Unicode
"ဟာရုတို"
ရုတ်တရက် နားထဲတိုးဝင်လာသည့် ကျယ်လောင်လှသော အသံ ။ အနီးအနားကို ဝေ့ကြည့်လိုက်တော့ ဘေးနားမှာရပ်ပြီး
ဟာရုတိုကို မျက်မှောင်ကြုံ့ရင်း ကြည့်နေသော ဒိုယောင်း ။
"မင်းကဘယ်လိုလုပ်ဒီရောက်နေတာလဲ"
"ငါ့အလုပ်ငါလာတာလေ မင်းဘာတွေကြောင်နေတာလဲ"
ဒိုယောင်း ပြန်ပြောလိုက်မှ ဟာရုတို အသိစိတ်ပြန်ဝင်သွားရသည် ။
ဟာရုတို အခုရောက်နေတာ စတူဒီယိုမှာဖြစ်သည် ။ လွန်ခဲ့တဲ့မိနစ်ပိုင်းကပင် ဒိုယောင်းက သူလာခဲ့မယ်ဟု ဖုန်းဆက်ပြီး ဟာရုတိုက အခုဒိုယောင်းအလာကို စောင့်နေတုန်း ဖြစ်၏။
"မင်းခုတလော ဘာဖြစ်နေတာလဲ? ပုံမှန်မဟုတ်တာတော့ သေချာတယ်"
ဟာရုတိုကို မသက်ာသောမျက်လုံးများဖြင့် ကြည့်လာသော ဒိုယောင်း ပြောလဲပြောချင်စရာပင် ။
ပြပွဲနေ့ပြီးထဲက ဟာရုတို ဦးနှောက်ထဲ ရာထောင်ချီသောအတွေးပေါင်းစုံ ဝင်လာခဲ့သည် ။
သေချာပေါက် ဂျွန်ကယူhyungနှင့် သက်ဆိုင်သော အတွေးများပင်ဖြစ်သည် ။
ဂျွန်ကယူhyungနှင့် နောက်ဆုံးတွေ့ပြီးသည့်အချိန်မှာ ဟာရုတိုသဘောပေါက်မိတာက ဂျွန်ကယူhyung အပေါ် ညီအစ်ကိုဆက်ဆံရေးထက်ပိုသော
ခံစားချက်အချို့ ရှိနေပြီ ဆိုသော အချက်ဖြစ်သည် ။
ဆက်ပြီး ဝင်လာသော အတွေးများက
'ငါက ဂေးလား?'
'ဘာလို့ ဂျွန်ကယူhyungလဲ?'
'ကြိုက်ယုံ သဘောကျယုံအဆင့်လား? ချစ်တဲ့အထိ တွဲချင်တဲ့အထိလား?'
စသည့် မေးခွန်းများစွာပင် ဖြစ်သည် ။
ဘဝမှာ ပထမဆုံးအနေနှင့် ယောက်ျားလေးတစ်ယောက်ကို စိတ်ဝင်စားဖူးခြင်း ဖြစ်သည့်အလျောက် ဟာရုတိုစိတ်ထဲမှာ အလွန်တရာ ရှုပ်ထွေးနေသည် ။
ထို့ကြောင့် ဒီရက်ပိုင်း အသိစိတ်မကပ်ရခြင်း၏ တရားခံကို ဟာရုတို၏အချစ်ရေး ဟု ခေါင်းစဉ်တပ်၍ ရလောက်သည် ။
"ဟေ့ကောင် ပြောနေရင်းနဲ့တင် ကြောင်တောင်တောင်ကြီးဖြစ်သွားပြန်ပြီ"
YOU ARE READING
I AM THE ONLY ONE TO LOVE YOU || HIATUS
Fanfictionအစ်ကို့ကိုချစ်ခွင့်ရတဲ့သူက ဒီကမ္ဘာမှာ ကျွန်တော်တစ်ယောက်တည်းသာ ဖြစ်ရပါလို၏ Haruto X Junkyu Ft.Jeongwoo (MM fanfic)
