#قسوة_الحب

مشهد 🥺👌

#قسوة_الحب

ﺍﺣﺒﺘﻪ ... ﻓـ ﺗﺨﻠﺖ ﻋﻦ ﻛﻞ ﺷﺊ ﻷﺟﻠﻪ
ﺍﺣﺒﻬﺎ ... ﻓـ ﺣﺎﺭﺏ ﺍﻟﺠﻤﻴﻊ ﻣﻦ ﺍﺟﻠﻬﺎ
ﻫﻞ ﻳﻨﺠﺤﺎﻥ ﻓﻲ ﻫﺬﺍ ﺍﻟﻌﺸﻖ ﺍﻡ ﺳﻴﻜﻮﻥ ﺍﻟﺤﺮﻣﺎﻥ ﻣﻘﺒﺮﺓً ﻟﻪ

#مشهد١

#قسوة_الحب

ﻛﺎﻧﺖ ﺍﻟﺤﻴﺎﺓ ﺍﺷﺒﻪ ﺑﺎﻟﺒﺤﺮ ... ﺑﻴﻦ ﻣﺪ ﻭﺟﺰﺭ ﺗﺮﺍﻛﻤﺖ ﺍﺣﻼﻣﻲ
ﺟﻠﺴﺖ ﻋﻠﻰ ﺷﺎﻃﺌﻪ ﻭﺑﻴﺪﻱ ﺭﻳﺸﺔ ﺍﻟﻨﻌﺎﻡ ﺍﻟﺘﻲ ﺗﺪﻋﻰ ﺑﺮﻳﺸﺔ ﺍﻻﻏﻨﻴﺎﺀ
ﺧﻄﺖ ﺭﻳﺸﺘﻲ ﺍﻭﻝ ﺣﻠﻢ ﻟﻲ ﺛﻢ .. ﺍﻟﺜﺎﻧﻲ .. ﻭﺍﻟﺜﺎﻟﺚ .. ﻭﺍﻟﺮﺍﺑﻊ .. ﻭﺍﺫﺍ ﺑﻲ ﺳﻤﻌﺖ ﺻﻮﺕ ﻳﻨﺎﺩﻳﻨﻲ ﻗﺎﺋﻼً :
- ﻛﻢ ﺣﻠﻤﺎً ﺩﻭﻧﺖِ ﺍﻟﻰ ﺍﻵﻥ ؟؟
- ﺩﻭﻧﺘﻚ ﻓـ ﺍﻧﺖَ ﺍﻛﺒﺮ ﺍﺣﻼﻣﻲ
- ﻭﺍﻟﺤﺮﻣﺎﻥ ؟ !!
- ﺍﻟﺤﺮﻣﺎﻥ ﺍﻟﺤﻘﻴﻘﻲ ﻫﻮ ﺣﺮﻣﺎﻧﻲ ﻣﻦ ﺣﺒﻚَ
ﻣﺪ ﻟﻲ ﻳﺪﻩ ﻣﺒﺘﺴﻤﺎً : ﺗﻌﺎﻟﻲ ﻳﺎ ﻓﺮﺍﺷﺘﻲ ﻧﻄﻴﺮ ﻣﻌﺎً ﺍﻟﻰ ﻋﺎﻟﻢ ﺍﻟﻔﻘﺮ ﻟـ ﻧﺘﺬﻭﻕ ﻣﺮﺍﺭﺗﻪ ﺳﻮﻳﺎً
ﻣﻀﻴﺖ ﻣﻌﻪُ ﺑﺄﺭﺍﺩﺗﻲ ﻭﻟﻜﻦ .....
____&______&______&___
ﻟﻴﺚ .. ﺻﻼﻓﺘﭻ ﺯﺍﺩﺕ ﻋﻦ ﺣﺪﻫﺎ ﻋﺴﻞ ﻟﻬﻨﺎ ﻭﻛﺎﻓﻲ ﺑﻌﺪ
ﻋﺴﻞ .. ﺑﺎﺑﺎ ﺍﻟﻠﻪ ﻳﺨﻠﻴﻚ ﺑﺲ ﺍﻓﻬﻤﻨﻲ
ﻟﻴﺚ .. ﺍﺵ ﻭﻻ ﻛﻠﻤﻪ ﺣﻘﻴﺮﻩ ،، ﺍﺧﺮ ﺯﻣﺎﻥ ﺍﻟﺒﻨﻴﻪ ﺗﻮﮔﻒ ﺑﻮﺟﻪ ﺍﺑﻮﻫﺎ ﻭﺗﮕﻮﻟﻪ ﺍﺣﺐ ﻭﻟﻜﻢ ﻭﻳﻦ ﻋﺎﻳﺸﻴﻦ ﺍﺣﻨﻪ ﺍﺣﺪ ﻳﺠﺎﻭﺑﻨﻴﻴﻴﻲ ؟ !!
ﻋﺴﻞ .. ﺑﺎﺑﺎ ﻭﺍﻟﻠﻪ ﻣﺎ ﭼﻨﺖ ﺭﺍﻳﺪﻩ ﻫﺎﻟﺸﻲ ﻭﻻ ﻋﻨﺪﻱ ﻧﻴﻪ ﺍﻭﮔﻒ ﺑﻮﺟﻬﻚ ﻛﻞ ﺣﻴﺎﺗﻲ ﺑﺲ ﺍﻧﺖ ﺟﺒﺮﺗﻨﻲ
ﻟﻴﺚ .. ﺟﺒﺮﺗﭻ ﻣﻮﻭﻭﻭ .. ﺑﺴﻴﻄﻪ ﻋﺴﻞ ﻣﻦ ﻋﻴﻮﻧﻲ ﺍﻧﺘﻈﺮﻱ ﻭﺷﻮﻓﻴﻨﻲ ﺷﺮﺍﺡ ﺍﺳﻮﻱ ﺑﻴﭻ ﺍﺫﺍ ﻣﺎ ﺍﻋﻴﺪ ﺗﺮﺑﻴﺘﭻ ﻣﻦ ﺟﺪﻩ ﻭﺟﺪﻳﺪ ﻣﺎ ﺍﺗﺴﻤﻰ ﺍﺑﻮ ﺳﺠﺎﺩ
ﺯﻳﻨﺐ .. ﺻﻠﻲ ﻋﻠﻰ ﻣﺤﻤﺪ ﺍﺑﻮ ﺳﺠﺎﺩ ﻣﻮ ﻫﻴﭻ ﺍﻟﺤﺠﻲ ﻳﺼﻴﺮ
ﻟﻴﺚ .. ﺩﺗﺴﻤﻌﻴﻦ ﺑﻨﺘﭻ ﺷﺪﺗﺤﭽﻲ ﻟﻮ ﻻ ؟ !! ﺷﻠﻮﻥ ﺗﺮﺩﻳﻨﻲ ﺍﺣﺎﭼﻴﻬﺎ ﻭﻫﻲ ﺣﺎﺑﺘﻠﻲ ﻭﺍﺣﺪ ﺻﻌﻠﻮﻙ ﻣﺎ ﺍﻋﺮﻑ ﺍﺻﻠﻪ ﻣﻦ ﻓﺼﻠﻪ ﻣﻨﻴﻦ ﻭﺟﺎﻳﻪ ﺑﻜﻞ ﺻﻼﻓﻪ ﺗﺨﻠﻲ ﻋﻴﻨﻬﺎ ﺑﻌﻴﻨﻲ ﻭﺗﺼﻴﺢ ﺍﺣﺒﻪ ﻭﻟﭻ ﺩﺗﺼﻴﺢ ﺍﺣﺒﺒﺒﺒﻪ
ﺯﻳﻨﺐ .. ﺗﻌﻘﻞ ﻭﺍﻟﻠﻪ ﺗﻌﻘﻞ ﺑﺲ ﻫﺪﻱ ﺭﻭﺣﻚ ﻟﻴﺼﻴﺮﻟﻚ ﺷﻲ
ﻟﻴﺚ .. ﺍﺳﻤﻌﻲ ﻟﭻ ﻣﺪﺭﺳﻪ ﺑﻌﺪ ﻣﺎﻛﻮ ﻭﺍﺣﺴﺒﻲ ﺣﺴﺎﺑﭻ ﻧﻬﺎﻳﺔ ﺍﻻﺳﺒﻮﻉ ﺍﻋﻘﺪﻟﭻ ﻋﻠﻰ ﺍﺑﻦ ﻋﻤﭻ ﺣﺴﺎﻡ ﻭﺍﻧﺘﻬﻰ ﺍﻟﻨﻘﺎﺵ
ﻋﺴﻞ .. ﺑﺎﺑﺎ ﺷﺪﺗﺤﭽﻲ ﺣﺴﺎﻡ ﺷﻨﻮ ﻭﺍﻟﻠﻪ ﻣﺎ ﺍﺗﺰﻭﺟﻪ ﻟﻮ ﺗﺬﺑﺤﻨﻲ
ﻟﻴﺚ .. ﺑﺴﻴﻄﻪ ﺑﻨﻴﺘﻲ ﺑﺴﻴﻄﻪ ... ﻧﺸﻮﻑ ﻛﻼﻣﻦ ﻳﻤﺸﻲ ﻛﻼﻣﻲ ﻟﻮ ﻛﻼﻣﭻ ﺳﺖ ﻋﺴﻞ
ﺟﺮﺕ ﺩﻣﻮﻋﻲ ﺑﺴﺮﻋﻪ ،، ﺭﺣﺖ ﺍﺭﻛﺾ ﻟﻐﺮﻓﺘﻲ ﻃﺒﻴﺖ ﻭﻃﻠﻌﺖ ﺣﺮﮔﺘﻲ ﺑﺎﻟﺒﺎﺏ ﻣﻦ ﺭﮔﻌﺘﻬﺎ ﺣﻴﻞ
ﺷﻠﺖ ﺍﻟﺘﻠﻔﻮﻥ ﻭﺍﻳﺪﻱ ﺗﺮﺟﻒ .. ﺧﺎﺑﺮﺗﻪ ﻭﺍﻭﻝ ﻣﺎ ﻓﺘﺢ ﺍﻟﺨﻂ ﮔﻤﺖ ﺍﺷﻬﮓ ﺑﭽﻲ
ﻋﻤﺎﺭ .. ﺷﺒﻴﭻ ﺣﺒﻴﺒﻲ ﻟﻴﺶ ﺩﺗﺒﭽﻴﻦ ﺍﺣﭽﻲ ﻭﻟﭻ ﮔﻠﺒﻲ ﺭﺍﺡ
ﻋﺴﻞ .. ﺑﺎﻟﮕﻮﻩ ﺟﺮﻳﺖ ﻧﻔﺲ ﺣﺘﻰ ﺍﮔﺪﺭ ﺍﺟﺎﻭﺑﻪ .. ﻋﻤﺎﺭ ﺑﺎﺑﺎ ﻳﺮﻳﺪ ﻳﺰﻭﺟﻨﻲ ﻣﻦ ﺍﺑﻦ ﻋﻤﻲ
ﻋﻤﺎﺭ .. ﺷﺪﺗﺤﭽﻴﻦ ﺍﻧﺘﻲ ﻭﺍﻟﻠﻪ ﺍﺣﺮﮒ ﺍﻟﺪﻧﻴﺎ ﻭﻣﺎ ﺍﺧﻠﻲ ﺍﺣﺪ ﻳﻄﺨﭻ ﻏﻴﺮﻱ
ﻋﺴﻞ .. ﺷﻠﻮﻥ ﺣﺎﭼﻴﻨﻲ ﺍﻧﺖ ﺗﻌﺮﻑ ﺑـ ﺑﺎﺑﺎ ﻣﻮ ﻗﻠﻴﻞ ﻭﻋﻨﺪﻩ ﺍﺳﺘﻌﺪﺍﺩ ﻳﮕﻠﺐ ﺣﻴﺎﺗﻚ ﺟﺤﻴﻢ ﺣﺘﻰ ﻳﻤﻨﻌﻚ ﻋﻨﻲ
ﻋﻤﺎﺭ .. ﺧﻠﻲ ﻳﮕﻠﺒﻬﺎ .. ﺍﺻﻼ ﺧﻠﻲ ﻳﺴﻮﻱ ﺍﻟﻴﺮﻳﺪ ﻳﺴﻮﻱ ﺍﻟﻤﻬﻢ ﺍﻧﺘﻲ ﺍﻟﻲ ﺗﻔﺘﻬﻤﻴﻦ ﻟﻮﻻ ؟؟ ﻋﻮﺩ ﺍﺫﺍ ﻣﺘﺖ ﺳﺎﻋﺘﻬﺎ ﺧﻠﻲ ﻳﺰﻭﺟﭻ
ﻋﺴﻞ ﺍﻧﻲ ﻣﺎ ﺍﮔﺪﺭ ﺍﺷﻮﻓﭻ ﺗﺼﻴﺮﻳﻦ ﻟﻐﻴﺮﻱ ﻭﺍﻟﻠﻪ ﻣﺎ ﺍﮔﺪﺭ ﻣﺎ ﺍﮔﺪﺭ
ﻟﻴﺶ ﻫﻴﭻ ﺩﻳﺴﻮﻱ ﺑﻴﻪ ﺍﺑﻮﭺ ﺷﻨﻮ ﻻﻥ ﻓﻘﻴﺮ ؟ !! ﻋﺎﺩﻱ ﺍﻟﺤﺎﻝ ﻣﻴﻈﻞ ﻫﻴﭻ ﺍﻭﻝ ﻭﺗﺎﻟﻲ ﺍﻟﻠﻪ ﻳﻌﺎﻳﻦ ﺍﻟﻲ ﻭﻳﻨﺘﺸﻠﻨﻲ ﻣﻦ ﻫﺎﻟﻔﻘﺮ ﺧﻠﻲ ﻳﻔﻜﺮ ﺑﻴﻨﻪ ﻣﺪﻳﺸﻮﻑ ﺍﻟﺤﺐ ﺑﻌﻴﻮﻧﻪ ﻟﻴﺶ ﻳﺮﻳﺪ ﻳﻤﻮﺗﻨﻪ ﻭﺍﺣﻨﻪ ﻋﺎﻳﺸﻴﻦ ﻟﻴﺶ ﻟﻴﺶ ﺑﺲ ﺣﺎﭼﻴﻨﻲ
ﻳﺤﭽﻲ ﺑﺼﻮﺕ ﻳﺮﺟﻒ ﻭﺻﺎﻳﺮ ﺍﻋﺼﺎﺏ ﻭﺍﻧﻲ ﻭﻳﺎ ﻛﻞ ﻛﻠﻤﻪ ﻣﻨﻪ ﺍﺣﺲ ﮔﻠﺒﻲ ﻳﻨﻌﺼﺮ ﻭﻋﻴﻮﻧﻲ ﺗﺠﺮﻱ ﺩﻣﻮﻉ ﺣﺎﺭﻩ ﺗﻨﺰﻝ ﻣﺜﻞ ﺍﻟﻨﺎﺭ ﻋﻠﻰ ﻭﺟﻬﻲ
ﻋﺴﻞ .. ﺷﻨﮕﺪﺭ ﻧﺴﻮﻱ ﻋﻤﺎﺭ ﺑﺎﺑﺎ ﻣﺤﺪ ﻳﮕﺪﺭ ﻋﻠﻲ ﻭﺍﻧﺖ ﺗﻌﺮﻑ ﻛﻠﺶ ﺯﻳﻦ
ﻋﻤﺎﺭ .. ﻣﺴﺤﻲ ﺩﻣﻮﻋﭻ ﻭﻃﻤﻨﻲ ﮔﻠﺒﭻ ،، ﻟﻐﻴﺮﻱ ﻣﺘﺼﻴﺮﻳﻦ ﺇﻻ ﻋﻠﻰ ﺟﺜﺘﻲ
ﻋﺴﻞ .. ﻳﻌﻨﻲ ﺷﺘﺮﻳﺪ ﺗﺴﻮﻱ ﻗﺎﺑﻞ
ﻋﻤﺎﺭ .. ﺍﺭﺟﻊ ﺍﺣﭽﻲ ﻭﻳﺎ ﻭﺍﺫﺍ ﻣﺎ ﻓﺎﺩ
ﻋﺴﻞ .. ﻛﻤﻞ ﻟﻴﺶ ﺳﻜﺘﺖ
ﻋﻤﺎﺭ .. ﺍﺫﺍ ﻣﺎ ﻓﺎﺩ ﺍﻟﻜﻼﻡ ﻭﻳﺎ ﺍﺧﺬﭺ ﻭﻧﺸﺮﺩ ...
____________
ﻫﻲ ﺍﺑﻨﺔ ﺳﻴﺎﺳﻲ ﻣﻌﺮﻭﻑ ﺍﻣﺎ ﻫﻮ ﻣﻦ ﻋﺎﺋﻠﻪ ﺗﺤﺖ ﺧﻂ ﺍﻟﻔﻘﺮ
ﺟﻤﻌﻬﻢ ﺍﻟﻘﺪﺭ ﻭﺗﺄﻟﻔﺖ ﻗﻠﻮﺑﻬﻢ ﺑﺎﻟﺤﺐ ﻓﻜﻴﻒ ﻳﺴﺘﻄﻴﻌﻮﻥ ﺍﻟﻌﺒﻮﺭ ﻣﻦ ﻣﺄﺯﻕ ﺍﻟﻤﺠﺘﻤﻊ ﻭﻋﺎﺩﺗﻪ ﺍﻟﺮﺻﻴﻨﻪ
ﻗﺼﺔ ﺣﻘﻴﻘﻴﻪ ﻟﻔﺘﺎﺓ ﺍﻧﺘﺰﻋﺖ ﻗﻠﺒﻬﺎ ﺛﻢ ﺍﺣﻼﻣﻬﺎ ﻭﻗﺪﻣﺘﻬﺎ ﻛـ ﻫﺪﻳﺔ ﻟﻤﻦ ﺍﺣﺒﺖ ﻓﻬﻞ ﻳﻜﻮﻥ ﺍﻟﺼﻮﺍﺏ ﻓﻴﻤﺎ ﻓﻌﻠﺖ ﺍﻡ ﻳﻜﻮﻥ ﻫﺬﺍ ﻫﻮ ﺍﻟﺨﻄﺄ ﺑﻌﻴﻨﻪ ...
""" ﻣﺘﺎﺑﻌﻴﻨﻲ ﺍﻟﻜﺮﺍﻡ """
ﻣﺜﻞ ﻣﺎ ﻋﻮﺩﺗﻜﻢ ﺩﺍﺋﻤﺎ ﺍﻟﻘﺼﺺ ﺍﻻﺧﺘﺎﺭﻫﺎ ﺍﻟﻜﻢ ﺑﻴﻬﺎ ﻃﺎﺑﻊ ﻣﺨﺘﻠﻒ ﻋﻦ ﺑﻘﻴﺔ ﺍﻟﻘﺼﺺ
ﻗﺼﺼﻨﺎ ﺗﺤﺎﻛﻲ ﻭﻗﺎﺋﻊ ﻣﺠﺘﻤﻌﻨﺎ ﻭﺍﺯﻣﺎﺗﻪ ﺑﻌﻴﺪﻩ ﻋﻦ ﺍﻟﺨﻴﺎﻝ ﺗﻤﺎﻣﺎً
ﺍﻧﺘﻈﺮﻭﻧﻲ ﻓﻲ ‏( #قسوة_الحب)