مُنقَذتي ( لُغة الحُبُّ )

البارت الثالث عشر

اللهم اجعل أوسع رزقهما عند كبر سنهما وانقطاع عمرهما، اللهم اغفر لهما جميع ما مضى من ذنوبهما، وأعصمهما فيما بقي من عمرهما، وارزقهما عملاً زاكياً ترضى به عنهما، اللهم تقبل توبتهما وأجب دعوتهمم اللهم إنا نعوذ بك أن تردهما إلى أرذل العمر، اللهم واختم بالحسنات أعمالهما، اللهم آمين اللهم وأعنا على برهما حتى يرضيا عنا فترضى، اللهم أعنا على الإحسان إليهما في كبرهما اللهم اجعلهما في ضمانك وأمانك وإحسانك 💙

البارت الثالث عشر

سلاف وهى بتمسك ايدين سفيان : انا سلاف يا سفيان سلاف هى انا

سفيان بعد تصديق : يعنى انتى هى سلاف

سلاف بضحك: ايوه هى انا انا سلاف يا سفيان

سفيان حضنها وقام يلف بيها فى الاوضه كلها من فرحته

سلاف بضحك وسعاده : بس بس يا مجنون نزلنى هقع سفيان نزلها على الأرض وهى لسه فى حضنه

سفيان : انا دورت عليكى كتير اوووى كتير اوووى قلبت الدنيا عليكى وبرضوا ملقتكيش

سلاف وهى بتمسك وشه بايديها : وانا كمان يا سفيان دورت عليك كتير اووى بس برضوا ملقتكش بس بص اهو احنا مع بعض من تانى القدر جمعنا تانى يا سفيان كل الى حصل ده عشان نتقابل ونتجمع من تانى

سفيان ضمها ليه وهو خايف انه يكون حلم ويفوق منه فى اى لحظه : خايف خايف يا سلاف اننا نتفرق تانى

سلاف وهى بتحضنه اكتر : مفيش فراق تانى يا سفيان خلاص احنا مش هنبعد عن بعض نهائى بعدت سلاف عن حضنه وفضل هو محاوطها بايديه بيبص ليها وكانه اول مره يشوفها

سفيان : وحشتينى يا سلاف وحشتينى جدا محتاج احكيلك حاجات كتير اوووى حاجات كنت بشالها فى نفسى عشان اليوم ده لما يجى احكيلك كل حاجه

سلاف : وانا اهو جمبك يا سفيان وهسمعك وعمرى ما هبعد عنك نهائى

سفيان : وعد يا سلاف وعد انك تفضلى معايا مهم حصل

سلاف بأجمل ابتسامه : وعد يا سفيان وعد هو انا لقيتك بالساهل عشان ابعد عنك سفيان ابتسم وضمها ليه اكتر وهى كمان حضنته مش قادرين يصدقوا انهم اتجمعوا من تانى مش قادرين يصدقوا ان القدر اداهم فرصه تانيه والحياه بدأت تضحكلهم

##########################

وصال راحت لاوضه عمها محمد خبطت الباب ودخلت لقته قاعد قدامها اتجهت ليه وقعدت قصاده

وصال : خير يا عمى كنت عايزنى

محمد : خير يا قلبى بصى كده يا وصال انتى جايلك عريس

وصال قلبها اتقبض من مجرد الكلمه لا لا هى مش هتكون غير لأسر

وصال وهى بتقوم من مكانها: وانا مش عايزه أتجوز يا عمى عن اذنك