هلاو حبايبي
.
.
ويكفيني من هاذا الحياة انك ممرت في عمري
.
.
ملاك ،، الي جابني اليوم هو انت ياعلي صح مفهمت شنو الي صاير بس قلبي يعلم اكو شيئ صاير وياك وهوة مستحيل يكذب بااحساسه لذلك مكدرت اتجاهل هل احساس ياعلي احجيلي شكو شصاير وياك لا ضم عليه ياعلي اني ملك
- من حجت هيج هوة ضل مايعرف شيحجي ضل يبلع بريقه فرك وجها كم مرة هاذي المراة هلاكه بلا منازع رجع باوعلها شاف بعيونها الخوف والحيرة
ضل حاير يبلغها بمصيبته لو يسكت بس اخاف يسكت وبعدين يندم ترخص منها وكام وكف طلع
علي ،، اسمحيلي ياغاليا
_ باوعتله وهزت راسها كام طلع
للبكونه مال المطعم ضل يدخن وهي تباوع عليه زاد قلقها اما هو ضل يفكر شلون ويا هل مراة الي هيه نقطة ضعفه وبنفس الوقت كل قوته اخر شيئ قرر يحجيلها كل شيئ دخل كعد كبالها وهو متوتر
بلع ريك رحجة
_ الي يشرفه يكول هاذا مو نفسه الجبل الي صيته سابقه واسمه ؏ كل لسان معروف بقوته وشهامته
وحكمته الناس كبار صغار تشيد بي صاحب الحضور
الملفت هيبته وفخامة حضورة طاغيه وكلمته
قانون والي ينخاه مايخيب اكيد مايخيب
هاذا هو شيخ علي ياخذ حق المضلوم من حلك السبع معروف بشامته يلجئ الو من ضاقت بي
دنياه گ اخر سبيل وهو كدها من يوعد يوفه
رجل صاحب ذوق رفيع جدا عنوان للفخامه ورقي
والعنفران
_ تنحتح وحجة بصوت يعكس شخصيته القياديه
تماما كان كانو شخص ثاني ملك كانت تباوعله
وقلبها يحترق احساسها بالخطر صار اقوئ
بدات من كال
علي ،، الوضع مايطن ملك
ملك ،، شنو جديد هاذا وضع البلد من خلقته لليوم
علي ،، لا شيخه هل مرة لعبه قذره
ملك ،، احجيلي
علي ،، مااريد تتورطين ملك
ملك ،، اسمع علي انت تعرف مكانتك عندي صح
انت مثل محمد واعز ومشكلتك مشكلتنا
وبعيد عن كل هاذ اني حاليا محاميه اكدر
اساعدك حتئ نشوف حل لهل مشكله وانت تعرف
ملك ماتحجي اذا متكون كد كلمتها احجي علي
والله مااتحمل اشوفك هموم انت مايلوك
الك غير الخيلاء ياعلي
علي ،، اكو جها مجهوله من فتره تتربص للاغنياء
رجال اعمال شيوخ شخصيات
ملك ،، وسبب
علي ،، تسليب ونهب الامول
ملك ،، افهم من كلامك انت من ضمن المستهدفين
_ هز راسه الها وهي وجها اعتكف بلعت ريقها بصعوبه وحجة
