هلو حبايبي
.
.
البعض كالضفادع
لا شيء يثبت وجودهم سوى نقيقهم
.
.
شيخ علي ،، لماي لا تقفلين الخط
لما ،، بس تعبت وباجر عندي كثير شغل لازم نام
شيخ علي ،، ومنو كلج لا تنامين بويه نامي وخليني ادفئ باانفاسج
لما ،، هههه اوك
_ لما ماكدرت نام ابدا كنت اسمع انفاسه المتثاقله والموسيقى الي مخليها كانت مقطوعه لي ياني كلش احبها احسها تاخذني لعالم ثاني كثير رسمت خطط بي راسي
ليوم غد شلون راح يكون شكله شلون راح يشوفني كلش مشوقه لهل لحضات كل بنت تحلم بهل يوم وبذات اذا كان فارس احلامها مثل شيخ علي صار ستة اشهر
من خطبني وثلاث سنوات هوة علئ علاقة صداقه وياي ابدا مجاوز حدودة وياي دائما كان الي اب روحي وسند وحامي لليوم متجرأ ولمس ايدي حتئ نضراته الي وديه
اليوم اول مرة يكون جرئي وياي يمكن لانو صار واثق راح كون زوجته باجر مراح اكذب عليكم واكول الكم حبيته لا
انا اؤمن بالمقوله الي تكول
( اذا نبض قلبك لثاني معناها لم تحب الاول ابدا )
وانا اعترف حبيت محمد لدرجة كنت اتمنئ كون الانثئ الوحيدة الي تدخله عالمه وتشاركه اجمل لحضاته بس للاسف مصار هل شيئ واني مااقبل كون بديل ابدا لذالك رفضته من عقلي وقلبي او بالاصح خليته بااخر زاويه من كلاهم لانو مستحيل الحب الاول ينسئ بس ماانكر اعجابي
بي شخصية علي لانو شخص مميز يليق يكون شريك حياتي واكيد راح حبو مع العشرة بذات شيخ علي شخص جريئ ويقدر يفرض نفسه علئ المقابل ببساطه و رومانسي وحنين اخذت شهيق قوي نسيت علي علئ الخط طلعت من قوقعت افكاري علئ صوته
شيخ علي ،، لماي ليش منمتي
لما ،، مكدرت نام
شيخ علي ،، سبب
لما ،، مااعرف حاسه بشعور غريب خايفه وفرحانه تعرف علي
شيخ علي ،، احجي يروح علي
لما ،، احيانا ببعض المواقف نحتاج شخص يكون قرين منا وياخذنه بحضنه ويقدم النا الدعم النفسي مهما كنت راح تبقئ بحاجة نصائح وكلام دافئ يحتضن روحك لحتئ تحس بالامان تعرف شنو احساسي حاليا
شيخ علي ،، لا احجيلي
لما ،، مااعرف اذا كان الي راح احجي يعجبك بس راح ابوح الك بكل الي مخليني اسهر لهل لحضه علياني كلش خايفه حاليا
شيخ علي ،، ليش شنو الي مخوفج
لما ،، احساس غريب كيف راح كون زوجتك بعد كم ساعه كيف راح يكون تعاملك وياي گ رجل ياترئ راح اقدر علئ حمل عاتق هل مسؤلية ياترئ راح كون قدر هل قرار
وكثير شغلات غبيه تزداحم بي مخيلتي
