#قسوة_الحب
#بارت2
ﻃﻠﻌﺖ ﻭﻳﺎ ﻣﻦ ﺍﻟﻘﺎﻋﻪ ﺩﻧﺤﭽﻲ ﻉ ﺍﻟﻤﺤﺎﺿﺮﺍﺕ ﻭﺍﻟﻤﻮﺍﺩ ﻭﺩﺍ ﺍﻓﻬﻤﻪ ﺑﻄﺒﻴﻌﺔ ﺍﺳﺎﺗﺬﺗﻨﻪ ﻭﺍﺳﻠﻮﺏ ﺍﺳﺌﻠﺘﻬﻢ ﻭﻣﻨﺪﻣﺠﻪ ﺑﻜﻼﻣﻲ ﻓﺠﺄﻩ ﺻﺎﺭ ﺍﺳﺮ ﮔﺪﺍﻣﻲ
ﺑﺎﻭﻋﺖ ﻋﻠﻲ ﻳﺨﺰﺭ ﺑﻴﻪ ﻭﻋﻴﻮﻧﻪ ﻧﺎﻃﻪ ﻟﻴﺒﺮﻩ ،، ﺧﻔﺖ ﻛﻠﺶ ﻣﻦ ﻣﻨﻈﺮﻩ ﺍﺩﺭﻱ ﺑﻲ ﻣﻦ ﻳﺘﻌﺼﺐ ﻳﭽﻔﺺ ﺑﻼ ﻣﻴﺤﺲ ﻋﻠﻰ ﺭﻭﺣﻪ
ﻣﺎ ﺷﻔﺘﻪ ﺇﻻ ﺍﺟﻪ ﺑﺤﺮﻛﻪ ﺳﺮﻳﻊ ﺑﺎﺗﺠﺎﻩ ﻣﻨﺘﻈﺮ
ﺑﮕﻠﺒﻲ ﮔﻠﺖ ﻫﺎ ﻫﻲ ﺭﺍﺡ ﺑﻴﻬﺎ ﺍﻟﻮﻟﺪ ﻭﺍﻧﻔﻀﺤﺘﻲ ﺑﻨﺺ ﺍﻟﻜﻠﻴﻪ ﺧﻴﺎﻝ
ﻭﺻﻞ ﻳﻤﻪ ﻟﺰﻣﻪ ﻣﻦ ﻳﺎﺧﺘﻪ ﺣﻴﻞ ﻳﺨﺾ ﺑﻲ
ﺍﺳﺮ .. ﺷﻌﻨﺪﻙ ﻭﻳﺎ ﺑﺖ ﻋﻤﻲ ﻭﻟﻚ
ﻣﻨﺘﻈﺮ .. ﺍﺧﻲ ﺷﺒﻴﻚ ﺷﻨﻮ ﺍﻟﺴﺎﻟﻔﻪ
ﺧﻴﺎﻝ .. ﺍﺳﺮ ﺍﻟﻠﻪ ﻳﺨﻠﻴﻚ ﺍﺗﺮﻛﻪ ﻣﻴﺼﻴﺮ ﻫﻴﭻ
ﺍﺳﺮ .. ﺑﺎﻭﻋﻠﻲ ﺑﺨﺰﺭﻩ : ﻟﻌﺪ ﻳﺼﻴﺮ ﺗﺘﻤﺸﻴﻦ ﻭﻳﺎ ﺑﻨﺺ ﺍﻟﻜﻠﻴﻪ ﻋﻴﻨﻚ ﻋﻴﻨﻚ ﻭﮔﺪﺍﻡ ﺍﻟﻜﻞ
ﻣﻨﺘﻈﺮ .. ﺷﺼﺎﺭ ﻳﻌﻨﻲ ﺗﺮﻯ ﺍﺣﻨﻪ ﺯﻣﻼﺀ ﻭﺍﻧﻲ ﺟﺎﻱ ﻧﻘﻞ ﺑﺎﻟﺠﺪﻳﺪ ﻓﻄﻠﺒﺖ ﻣﻨﻬﺎ ﺍﻟﻤﺤﺎﺿﺮﺍﺕ ﺍﻟﻔﺎﻳﺘﺘﻨﻲ
ﺍﺳﺮ .. ﺍﻃﻠﺐ ﻣﻦ ﻏﻴﺮﻫﺎ ﻳﺸﺎﻃﺮ ﻭﻃﺒﻄﺐ ﻋﻠﻰ ﺧﺪﻩ ﺑﺤﺮﻛﺎﺕ ﺧﻔﻴﻔﻪ
ﺍﺳﻤﻌﻨﻲ ﺯﻳﻦ ﺍﺫﺍ ﻋﻔﺘﻚ ﻫﺴﻪ ﻓﺎﻟﺨﺎﻃﺮ ﺑﺖ ﻋﻤﻲ ﺣﺘﻰ ﻟﻴﺼﻴﺮ ﻗﺎﻝ ﻭﻗﻴﻞ ﻭﺗﺼﻴﺮ ﻋﻠﭻ ﺑﺤﻠﻮﮒ ﺍﻟﻄﻼﺏ ﺑﺲ ﺻﺪﮔﻨﻲ ﺍﺫﺍ ﻣﺮﻩ ﺛﺎﻧﻴﻪ ﺷﻔﺘﻚ ﺧﻄﻔﺖ ﻣﻦ ﻳﻤﻬﺎ ﻣﺘﻠﻮﻡ ﺇﻻ ﻧﻔﺴﻚ
ﺑﺎﻭﻋﻠﻲ ﻣﻨﺘﻈﺮ ﻣﺴﺘﻐﺮﺏ ﻣﻦ ﺧﺒﺎﻝ ﺍﺳﺮ ﺷﮕﺪ ﺧﺠﻠﺖ ﻣﻨﻪ ﺑﻮﻗﺘﻬﺎ ﻻﻥ ﺗﺼﺮﻓﻪ ﻳﺪﻝ ﻉ ﺍﻟﻬﻤﺠﻴﻪ ﺣﺎﻟﻪ ﻣﻦ ﺣﺎﻝ ﺑﺎﻗﻲ ﺍﻟﻨﺎﺱ ﺍﻟﻤﺘﺨﻠﻔﻴﻦ
ﺟﺮ ﻭﺟﻬﺎ ﺑﺄﻳﺪﻩ ﻭﻋﺎﻁ ﺑﻲ
ﺍﺳﺮ .. ﻫﻴﻴﻲ ﻭﻳﻦ ﺩﺗﺒﺎﻭﻉ ،، ﻋﻴﻮﻧﻚ ﻻ ﺍﻓﮕﺴﻬﻦ
ﺧﻴﺎﻝ .. ﺑﺎﻭﻋﺖ ﻟﻠﻄﻼﺏ ﻣﺘﺠﻤﻌﻴﻦ ﻗﺮﻳﺐ ﻣﻨﻪ : ﻛﺎﻓﻲ ﺍﺳﺮ ﻛﺎﻓﻲ ﺍﻧﻔﻀﺤﻨﺎ
ﺍﺳﺮ .. ﺩﻓﻌﻪ ﺣﻴﻞ : ﻳﻼ ﻭﻟﻲ ﻣﻨﺎ ﻭﺑﻌﺪ ﻟﺘﺘﻘﺮﺏ ﻣﻦ ﺧﻴﺎﻝ ﺣﺘﻰ ﺗﺤﺎﻓﻆ ﻋﻠﻰ ﺷﺒﺎﺑﻚ ﺍﻟﺤﻠﻮ
ﺭﺍﺡ ﻣﻨﺘﻈﺮ ﻭﺍﻧﻲ ﻇﻠﻴﺖ ﺻﺎﻓﻨﻪ ﻋﻠﻰ ﺍﺳﺮ ﺍﻟﻴﻨﻔﺾ ﻗﻤﻴﺼﻪ ﺑﺒﺮﻭﺩ ﻭﻳﺼﻮﻓﺮ
ﺭﻓﻊ ﺭﺍﺳﻪ ﺷﺎﻓﻨﻲ ﺍﺑﺎﻭﻋﻠﻪ ﺭﻓﻊ ﺗﻚ ﺣﺎﺟﺐ
ﺍﺳﺮ .. ﺧﻴﺮ ﺻﺎﻳﺮ ﺷﻲ ؟ ! ﻟﻴﺶ ﺗﺒﺎﻭﻋﻴﻠﻲ ﻫﻴﭻ
ﺧﻴﺎﻝ .. ﺻﺪﮒ ﺗﺤﭽﻲ !! ﻳﻌﻨﻲ ﻛﻞ ﺍﻟﺼﺎﺭ ﻋﻨﺪﻙ ﻻ ﺷﻲﺀ ﻭﻣﺴﺘﻐﺮﺏ ﻣﻦ ﻧﻈﺮﺍﺗﻲ ﺍﻟﻚ
ﺍﺳﺮ .. ﻣﺎ ﺻﺎﺭ ﺇﻻ ﺍﻟﺨﻴﺮ ﺑﺖ ﻋﻤﻲ
ﺧﻴﺎﻝ .. ﺍﻧﺖ ﺷﻨﻮ ﺍﺳﺮ ؟ !! ﻣﻨﻴﻦ ﺍﻟﻠﻪ ﺧﺎﻟﻘﻚ ﺑﺲ ﻓﻬﻤﻨﻲ
ﺍﺳﺮ .. ﻣﻦ ﺍﻟﻌﺴﻞ ﻋﻠﻰ ﮔﻮﻟﺔ ﺍﺧﺘﭻ
ﺧﻴﺎﻝ .. ﻛﺎﻓﻲ ﺷﻘﻪ ﺩﺍ ﺍﺣﭽﻲ ﺟﺪ
ﻃﮕﺖ ﺭﻭﺣﻲ ﻣﻨﻚ ﻭﻣﻦ ﺗﺤﻜﻤﻚ ﺑﻴﻪ ،، ﺑﺄﻱ ﺣﻖ ﺗﻼﺣﻘﻨﻲ ﻭﺗﺤﺎﺳﺒﻨﻲ ﻋﻠﻰ ﺗﺼﺮﻓﺎﺗﻲ ﺣﺎﭼﻴﻨﻲ ؟ ! ﺷﻨﻮ ﺳﻠﻄﺘﻚ ﻋﻠﻴﻪ ﺍﻟﺘﺨﻠﻴﻚ ﺗﺘﺠﺮﺃ ﻭﺗﺴﻮﻱ ﻛﻞ ﻫﺬﺍ ﻭﻳﺎﻳﻪ
ﺍﺳﺮ .. ﺍﺑﻦ ﻋﻤﭻ ﻏﻴﺮ
ﺧﻴﺎﻝ .. ﺍﺑﻦ ﻋﻤﻲ ﻋﻠﻰ ﻋﻴﻨﻲ ﻭﺭﺍﺳﻲ ﺑﺲ ﻋﻨﺪﻱ ﺍﺧﻮﺍﻥ ﻭﻫﻢ ﺍﺣﻖ ﺑﻤﺤﺎﺳﺒﺘﻲ ﺳﺎﻋﺔ ﺍﻻﻛﻮﻥ ﻭﺣﻴﺪﻩ ﻻ ﺍﺏ ﻭﻻ ﺍﺥ ﻋﻮﺩ ﺗﮕﺪﺭ ﺗﺘﺪﺧﻞ ﺑﻴﻪ ﺑﺎﻟﺸﻜﻞ ﺍﻟﻴﻌﺠﺒﻚ
ﺍﺳﺮ .. ﻓﺪﺍﺀ ﻟﻮ ﺷﺎﻳﻒ ﻫﺎﻟﺸﻲ ﮔﺪﺍﻣﻪ ﺭﺍﺡ ﻳﺴﻜﺖ ؟؟
ﺧﻴﺎﻝ .. ﻟﻴﺶ ﻭﺷﻨﻮ ﺷﻔﺖ ﺣﻀﺮﺗﻚ
ﻻﺯﻣﻴﻦ ﺍﻳﺪ ﺑﻌﺾ ﻭﻧﻤﺸﻲ ﻟﻮ ﻧﺎﻳﻤﻪ ﺑﺤﻀﻨﻪ ﻋﻴﻨﻚ ﻛﻨﺖ ﻋﻴﻨﻚ
ﺍﺳﺮ .. ﺷﻨﻮ ﻫﺎﻟﺤﭽﻲ ﻭﻟﭻ
ﺧﻴﺎﻝ .. ﻟﺘﮕﻮﻝ ﻭﻟﭻ ﻭﺍﺣﺬﺭﻙ ﺗﻌﻴﺪ ﻫﺬﺍ ﺍﻟﺸﻲ ﻭﺇﻻ ﺭﺍﺡ ﺍﺧﻠﻲ ﺑﺎﺑﺎ ﻳﺘﺼﺮﻑ ﻭﻳﺎﻙ ﺳﺎﻋﺘﻬﺎ
ﻣﺎ ﺍﺳﻤﺤﻠﻚ ﺗﻔﻀﺤﻨﻲ ﮔﺪﺍﻡ ﺯﻣﻼﺋﻲ ﺑﻌﻘﻠﻴﺘﻚ ﺍﻟﻤﺘﺨﻠﻔﻪ ﻭﻳﺎ ﺭﻳﺖ ﺗﺴﺘﻮﻋﺐ ﻛﻼﻣﻲ ﺣﺘﻰ ﻟﻨﺨﺴﺮ ﺑﻌﺾ
ﺭﺟﻌﺖ ﻟﻠﻘﺎﻋﻪ ﻉ ﺍﻟﺴﺮﻳﻊ ﺍﺧﺬﺕ ﻏﺮﺍﺿﻲ ﻭﻃﻠﻌﺖ ،، ﻇﻞ ﻳﻤﺸﻲ ﻭﺭﺍﻳﻪ ﻳﺤﺎﻭﻝ ﻳﻮﮔﻔﻨﻲ ﺑﺲ ﺗﺠﺎﻫﻠﺘﻪ ﻟﺤﺪ ﻣﺎ ﺟﺮﻧﻲ ﻣﻦ ﺍﻳﺪﻱ ﺣﻴﻞ
ﺍﺳﺮ .. ﺍﻭﮔﻔﻲ ﻣﻮ ﺩﺍ ﺍﺣﺎﭼﻴﭻ ﻟﻴﺶ ﺟﺒﺮﺗﻴﻨﻲ ﺍﻟﺰﻣﭻ ﻭﺍﻧﻲ ﻣﺎ ﺭﺍﻳﺪ ﻫﺎﻟﺸﻲ
ﺧﻴﺎﻝ .. ﻋﻮﻓﻨﻲ ﺍﺳﺮ ﺧﻠﻴﻨﻲ ﺍﺭﻭﺡ ﻷﻥ ﺣﺎﻟﻴﺎً ﻛﻠﺶ ﺿﺎﻳﺠﻪ ﻣﻨﻚ ﻭﻣﺎ ﺟﺎﻱ ﻋﻠﻰ ﺑﺎﻟﻲ ﻧﺘﻨﺎﻗﺶ
ﺍﺳﺮ .. ﻟﻴﺶ ؟ ! ﻛﻞ ﻫﺬﺍ ﺑﺲ ﻷﻥ ﺩﻓﻌﺖ ﺍﻟﻮﻟﺪ ﻋﻨﭻ
ﺧﻴﺎﻝ .. ﺩﻓﻌﺘﻪ ﺷﻨﻮ ؟ !
ﺗﺮﻯ ﺍﻟﻮﻟﺪ ﻣﺎ ﻋﻨﺪﻩ ﺷﻲ ﻭﻻ ﺗﺠﺎﻭﺯ ﺍﻟﺤﺪﻭﺩ ﻭﻳﺎﻳﻪ ﻛﻠﻤﺎ ﺑﺎﻟﻤﻮﺿﻮﻉ ﺭﺍﺩ ﻣﻨﻲ ﺍﻟﻤﺤﺎﺿﺮﺍﺕ ﺑﻌﺪ ﻣﺎ ﺷﺎﻓﻨﻲ ﻣﻠﺘﺰﻣﻪ ﺑﺎﻟﺪﻭﺍﻡ ﻣﻦ ﺩﻭﻥ ﺍﻟﻄﻼﺏ
ﺍﺳﺮ ﻣﺪﺍ ﺍﺻﺪﮒ ﻋﻘﻠﻴﺘﻚ !! ﺷﺘﻔﺮﻕ ﻋﻦ ﻛﻞ ﺍﻟﻄﻼﺏ ﺍﻟﺪﺗﺸﻮﻓﻬﻢ ﮔﺪﺍﻣﻚ
ﺑﺎﻭﻉ ﻋﻠﻴﻬﻢ ﺑﺎﻭﻉ ،، ﻫﺬﻭﻟﻪ ﻭﺍﺣﺪﻫﻢ ﻣﻴﺼﺪﮒ ﻳﺸﻮﻑ ﺑﻨﻴﻪ ﻭﺍﮔﻔﻪ ﻭﻳﺎ ﺯﻣﻴﻠﻬﺎ ﮔﺒﻞ ﻳﺒﺪﻱ ﻳﺤﭽﻲ ﺍﻧﻮﺍﻉ ﺍﻟﺤﭽﻲ ﻭﻳﮕﻮﻝ ﺍﻛﻴﺪ ﻋﺪﻫﻢ ﻋﻼﻗﻪ ﻣﺎﻃﻮﻝ ﻭﺍﮔﻔﻴﻦ ﺳﻮﻩ
ﺍﺳﺮ .. ﻭﻣﺎ ﺩﺍﻡ ﺗﻌﺮﻓﻴﻦ ﻋﻘﻠﻴﺎﺗﻬﻢ ﻟﻴﺶ ﺗﺠﻴﺒﻴﻦ ﺍﻟﺤﭽﻲ ﺍﻟﺮﻭﺣﭻ
ﺧﻴﺎﻝ .. ﻣﻴﻬﻮﻣﻨﻲ ﺗﺮﻯ ﻟﻮ ﻳﺤﭽﻮﻥ ﻣﻨﺎ ﺍﻷﻟﻒ ﺳﻨﻪ ﺑﺲ ﺍﻟﻴﻬﻤﻨﻲ ﺍﻧﺖ
ﻣﺎ ﺍﺣﺐ ﺍﺷﻮﻓﻚ ﺗﻔﻜﺮ ﺑﺘﺨﻠﻒ ﻣﺜﻠﻬﻢ ﻫﺎﻟﺸﻲ ﻛﻠﺶ ﻳﻀﺎﻳﻘﻨﻲ
ﺍﺳﺮ .. ﻣﺼﺎﺭ ﺷﻲ ﺧﻴﺎﻝ ﺳﺪﻱ ﺍﻟﻤﻮﺿﻮﻉ
ﺧﻴﺎﻝ .. ﻻ ﻭﺍﻟﻠﻪ !!
ﺣﺘﻰ ﻣﺘﮕﺪﺭ ﺗﻨﻄﻖ ﺍﻷﺳﻒ ﺑﻠﺴﺎﻧﻚ ﻣﻦ ﻭﺭﻯ ﻏﺮﻭﺭﻙ
ﺍﺳﺮ .. ﻭﻟﻴﺶ ﺍﻋﺘﺬﺭ ﺗﺮﻯ ﻣﺎ ﺧﻄﺄﺕ ﺑﺤﻘﭻ ﺍﻧﺘﻲ ﻛﺒﺮﺗﻲ ﺍﻟﻤﻮﺿﻮﻉ
ﺑﺎﻭﻋﺘﻠﻪ ﺻﻔﺢ ﻭﻋﻔﺘﻪ ﻭﻣﺸﻴﺖ ،، ﺭﺟﻊ ﻳﺼﻴﺢ ﻭﺭﺍﻳﻪ ﻭﻻ ﻛﺄﻧﻲ ﺍﺳﻤﻌﻪ ﻟﺤﺪ ﻣﺎ ﺟﺮﻧﻲ ﻣﻦ ﺍﻳﺪﻱ ﻣﺮﻩ ﺛﺎﻧﻴﻪ
ﺍﺳﺮ .. ﻭﺗﺎﻟﻲ ﻭﻳﺎﭺ ؟ ! ﺗﺤﭽﻴﻦ ﻋﻠﻴﻪ ﻷﻥ ﻓﻀﺤﺘﭻ ﻭﺍﻧﺘﻲ ﺑﻬﺎﻱ ﺗﺼﺮﻓﺎﺗﭻ ﺗﺠﻴﺒﻴﻦ ﺍﻟﻔﻀﻴﺤﻪ ﺍﻟﻨﻔﺴﭻ ﺑﺎﻟﮕﻮﻩ
ﺧﻴﺎﻝ .. ﺷﺘﺮﻳﺪ ﺑﺲ ﻓﻬﻤﻨﻲ
ﺍﺳﺮ .. ﻭﻳﻦ ﺭﺍﻳﺤﻪ ؟ !
ﺧﻴﺎﻝ .. ﻟﻠﺒﻴﺖ
ﺍﺳﺮ .. ﺑﺲ ﺑﻌﺪﻩ ﺩﻭﺍﻣﭻ ﻣﺎ ﺧﻠﺺ
ﺧﻴﺎﻝ .. ﺍﻧﺴﺪﺕ ﻧﻔﺴﻲ ﻋﻦ ﻛﻠﺸﻲ ﺑﻌﺪ ﻣﺎﻟﻲ ﻭﺍﻫﺲ ﻟﻠﻤﺤﺎﺿﺮﺍﺕ
ﺍﺳﺮ .. ﺗﻌﺎﻟﻲ ﻟﻌﺪ ﺧﻠﻲ ﺍﻭﺻﻠﭻ
ﺧﻴﺎﻝ .. ﻻ ﺷﻜﺮﺍً ﻫﺴﻪ ﺍﺧﺎﺑﺮ ﺍﻟﺨﻂ ﻭﺍﺫﺍ ﻣﺎ ﮔﺪﺭ ﻳﺠﻴﻨﻲ ﺍﺭﻭﺡ ﻋﺒﺮﻳﻪ
ﺍﺳﺮ .. ﻋﻴﺐ ﻋﻠﻴﭻ ﺗﺤﭽﻴﻦ ﻫﻴﭻ ﻭﺍﻧﻲ ﻣﻮﺟﻮﺩ
ﺍﻣﺸﻲ ﻳﻼ ﺧﻠﻲ ﺍﻭﺻﻠﭻ
ﺧﻴﺎﻝ .. ﻣﺎ ﺍﺻﻌﺪ ﻭﻳﺎﻙ ﺍﺫﺍ ﻣﺎ ﺍﻋﺘﺬﺭﺕ
ﺍﺳﺮ .. ﺿﺤﻚ ﻭﻫﺰ ﺭﺍﺳﻪ
ﺧﻴﺎﻝ .. ﻟﻴﺶ ﺗﻀﺤﻚ ؟ ! ﺷﻜﻮ ﺑﻴﻬﺎ ﻟﻮ ﺷﻮﻳﻪ ﺗﻨﺰﻝ ﻣﻦ ﻧﻔﺴﻚ ﻭﺗﻌﺘﺮﻑ ﺑﻐﻠﻄﻚ ﺗﺮﻯ ﻣﺮﺍﺡ ﺗﻘﻮﻡ ﺍﻟﻘﻴﺎﻣﻪ
ﺍﺳﺮ .. ﺧﻴﺎﻝ ﻛﺎﻓﻲ ﺯﻭﺩﻳﺘﻬﺎ
ﺧﻴﺎﻝ .. ﻣﻊ ﺍﻟﺴﻼﻣﻪ
ﺭﺩﺕ ﺍﻣﺸﻲ ﻟﺰﻣﻨﻲ ،، ﺟﺮﻳﺖ ﺍﻳﺪﻱ ﻣﻨﻪ ﺣﻴﻞ
ﺍﺳﺮ .. ﺧﻴﺎﻝ
ﺧﻴﺎﻝ .. ﻭﺻﻠﺖ ﺣﺪﻫﺎ ﻭﻳﺎﻙ ﻭﺍﻟﻠﻪ ﺍﻟﻌﻈﻴﻢ
ﺍﺳﺮ .. ﻟﺘﻜﺒﺮﻳﻦ ﺭﺍﺳﭻ ﻭﺗﺨﺘﺒﺮﻳﻦ ﺻﺒﺮﻱ ﻭﻳﺎﭺ ﺗﺪﺭﻳﻦ ﺑﻴﻪ ﻋﻘﻠﻲ ﻣﻮ ﺍﻟﻲ ﻋﻠﻰ ﮔﻮﻟﺘﭻ
ﺧﻴﺎﻝ .. ﺍﺳﺮ ﻣﻮ ﻛﺎﻓﻲ ؟ !
ﺍﺗﺮﺟﺎﻙ ﻟﺘﺠﺒﺮﻧﻲ ﺍﺭﻭﺡ ﺍﻟﺒﺎﺑﺎ ﻭﻓﺪﺍﺀ ﻭﺍﺣﭽﻴﻠﻬﻢ ﻛﻠﺸﻲ ﺻﺎﺭ ﻭﻧﺸﻮﻑ ﺳﺎﻋﺘﻬﺎ ﻣﻨﻮ ﺑﻴﻨﻪ ﻏﻠﻄﺎﻥﺍﺳﺮ .. ﻻ ﻭﺍﻟﻠﻪ ﺧﻮﻓﺘﻴﻨﻲ
ﺭﻭﺣﻲ ﺍﺣﭽﻴﻠﻬﻢ ﺷﻨﻮ ﻳﻌﻨﻲ ،، ﺍﮔﻠﻬﻢ ﺍﺣﺐ ﺑﺘﻜﻢ ﺍﻟﺜﻮﻟﻪ ﻭﻫﻲ ﻣﺜﻞ ﺍﻟﻤﻄﻲ ﺑﻼ ﺍﺣﺴﺎﺱ
ﺧﻴﺎﻝ .. ﻟﺘﺘﺠﺎﻭﺯ ﺭﺟﺎﺀﺍً
ﺍﺳﺮ .. ﻣﻤﺘﺠﺎﻭﺯ ﻷﻥ ﻫﻲ ﻫﺎﻱ ﺍﻟﺤﻘﻴﻘﻪ
ﺧﻴﺎﻝ .. ﻻ ﺗﺮﻯ ﺍﻧﺖ ،،، ﻓﺠﺄﻩ ﺻﻔﻨﺖ ﻓﺎﺗﺤﻪ ﻋﻴﻮﻧﻲ ﺷﻨﻮ ﮔﺎﻝ ﺍﺣﺐ ﺑﺘﻜﻢ !!!!
ﺍﺳﺮ .. ﻫﺎ ﺷﺒﻲ ﺍﺑﻮ ﺻﺎﺑﺮ ﺻﻔﻦ
ﺧﻴﺎﻝ .. ﺷﻨﻮ ﺗﺤﺒﻨﻲ ﺍﻟﻲ ؟ !!
ﺍﺳﺮ .. ﻻ ﺍﺣﺐ ﺍﻣﻲ ﻷﻥ ﺧﻮﺵ ﻣﺮﻩ ﻭﺍﻟﻠﻪ
ﺧﻴﺎﻝ .. ﺍﺳﺮ ﺍﺣﭽﻲ ﻋﺪﻝ ﻟﺘﻠﻌﺐ ﻋﻠﻴﻪ
ﺍﺳﺮ .. ﺍﻱ ﻭﻟﭻ ﺍﺣﺒﭻ ﻣﻦ ﺛﻮﻝ ﺍﻟﺜﻮﻟﭻ ﺍﻥ ﺷﺎﺀ ﺍﻟﻠﻪ
ﺧﻴﺎﻝ .. ﻳﻌﻨﻲ ﺍﻧﺖ ﺣﺘﻰ ﺑﺎﻟﻠﺤﻈﺎﺕ ﺍﻟﺤﻠﻮﻩ ﻣﺘﻌﺮﻑ ﺗﺤﭽﻲ ﻋﺪﻝ
ﺍﺳﺮ .. ﻭﺍﻟﻠﻪ ﻫﺬﺍ ﺍﻟﻌﻨﺪﻱ
ﻋﺎﺟﺒﭻ ﻋﺎﺟﺒﭻ
ﻣﺎ ﻋﺎﺟﺒﭻ ﺭﺍﺡ ﻳﻌﺠﺒﭻ ﻏﺼﺒﺎً ﻋﻨﭻ
ﺩﻧﮕﺖ ﺍﺿﺤﻚ ﺭﻏﻢ ﺍﺳﻠﻮﺑﻪ ﺍﻟﻤﺴﺘﻔﺰ ﺑﺲ ﻣﻮ ﺑﻴﺪﻱ ﺍﺣﺒﻪ ﻛﻠﺶ ﻫﺬﺍ ﺣﻠﻢ ﺣﻴﺎﺗﻲ ﻭﻋﺸﻖ ﺍﻟﻄﻔﻮﻟﻪ ،، ﺍﺳﺮ ﺑﺎﻟﻨﺴﺒﻪ ﺍﻟﻲ ﻛﻠﺸﻲ ﺣﻠﻮ ﻭﻣﻠﻮﻥ ﺑﻬﺎﻱ ﺍﻟﺪﻧﻴﺎ ﻭﺑﺎﻗﻲ ﺍﻻﺷﻴﺎﺀ ﺍﺑﻴﺾ ﻭﺍﺳﻮﺩ
ﺍﺳﺮ .. ﺣﺒﻴﺒﻲ ﻭﺍﻧﻲ ﻫﻢ ﺍﺣﺒﻚ ﻻ ﻣﻮ ﺑﺲ ﺍﺣﺒﻚ ﺍﺻﻼً ﺍﻣﻮﺕ ﻋﻠﻴﻚ ﻭﻣﻦ ﺯﻣﺎﻥ
ﺧﻴﺎﻝ .. ﺭﻓﻌﺖ ﺭﺍﺳﻲ ﺍﺿﺤﻚ : ﻻ ﻭﺍﻟﻠﻪ ﻛﻠﺶ ﻭﺍﺛﻖ ﻣﻦ ﻧﻔﺴﻚ ﺍﺳﺮ ﺍﻓﻨﺪﻱ
ﺍﺳﺮ .. ﻭﻟﭻ ﺍﻧﻲ ﻟﻮ ﻣﺎ ﻭﺍﺛﻖ ﭼﺎﻥ ﺍﺟﻴﺖ ﻭﺍﻋﺘﺮﻓﺘﻠﭻ ﺑﻤﺸﺎﻋﺮﻱ ﺑﺲ ﻣﻊ ﺫﺍﻟﻚ ﺍﺣﺐ ﺍﺳﻤﻌﻬﺎ ﻣﻨﭻ ﺑﺎﻟﺤﻼﻝ ﻣﻮ ﻫﺴﻪ
ﺧﻴﺎﻝ .. ﺷﻨﻮ ﻳﻌﻨﻲ ؟ !
ﺍﺳﺮ .. ﻣﻦ ﺍﮔﻮﻝ ﺛﻮﻟﻪ ﺗﺰﻋﻠﻴﻦ ﺣﻀﺮﺗﭻ
ﻳﻌﻨﻲ ﺍﺭﻳﺪ ﺍﺧﻄﺒﭻ ﻭﺗﺼﻴﺮﻳﻦ ﻣﺮﺗﻲ ﻭﺍﻡ ﺟﻬﺎﻟﻲ ﻭﻟﻮ ﺍﻟﻠﻪ ﻳﺴﺘﺮ ﺷﺮﺍﺡ ﻳﻄﻠﻌﻮﻥ ﺍﺫﺍ ﺍﻟﺜﻮﻟﻪ ﺍﻣﻬﻢ ﻭﺍﻟﺨﺒﻞ ﺍﺑﻮﻫﻢ
ﺧﻴﺎﻝ .. ﻫﻬﻬﻬﻬﻬﻬﻬﻪ ﻛﺎﻓﻲ ﺍﻟﻠﻪ ﻋﻠﻴﻚ ﺻﺮﻧﻪ ﻓﺮﺟﻪ ﻟﻠﻄﻼﺏ
ﺍﺳﺮ .. ﻫﺎ ﺷﮕﻠﺘﻲ
ﺧﻴﺎﻝ .. ﺧﻠﻲ ﺍﺧﻠﺺ ﻫﺎﻱ ﺍﻟﺴﻨﻪ ﺍﻭﻝ ﺣﺘﻰ ﺍﺗﺨﺮﺝ ﻭﺍﺭﺗﺎﺡ
ﺍﺳﺮ .. ﻟﻴﺶ ﺧﻴﺎﻝ ﺯﻭﺍﺟﻨﻪ ﻣﺮﺍﺡ ﻳﻌﻴﻖ ﺩﺭﺍﺳﺘﭻ ﻭﻻ ﻳﺄﺛﺮ ﻋﻠﻴﻬﺎ
ﺧﻴﺎﻝ .. ﺍﺳﺮ ﺍﻟﻠﻪ ﻳﺨﻠﻴﻚ ﺗﺪﺭﻱ ﺑﺪﺭﺍﺳﺘﻲ ﺻﻌﺒﻪ ﻭﺍﺭﻳﺪ ﺍﺣﺎﻓﻆ ﻋﻠﻰ ﻣﻌﺪﻟﻲ ﺣﺘﻰ ﺍﺗﻌﻴﻦ ﻭﺭﺍﻫﺎ ﺑﻼ ﺷﻠﻌﺎﻥ ﮔﻠﺐ ﻭﺍﺫﺍ ﺗﺰﻭﺟﻨﻪ ﺍﻭ ﻧﺨﻄﺒﻨﻪ ﺍﻋﺮﻑ ﺑﻨﻔﺴﻲ ﺭﺍﺡ ﺍﻟﺘﻬﻲ ﻭﺍﺿﻴﻊ ﺍﻻﻭﻝ ﻭﺍﻟﺘﺎﻟﻲ
ﺍﺳﺮ .. ﺗﺘﻌﻴﻨﻴﻦ !!
ﺧﻴﺎﻝ .. ﺍﻱ ﺍﻥ ﺷﺎﺀ ﺍﻟﻠﻪ ﺗﺮﻳﺪ ﺑﻌﺪ ﻛﻞ ﻫﺬﺍ ﺍﻟﺘﻌﺐ ﺍﮔﻌﺪ ﺑﺎﻟﺒﻴﺖ ﺍﻃﺒﺦ ﻭﺍﻧﻈﻒ ﻭﺍﺭﻛﺾ ﻭﺭﻯ ﺍﻟﺠﻬﺎﻝ
ﺗﺮﻯ ﻫﺎﻱ ﺻﻴﺪﻟﻪ ﻳﻌﻨﻲ ﻗﺒﻞ ﻟﺘﻜﻮﻥ ﺣﻠﻤﻲ ﻓﻬﻲ ﺣﻠﻢ ﺍﻟﻒ ﺑﻨﻴﻪ ﻏﻴﺮﻱ
ﺍﺳﺮ .. ﻣﺎﺷﻲ ﺧﻴﺎﻝ ﺍﻣﺸﻲ ﻫﺴﻪ ﺧﻠﻲ ﺍﻭﺻﻠﭻ
ﺧﻴﺎﻝ .. ﺷﺒﻴﻚ ﺷﻮ ﺿﺠﺖ ؟ !
ﺍﺳﺮ .. ﻻ ﻣﺎ ﺿﺠﺖ ﺑﺲ ﻣﺜﻞ ﻣﺘﺮﺩﻳﻦ ﺧﻠﺼﻲ ﻫﺎﻱ ﺍﻟﺴﻨﻪ ﻭﺍﻟﻠﻪ ﻛﺮﻳﻢ
ﻃﻠﻌﺖ ﻭﻳﺎ ﺍﻟﻄﺮﻳﻖ ﻛﻠﻪ ﻣﺎ ﺣﭽﻪ ﺍﻱ ﻛﻠﻤﻪ ﻣﺎ ﺍﻋﺮﻑ ﺿﺎﺝ ﻷﻥ ﻣﺎ ﻗﺒﻠﺖ ﻧﺘﺰﻭﺝ ﺇﻻ ﻣﻦ ﺍﺧﻠﺺ ﺍﻟﺪﺭﺍﺳﻪ ﻟﻮ ﺿﺎﺝ ﻣﻦ ﻋﺮﻑ ﺍﺭﻳﺪ ﺍﺗﻌﻴﻦ
ﻭﺻﻠﻨﻪ ﺭﺩﺕ ﺍﻧﺰﻝ ﺻﺎﺣﻨﻲ ﺑﺲ ﻇﻞ ﺻﺎﻓﻦ ﺑﻮﺟﻬﻲ
ﺧﻴﺎﻝ .. ﺷﺒﻴﻚ ﺍﺳﺮ ﺍﺣﭽﻲ ﺷﺮﺩﺕ
ﺍﺳﺮ .. ﺍﺑﺘﺴﻢ ﺍﺑﺘﺴﺎﻣﻪ ﺧﻔﻴﻔﻪ ﻭﮔﺎﻝ : ﺳﻠﻤﻲ ﻋﻠﻰ ﺍﻫﻠﭻ
ﺭﻓﻌﺖ ﺣﺎﺟﺒﻲ ﺑﺎﺳﺘﻐﺮﺍﺏ ﺍﻋﺮﻑ ﻣﻮ ﻫﺬﺍ ﺍﻟﺮﺍﺩ ﻳﮕﻮﻟﻪ ﺑﺲ ﻟﻴﺶ ﻏﻴﺮ ﺭﺃﻳﻪ ﻣﺎ ﺍﺩﺭﻱ ،، ﮔﺘﻠﻪ ﺍﻟﻠﻪ ﻳﺴﻠﻤﻚ ﻭﻧﺰﻟﺖ
ﺩﺧﻠﺖ ﻟﻠﺒﻴﺖ ﻭﺗﻠﮕﺘﻨﻲ ﻣﺎﻣﺎ ﻟﻴﺶ ﻣﻦ ﻭﻛﺖ ﻭﻣﻨﻮ ﻭﺻﻠﭻ ﻭﻣﻦ ﻫﺬﺍ ﺍﻟﺘﺤﻘﻴﻖ ﺍﻟﻤﻌﺘﺎﺩ ﻛﻠﻤﺎ ﺍﺭﺟﻊ ﻣﻦ ﻭﻛﺖ
ﮔﻠﺘﻠﻬﺎ ﻣﺎ ﻋﻨﺪﻱ ﻣﺤﺎﺿﺮﺍﺕ ﻭﺍﺳﺮ ﺑﺎﻟﺼﺪﻓﻪ ﺍﺟﻪ ﻟﻠﺠﺎﻣﻌﻪ ﻭﻫﻮ ﻭﺻﻠﻨﻲ
ﺻﻌﺪﺕ ﻓﻮﮒ ﺷﻤﺮﺕ ﺍﻟﻐﺮﺍﺽ ﻉ ﺍﻟﭽﺮﺑﺎﻳﻪ ﻭﺷﻤﺮﺕ ﻧﻔﺴﻲ ﻭﻳﺎﻫﻦ
ﻣﻤﺼﺪﮔﻪ ﻛﻠﺸﻲ ﺻﺎﺭ ،، ﻭﺍﺧﻴﺮﺍً ﺍﻋﺘﺮﻑ ﺍﺳﺮ ﺑﺤﺒﻪ ﻭﺭﻳﺤﻨﻲ
ﺍﻋﺮﻑ ﺭﺍﺡ ﻳﻨﺸﻠﻊ ﮔﻠﺒﻲ ﻭﻳﺎ ﺑﺴﺒﺐ ﻃﺒﻌﻪ ﺍﻟﺼﻌﺐ ﻭﻋﺼﺒﻴﺘﻪ ﺍﻟﻤﺘﻨﺠﺮﻉ ﺑﺲ ﺭﻏﻢ ﻛﻞ ﻫﺬﺍ ﺍﺣﺒﻪ
ﺍﻟﮕﻠﺐ ﻣﻠﻜﻪ ﻟﺬﺍﻟﻚ ﻓﺪﻭﻩ ﺍﻟﻪ ﺧﻠﻲ ﻳﺴﻮﻱ ﺑﻲ ﺍﻟﻴﺮﻳﺪ ﻳﺴﻮﻱ ﺍﻧﻲ ﻣﺎﻟﻲ ﺳﻠﻄﻪ ﻋﻠﻰ ﺷﻲ ﻣﻮ ﻣﻠﻜﻲ ﻣﻦ ﺯﻣﺎﻥ
ﻋﻤﻲ ﻏﻴﺚ ﻣﺎﺕ ﻣﻦ ﭼﺎﻥ ﻋﻤﺮ ﻓﻴﺾ ﺳﻨﻪ ﺑﺴﻜﺘﻪ ﻗﻠﺒﻴﻪ ﻭﭼﺎﻥ ﻣﻮﺗﻪ ﺻﺪﻣﻪ ﻟﻠﻜﻞ ﻻﻥ ﻣﺤﺪ ﻣﺘﻮﻗﻊ ﻫﺎﻟﺸﻲ ،، ﺑﻌﺪﻫﺎ ﺑﺎﺑﺎ ﻫﻮ ﺗﻜﻔﻞ ﺑﺘﺮﺑﻴﺔ ﺍﻭﻻﺩﻩ ﺍﺳﺮ ﻭﺣﺴﺎﻡ ﻭﻓﻴﺾ ﺑﺤﺴﺎﺏ ﻫﻮ ﭼﺒﻴﺮ ﻋﻤﺎﻣﻲ ﻭﺍﺣﻦ ﻭﺍﺣﺪ ﺑﻴﻬﻢ
ﺑﻴﺒﻲ ﭼﺎﻧﺖ ﻋﺎﻳﺸﻪ ﻭﻳﺎﻧﻪ ﺑﺲ ﺑﻌﺪ ﻣﻮﺕ ﻋﻤﻮ ﻏﻴﺚ ﺭﺍﺣﺖ ﻳﻤﻬﻢ ﺣﺘﻰ ﻟﺘﻈﻞ ﻣﺮﺕ ﻋﻤﻲ ﻭﺣﺪﻫﺎ ﻭﺑﻨﻔﺲ ﺍﻟﻮﻗﺖ ﺳﺎﻋﺪﺗﻬﺎ ﺑﺘﺮﺑﻴﺔ ﺟﻬﺎﻟﻬﺎ ﻟﺤﺪ ﻣﺎ ﻛﺒﺮﻭ ﻭﺻﺎﺭﻭ ﺷﺒﺎﺏ
ﻃﻔﻮﻟﺘﻨﻪ ﻛﻠﻬﺎ ﻋﺸﻨﺎﻫﺎ ﺳﻮﻳﻪ ﺍﻣﺎ ﺑﻴﺒﻲ ﻣﻦ ﻫﺬﺍﻙ ﺍﻟﻮﻗﺖ ﻗﺴﻤﺖ ﺣﻴﺎﺗﻨﺎ ﻭﺭﺗﺒﺘﻬﺎ ﻋﻠﻰ ﻣﺰﺍﺟﻬﺎ
ﭼﺎﻧﺖ ﺗﮕﻮﻡ ﻭﺗﮕﻌﺪ ﺗﺼﻴﺢ ﺧﻴﺎﻝ ﻷﺳﺮ ﻭﻋﺴﻞ ﻟﺤﺴﺎﻡ ﻭﻓﻴﺾ ﺍﻟﻔﺪﺍﺀ ﻟﺤﺪ ﻣﺎ ﺗﺮﺳﺦ ﻫﺬﺍ ﺍﻟﺸﻲ ﺑﺒﺎﻟﻨﻪ
ﻓﻴﺾ ﻭﻓﺪﺍﺀ ﺟﺪﺍً ﻛﺘﻮﻣﻴﻦ ﻟﺪﺭﺟﺔ ﻣﺤﺪ ﻳﻌﺮﻑ ﻳﺤﺒﻮﻥ ﺑﻌﻀﻬﻢ ﻟﻮ ﻻ
ﺍﻣﺎ ﺣﺴﺎﻡ ﻓﺤﺒﻪ ﻟﻌﺴﻞ ﻣﻔﻀﻮﺡ ﻳﻢ ﺍﻟﻜﻞ ﻋﻠﻰ ﺍﻟﻌﻜﺲ ﻣﻨﻬﺎ ﻣﺘﮕﺪﺭ ﺗﺸﻮﻓﻪ ﻏﻴﺮ ﺍﺧﻮﻫﺎ ﻭﻟﻤﻦ ﺍﺳﺄﻟﻬﺎ ﺷﻨﻮ ﺍﻟﺴﺒﺐ ﺗﮕﻠﻲ ﺧﻴﺎﻝ ﻟﺤﺪ ﺍﻟﻤﺘﻮﺳﻄﻪ ﻫﻮ ﻳﮕﻮﺩﻧﻲ ﻭﻳﻮﺩﻳﻨﻲ ﻟﻠﻤﺪﺭﺳﻪ ﻋﻤﺮﻱ ﻣﺎ ﺣﺴﻴﺖ ﺑﻲ ﻛـ ﺭﺟﺎﻝ ﻏﺮﻳﺐ ﺣﺘﻰ ﺍﮔﺪﺭ ﺍﻧﻄﻲ ﺍﻟﻨﻔﺴﻲ ﻓﺮﺻﻪ ﺍﺣﺒﻪ
ﺍﻣﺎ ﺍﻧﻲ ﻭﺍﺳﺮ ﻓﺴﺘﺴﻠﻤﻨﻪ ﻟﻬﺎﻱ ﺍﻟﻤﺸﺎﻋﺮ ﻣﻦ ﺍﻟﻄﻔﻮﻟﻪ ﻭﭼﻨﺖ ﺍﺣﺲ ﺑﻲ ﻳﺤﺒﻨﻲ ﻣﺜﻞ ﻣﺎ ﻫﻮ ﺣﺎﺱ ﺑﺤﺒﻲ ﺍﻛﻴﺪ
ﺑﺲ ﻣﺤﺪ ﺑﻴﻨﻪ ﺍﻋﺘﺮﻑ ﻟﻠﺜﺎﻧﻲ ﺑﺤﺒﻪ ﺇﻻ ﺍﻟﻴﻮﻡ ﻭﻟﻮ ﭼﺎﻥ ﺍﻋﺘﺮﺍﻑ ﻧﺎﻗﺺ ﺑﺲ ﺍﺣﺴﻦ ﻣﻦ ﺍﻟﻤﺎﻛﻮ
ﮔﻤﺖ ﺑﺪﻟﺖ ﻭﺭﺟﻌﺖ ﺍﻓﻜﺮ ﭼﺎﻥ ﺍﻟﻤﻮﺿﻮﻉ ﺍﻛﺒﺮ ﻣﻦ ﺍﺳﺘﻴﻌﺎﺑﻲ ﻷﻥ ﻳﺄﺳﺖ ﻣﻦ ﺍﻋﺘﺮﺍﻓﻪ ﺗﻘﺮﻳﺒﺎً ﻓﻤﺎ ﮔﺪﺭﺕ ﺍﺳﺘﻮﻋﺐ ﺍﻟﺼﺎﺭ ﻟﺤﺪ ﻣﺎ ﺍﺫﻥ ﮔﻤﺖ ﺻﻠﻴﺖ ﻭﻧﺰﻟﺖ ﺍﺳﺎﻋﺪ ﻣﺎﻣﺎ ﺑﺎﻟﻐﺪﻩ
ﻋﺴﻞ .. ﺍﻟﺴﻼﻡ ﻋﻠﻴﻜﻢ
ﺯﻳﻨﺐ .. ﻭﻋﻠﻴﻜﻢ ﺍﻟﺴﻼﻡ
ﻋﺴﻞ .. ﻣﻴﺘﻪ ﺟﻮﻉ ﺷﻮﻛﺖ ﻳﺼﻴﺮ ﺍﻟﻐﺪﻩ
ﺯﻳﻨﺐ .. ﺻﺎﻳﺮ ﺑﺪﻟﻲ ﻭﺗﻌﺎﻟﻲ ﻧﺘﻐﺪﻩ
ﻋﺴﻞ .. ﺻﻌﺪﺕ ﻏﻴﺮﺕ ﻣﻼﺑﺴﻲ ﻭﻧﺰﻟﺖ ﺭﻛﺾ ﺣﺘﻰ ﺍﻛﻞ ﻭﺍﺳﻜﺖ ﻋﺼﺎﻓﻴﺮ ﺑﻄﻨﻲ
ﺧﻠﺼﻨﻪ ﺍﻟﻐﺪﻩ ﺗﻮﺿﻴﺖ ﻭﻭﮔﻔﺖ ﺍﺻﻠﻲ ﺍﻭﻝ ﻣﺎ ﻛﻤﻠﺖ ﺟﺮﺗﻨﻲ ﺧﻴﺎﻝ ﻣﻦ ﺍﻳﺪﻱ ﻭﺻﻌﺪﺗﻨﻲ ﻓﻮﮒ
ﺍﻳﻴﻲ ﻫﺎﻱ ﺷﺒﻴﭻ ﻭﻟﭻ
ﺧﻴﺎﻝ .. ﺗﻌﺎﻟﻲ ﺧﻠﻲ ﺍﺳﻮﻟﻔﻠﭻ ﺷﺼﺎﺭ ﻭﻳﺎﻳﻪ
ﻋﺴﻞ .. ﺧﻴﺮ ﺍﻥ ﺷﺎﺀ ﺍﻟﻠﻪ
ﮔﻌﺪﺕ ﺗﺤﭽﻴﻠﻲ ﻉ ﺍﻟﺸﻲ ﺍﻟﺼﺎﺭ ﻭﻳﺎﻫﺎ ﻭﻛﻠﺶ ﻓﺮﺣﺖ ﻣﻦ ﻋﺮﻓﺖ ﺍﺳﺮ ﻣﻌﺘﺮﻓﻠﻬﺎ ﺑﺤﺒﻪ ﻷﻥ ﺍﺩﺭﻱ ﺑﺄﺧﺘﻲ ﻣﺘﺘﻤﻨﻰ ﺷﻲ ﻏﻴﺮﻩ ﺑﺎﻟﺪﻧﻴﺎ
ﻋﺴﻞ .. ﻭﺍﺧﻴﺮﺍ ﻫﻬﻬﻬﻪ
ﺧﻴﺎﻝ .. ﺍﻱ ﻭﻟﭻ ﻭﺍﻟﻠﻪ ﻣﻤﺼﺪﮔﻪﻋﺴﻞ .. ﻻ ﺣﺒﻴﺒﺘﻲ ﺻﺪﮔﻲ ﻭﺍﻟﻠﻪ ﻳﺴﺎﻋﺪﭺ ﻋﻠﻰ ﻃﻴﺤﺎﻥ ﺍﻟﺤﻆ ﺍﻟﺮﺍﺡ ﺗﻌﻴﺸﻲ ﻭﻳﺎ ﺍﺳﺮ ﺍﻓﻨﺪﻱ ﻭﻳﻌﻴﻨﭻ ﻋﻠﻰ ﻋﻘﻠﻪ ﺍﻟﻄﮕﻪ ﻭﻧﺺ
ﺧﻴﺎﻝ .. ﺍﻧﭽﺒﻲ ﻟﭻ ﻟﺘﺤﭽﻴﻦ ﻋﻠﻲ ﻣﺎ ﺍﻗﺒﻞ
ﻋﺴﻞ .. ﺍﻭﻭﻭﻭﻭﻱ ﻋﻴﻨﻲ ﻣﺘﻘﺒﻞ
ﺧﻴﺎﻝ .. ﺻﺪﮒ ﺍﻟﻬﺪﻳﺔﺓﺓﺓﺓﺓﺓﺓﺓﺓ
ﮔﻤﺰﺕ ﻣﻦ ﻳﻤﻲ ﻓﺘﺤﺖ ﺍﻟﻤﺠﺮ ﻭﻃﻠﻌﺘﻬﺎ ﺧﺮﺑﺖ ﺿﺤﻚ ﻋﻠﻰ ﺧﺒﺎﻟﻬﺎ ﻭﻓﻀﻮﻟﻬﺎ ﺍﻟﻤﻮ ﻃﺒﻴﻌﻲ
ﻋﺴﻞ .. ﺣﺒﻲ ﺍﻟﻔﻀﻮﻝ ﺍﻟﺰﺍﻳﺪ ﻣﻮ ﺯﻳﻦ ﻷﻥ ﻳﻜﺘﻞ ﺻﺎﺣﺒﻪ
ﺧﻴﺎﻝ .. ﺍﻟﻠﻪ ﻋﻠﻴﭻ ﻓﺘﺤﻴﻬﺎ ﻭﺍﻟﻠﻪ ﻃﻮﻝ ﺍﻟﺪﻭﺍﻡ ﻭﺍﻧﻲ ﺍﻓﻜﺮ ﺷﻨﻮ ﻣﻤﻜﻦ ﻳﻜﻮﻥ ﺑﺪﺍﺧﻠﻬﺎ
ﻋﺴﻞ .. ﻫﻬﻬﻪ ﺩﺟﻴﺒﻲ ﺧﺒﻠﻪ
ﻓﺘﺤﺘﻬﺎ ﻭﺍﻻﺑﺘﺴﺎﻣﻪ ﻋﻠﻰ ﻭﺟﻬﻲ ﺗﻔﺎﺟﺄﺕ ﺑﻘﺮﺹ ﺳﻴﺪﻱ ﺩﺍ ﺍﻃﻠﻌﻪ ﻭﮔﻌﺖ ﺳﻠﺴﻠﻪ ﻧﺎﻋﻤﻪ ﺑﻴﻬﺎ ﻋﻼﻣﺔ ﺍﻟـ ﻣﺎ ﻻ ﻧﻬﺎﻳﻪ &
ﺧﻴﺎﻝ .. ﺷﺎﻟﺘﻬﺎ ﻣﻦ ﺍﻟﮕﺎﻉ ﺗﺒﺎﻭﻉ ﻋﻠﻴﻬﺎ ﺑﺘﻌﺠﺐ : ﺍﻟﻠﻪ ﻭﻟﭻ ﺗﺠﻨﻦ ﺗﻌﺮﻓﻴﻦ ﺷﻨﻮ ﻣﻌﻨﺎﻫﺎ ﻫﺎﻱ
ﻋﺴﻞ .. ﺷﻨﻮ ﻳﻌﻨﻲ ﺳﻠﺴﻠﻪ ﻋﺎﺩﻱ
ﺧﻴﺎﻝ .. ﻻ ﻣﻮ ﻋﺎﺩﻱ
ﺍﻭﮔﻔﻲ ﻟﺤﻈﻪ ﻫﺬﺍ ﺍﻟﻘﺮﺹ ﺷﻨﻮ ؟ !
ﻋﺴﻞ .. ﻣﺎ ﺍﻋﺮﻑ ﻭﺍﻟﻠﻪ
ﺧﻴﺎﻝ .. ﺷﻐﻠﻲ ﺍﻟﻼﺑﺘﻮﺏ ﺧﻠﻲ ﻧﺸﻮﻑ ﺷﻨﻮ ﺑﻲ
ﻋﺴﻞ .. ﺷﺘﺘﻮﻗﻌﻴﻦ ﺷﻨﻮ ﻫﺬﺍ ﺍﻟﻘﺮﺹ ؟ !
ﺧﻴﺎﻝ .. ﻭﻟﻴﺶ ﺩﺍ ﺍﺗﻮﻗﻊ ﻭﻫﻮ ﺑﻴﻦ ﺍﻳﺪﻱ ﻳﺎ ﺫﻛﻴﻪ
ﺭﺍﺣﺖ ﺗﺮﻛﺾ ﺟﺎﺑﺖ ﺍﻟﻼﺑﺘﻮﺏ ﺷﻐﻠﺘﻪ ﻭﺗﺮﺑﻌﺖ ﻉ ﺍﻟﭽﺮﺑﺎﻳﻪ ،، ﺭﺣﺖ ﻳﻤﻬﺎ ﻣﺪﻳﺖ ﺭﺍﺳﻲ ﭼﺎﻥ ﺗﺠﺮﻧﻲ ﻭﺗﻮﮔﻌﻨﻲ ﺑﺼﻔﻬﺎ
ﻋﺴﻞ .. ﺍﻱ ﻫﺎﻱ ﺷﺒﻴﭻ
ﺧﻴﺎﻝ .. ﻋﻠﻰ ﺷﻨﻮ ﻣﺎﺩﻩ ﺭﺍﺳﭻ ﺧﻮ ﺍﮔﻌﺪﻱ ﻭﺷﻮﻓﻲ ﻭﻳﺎﻳﻪ ﻣﺜﻞ ﺍﻻﻭﺍﺩﻡ
ﺣﻄﺖ ﺍﻟﻘﺮﺹ ﻭﺷﻐﻠﺘﻪ ﺍﻭﻝ ﻣﺎ ﻇﻬﺮ ﺍﺳﻤﻲ ﻣﺰﺧﺮﻑ ﺑﻄﺮﻳﻘﻪ ﻛﻠﺶ ﺣﻠﻮﻩ ﻭﺭﺍﻫﺎ ﺻﻮﺭﺗﻲ ﻣﻦ ﭼﻨﺖ ﻃﻔﻠﻪ ﺑﻌﻤﺮ ﺍﻟﺴﻨﻪ ﻭﺑﺪﺕ ﺍﻏﻨﻴﺔ ﻛﺎﻇﻢ ﺍﻟﺴﺎﻫﺮ ( ﺍﺣﺒﻴﻨﻲ )
ﻃﻮﻝ ﺍﻻﻏﻨﻴﻪ ﺍﻟﺼﻮﺭ ﻣﺘﺘﻮﻗﻒ ﻻﻥ ﺣﺴﺎﻡ ﻣﻦ ﻋﺸﺎﻕ ﺍﻟﺘﺼﻮﻳﺮ ﻭﻣﺎﻛﻮ ﻣﻨﺎﺳﺒﻪ ﺗﻔﻮﺗﻪ ﺍﺫﺍ ﻣﻴﺎﺧﺬ ﺻﻮﺭ ﻟﻜﻞ ﺍﻟﻌﺎﺋﻠﻪ ﻭﭼﺎﻥ ﻣﺮﺗﺐ ﺻﻮﺭﻱ ﺍﻧﻲ ﻭﻳﺎ ﺑﻄﺮﻳﻘﻪ ﻣﺘﺴﻠﺴﻠﻪ ﺣﺴﺐ ﺍﻟﺴﻨﻮﺍﺕ ﺍﻣﺎ ﺍﻻﻏﻨﻴﻪ ﻓﭽﺎﻧﺖ ﻛﻠﻤﺎﺗﻬﺎ ﺗﺠﻨﻦ ﻭﺗﺪﺧﻞ ﻟﻠﮕﻠﺐ ﻭﻷﻭﻝ ﻣﺮﻩ ﺍﺳﻤﻌﻬﺎ ﻷﻥ ﻣﺎ ﺍﺳﻤﻊ ﺍﻟﻜﺎﻇﻢ ﺍﻟﺴﺎﻫﺮ ﺇﻻ ﻣﺎ ﻧﺪﺭ
ﺍﻧﺨﺘﻤﺖ ﺍﻻﻏﻨﻴﻪ ﻭﺍﻟﺼﻮﺭ ﻭﻗﺒﻞ ﻻ ﻳﻨﺘﻬﻲ ﺍﻟﻘﺮﺹ ﻃﻠﻌﺖ ﺻﻮﺭﺓ ﺧﺎﺗﻤﻴﻦ ﻣﺘﻼﺻﻘﺎﺕ ﻭﺑﺎﻟﺨﺎﺗﻢ ﺍﻟﺮﺟﺎﻟﻲ ﺍﺳﻤﻲ ﻭﺑﺎﻟﻨﺴﺎﺋﻲ ﺍﺳﻢ ﺣﺴﺎﻡ ﻭﺟﻮﻩ ﻣﻜﺘﻮﺏ ﺍﺣﺒﻚِ ﺟﺪﺍً
ﺧﻴﺎﻝ .. ﺍﻟﻠﻪ ﺍﻟﻠﻪ ﺍﻟﻠﻪ
ﺑﺎﻭﻋﻲ ﺍﻟﺮﻭﻣﺎﻧﺴﻴﻪ ﺑﺎﻭﻭﻭﻭﻭﻭﻋﻲ
ﻫﺬﺍ ﺍﻟﺠﻨﺘﻞ ﻣﻮ ﺍﺧﻮ ﻋﻮﺩ ﺩﻳﻌﺘﺮﻓﻠﻲ ﺍﺣﺒﭻ ﻣﻦ ﺛﻮﻝ ﺍﻟﺜﻮﻟﭻ ﻫﻲ ﻳﺎﻟﻠﻪ ﻭﺗﻬﺰ ﺑﻴﺪﻫﺎ
ﻋﺴﻞ .. ﺷﻮ ﺍﻧﺘﻲ ﻓﺮﺣﺎﻧﻪ ﺳﻼﻣﺎﺕ
ﺧﻴﺎﻝ .. ﻭﻟﭻ ﺍﻛﻮ ﺍﺣﻠﻰ ﻣﻦ ﻫﻴﭻ ﺍﻋﺘﺮﺍﻑ
ﺩﺑﺎﻭﻋﻲ ﺷﻤﺴﻮﻱ ﻋﻠﻤﻮﺩ ﻳﮕﻠﭻ ﺍﺣﺒﭻ ﺷﺘﺮﻳﺪﻳﻦ ﺍﻛﺜﺮ ﻣﻦ ﻛﻞ ﻫﺬﺍ ﻭﺍﻟﻠﻪ ﺑﻄﺮﺍﻧﻪ
ﻋﺴﻞ .. ﺧﻴﺎﻝ ﺗﺪﺭﻳﻦ ﺑﻤﺸﺎﻋﺮﻱ ﺍﺗﺠﺎﻩ ﺣﺴﺎﻡ
ﻭﺍﻟﺤﺴﻴﻦ ﻣﻴﻬﻮﻥ ﻋﻠﻴﻪ ﺍﻛﺴﺮ ﮔﻠﺒﻪ ﻷﻥ ﺍﺣﺒﻪ ﻛﻠﺶ
ﺧﻴﺎﻝ .. ﺷﮕﻠﺘﻲ ؟؟ ﺍﺣﺒﻪ !
ﻋﺴﻞ .. ﺍﻫﻮﻭﻭ
ﺑﻄﻠﻲ ﺷﻘﻪ ﻣﺎﺻﺦ ﺍﻟﻠﻪ ﻳﺨﻠﻴﭻ ﻳﻌﻨﻲ ﺍﻗﺼﺪ ﺍﺣﺒﻪ ﻣﺜﻞ ﻓﺪﺍﺀ
ﺧﻴﺎﻝ .. ﺯﻳﻦ ﻟﻴﺶ ﺑﺲ ﻓﻬﻤﻴﻨﻲ ﺷﻨﻮ ﻣﻮﺟﻮﺩ ﺑﺤﺴﺎﻡ ﻳﺨﻠﻴﭻ ﺗﻨﻔﺮﻳﻦ ﻣﻨﻪ ﺑﻬﺎﻟﺸﻜﻞ ﺍﻟﻐﺮﻳﺐ
ﻋﺴﻞ .. ﺍﻟﻒ ﻣﺮﻩ ﺳﺄﻟﺘﻲ ﻫﺎﻟﺴﺆﺍﻝ ﻭﺍﻟﻒ ﻣﺮﻩ ﺟﺎﻭﺑﺘﭻ ﻭﺭﺍﺡ ﺍﺭﺟﻊ ﺍﺟﺎﻭﺑﭻ
ﺧﻴﺎﻝ ﻻ ﺍﻧﺘﻲ ﻭﻻ ﻓﻴﺾ ﭼﻨﺘﻦ ﻗﺮﻳﺒﺎﺕ ﻣﻦ ﺍﺳﺮ ﻭﻓﺪﺍﺀ ﻣﺜﻞ ﻗﺮﺑﻲ ﻣﻦ ﺣﺴﺎﻡ
ﺍﻧﻲ ﭼﻨﺖ ﻗﺮﻳﺒﻪ ﻣﻦ ﺣﺴﺎﻡ ﺍﻟﺪﺭﺟﺔ ﺍﻻﺧﻮﻩ
ﻣﺤﺪ ﻣﻨﻬﻢ ﻭﺻﻠﻜﻢ ﻟﻠﻤﺪﺭﺳﻪ ﻭﻫﻮ ﮔﺎﻳﺪ ﺍﻳﺪﻛﻢ ﻟﺴﻨﻮﺍﺕ ﻃﻮﻳﻠﻪ
ﻭﻻ ﻭﺍﺣﺪ ﻣﻨﻬﻢ ﺷﺎﻟﻜﻢ ﻋﻠﻰ ﭼﺘﻔﻪ ﻭﻇﻔﺮ ﺷﻌﺮﻛﻢ ﻭﻗﻠﻢ ﺍﻇﺎﻓﺮﻛﻢ
ﻛﻞ ﻫﺬﺍ ﺧﻼﻧﻲ ﺍﻓﺘﺢ ﻋﻴﻮﻧﻲ ﻋﻠﻲ ﻛـ ﺃﺥ ﻟﺤﺪ ﻣﺎ ﻭﺻﻞ ﺑﻴﻪ ﺍﻟﺤﺎﻝ ﺍﺧﺎﻑ ﺍﺑﺎﻭﻋﻠﻪ ﺑﻐﻴﺮ ﻧﻈﺮﻩ ﺍﻭ ﺑﻸﺻﺢ ﻣﺎ ﺍﮔﺪﺭ ﺍﺑﺎﻭﻋﻠﻪ ﺑﻐﻴﺮ ﻫﺎﻟﻨﻈﺮﻩ
ﺧﻴﺎﻝ .. ﻭﺗﺎﻟﻲ ﺗﺮﻯ ﺣﺮﺍﻡ ﻳﺤﺒﭻ ﻛﻠﺶ ﻭﺍﺫﺍ ﺭﻓﻀﺘﻲ ﺭﺍﺡ ﻳﻨﻜﺴﺮ ﮔﻠﺒﻪ ﻷﻥ ﺷﻜﻠﻪ ﻣﺘﺼﻮﺭ ﺍﻧﺘﻲ ﻫﻢ ﺗﺤﺒﻲ
ﻋﺴﻞ .. ﺍﻱ ﻫﻮ ﺍﻟﻀﺎﻫﺮ ﻫﻴﭻ ﻣﻦ ﺛﻘﺘﻪ ﺑﻨﻔﺴﻪ ﻭﺍﺿﺢ ﺍﻋﺘﻘﺎﺩﻩ
ﺧﻴﺎﻝ .. ﺑﺎﻭﻋﻲ ﻟﺘﺮﺩﻳﻦ ﻋﻠﻲ ﻫﺴﻪ ﺍﻧﺘﻈﺮﻱ ﺷﻮﻳﻪ ﺑﻜﻠﺖ ﺍﻟﻠﻪ ﻳﺘﻐﻴﺮ ﺍﻟﻮﺿﻊ ﻋﻨﺪﭺ
ﻋﺴﻞ .. ﻟﺸﻮﻛﺖ
ﺧﻴﺎﻝ .. ﺍﻟﻠﻪ ﻛﺮﻳﻢ ﺩﺧﻠﺼﻲ ﺍﻻﻋﺪﺍﺩﻳﻪ ﺑﻠﻜﺖ ﺑﻬﺎﻱ ﺍﻟﻔﺘﺮﻩ ﺗﮕﺪﺭﻳﻦ ﺗﺘﻘﺮﺑﻴﻦ ﻣﻨﻪ ﻭﺍﺣﺘﻤﺎﻝ ﺗﺤﺒﻲ ﺑﻌﺪ ﻣﺎ ﻋﺮﻓﺘﻲ ﻣﺸﺎﻋﺮﻩ ﺍﺗﺠﺎﻫﭻ
ﻋﺴﻞ .. ﺗﺘﺼﻮﺭﻳﻦ ﺭﺍﺡ ﺍﮔﺪﺭ ﺍﺣﺒﻪ ؟ !!
ﺧﻴﺎﻝ .. ﻛﻠﺸﻲ ﻳﺼﻴﺮ ﻭﻳﺎ ﺍﻻﻳﺎﻡ ﻣﺎﻛﻮ ﺷﻲ ﻳﻈﻞ ﻋﻠﻰ ﺣﺎﻟﻪ
ﻋﺴﻞ .. ﺍﻟﻠﻪ ﻛﺮﻳﻢ ﻳﻼ ﻭﻟﻲ ﺍﺭﻳﺪ ﺍﻧﺎﻡ
ﺧﻴﺎﻝ .. ﻧﺎﻣﺖ ﻋﻠﻴﭻ ﻃﺎﺑﻮﮔﻪ ﺣﺒﻴﺒﺘﻲ
ﻋﺴﻞ .. ﻫﻬﻬﻬﻪ ﺩﻭﻟﻲ ﻭﻟﭻ ﺑﺎﭼﺮ ﻋﻨﺪﻱ ﺍﻣﺘﺤﺎﻥ ﻭﺿﺎﻉ ﺍﻟﻮﻗﺖ ﺑﺴﺒﺒﭻ
ﺧﻴﺎﻝ .. ﺍﻧﻲ ﺷﻌﻠﻴﻪ ﮔﻮﻟﻲ ﺑﺴﺒﺐ ﺣﺴﻮﻣﻲ ﻭﻏﻤﺰﺗﻠﻲ
ﺭﺍﺣﺖ ﺍﻟﻐﺮﻓﺘﻬﺎ ﻭﺍﻧﻲ ﻧﻤﺖ ﺑﺴﺮﻋﻪ ﺣﺘﻰ ﺍﺭﺗﺎﺡ ﺷﻮﻳﻪ ﻭﺍﮔﻌﺪ ﺍﻗﺮﻩ ﻷﻣﺘﺤﺎﻧﻲ
ﺑﺎﻟﺨﻤﺴﻪ ﺗﻘﺮﻳﺒﺎً ﺩﺍ ﺍﺭﺍﺟﻊ ﻭﻳﺎ ﻧﻔﺴﻲ ﺳﻤﻌﺖ ﺻﻮﺕ ﺑﺎﺑﺎ ﻧﺰﻟﺖ ﺭﻛﺾ ﭼﺎﻥ ﻭﮔﻌﺖ ﻣﻦ ﺍﻟﺪﺭﺝ ﻟﻮﻣﺎ ﺍﻟﻠﻪ ﺳﺘﺮﻧﻲ
ﻋﺴﻞ .. ﺍﻟﺤﻤﺪ ﻟﻠﻪ ﻉ ﺍﻟﺴﻼﻣﻪ ﺑﺎﺑﺎ
ﻟﻴﺚ .. ﺿﺤﻚ ﻭﻓﺘﺤﻠﻲ ﺍﻳﺪﻩ : ﻫﻼ ﺑﺒﻨﻴﺘﻲ ﺍﻟﺤﻠﻮﻩ
ﺣﻀﻨﺘﻪ ﺣﻴﻞ ﻋﺒﺎﻟﻚ ﺻﺎﺭﻟﻲ ﻋﻤﺮ ﻣﺸﺎﻳﻔﺘﻪ ﻣﻮ ﻳﻮﻡ ﻭﺍﺣﺪ
ﺷﻮﻳﻪ ﻭﺍﻧﻄﺎﻧﻲ ﻋﻠﺒﻪ ﻭﻋﺎﻳﺪﻧﻲ ،، ﺑﻮﺳﺘﻪ ﻭﺭﺣﺖ ﻓﻮﮒ ﻣﺘﺤﻤﺴﻪ ﺍﺷﻮﻑ ﺷﻨﻮ ﺑﻴﻬﺎ
ﻓﺘﺤﺘﻬﺎ ﻭﺗﻔﺎﺟﺄﺕ ﺑﺄﻟﻮﻥ ﺭﺳﻢ ﺗﺠﻨﻦ ﻷﻥ ﻳﺪﺭﻱ ﺑﻴﻪ ﺍﻋﺸﻖ ﺍﻟﺮﺳﻢ
ﺑﺎﻭﻋﺖ ﺩﻓﺘﺮ ﻭﻳﺎﻫﻦ ﺭﻓﻌﺘﻪ ﺩﺍ ﺍﺷﻮﻓﻪ ﻟﮕﻴﺖ ﺟﻮﻯ ﺗﺤﻔﻴﻪ ﺑﻨﺼﻬﺎ ﻟﻌﺎﺑﻪ ﻭﺷﺎﻳﻠﻪ ﺍﺳﻤﻲ
ﺩﻭﺭﺗﻬﺎ ﺍﻓﺘﺮﺕ ﻭﺍﺷﺘﻐﻠﺖ ﻭﻳﺎﻫﺎ ﺍﻟﻤﻮﺳﻴﻘﻰ ﭼﺎﻧﺖ ﻓﺪ ﺷﻲ ﻛﻠﺶ ﻧﺎﺯﻙ
ﻋﺴﻞ .. ﻧﺰﻟﺖ ﺑﺴﺮﻋﻪ ﺣﻀﻨﺘﻪ ﻣﺮﻩ ﺛﺎﻧﻴﻪ : ﺷﻜﺮﺍً ﺑﺎﺑﺎ ﺗﺠﻨﻦ ﺍﻟﻬﺪﻳﻪ ﻭﺍﻟﻠﻪ ﺣﺒﻴﺘﻬﺎ
ﻟﻴﺚ .. ﻟﺘﺸﻜﺮﻳﻨﻲ ﺣﺒﻴﺒﺘﻲ ﻷﻥ ﻫﺎﻱ ﺍﻟﻬﺪﻳﻪ ﻻ ﺷﻲﺀ ﻳﻢ ﻫﺪﻳﺔ ﺭﺏ ﺍﻟﻌﺎﻟﻤﻴﻦ ﻟﻤﻦ ﺍﻧﻄﺎﻧﻲ ﺑﻨﺎﺕ ﻣﺜﻠﭽﻦ
ﺧﻴﺎﻝ .. ﻣﺘﺄﻛﺪ ﺑﺎﺑﺎ ﻟﻮ ﻫﺬﺍ ﺍﻟﺤﭽﻲ ﺑﺲ ﺍﻟﻌﺴﻞ
ﻟﻴﺚ .. ﻫﻬﻬﻪ ﻫﺎ ﻭﻟﭻ ﺗﻐﺎﺭﻳﻦ ﻣﻦ ﺍﺧﺘﭻ ﺍﻟﺼﻐﻴﺮﻩ
ﺧﻴﺎﻝ .. ﻫﻬﻬﻬﻪ ﻻ ﺑﺎﺑﺎ ﺩﺍ ﺍﺗﺸﺎﻗﻪ
ﻋﺴﻞ .. ﻳﻼ ﺍﻧﻲ ﺭﺍﻳﺤﻪ ﺍﻛﻤﻞ ﺍﻣﺘﺤﺎﻧﻲ
ﺧﻴﺎﻝ .. ﻭﺍﻧﻲ ﻫﻢ
ﺻﻌﺪﺕ ﻋﺴﻞ ﻭﺍﻧﻲ ﺭﺣﺖ ﺍﻟﻐﺮﻓﺘﻲ ،، ﻇﻠﻴﺖ ﺍﻗﺮﻩ ﻟﺤﺪ ﺍﻟﻤﻐﺮﺏ
ﺻﻠﻴﺖ ﻭﺗﻌﺸﻴﺖ ﻭﺭﺟﻌﺖ ﺍﻟﻐﺮﻓﺘﻲ ﺿﺎﻳﺠﻪ ﻣﺎ ﺍﻋﺮﻑ ﺷﺴﻮﻱ ﻭﻋﺴﻞ ﻋﺪﻫﺎ ﺍﻣﺘﺤﺎﻥ ﻣﺎ ﺍﺭﻳﺪ ﺍﻟﻬﻴﻬﺎ ﻭﻳﺎﻳﻪﺑﺎﻭﻋﺖ ﺍﻟﻤﻮﺑﺎﻳﻠﻲ : ﻟﻴﺶ ﻣﺎ ﺍﺗﺼﻞ ﺍﺳﺮ ﻟﺤﺪ ﺍﻷﻥ ؟ !!
ﻧﺰﻟﺖ ﺟﻮﻩ ﺍﺧﺬﺕ ﺍﻻﻣﻨﻴﻪ ﻣﺎﻟﺖ ﺍﻟﺒﻴﺖ ﻭﺻﻌﺪﺕ ﺍﺗﺼﻞ ﻋﻠﻰ ﻓﻴﺾ ﺍﺧﻠﺺ ﺍﻟﻮﻗﺖ ﻭﻳﺎﻫﺎ
ﺧﻴﺎﻝ .. ﻫﻠﻮ ﺣﺒﻲ ﺷﻠﻮﻧﭻ
ﻓﻴﺾ .. ﺗﻤﺎﻡ ﻭﺍﻧﺘﻲ
ﺧﻴﺎﻝ .. ﺗﻤﺎﻡ ،، ﺍﮔﻮﻝ ﺧﻮ ﻣﺎ ﻋﻨﺪﭺ ﺍﻣﺘﺤﺎﻥ ﺷﻲ
ﻓﻴﺾ .. ﻻ ﻛﻠﺸﻲ ﻣﺎ ﻋﻨﺪﻱ
ﺧﻴﺎﻝ .. ﺣﻠﻮ ﻟﻌﺪ ﺧﻞ ﻧﺤﭽﻲ ﺷﻮﻳﻪ ﺿﺎﻳﺠﻪ
ﻓﻴﺾ .. ﺍﻱ ﻟﻴﺶ ﻻ
ﻇﻠﻴﻨﻪ ﻧﺴﻮﻟﻒ ﺑﺎﻟﺴﺎﻋﺘﻴﻦ ﻟﺤﺪ ﻣﺎ ﺗﻌﺒﺖ .. ﺭﺩﺕ ﺍﺳﺄﻟﻬﺎ ﻋﻦ ﺍﺳﺮ ﺑﺲ ﺗﺮﺩﺩﺕ ﺍﺧﻴﺮ ﺷﻲ ﻧﻬﻴﺖ ﺍﻻﺗﺼﺎﻝ ﻭﻳﺎﻫﺎ ﻭﮔﻤﺖ ﺣﻀﺮﺕ ﻣﻼﺑﺲ ﺍﻟﺪﻭﺍﻡ ﻷﻥ ﺍﮔﻌﺪ ﺍﻟﺼﺒﺢ ﺩﺍﻳﺨﻪ ﻭﻳﺎ ﺩﻭﺏ ﺍﻟﺤﮓ ﺍﺑﺪﻝ
ﻋﺴﻞ .. ﻣﺮ ﺍﺳﺒﻮﻉ ﻫﺎﺩﺉ ﻻ ﺍﻧﻲ ﺷﻔﺖ ﺣﺴﺎﻡ ﻭﻻ ﺧﻴﺎﻝ ﺷﺎﻓﺖ ﺍﺳﺮ
ﭼﻨﺖ ﺍﺣﺲ ﺑﻴﻬﺎ ﺗﻠﻮﺏ ﻋﻠﻲ ﻭﺗﻨﺘﻈﺮ ﺍﺗﺼﺎﻟﻪ ﺍﻭ ﺟﻴﺘﻪ ﺑﺲ ﻫﻮ ﻻ ﺍﺗﺼﻞ ﻭﻻ ﺑﻴﻦ ﺣﺘﻰ
ﻳﻮﻡ ﺍﻟﺠﻤﻌﻪ ﺧﺎﺑﺮﺕ ﺑﺎﺟﻲ ﻭﺋﺎﻡ ﻣﻦ ﺍﻟﺼﺒﺢ ﻭﮔﺎﻟﺖ ﻣﻌﺰﻭﻣﻴﻦ ﻉ ﺍﻟﻐﺪﻩ ﻳﻤﻨﻪ
ﻓﺮﺣﺖ ﺧﻴﺎﻝ ﻣﺘﻨﻮﺻﻒ ﻋﻠﻰ ﺍﻟﻌﻜﺲ ﻣﻨﻲ ﭼﻨﺖ ﺷﺎﻳﻠﻪ ﻫﻢ ﺷﻠﻮﻥ ﺭﺍﺡ ﺍﺷﻮﻑ ﺣﺴﺎﻡ ﻭﺷﺮﺍﺡ ﺍﺟﺎﻭﺑﻪ ﺍﺫﺍ ﺳﺄﻟﻨﻲ ﻋﻦ ﺍﻟﻘﺮﺹ
ﺻﺎﺭﺕ ﺏ١١ ﺑﺪﻟﻨﻪ ﻭﺭﺣﻨﻪ ﺍﻧﻲ ﻭﻣﺎﻣﺎ ﻭﺧﻴﺎﻝ ﻳﻤﻬﻢ ،، ﻣﭽﺎﻥ ﺍﻛﻮ ﺍﺣﺪ ﻏﻴﺮ ﺑﺎﺟﻲ ﻭﻓﻴﺾ ﻭﺑﻴﺒﻲ ﺍﻣﺎ ﺣﺴﺎﻡ ﻭﺍﺳﺮ ﺑﺎﻟﺸﻐﻞ ﻷﻥ ﻳﺸﺘﻐﻠﻮﻥ ﻭﻳﺎ ﺑﺎﺑﺎ ﺑﻨﻔﺲ ﺍﻟﻤﻜﺎﻥ
ﻟﻠﻈﻬﺮ ﺍﻧﺪﮒ ﺍﻟﺠﺮﺱ ﻋﺮﻓﻨﺎﻫﻢ ﺍﺟﻮ .. ﻟﺒﺴﻨﻪ ﺍﻟﺤﺠﺎﺏ ﻉ ﺍﻟﺴﺮﻳﻊ ﻭﺭﺍﺣﺖ ﻓﻴﺾ ﺗﻔﺘﺤﻠﻬﻢ ﺍﻟﺒﺎﺏ
ﺑﺎﻭﻋﺖ ﻋﻠﻰ ﺧﻴﺎﻝ ﻛﻞ ﻋﻴﻦ ﺗﺘﺴﺎﺑﻖ ﻭﻳﺎ ﺍﻟﺜﺎﻧﻴﻪ ﻉ ﺍﻟﻤﻤﺮ ﺿﺤﻜﺖ ﻭﻳﺎ ﻧﻔﺴﻲ ﻟﻌﺪ ﺷﮕﺪ ﺗﺤﺒﻪ ﺧﻄﻴﻪ
ﺩﺧﻞ ﺑﺎﺑﺎ ﻭﺩﺧﻠﻮﺍ ﺍﻟﻮﻟﺪ ﻭﻳﺎ ،، ﺳﻠﻤﻮﺍ ﻭﺭﺍﺣﻮ ﻳﺒﺪﻟﻮﻥ ﺷﻮﻳﻪ ﻭﻧﺰﻝ ﺍﺳﺮ ﮔﻌﺪ ﻳﻢ ﺑﺎﺑﺎ ﻭﻓﺪﺍﺀ
ﻋﺴﻞ .. ﺷﺒﻴﭻ ﺧﻴﺎﻝ ﺭﺍﺡ ﺗﻤﻮﺗﻴﻦ ﻳﻤﻌﻮﺩﻩ ﺷﻨﻮ ﺍﻭﻝ ﻣﺮﻩ ﺗﺸﻮﻓﻲ
ﺧﻴﺎﻝ .. ﻭﺍﻟﻠﻪ ﻣﺎ ﺍﺩﺭﻱ
ﺍﮔﻠﭻ ﺷﻮ ﻫﻮ ﻣﻤﻬﺘﻢ ﻭﻻ ﻋﺒﺎﻟﻚ ﺻﺎﺭﻟﻪ ﺍﺳﺒﻮﻉ ﻣﺸﺎﻳﻔﻨﻲ ﻭﺣﺘﻰ ﻣﺎ ﻛﻠﻒ ﻧﻔﺴﻪ ﻳﺘﺼﻞ ﺍﻭ ﻳﺴﺄﻝ ﻋﻨﻲ
ﻋﺴﻞ .. ﺍﻱ ﺛﮕﻠﻲ ﻣﺜﻞ ﺛﮕﻠﻪ ﻟﺘﺸﻤﺮﻳﻦ ﺭﻭﺣﭻ ﻋﻠﻲ ﻷﻥ ﺍﻟﺮﺟﺎﻝ ﻳﺤﺐ ﺍﻟﻐﺎﻟﻲ ﻣﻴﺤﺐ ﺍﻟﺮﺧﻴﺺ
ﺧﻴﺎﻝ .. ﻋﻮﺩ ﺣﭽﺖ ﺍﻡ ﺣﻠﮓ
ﻗﺎﺑﻞ ﺷﻤﺮﺕ ﻧﻔﺴﻲ ﺑﺤﻀﻨﻪ ﺣﺘﻰ ﻣﻴﺤﺐ ﺍﻟﺮﺧﻴﺺ
ﻋﺴﻞ .. ﺍﻟﺮﺧﺺ ﻣﻮ ﺑﺲ ﺑﻬﺬﺍ ﺍﻟﺸﻲ ﺣﺒﻴﺒﺘﻲ ﻓﺘﺤﻲ ﻣﺨﭻ ﺯﻳﻦ ﺣﺘﻰ ﻻ ﺗﻌﺎﻧﻴﻦ ﺑﻬﺬﺍ ﺛﻮﻟﭻ ﺍﻟﻤﺎﻛﻮ ﻣﻨﻪ
ﺧﻴﺎﻝ .. ﺍﻧﭽﺒﻲ ﻭﻭﻟﻲ ﻣﻦ ﻳﻤﻲ ﺑﺴﺮﻋﻪ
ﺭﺣﺖ ﻣﻦ ﻳﻤﻬﺎ ﺿﺎﻳﺠﻪ ،، ﺩﺧﻠﺖ ﻟﻠﻤﻄﺒﺦ ﻟﮕﻴﺖ ﻓﻴﺾ ﺩﺗﺴﻮﻱ ﺑﺎﻟﺰﻻﻃﻪ ﻭﮔﻔﺖ ﺍﺳﺎﻋﺪﻫﺎ ﻟﺤﺪ ﻣﺎ ﺳﻤﻌﺖ ﺍﺳﺮ ﻳﺴﻠﻢ ﻋﻠﻴﻪ
ﺍﺳﺮ .. ﺷﻠﻮﻧﭻ ﺧﻮﺧﻪ
ﺧﻴﺎﻝ .. ﺳﻮﻳﺖ ﺭﻭﺣﻲ ﻣﻤﻬﺘﻤﺘﻠﻪ : ﺍﻟﺤﻤﺪ ﻟﻠﻪ ﺍﻧﺖ ﺷﻠﻮﻧﻚ
ﺍﺳﺮ .. ﺍﻟﺤﻤﺪ ﻟﻠﻪ
ﺑﺎﻭﻉ ﺍﻟﻔﻴﺾ ﺷﻮ ﻫﺎﻱ ﻃﻠﻌﺖ ﺑﺴﺮﻋﻪ ﺗﻘﺮﺏ ﻣﻨﻲ ﻓﺘﺤﺖ ﻋﻴﻮﻥ ﻋﻠﻲ ﻣﻦ ﺍﻟﺨﻮﻑ
ﻫﻬﻬﻬﻪ ﻫﺎﻱ ﺷﺒﻴﭻ ﺧﻔﺘﻲ
ﺧﻴﺎﻝ .. ﻫﺎ ﻻ ﻣﺨﺎﻳﻔﻪ
ﺍﺳﺮ .. ﺍﺷﺘﺎﻗﻴﺘﻠﭻ ﻛﻠﺶ
ﺧﻴﺎﻝ .. ﻳﻤﻪ ﮔﻠﺒﻲ ﺭﺍﺡ ﻣﻦ ﮔﻠﻲ ﻫﺎﻱ ﺍﻟﻜﻠﻤﻪ ﻇﻠﻴﺖ ﺑﺲ ﺻﺎﻓﻨﻪ ﻋﻠﻲ ﺣﺘﻰ ﻣﺎ ﻋﺮﻓﺖ ﺷﺠﺎﻭﺑﻪ
ﻣﺪ ﺍﻳﺪﻩ ﺑﺎﺗﺠﺎﻫﻲ ﻧﺰﻳﺖ ﻣﻦ ﻣﻜﺎﻧﻲ ،، ﭼﺎﻥ ﻳﺎﺧﺬ ﻛﺎﺳﺔ ﺍﻟﻤﺎﻱ ﻣﻦ ﻉ ﻭﺭﺍﻳﻪ ﻓﺘﺤﻬﺎ ﻭﻫﻮ ﻳﻀﺤﻚ
ﺍﺳﺮ .. ﺍﺭﻳﺪ ﻣﺎﻱ ﻋﻄﺸﺎﻥ ﻛﻠﺶ
ﺧﻴﺎﻝ .. ﺑﺎﻟﻌﺎﻓﻴﻪ
ﺍﺳﺮ .. ﺍﻟﻠﻪ ﻳﻌﺎﻓﻴﭻ
ﺍﻱ ﺷﻠﻮﻧﭻ ﺷﻤﺴﻮﻳﻪ ﻣﻤﺴﻮﻳﻪ
ﺧﻴﺎﻝ .. ﺑﻌﺪ ﻭﻛﺖ ﻫﺴﺘﻮﻙ ﺗﺬﻛﺮﺕ ﺗﺴﺄﻝ
ﺍﺳﺮ .. ﺑﺎﻭﻋﻴﻠﻲ ﺧﻮﺧﻪ
ﺑﺲ ﺍﻟﻠﻪ ﻭﺣﺪﻩ ﻳﻌﻠﻢ ﺷﻠﻮﻥ ﺑﺎﻟﮕﻮﻩ ﻻﺯﻡ ﻧﻔﺴﻲ ﻋﻨﭻ ﺣﺘﻰ ﻻ ﺍﺗﺼﻞ ﻭﺍﺗﻐﺰﻝ ﺑﻴﭻ
ﺍﻧﻲ ﺭﺟﺎﻝ ﻭﻳﺤﺐ ﺑﺠﻨﻮﻥ ﻭﻋﻨﺪﭺ ﺍﻟﺤﺴﺎﺏ ﻭﺍﻧﺘﻲ ﺑﺖ ﻋﻤﻲ ﻳﻌﻨﻲ ﻋﺮﺿﻲ ﻭﻣﻮ ﺍﻧﻲ ﺍﻟﻴﻠﻮﺙ ﻋﺮﺿﻪ ﺑﺎﻟﺤﺮﺍﻡ ﻟﺬﺍﻟﻚ ﺗﺤﻤﻠﻲ ﻣﻨﺎ ﻟﻤﺎ ﻧﻨﺨﻄﺐ ﻭﻫﺬﺍ ﺍﻟﺸﻲ ﺍﻧﺘﻲ ﺭﺩﺗﻲ ﻣﻮ ﺍﻧﻲ ﻷﻥ ﻟﻮ ﻋﻠﻴﻪ ﺍﺧﻄﺒﭻ ﺍﻟﻴﻮﻡ ﻗﺒﻞ ﺑﺎﭼﺮ ﺣﺘﻰ ﺍﺧﺬﭺ ﻭﺍﺭﺗﺎﺡ ﻳﺎ ﺭﺍﺣﺘﻲ ﻭﻋﺎﻓﻴﺘﻲ ﻭﻛﻞ ﺩﻧﻴﺘﻲ
ﺧﻴﺎﻝ .. ﺍﺑﺘﺴﻤﺖ ﺍﻟﻪ ﺍﺣﺒﻪ ﻳﺎ ﻋﺎﻟﻢ ﺍﺣﺐ ﺭﺟﻮﻟﺘﻪ ﻭﻏﻴﺮﺗﻪ ﻭﺧﻮﻓﻪ ﻋﻠﻴﻪ ﺍﺣﺐ ﻋﺼﺒﻴﺘﻪ ﻭﺣﻨﺎﻧﻪ ﻭﺭﻭﺣﻪ ﺍﻟﻤﺮﺣﻪ ،، ﺍﺣﺐ ﻛﻠﺸﻲ ﺑﻲ
ﺍﺳﺮ .. ﺷﻮ ﺻﺎﻓﻨﻪ ؟؟ ﻓﻬﻤﺘﻲ ﻋﻠﻴﻪ
ﺧﻴﺎﻝ .. ﻫﺰﻳﺘﻠﻪ ﺭﺍﺳﻲ ﺑﺎﺑﺘﺴﺎﻣﺔ ﺧﺠﻞ ﭼﺎﻥ ﻳﻌﻴﻂ ﺑﺲ ﺑﺼﻮﺕ ﻧﺎﺻﻲ ﺑﺤﻴﺚ ﻣﺎ ﺍﻋﺮﻓﻪ ﺩﻳﺼﻴﺢ ﻟﻮ ﺩﻳﺸﺎﻭﺭﻧﻲ
ﺍﺳﺮ .. ﻣﻦ ﺍﺣﺘﺮﮒ ﺍﺳﺮ ﺑﮕﺎﺯ ﻭﺑﺎﻧﺰﻳﻦ ﻋﻠﻰ ﻫﺎﻱ ﺍﻻﺑﺘﺴﺎﻣﻪ ﺍﻟﻜﻠﻬﺎ ﺧﺠﻞ
ﻳﺒﻨﺖ ﺍﻟﻨﺎﺱ ﺍﺭﺣﻤﻲ ﺑﺤﺎﻟﻲ ﻣﻮ ﻫﺴﻪ ﺩﺍ ﺍﮔﻠﭻ ﮔﻮﻩ ﻻﺯﻡ ﻧﻔﺴﻲ ﻋﻨﭻ
ﺧﻴﺎﻝ .. ﻫﻬﻬﻪ ﻭﺍﻧﻲ ﺷﻤﺴﻮﻳﻪ
ﺍﺳﺮ .. ﺷﻮﻑ ﺷﻠﻮﻥ ﺗﻤﻂ ﺑﺎﻟﺤﭽﻲ ﻳﺮﺑﻚ
ﺩﺧﻠﺖ ﺑﺎﺟﻲ ﺑﻬﺎﻱ ﺍﻻﺛﻨﺎﺀ ﮔﺒﻞ ﺍﺷﺮﺗﻠﻪ ﭼﺎﻥ ﺗﮕﺢ ﻭﺗﻀﺤﻚ
ﺍﺳﺮ .. ﭼﻨﺖ ﻋﻄﺸﺎﻥ ﻭﺍﺟﻴﺖ ﺍﺷﺮﺏ ﻣﺎﻱ
ﻭﺋﺎﻡ .. ﺍﺑﺘﺴﻤﺖ ﺑﻤﻜﺮ : ﺍﻟﻠﻪ ﻳﺮﻭﻳﻚ ﻳﻤﻪ
ﻃﻠﻊ ﺑﺴﺮﻋﻪ ﻭﺍﻟﺨﺠﻞ ﻭﺍﺿﺢ ﻋﻠﻰ ﻭﺟﻬﺎ ،، ﺍﻟﺤﻠﻮ ﺑﻲ ﻫﻮ ﻭﺣﺴﺎﻡ ﺧﺠﻮﻟﻴﻦ ﻛﻠﺶ ﺭﻏﻢ ﺷﺨﺼﻴﺎﺗﻬﻢ ﺍﻟﻘﻮﻳﻪ ﻭﻫﺎﻟﺸﻲ ﻳﺮﺟﻊ ﺍﻟﺘﺮﺑﻴﺘﻬﻢ ﻋﻠﻰ ﺍﻳﺪ ﺑﺎﺑﺎ ﻟﺬﺍﻟﻚ ﻫﻢ ﻳﺸﺒﻬﻮﻥ ﺍﺧﻮﺍﻧﻲ
ﺩﺭﺕ ﻭﺟﻬﻲ ﻋﻦ ﺑﺎﺟﻲ ﺧﺠﻼﻧﻪ ﻣﻨﻬﺎ ﻷﻥ ﺷﻜﻠﻬﺎ ﺍﻓﺘﻬﻤﺖ ﺍﻟﺴﺎﻟﻔﻪ .. ﻛﻤﻠﺖ ﺍﻟﺰﻻﻃﻪ ﻭﻫﻲ ﺑﺪﺕ ﺗﺼﺐ ﺷﻮﻳﻪ ﻭﺍﺟﻮ ﺍﻟﺒﻨﺎﺕ ﻳﻌﺎﻭﻧﻮﻫﺎ
ﻋﺴﻞ .. ﺩﺍ ﺍﻭﺩﻱ ﺍﻟﺘﻤﻦ ﻟﻠﺴﻔﺮﻩ ﺻﺎﺭ ﺑﻮﺟﻬﻲ ﺣﺴﺎﻡ ﻧﺎﺯﻝ ﻣﻦ ﺍﻟﺪﺭﺝ
ﻧﺰﻝ ﺑﺴﺮﻋﻪ ﺍﺧﺬ ﺍﻟﺼﻴﻨﻴﻪ ﻣﻦ ﺍﻳﺪﻱ
ﺣﺴﺎﻡ .. ﺟﻴﺒﻲ ﻋﻨﭻ ﺍﻧﻲ ﺍﻭﺩﻳﻬﻦ
ﻋﺴﻞ .. ﺷﻜﺮﺍ
ﺣﺴﺎﻡ .. ﺍﺑﺘﺴﻢ ﻭﺣﭽﻪ ﺑﻬﺪﻭﺀ : ﺗﺘﺪﻟﻠﻴﻦ ﺑﺖ ﻋﻤﻲ
ﻛﻤﻠﻨﻪ ﺍﻟﻐﺪﻩ ﻭﺭﺣﺖ ﻭﻳﺎ ﻓﻴﺾ ﻧﻐﺴﻞ ﺍﻟﻤﻮﺍﻋﻴﻦ ﻭﻧﺴﻮﻟﻒ
ﺳﻮﺕ ﺧﻴﺎﻝ ﺍﻟﭽﺎﻱ ﻭﻣﺎ ﺭﺟﻌﺖ ﻳﻤﻨﻪ ﺍﻛﻴﺪ ﮔﺎﺑﻠﺖ ﺣﺒﻴﺐ ﺍﻟﮕﻠﺐ ﻭﻧﺴﺖ ﻧﻔﺴﻬﺎ ﻳﻤﻪ
ﻓﻴﺾ .. ﻧﺤﻮﻝ
ﻋﺴﻞ .. ﺍﻫﻮ ﺻﺎﺭﺕ ﺍﺳﺮ ﺍﻟﺜﺎﻧﻲ
ﻓﻴﺾ .. ﻫﻬﻬﻪ ﻋﻠﻰ ﻃﺎﺭﻱ ﺍﺳﺮ ،، ﺻﺎﻳﺮ ﺷﻲ ﺑﻴﻨﻪ ﻭﺑﻴﻦ ﺧﻴﺎﻝ ﻷﻥ ﻧﻈﺮﺍﺗﻬﻢ ﻣﻮ ﺭﺍﺣﻪ
ﻋﺴﻞ .. ﻫﻬﻬﻪ ﺍﻱ ﻭﻟﭻ ﻏﻴﺮ ﺍﻋﺘﺮﻓﻠﻬﺎ ﺑﺤﺒﻪ
ﻓﻴﺾ .. ﺍﻳﺎ ﺣﻘﻴﺮﻩ ﻭﻻ ﺟﺎﺑﺘﻠﻲ ﺳﻴﺮﻩ ﻋﻦ ﻫﺬﺍ ﺍﻟﻤﻮﺿﻮﻉ
ﻭﻟﭻ ﻣﻦ ﺷﻮﻛﺖ ؟؟
ﻋﺴﻞ .. ﺻﺎﺭﻟﻪ ﺍﺳﺒﻮﻉ ﺗﻘﺮﻳﺒﺎً
ﻓﻴﺾ .. ﻳﺎ ﻋﻴﻨﻲ ﻋﻠﻴﻬﻢ ﻭﺍﻟﻠﻪ ﺍﻟﻌﻈﻴﻢ ﻛﻠﺶ ﻓﺮﺣﺖ ﺑﻬﺬﺍ ﺍﻟﺨﺒﺮ ﻭﻟﻮ ﻣﺎ ﺍﻓﻮﺗﻠﻬﻴﺎ ﻻﻥ ﺿﻤﺖ ﻋﻠﻴﻪ ﺍﻟﺴﺎﻟﻔﻪ
ﻋﺴﻞ .. ﻟﺘﻘﺼﺮﻳﻦ ﺣﻴﺎﺗﻲ
ﻓﻴﺾ .. ﻫﻬﻬﻪ ﺧﻮ ﺍﻧﺘﻲ ﺗﻜﻴﻔﻴﻦ
ﺑﺲ ﺷﻮﻓﻲ ﻧﺤﻠﻪ ﻭﺍﻟﻠﻪ ﭼﻨﺖ ﺣﺎﺳﻪ ﻗﺒﻞ ﺍﻟﻐﺪﻩ ﻃﺐ ﺍﺳﺮ ﻟﻠﻤﻄﺒﺦ ﻭﺑﺎﻭﻋﻠﻲ ﻛﺄﻧﻮ ﺩﻳﮕﻮﻝ ﻋﻮﻓﻴﻨﻪ ﻭﺣﺪﻧﻪ
ﺑﻬﻸﺛﻨﺎﺀ ﺩﺧﻞ ﺣﺴﺎﻡ ﻟﻠﻤﻄﺒﺦ ﺑﻴﺪﻩ ﺍﺳﺘﻜﺎﻥ ﺍﻟﭽﺎﻱ ﻭﻫﻢ ﺑﺎﻭﻉ ﺍﻟﻔﻴﺾ ﭼﺎﻥ ﺗﺪﻭﺭ ﻭﺟﻬﺎ ﻋﻠﻴﻪ ﻭﺗﻀﺤﻚ ﻷﻥ ﻫﺴﺘﻮﻫﺎ ﺩﺗﺤﺠﻲ ﺑﺎﻟﻤﻮﺿﻮﻉ
ﻋﺎﻓﺘﻨﻪ ﻭﻃﻠﻌﺖ ،، ﺗﻘﺮﺏ ﺣﻂ ﺍﺳﺘﻜﺎﻥ ﺍﻟﭽﺎﻱ ﻉ ﺍﻟﺤﻮﺽ ﻓﺼﺎﺭ ﺑﺼﻔﻲ ﻛﻠﺶ ﭼﺎﻥ ﻳﻬﻤﺲ
ﺣﺴﺎﻡ .. ﻣﺎ ﮔﻠﺘﻴﻠﻲ ﺷﻨﻮ ﺭﺃﻳﭻ ﺑﺎﻟﻬﺪﻳﻪ
ﻋﺴﻞ .. ﺗﺮﺩﺩﺕ ﻭﺍﺧﺘﻨﮕﺖ ﺑﻨﻔﺲ ﺍﻟﻮﻗﺖ ﺑﺤﻴﺚ ﺍﻟﻜﻼﻡ ﻣﻴﻘﺒﻞ ﻳﻄﻠﻊ ﻣﻦ ﺣﻠﮕﻲ
ﺑﺎﻭﻋﺖ ﻋﻠﻲ : ﺣﺴﺎﻡ ﺍﻧﻲ
ﺣﺴﺎﻡ .. ﺑﺲ ﮔﻠﻴﻠﻲ ﻋﺠﺒﺘﭻ ﻟﻮ ﻻ
ﻋﺴﻞ .. ﺍﻱ ،، ﻭﻣﺎ ﺍﻋﺮﻑ ﻟﻴﺶ ﮔﺘﻠﻪ ﺍﻱ
ﺣﺴﺎﻡ .. ﺍﺑﺘﺴﻢ ﻭﺍﺧﺬ ﻧﻔﺲ ﻗﻮﻱ : ﻋﺴﻞ ﺍﻧﻲ ﺍﻋﺘﺮﻓﺘﻠﭻ ﺑﺤﺒﻲ ﻷﻥ ﻣﺎ ﺍﺭﻳﺪﭺ ﺗﺮﺣﻴﻦ ﻣﻦ ﺍﻳﺪﻱ
ﺧﻔﺖ ﺍﺫﺍ ﺍﻇﻞ ﺳﺎﻛﺖ ﺗﺘﺼﻮﺭﻳﻦ ﻣﺎ ﺍﺣﺒﭻ ﻭﺑﺎﻟﻮﺍﻗﻊ ﺍﻧﻲ ﺍﺗﻨﻔﺲ ﺣﺒﭻ ﻣﻮ ﺑﺲ ﺍﺣﺒﭻ ﻣﻊ ﺫﺍﻟﻚ ﻣﺎ ﺍﺭﻳﺪ ﺍﻟﺼﺎﺭ ﻳﺄﺛﺮ ﻋﻠﻰ ﺩﺭﺍﺳﺘﭻ
ﻋﺴﻞ .. ﺷﻨﻮ ﻳﻌﻨﻲ ؟ !
ﺣﺴﺎﻡ .. ﻳﻌﻨﻲ ﺍﻟﺴﺎﺩﺱ ﻳﺤﺘﺎﺟﻠﻪ ﺑﺎﻝ ﺻﺎﻓﻲ
ﻟﺘﻔﻜﺮﻳﻦ ﺑﺄﻱ ﺷﻲ ﻏﻴﺮ ﺩﺭﺍﺳﺘﭻ ﺑﺎﻟﻮﻗﺖ ﺍﻟﺤﺎﻟﻲ ،، ﺑﺎﻟﻨﺴﺒﻪ ﺍﻟﻲ ﺭﺍﺡ ﺍﺑﺘﻌﺪ ﻋﻨﭻ ﻣﻨﺎ ﻟﻤﺎ ﺗﻜﻤﻠﻴﻦ ﺍﻟﺴﺎﺩﺱ ﻭﺭﺍﻫﺎ ﺍﺧﻄﺒﭻ ﻣﻦ ﻋﻤﻲ ﻭﺗﻜﻤﻠﻴﻦ ﺍﻟﻜﻠﻴﻪ ﻭﺍﻧﺘﻲ ﺑﺤﻀﻨﻲ ﻭﺑﻐﺮﻓﺘﻲ
ﻋﺴﻞ .. ﺣﺴﺎﻡ ﺑﺲ ﺍﺳﻤﻌﻨﻲ
ﭼﺎﻥ ﺗﻄﺐ ﺧﻴﺎﻝ ﻉ ﺍﻟﺴﺮﻳﻊ ﻗﺎﻃﻌﺘﻨﻲ ﻭﮔﺎﻟﺖ
ﺧﻴﺎﻝ .. ﺣﺴﺎﻡ ﻫﺎﻱ ﺍﻧﺖ ﻫﻨﺎ
ﺑﺎﺑﺎ ﻭﺍﻟﻮﻟﺪ ﺩﻳﺴﺄﻟﻮﻥ ﻋﻨﻚ
ﺣﺴﺎﻡ .. ﺍﻱ ﻫﺴﻪ ﺭﺍﻳﺢ
ﺩﺍﺭ ﻭﺟﻬﺎ ﻋﻠﻴﻪ ﻭﺣﭽﻪ ﺑﺎﺑﺘﺴﺎﻣﻪ : ﻟﺘﻨﺴﻴﻦ ﺍﻟﻜﻼﻡ ﺍﻟﮕﺘﻠﭻ ﻋﻠﻲ ﺍﺭﻳﺪﭺ ﺗﻔﺮﺣﻴﻨﻲ ﺑﺎﻟﻤﻌﺪﻝ ﺍﻟﻌﺎﻟﻲ ﺣﺘﻰ ﻳﻬﻮﻥ ﻋﻠﻴﻪ ﺗﻌﺐ ﺍﻟﺴﻨﻴﻦ ﺍﻻﺧﺬﺗﭻ ﺑﻴﻬﻪ ﻭﺟﺒﺘﭻ ﻣﻦ ﺍﻟﻤﺪﺭﺳﻪ
ﻋﺴﻞ .. ﻫﺰﻳﺘﻠﻪ ﺑﺮﺍﺳﻲ ﺑﺲ ﺍﺭﻳﺪ ﺍﺑﭽﻲ ﻣﻦ ﺍﻟﻘﻬﺮ ،، ﺑﺲ ﻃﻠﻊ ﺍﺟﺘﻨﻲ ﺧﻴﺎﻝ ﺗﺮﻛﺾ
ﺧﻴﺎﻝ .. ﺧﻮ ﻣﺎ ﮔﺘﻴﻠﻪ ﺑﺤﻘﻴﻘﺔ ﻣﺸﺎﻋﺮﭺ
ﻋﺴﻞ .. ﺭﺩﺕ ﺍﮔﻠﻪ ﺑﺲ ﺍﻧﺘﻲ ﻗﺎﻃﻌﺘﻴﻨﻲ ﺑﺠﻴﺘﭻ
ﺧﻴﺎﻝ .. ﻳﺎ ﺛﻮﻟﻪ ﻭﺍﻟﻠﻪ ﻋﺮﻓﺖ ﻟﺬﺍﻟﻚ ﺍﺟﻴﺖ ﺭﻛﺾ ﺑﺲ ﺍﻓﺘﻬﻤﺖ ﻫﻮ ﻳﻤﭻ ﺣﺘﻰ ﺍﻣﻨﻌﭻ ﺗﺤﺠﻴﻦ ﻭﻳﺎ
ﻋﺴﻞ .. ﻟﻴﺶ ﺧﻴﺎﻝ ﺧﻠﻲ ﺍﮔﻠﻪ ﺍﺣﺴﻦ ﻣﺎ ﻳﻈﻞ ﻳﺘﻌﺬﺏ ﺑﺤﺒﻲ
ﻭﻟﭻ ﻣﺘﺪﺭﻳﻦ ﺑﻲ ﺷﻠﻮﻥ ﻳﺤﺒﻨﻲ ،، ﻧﺰﻟﺖ ﺩﻣﻮﻋﻲ ﺑﺴﺮﻋﻪ : ﻳﮕﻮﻝ ﺍﻧﻲ ﺍﺗﻨﻔﺲ ﺣﺒﭻ ﻣﻮ ﺑﺲ ﺍﺣﺒﭻ
ﺧﻴﺎﻝ .. ﻭﺗﺮﺩﻳﻦ ﺗﮕﻠﻴﻠﻪ ﻣﺎ ﺍﺣﺒﻚ ؟ !!
ﺣﺮﺍﻡ ﻋﻠﻴﭻ ﻭﺍﻟﻠﻪ ﺍﻧﻄﻲ ﺍﻟﻨﻔﺴﭻ ﻓﺮﺻﻪ ﻳﺠﻮﺯ ﺗﺤﺒﻲ ﻣﺜﻞ ﻣﻴﺤﺒﭻ
ﻋﺴﻞ .. ﻣﺎ ﺍﺩﺭﻱ ﻭﺍﻟﻠﻪ ﻣﺎ ﺍﺩﺭﻱ ﻣﺎ ﺍﺩﺭﻱ
ﺩﺭﺕ ﻭﺟﻬﻲ ﻟﺰﻣﺖ ﺍﻟﮕﻼﺹ ﺍﺟﻠﻒ ﺑﻲ ﺑﻌﺼﺒﻴﻪ ﻭﺑﺎﻟﻲ ﺑﻜﻼﻡ ﺣﺴﺎﻡ ﻟﺤﺪ ﻣﺎ ﻃﮓ ﺑﻴﺪﻱ ﺑﻼ ﻣﺎ ﺍﻧﺘﺒﻪ
ﺧﻴﺎﻝ .. ﺍﻟﻠﻪ ﻳﻤﻌﻮﺩﻩ ﺷﺠﺎﭺ
ﺟﻴﺒﻲ ﺍﻧﻲ ﺍﻛﻤﻠﻬﻦ ﺭﻭﺣﻲ ﺍﺭﺗﺎﺣﻲ ﻭﺑﻌﺪﻳﻦ ﻧﺤﭽﻲ ﺑﺎﻟﻤﻮﺿﻮﻉ
ﺭﺣﺖ ﻟﻠﺼﺎﻟﻪ ﮔﻌﺪﺕ ﻳﻢ ﻣﺎﻣﺎ ﻋﻠﻰ ﺍﻋﺼﺎﺑﻲ ﻟﺤﺪ ﻣﺎ ﺻﺎﺭ ﺍﻟﻌﺼﺮ ﻭﺭﺟﻌﻨﻪ ﻟﻠﺒﻴﺖ
ﺍﻭﻝ ﻣﺎ ﺻﻌﺪﺕ ﺍﻟﻐﺮﻓﺘﻲ ﺍﺟﺖ ﺧﻴﺎﻝ ﺣﭽﻴﺘﻠﻬﺎ ﻛﻠﺸﻲ ﺻﺎﺭ ﻭﻫﻲ ﻫﻢ ﺳﻮﻟﻔﺘﻠﻲ ﻉ ﺍﻟﻜﻼﻡ ﺍﻟﺪﺍﺭ ﺑﻴﻨﻬﺎ ﻭﺑﻴﻦ ﺍﺳﺮ ﻭﻇﻠﻴﻨﻪ ﻋﻠﻰ ﻫﺎﻟﺴﻮﺍﻟﻒ ﻟﺤﺪ ﻣﺎ ﻧﻌﺴﻨﻪ ﺑﺪﻭﻥ ﻣﻨﻮﺻﻞ ﺍﻟﺤﻞ ﻳﺮﻳﺤﻨﻲ
ﻣﺮ ﺍﻛﺜﺮ ﻣﻦ ﺷﻬﺮ ﺑﻼ ﺍﻱ ﺟﺪﻳﺪ ،، ﻭﺿﻊ ﺧﻴﺎﻝ ﻭﺍﺳﺮ ﻫﺎﺩﺉ ﻣﻴﺘﺨﺎﺑﺮﻭﻥ ﻭﻳﺘﺸﺎﻭﻓﻮﻥ ﺑﺲ ﺑﺎﻟﺼﺪﻑ ﺍﻣﺎ ﺍﻧﻲ ﻭﺣﺴﺎﻡ ﻓﺤﺘﻰ ﻣﻨﺘﺸﺎﻭﻑ ﻷﻥ ﻫﻮ ﺗﻌﻤﺪ ﻳﺴﻮﻱ ﻫﺎﻟﺸﻜﻞ ﻭﻳﻐﻴﺐ ﻋﻨﻲ ﻋﻠﻤﻮﺩ ﺍﻫﺘﻢ ﺍﻟﺪﺭﺍﺳﺘﻲ ﻭﻣﺎ ﺍﻓﻜﺮ ﺑﻲ ﻛﻞ ﺿﻨﻪ ﺍﺣﺒﻪ ﺧﻄﻴﻪ
ﻓﺪ ﻳﻮﻡ ﭼﺎﻥ ﻋﺪﻧﻪ ﺍﺟﺘﻤﺎﻉ ﺍﻣﻬﺎﺕ ﺑﺎﻟﻤﺪﺭﺳﻪ ﻓﻄﻠﻌﻮﻧﻪ ﻣﻦ ﻭﻛﺖ
ﺧﺎﺑﺮﺕ ﺍﻟﺴﺎﻳﻖ ﺍﻟﺨﺎﺹ ﺑﻴﻪ ﻷﻥ ﺑﺎﺑﺎ ﻣﻴﺄﻣﻦ ﻏﻴﺮ ﺑﺴﺎﻳﻖ ﺍﻟﻌﺎﺋﻠﻪ ﺍﺑﻮ ﻗﺼﻲ ﻫﻮ ﻳﻮﺩﻳﻨﻲ ﻭﻳﺠﻴﺒﻨﻲ ﻣﻦ ﺍﻟﺜﺎﻟﺚ ﻣﺘﻮﺳﻂ ﻭﻟﺤﺪ ﺍﻻﻥ
ﺭﺑﻊ ﺳﺎﻋﻪ ﻭﺍﺟﺎﻧﻲ
ﺍﺧﺬﺕ ﻭﻳﺎﻳﻪ ﺻﺪﻳﻘﺎﺗﻲ ﻣﻬﺎ ﻭﻏﻔﺮﺍﻥ ﻷﻥ ﺍﻟﺨﻂ ﻳﺘﺄﺧﺮ ﻋﻠﻴﻬﻦ ﺑﻨﺺ ﺍﻟﻄﺮﻳﻖ ﺑﺎﻭﻋﺖ ﺍﻟﻤﻄﻌﻢ ﻣﻔﺘﺢ ﺟﺪﻳﺪ ﺍﺟﺘﻨﻲ ﻓﻜﺮﻩ ﺍﺳﺘﻐﻞ ﺍﻟﻮﻗﺖ
ﻋﺴﻞ .. ﻳﺒﻨﺎﺕ ﻋﺎﺯﻣﺘﭽﻦ ﻉ ﺍﻻﻛﻞ ﺗﺠﻦ ﻟﻮ ﻻ
ﻣﻬﺎ .. ﻭﻫﺎﻱ ﻳﺮﺍﺩﻟﻬﺎ ﺳﺆﺍﻝ ﺍﻛﻴﺪ ﻧﺠﻲ ﻣﺎ ﻃﻮﻝ ﺑﻌﺪ ﻭﻛﺖ
ﻋﺴﻞ .. ﻫﺎ ﻏﻔﺮﺍﻥ
ﻏﻔﺮﺍﻥ .. ﺑﻜﻴﻔﻜﻢ
ﻋﺴﻞ .. ﻋﻤﻮ ﺭﻭﺡ ﺍﻟﻤﻄﻌﻢ ×××××
ﺍﺑﻮ ﻗﺼﻲ .. ﻭﺍﺑﻮﭺ ﻳﻘﺒﻞ ﺑﻨﺘﻲ ؟؟
ﻋﺴﻞ .. ﺍﻱ ﻃﺒﻌﺎ ،، ﺑﻌﺪﻳﻦ ﺍﻧﺖ ﻣﻮﺟﻮﺩ ﻭﺻﺪﻳﻘﺎﺗﻲ ﻫﻢ ﻭﻳﺎﻳﻪ ﻳﻌﻨﻲ ﻣﻮ ﻭﺣﺪﻱ
ﺍﺑﻮ ﻗﺼﻲ .. ﺻﺎﺭ ﻳﺎﺑﻪ
ﻧﺰﻟﻨﻪ ﻟﻠﻤﻄﻌﻢ ﻭﺍﺑﻮ ﻗﺼﻲ ﻇﻞ ﺑﺎﻟﺒﺎﺏ
ﮔﻌﺪﻧﻪ ﻧﮕﻠﺐ ﺑﺎﻟﻄﻠﺒﺎﺕ ﻣﺤﺘﺎﺭﻳﻦ ﺷﻨﺎﻛﻞ ﻓﺠﺄﻩ ﺳﻤﻌﺖ ﺻﻮﺕ ﻗﺮﻳﺐ ﻣﻨﻲ ﮔﺎﻝ ﺗﻔﻀﻠﻮﺍ ﺑﻴﺶ ﺍﺳﺎﻋﺪﻛﻢ
ﺭﻓﻌﺖ ﺭﺍﺳﻲ .....
ﻳﺘﺒﻊ...
أنت تقرأ
#قسوة_الحب
General Fictionﺍﺣﺒﺘﻪ ... ﻓـ ﺗﺨﻠﺖ ﻋﻦ ﻛﻞ ﺷﺊ ﻷﺟﻠﻪ ﺍﺣﺒﻬﺎ ... ﻓـ ﺣﺎﺭﺏ ﺍﻟﺠﻤﻴﻊ ﻣﻦ ﺍﺟﻠﻬﺎ ﻫﻞ ﻳﻨﺠﺤﺎﻥ ﻓﻲ ﻫﺬﺍ ﺍﻟﻌﺸﻖ ﺍﻡ ﺳﻴﻜﻮﻥ ﺍﻟﺤﺮﻣﺎﻥ ﻣﻘﺒﺮﺓً ﻟﻪ
