هلو حبابيي
.
.
الشرف بالعقل والأدب لا بالأصل والنسب ...
.
.
باقر ،،، اباوع احمد وجها مخطوف الله يعينك ياخوي
شتتحمل لتحمل بنتك ومرتك بين الحياة والموت
وبيتك حترك لو جبل ينهد والله اعلم بشنو يفكر
الله يلعنج يااسماء علئ هل دكه الناقصه هسه
اني شلون اواجه اخوي بياوجه
تقربت منه
باقر ،،، الله يساعدك
باوعلي وكال هلا خويه صوته مبحوح وجها تعبان
كتله تعال اغسل و ارتاح لا توكع انت هم
كل نهار خشمك ينزف باوعلي وهز راسه محجة
.
.
فباك
احمد ،،، كعدت صبح فرحان مااعرف ليش بس
صدك حجي ملك من خلت الملائكة بالبيت خلتني
اسعد رجل بالعالم صرت كل يوم ساعات واني العب
وياملوك و كل يوم اخذ كيان وايهم وياي للمضيف
لسان ويحجون بثكل ورزانه رغم خجل كيان الي
يضوجني بس سبع اليوم عندي ضيوف بدلت
وهم غيرت الهم ملك وطلعو صدك شيوخ
اخذتهم وطلت كاعدين يمي كل من يشوفهم
يكول هذول اشبال ال جابر لساعه 3 ثلاثه
اتصلو بيه من المقر عندي شغل كتله عشر دقائق
اني عندك.
احمد ،،، كيان ايهم بابا اني عندي شغل تبقون هنا
بالمضيف تاخذون مكاني لحد ماارجع
ايهم. ،،، حاضر بابا روح الله وياك
كيان. ،،، اروح وياك بابا.
احمد ،،، لا حبيبي ميصير اكعد يم اخوك وعمك فهد
احمد ،،، فهد رجال اذا تحتاجون شيئ بس اشرولهم
فهد ،،، مانحتاج شيئ روح
احمد ،،، عفيه سباع يلا.
احمد ،،، فهد عينك عليهم عندي شغله كلش مهمه
مااتاخر بعد اخوك
فهد ،،، اخذ راحتك باامانتي.
احمد ، كفوو طلعت وصيت رعد عليهم اباوع عليهم
صح صغار بس ماشاء الله عبالك زلم رغم الغربه
الي كانو فيها بس يعرفون الاصول اكيد هاذا محمد
هوة الي يعلمهم يعتمدون علئ،نفسهم اصلا
ايهم نسخه من محمد عكس كيان اشوفه يشبهني
