هلو حبايبي
.
.
هناك لحظات في الحياة ينبغي علئ المرء ان ينسحب فقط ينسحب من القرارات الخاطئه
ومن لحضاة الضعف ينسحب قبل ارتكاب المزيد
من الحماقات فقط انسحب
.
.
_ ملك كل هل افكار كانت محشوره بعقلي
نمت واني داخل البانيو عقلي مرهق روحي تعبانه
صحيت علئ صوت احمد وهوة يندهني اضاهر
اخذتني نومه عميقه لدرجة خلت احمد يخاف صار
علئ شيئ اسمعه يحجي بخوف ولهفه
احمد ،، ملك حبيبي فتحي عيونج ملاكي
_ ملك فتحت عيوني بطئ شديد باوعت الوجها
عبالي حلم هل مخلوق هاذا شلون يكدر
يكون بكل هل جمال والرجوله والهيبه رفعت ايدي
ولامست خده ضل يباوعلي محجه شيئ
دنك عليه وباسني براسي رجع حجة بخوف
احمد ،، يولي نكعانه هاي صار ساعتين انتي بالماي دكومي كومي خرب ببليسج راح تنهرين من الماي وعمليتج بعدها خضره شلون هيج يولي مخبله انتي
_ ملك نزل ايدة ويريد يشيلني واني عاريه بس دقيقه من تذكرت العمليه جفلت بسرعه ورجعت للماي كتله
ملاك ،، اطلع برا اطلع احمد اطلع
احمد ،، ملك شبيج خليني اساعدج
ملك ،، شكرا مااريد اني هسه اطلع
احمد ،، ماشي براحتج حبيبي بس اهدي
_ ملك طلع واني نزلت دموي مااريدة يشوف
جسمي شلون مشوه صدري المفتوح
يخوف اثر العمليه مقزز مااريد احمد يشوفه ابد
اكيد راح يتقزز من اثر الجراحه صدري علئ طوله مفتوح وشكله مقرز كمت قفلة باب الحمام وقفت
كدام المرايا اباوع صح محمد طالب من الدكتور
مايكون الجرح كبير ويكون مخيط بطريقه
جيدة وفعلا الدكتور خبرني انو حاول قدر المستطاع
يخلي الجرح مو كبير وكثير معتنين بالخياط
وخبير التجميل اكدلي انو باليزر راح يزير 90% من الاثر بس هاذا مو حل شكل محلو وكلش
اثر علئ نفسيتي صار شهرين واني
كل مااباوع النفسي بالمرايه واشوف اثر العمليه
وسط صدري اتعب نفسيا اكثر واكثر ماكدرت احجي
لاي احد الكل يحسدني علئ شعري وجمالي
واني مااكذب كنت افتخر بنفسي بس حاليا
من اسمع اطراء احزن لان اعرف اكو شيئ بداخلي
نقص شوه هل تحفه المبهره للجميع بس ارجع واكول الحمد الله اهم شيئ لساتني عايشه واتنفس
لميت شعري ولبست فستان ماروني
يوصل نص ساق ردان طوال ومن صدر مقبط
وهاي اني من يوم العمليه ماالبس شيئ مفتوح من كدام ابدا حتئ لا اخلي احد يشوف اثر العمليه وهاي معانات جديدة بالنسبه الي
