حاجة ، او اجيبلك حاجة ؟
فارس : لا شكراً
مروة : انا ممكن اعملك حاجة تضيع الوجع دة
فارس وهو بيقوم : انا عاوز انام ، ممكن !
مروة : مهو عشان انت عاوز تنام
( يتنهد فارس ويسكت ل ثانيتين )
فارس : هتعملي ايه يعني ؟
مروة : هعملك كمادات ماية وتلج ، هتخفف الألم شوية وتعرف تنام
فارس بقلة حيلة : ماشي 😑
( تنزل مروة تجري ع تحت تجيب الماية وتطلع )
مروة : يلا
فارس بعدم فهم : نعم ؟!
مروة : اقلع التيشيرت
فارس : اوك 😒
( يقلع فارس التيشيرت ، مروة تشوف الكدمات الي ف جسمه تتصدم )
فارس وهو بيبص ل رد فعلها ب استغراب : مالك ؟!
مروة بشك : انت متأكد إنك انت الي كسبت !
فارس ب ابتسامة : انتي شايفة ايه 🙂
مروة : انا شايفة إن ربنا معاك ف الشغلانة دي !
فارس : دة مش شغل دي هواية
مروة : كمااان !!
فارس وهو بينام ع وشه : كمان اة
( تبدأ مروة تعمله كمادات ع ضهره )
مروة : يعني انت حابب تضرب ؟!
فارس بتعب : بس ياااا بس والنبي 😑
مروة : مروة
فارس : ي مروة بس
مروة : اوكاااي 🙄
( تسكت وتكمله الكمادات ، بعد دقايق )
مروة : حاسس براحة ؟
فارس ب ارتياح : اة بصراحة ، بكتير !
مروة وهي بتقوم : هروح اغير الماية واجي عشان سخنت
فارس : اوك
( فارس مستغرب اهتمام مروة ومروة مستغربة هدوئه ، تنزل مروة تغير الماية وتطلع تكمل الكمادات ، تخلص وتوصل لوش فارس ، تقرب عليه عشان تحط عليه القماشة تيجي عينها ف عينه ، يمسك فارس ايدها قبل م تحطها ع وشه ويقوم يقعد )
مروة ب استغراب : ايه ؟!
فارس وهو بيبعد ايدها : انا هتصرف ف وشي !
مروة : دة اهم حاجة !
فارس : معلش انا عاوز انام 😐
مروة وهي بتقوم : طب اوك ، زي م تحب ، تصبح ع خير 🚶🏻♀️
فارس : وانتي بخير
( تمشي مروة ، فارس قاعد بيفتكر عيونها لما جت ف عيونيه وخلته يسرح فيها ، يغمض عيونه جامد بيحاول يشيل اي افكار من باله ، يطلع الصبح ، يقوم فارس م النوم يجهز نفسه وينزل تحت ، يقرب ع اوضة مروة ، لسة هيخبط يلاقي الباب مفتوح ، يدخل )
فارس : مروة
( يلاقيها نايمة ، يقرب يقف عندها )
فارس : مروة
( تفتح عيونها تلاقيه واقف قدامها ، تتخض وتقوم تقعد )
فارس : اسف دخلت كدة ، بس الباب كان مفتوح !
مروة ب احراج : ولا يهمك 😅
فارس : كنت عاوز اشكرك ع الي عملتيه معايا امبارح ، شكراً
مروة بفرحة : العفو انا معملتش حاجة 😊
فارس : تسلمي
( يسكته )
فارس : هروح انا ، ورايا كلية
مروة : اة ماشي
( يمشي فارس ، تخرج مروة وراه )
مروة : استنى
فارس وهو بيلفلها : نعم ؟
مروة : مش هتفطر الأول ، احضرلك ؟
فارس ب احراج وهو بيبص ف الأرض : ااااا ، لأ !
( يمشي فارس محروج ، تدخل مروة اوضتها ف وشها مراية تلاقيها لابسة هوت شورت مش بنطلون )
مروة بخضة : احيه 😳
هنا من برة : يلا ي مرمرررر ، ورانا حفلة نرتبها 👏🏻
( يوصل فارس الكلية ويقف مع صحابه ، تقرب عليهم بنت )
دينا ب ابتسامة : مبروك ع الماتش ي فارس 🙂
فارس : الله يبارك فيكي
دينا : مقلتليش ليه كنت جيت شجعتك !
فارس بعدم اهتمام : عادي دة مش ماتش مهم يعني
دينا : ولو برضو
فارس : المرة الجاية إن شاء الله
( شلة بنات واقفين ع جنب )
اسراء بغيظ : هدير روحي نادي الحيوانة دينا من هناك 😐
هدير : ماليش دعوة انا مبقاش ليا كلام معاها !
اسراء : طب ماشي
( تقرب اسراء عليهم )
اسراء : فارس
( يبصلها )
اسراء : عوزاك
فارس : اوك
( يروح فارس مع اسراء يقفه ع جنب ، دينا تضايق وتمشي )
اسراء : ايه اخبارك ؟
فارس : الحمدلله ، انتي ازيك ؟
اسراء : كويسة طول م انت كويس 🙂
( تمر لحظة ع فارس يفتكر مريم كانت دايماً تقوله الجملة دي )
اسراء ب استغراب : فارس !
فارس ب انتباه : ايوة ؟
اسراء : سرحان ف ايه كدة ؟!
فارس بضيق : ولا حاجة 😒
اسراء : طب تعالى نقعد ف الكفتيريا شوية
فارس : اوك
( يروح فارس يقعد مع اسراء )
اسراء : سمعت إنك عامل حفلة انهاردة
فارس : اة بمناسبة الماتش وكدة
اسراء ب استغراب : اول مرة تعمل حفلة من بعد موت مريم !
فارس بضيق : هنا الي مصممة تعملها مش انا ، عن اذنك 😒
( يقوم يقف )
اسراء : رايح فين ؟!
فارس وهو ماشي : عندي محاضرة
اسراء وهي بتقوم : استنى طيب طالعة معاك
( يعدي الوقت ويخلص اليوم ف الكلية ، يوصل فارس البيت ، يلاقي بباه وصل م السفر )
فارس وهو بيقرب عليه بفرحة : حبيبيييي 😃
الاب وهو بيقوم : ي البطل مبروووووك
