#قسوة_الحب
(Haider)❤️
حسام.. بعد ما دبر عمي اجازتنه واقامتنه وكل شي
وصلنه التركيا واستقرينا هناك
اليوم نتيجة الزرع
رحت ويا اسر خايفين والدعاء ما وگع من لسانه عسى ولعل رب العالمين يلطف بحالها وحالنه ويرحمنا من هذا العذاب
وصلنه للمستشفى بس ما لگينه الدكتور
فوگ النص ساعه يلا اجه دقايق وسمحولنه انطب انشوفه
دخلنه سوه باوعت علي وجها مو تمام
ما گدرت حتى اگعد
گبل گتله دكتور اختصر لأن البينه مكفينه وزايد
الدكتور.. مع شديد الأسف
اتضح بعد الزرع الكتله خبيثه والمرض واصل المراحل متقدمه يعني الشفاء بهذي الحاله نسبته متتجاوز الـ 40٪
اسر.. شدتحچي انت ؟!!
حسام.. اصبر اسر
دكتور شنو يعني اختي مراح تصير زينه
الدكتور.. اني ما گلت هيچ
اكو نسبة للشفاء بس متتجاوز الـ 40٪ يعني اكو امل وان كان ضئيل
حسام.. وشنو الاجرائات هسه
الدكتور.. لازم تجيبوها لهنا
لان مناعتها كلش ضعيفه وتواجدها خارج المستشفى بمثل هيچ الوقت مو بصالحها
حسام.. وبعدين
الدكتور.. استئصال ثم علاج كيماوي
وان شاء الله نگدر نسيطر ع المرض قبل لا ينتشر بالجسم
اسر.. شوكت تريدها تتواجد دكتور
الدكتور.. يكون افضل اذا باچر
عسل.. الكل گاعد على اعصابه
منتظرين منهم خبر لأن نعرف اليوم نتيجة الزرع بس ماكو حتى محد رد على مكالماتنه
اباوع الفداء تخبل
يروح ويجي بتوتر والموبايل ما وگع من ايده مستمر يتصل بيهم بدون رد
گام بابا حتى يهدي
منسمعه إلا صاح لحد يحاچيني رجاءاً
ظلينه صافنين شويه وانتبه على نفسه راح غسل وجها ورجع للصاله
فداء.. اعتذر يابه مو قصدي ارفع صوتي عليك
ليث.. شجاك وليدي گول يا الله
اكيد ماكو شي والغايب عذره ويا بس اصبر شويه
فداء.. ان شاء الله ماكو شي
عسل.. ليش متروحلها فداء مو احسن
ليث.. لااا
البنيه متقبل خلوها على راحتها مو مال نضغط عليها وهي بـ هالوضعيه
باوعت الفداء ضاج كلش
توه راد يحچي دگ جهازه صاح هاي فيض وراح الغرفته يجاوب
گامت خيال دتروح ورى
بس وگفها صوت بابا لمن گال
ليث.. خلي بنيتي
لازم يحچي وياها على انفراد علمود يرتاح
هسه هو شويه ويطلع يطمنه عليها وان شاء الله ماكو شي
أنت تقرأ
#قسوة_الحب
Ficção Geralﺍﺣﺒﺘﻪ ... ﻓـ ﺗﺨﻠﺖ ﻋﻦ ﻛﻞ ﺷﺊ ﻷﺟﻠﻪ ﺍﺣﺒﻬﺎ ... ﻓـ ﺣﺎﺭﺏ ﺍﻟﺠﻤﻴﻊ ﻣﻦ ﺍﺟﻠﻬﺎ ﻫﻞ ﻳﻨﺠﺤﺎﻥ ﻓﻲ ﻫﺬﺍ ﺍﻟﻌﺸﻖ ﺍﻡ ﺳﻴﻜﻮﻥ ﺍﻟﺤﺮﻣﺎﻥ ﻣﻘﺒﺮﺓً ﻟﻪ
