هلو حبايبي
.
.
البعض رغم صغر سنه يفاجئك
بنضجه واسلوبه والبعض الآخر رغم
كبر سنة يناقشك فيصدمك بصغر عقله
.
.
ملاك ،، خلصنا تصوير وطلعنا من المنتزة مقصدنا البيت احمد يحجي وضحك واني متت تعب واحس كل شيئ بيه يوجعني قبل منوصل السيارة بعدة امتار محسينا الئ شخطة سيارة ورانه كلش قوي رعبني لدرجه بلحضة محسيت نفسي غير مددة علئ الارض
واحمد فوقي يحميني بجسمه مااعرف من شنو بس احس الجو احترك صوت الطلق علينا احس سيارة مالتنا صارت منخل بس صوت مواجها صار يعني طرفين ونحن بنص الحادث كلة بي دقايق صار
بس دقيقه ليش احس احمد خله كل ثقلة عليه لدرجة احس نفسي نسحقت جواه اريد اتنفس مااكدر يباوع بوجهي وخشمه ينزف لا هاذا مو خشمه حلكه دم من حلكه يطلع ثواني وقف الصوت اسمع سيارات شخطة راحت اباوع احمد مااعرف شنو يحجي بلحضة قلبته من فوقي اباوع بدلتي متروسه دم وبطني يوجعني
ورجلي مااكدر احركها مهتميت تقربت من احمد اسمع شنو يكول
احمد ،، ملك احبج وهاي راح تخلصين مني
- ملاك اباوع احمد مبي شيئ كتله
ملاك،، احمد شبيك عمري انت ليش هيج تحجي
احمد ،، تحبيني خليني اسمعها قبل لا اموت
ملاك ،، تموت شلون ليش تموت
احمد ،، يلا حبيبي احجي
ملاك ،، لك انت روحي شلون تموت
احمد ،، تحبيني ااحححجييي
ملاك ،، اباوع صار ميكدر يحجي وحلكه متروس دم
ملاك ،، احممممممممد وهاي اخر شيئ حجيتها وياه
- ملاك غمض عيونه كل هاذا الحجي بدقيقه مااحس الئ اربع رجال مسلحين ثنين شالو احمد واحد خله عليه العبايه مالتي واسمعه يحجي مااعرف ويامن واني علئ كعدتي اريد افتهم شنو القصه مااعرف منو هذول وليش هجمو علينا
ولا اعرف شكد ضليت كاعدة بس اسمع الولد يكول اختي تسمعيني احجي هسه تجي الاسعاف لتخافين مااكدر اخلي رجال ياخذوج اصبري دقايق
- ملاك اسمعه بس مااكدر ارد عليه احس لساني نشكل وعقلي مخدر الولد الثاني يكول مصوبه باوع دم مصوبه
- ملاك احس خدر بفخذي وشيئ حار تحتي للحضه
فكرة سويتها علئ نفسي باوعت دم يجري من عندي
مهتميت بس احمد وين ليش اخذو مااعرف ميت عايش مااعرف عيوني غوشت دقايق وحسيت
باقر وعلي اخوي شالوني واسمع باقر يكول مصوبه
من حسيت بيهم نمت وبعد مااعرف شصار
- محمد بعد مطلعو ملك واحمد بقيت اني وعلي وعمار والولد نسولف ساعه وطلعو بعدني باب مدخلت اجاني اتصال
