(Haider)❤️
#بارت٤
ﻓﺪ ﻳﻮﻡ ﮔﺎﻋﺪﻩ ﺍﺩﺭﺱ ﺑﻐﺮﻓﺘﻲ ﺍﻟﺴﺎﻋﻪ ﺑﺎﻟﺘﺴﻌﻪ ﻭﻧﺺ ﺑﻠﻠﻴﻞ ﺩﮒ ﺟﻬﺎﺯﻱ
ﭼﻨﺖ ﺩﺍ ﺍﺣﻞ ﺑﺎﻟﺘﻤﺎﺭﻳﻦ ﻓﻤﺎ ﺍﻫﺘﻤﻴﺖ ﻭﻻ ﺗﺤﺮﻛﺖ ﻣﻦ ﻣﻜﺎﻧﻲ
ﺭﻥ ﻣﺮﻩ ﻭﻣﺮﺗﻴﻦ ﻭ ﺗﻼﺛﻪ ﺑﺎﻟﺮﺍﺑﻌﻪ ﺿﺠﺖ ﻛﻠﺶ ﻣﻦ ﺻﻮﺗﻪ ﻷﻥ ﺷﻮﺵ ﻋﻠﻴﻪ ﺍﻓﻜﺎﺭﻱ ﮔﻤﺖ ﺍﺷﻮﻑ ﻣﻨﻮ ﺩﻳﻠﺢ ﺑﻼﺗﺼﺎﻝ
ﺑﺎﻭﻋﺖ ﺭﻗﻢ ﻏﺮﻳﺐ ﻓﺘﺤﺘﻪ ﻭﺧﻠﻴﺘﻪ ﻋﻠﻰ ﺍﺫﻧﻲ ﺑﻼ ﻣﺎ ﺍﺣﭽﻲ ﭼﺎﻥ ﺍﺳﻤﻊ ﺻﻮﺕ ﻭﻟﺪ : ﻭﺍﺧﻴﺮﺍً ﺭﺩﻳﺘﻲ ﻣﻮ ﮔﻠﺒﻲ ﺧﻠﺺ
ﻋﺴﻞ .. ﺍﺭﺗﺒﻜﺖ ﻛﻠﺶ : ﻣﻨﻮ ﺣﻀﺮﺗﻚ ﺑﻼ ﺯﺣﻤﻪ ؟؟
ﺍﺧﺬ ﻧﻔﺲ ﻗﻮﻱ ﻭﺳﻜﺖ ،، ﺻﻔﻨﺖ ﺷﻮﻳﻪ ﻭﺭﺟﻌﺖ ﺳﺄﻟﺘﻪ : ﻣﻮ ﺩﺍ ﺍﺣﭽﻲ ﻣﻨﻮ ﺍﻧﺖ ؟ !! ﺗﺮﻯ ﺭﺍﺡ ﺍﺳﺪ ﺍﻟﺨﻂ ﺍﺫﺍ ﻣﺎ ﺟﺎﻭﺑﺖ
ﭼﺎﻥ ﺍﻧﺼﺪﻡ ﺑﻲ ﻣﻦ ﮔﺎﻝ : ﺍﻧﻲ ﻋﻤﺎﺭ ﻋﺴﻞ
ﮔﺒﻞ ﺳﺪﻳﺘﻪ ﺑﻮﺟﻬﺎ ﻣﻦ ﺧﻮﻓﻲ .. ﺭﺟﻊ ﺍﺗﺼﻞ ﺭﻓﻀﺘﻪ ﻭﻛﺘﻤﺖ ﺻﻮﺕ ﺍﻟﻤﻮﺑﺎﻳﻞ ﻭﺷﻤﺮﺗﻪ ﻉ ﺍﻟﻤﻴﺰ
ﺭﺟﻌﺖ ﺍﺩﺭﺱ ﺑﺲ ﻓﻜﺮﻱ ﻣﺸﻮﺵ ﻭﻣﻤﺴﺘﻮﻋﺒﻪ ﺷﻠﻮﻥ ﻭﺻﻞ ﺍﻟﻲ ﻭﺷﻌﺮﻓﻪ ﺑﺄﺳﻤﻲ ﻭﺭﻗﻤﻲ
ﻟـ ١٢ ﻛﻤﻠﺖ ﺩﺭﺍﺳﺘﻲ .. ﺭﺣﺖ ﻟﻠﺤﻤﺎﻡ ﻓﺮﺷﺖ ﻭﺭﺟﻌﺖ ﺍﻧﺎﻡ
ﺻﺎﺭﺕ ﻋﻴﻨﻲ ﻉ ﺍﻟﺠﻬﺎﺯ ﺷﻠﺘﻪ ﺍﺷﻮﻑ ﻫﻢ ﻣﺘﺼﻞ ﺑﻌﺪ ﻭﻓﺘﺤﺖ ﻋﻴﻮﻧﻲ ﻣﻦ ﺷﻔﺖ ٩٥ ﻣﻜﺎﻟﻤﻪ ﻳﻤﻜﻦ ﺩﻗﻴﻘﻪ ﻣﺎ ﺗﻮﻗﻒ ﻭﻫﻮ ﻳﺘﺼﻞ ﺑﻼ ﻣﻠﻞ ﺍﻭ ﺗﻌﺐ
ﺑﻌﺪﻧﻲ ﺻﺎﻓﻨﻪ ﻉ ﺍﻟﻤﻜﺎﻟﻤﺎﺕ ﺭﺟﻊ ﺍﺗﺼﻞ ﺭﻓﻀﺘﻪ ﻭﺍﻳﺪﻱ ﺗﺮﺟﻒ ﻣﻦ ﺍﻟﺨﻮﻑ ﻷﻥ ﺣﺴﻴﺘﻪ ﻣﻠﻌﺐ ﺑﻬﺬﺍ ﺗﺼﺮﻓﻪ
ﭼﺎﻥ ﻳﺪﺯ ﺭﺳﺎﻟﻪ ﻭﺭﻯ ﺛﻮﺍﻧﻲ
💌 ﺍﺗﺮﺟﺎﭺ ﺭﺩﻱ ﺑﺲ ﺳﻤﻌﻲ ﺷﺮﻳﺪ ﺍﺣﭽﻲ ﻭﻳﺎﭺ ﻭﺭﺍﻫﺎ ﺍﻧﺘﻲ ﺣﺮﻩ ﺑﺘﺼﺮﻓﭻ
ﺭﺟﻊ ﺩﺯ ﺭﺳﺎﻟﻪ ﺛﺎﻧﻴﻪ
💌 ﺭﺍﺡ ﺍﺗﺼﻞ ﻭﻋﻠﻴﭻ ﺑﻜﻞ ﻏﺎﻟﻲ ﻭﻋﺰﻳﺰ ﺗﺠﺎﻭﺑﻴﻨﻲ
ﺻﻔﻨﺖ ﻉ ﺍﻟﺮﺳﺎﺋﻞ ﻣﺎ ﺍﻋﺮﻑ ﺷﻠﻮﻥ ﺍﻓﺴﺮ ﺷﺨﺼﻴﺔ ﻫﺬﺍ ﺍﻟﻮﻟﺪ
ﺳﺎﻋﻪ ﺍﺣﺴﻪ ﻣﻠﻌﺐ ﺳﺎﻋﻪ ﺍﺣﺴﻪ ﺷﻲ ﻧﺎﺩﺭ ﻭﻣﺜﺎﻟﻲ
ﺑﻬﻼﺛﻨﺎﺀ ﺍﺗﺼﻞ ﻭﻣﺎ ﺍﻋﺮﻑ ﻟﻴﺶ ﺟﺎﻭﺑﺘﻪ
ﻋﺴﻞ .. ﺍﻟﻮﻭﻭ
ﻋﻤﺎﺭ .. ﻭﺍﺧﻴﺮﺍً
ﻳﺎﺑﻪ ﻭﺍﻟﻠﻪ ﻣﺮﺍﺡ ﺍﻛﻠﭻ ﺑﺲ ﺍﺭﻳﺪ ﺍﺣﭽﻲ ﻭﻳﺎﭺ ﻛﻠﻤﺘﻴﻦ
ﻋﺴﻞ .. ﻣﻨﻴﻦ ﺟﺒﺖ ﺭﻗﻤﻲ ﻭﺷﻌﺮﻓﻚ ﺑﺄﺳﻤﻲ ؟ !!
ﻋﻤﺎﺭ .. ﻫﺴﻪ ﺍﮔﻠﭻ ﺑﺲ ﺍﻧﻄﻴﻨﻲ ﻣﺠﺎﻝ ﺍﺣﭽﻲ
ﻋﺴﻞ .. ﺗﺮﻯ ﻋﻴﺐ ﻋﻠﻴﻚ ﻫﺬﺍ ﺍﻟﺘﺼﺮﻑ ﻭﻛﻠﺶ ﻣﺎ ﻻﺋﻖ ﺑﺴﻤﻌﺔ ﻣﻄﻌﻤﻜﻢ
ﺷﻨﻮ ﻳﻌﻨﻲ ﻛﻞ ﺑﻨﻴﻪ ﺗﺪﺧﻞ ﻟﻠﻤﻄﻌﻢ ﻻﺯﻡ ﺗﺮﻗﻤﻬﺎ ﻭﺍﺫﺍ ﻣﺎ ﺍﺳﺘﺠﺎﺑﺘﻠﻚ ﺗﺠﻴﺐ ﺭﻗﻤﻬﺎ ﻭﺗﻈﻞ ﺗﺘﺼﻞ ﻣﺜﻞ ﺍﻟﻤﺎ ﺷﺎﻳﻒ
ﻋﻤﺎﺭ .. ﺧﻠﺼﺘﻲ ؟ !!
ﻋﺴﻞ .. ﺍﻱ ﻭﺭﺍﺡ ﺍﺳﺪ ﺍﻟﺨﻂ
ﻋﻤﺎﺭ .. ﻻ ﺍﻟﻠﻪ ﻋﻠﻴﭻ ﺍﻧﺘﻈﺮﻱ
ﻋﺴﻞ .. ﺷﺘﺮﻳﺪ ﻓﻀﻨﻲ
ﻋﻤﺎﺭ .. ﺍﺳﻤﻌﻴﻨﻲ ﻋﺴﻞ
ﻭﺍﻟﻠﻪ ﺍﻟﻌﻈﻴﻢ ﺍﻧﺘﻲ ﺍﻭﻝ ﻭﺣﺪﻩ ﺍﻧﻄﻴﻬﺎ ﺭﻗﻤﻲ ﻭﺍﻭﻝ ﻭﺣﺪﻩ ﺍﻇﻞ ﺍﺭﻛﺾ ﻭﺭﺍﻫﺎ ﺑﻬﺎﻱ ﺍﻟﻄﺮﻳﻘﻪ ﻷﻥ ﻣﻮ ﻃﺒﻌﻲ ﻫﺎﻱ ﺍﻟﺘﺼﺮﻓﺎﺕ ﺍﻟﺼﺒﻴﺎﻧﻴﻪ
ﻳﻤﻜﻦ ﺍﻧﺘﻲ ﻣﺘﻌﺮﻓﻴﻨﻲ ﺑﺲ ﺍﻥ ﺷﺎﺀ ﺍﻟﻠﻪ ﺑﺎﻻﻳﺎﻡ ﺍﻟﺠﺎﻳﻪ ﺗﺘﺄﻛﺪﻳﻦ ﻣﻦ ﻛﻼﻣﻲ
ﻋﺴﻞ .. ﺷﻨﻮ ﺍﻻﻳﺎﻡ ﺍﻟﺠﺎﻳﻪ ؟ !! ﺷﺒﻴﻚ ﻋﻴﻨﻲ ﺗﺤﭽﻲ ﺻﺪﮒ
ﻋﻤﺎﺭ .. ﺍﻧﻲ ﻣﻌﺠﺐ ﺑﻴﭻ ﻋﺴﻞ ﻭﻫﺎﻟﺸﻲ ﻻ ﻫﻮ ﻏﻠﻂ ﻭﻻ ﺣﺮﺍﻡ
ﺻﺢ ﺍﻧﻲ ﺣﺎﻓﻲ ﻭﺭﺍﺡ ﺍﺗﻌﺒﭻ ﻣﻨﺎ ﻟﻤﺎ ﺍﮔﺪﺭ ﺍﺧﻄﺒﭻ ﻣﻦ ﺍﻫﻠﭻ ﺑﺲ ﻣﻮ ﺑﻴﺪﻱ ﺍﺫﺍ ﺍﻟﮕﻠﺐ ﻧﺒﺾ ﺍﻟﭻ ﻣﻦ ﺍﻭﻝ ﻟﻘﺎﺀ ﺑﻴﻨﺎﺗﻨﺎ
ﻋﺴﻞ .. ﺑﺲ ﺟﺎﻭﺑﻨﻲ ﻣﻨﻴﻦ ﺍﺧﺬﺕ ﺭﻗﻤﻲ ؟ !!
ﻋﻤﺎﺭ .. ﺑﺎﻭﻋﻲ ﺑﻌﺪ ﻣﺎ ﺧﻠﻴﺘﻠﭻ ﺍﻟﺮﻗﻢ ﺑﺎﻟﻜﺒﺎﺏ ﻭﺣﻀﺮﺗﭻ ﻏﻠﺴﺘﻲ ﻭﮔﻄﻌﺘﻲ ﺭﺟﻠﭻ ﻣﻦ ﺍﻟﻤﻄﻌﻢ ﻇﻠﻴﺖ ﺍﻟﻮﺏ ﺍﺭﻳﺪ ﺍﻭﺻﻠﭻ ﺑﺄﻱ ﻃﺮﻳﻘﻪ ﺑﺲ ﻣﺎ ﺍﻋﺮﻑ ﺷﻠﻮﻥ ﻭﺑﻨﻔﺲ ﺍﻟﻮﻗﺖ ﺍﺣﺎﻭﻝ ﺍﺷﻴﻠﭻ ﻣﻦ ﺑﺎﻟﻲ ﻭﺍﻧﺴﺎﭺ ﻭﻓﺸﻠﺖ ﻟﻸﺳﻒ ﻷﻧﭻ ﺍﻭﻝ ﺣﺐ ﺣﻘﻴﻘﻲ ﺑﺤﻴﺎﺗﻲ
ﻋﺴﻞ .. ﺍﻭﻝ ﺣﺐ ﺣﻘﻴﻘﻲ !!
ﻋﻤﺎﺭ .. ﺍﻱ ﻣﺮﺍﺡ ﺍﭼﺬﺏ ﻋﻠﻴﭻ ﻭﺍﮔﻠﭻ ﻣﺎ ﺣﺎﭼﻲ ﻭﻳﺎ ﺑﻨﺎﺕ ﻗﺒﻠﭻ
ﻻ ﺣﺎﭼﻲ ﻭﻫﻮﺍﻱ ﻫﻢ ﺑﺲ ﻭﻻ ﻭﺣﺪﻩ ﺭﻛﻀﺘﻨﻲ ﻭﺭﺍﻫﺎ ﻣﺜﻞ ﻣﺎ ﺭﻛﻀﺘﻴﻨﻲ
ﻭ ﻭﻻ ﻭﺣﺪﻩ ﻣﺮﺕ ﺑﺤﻴﺎﺗﻲ ﺑﺄﺧﻼﻗﭻ ﻭﺛﮕﻠﭻ ﺑﺎﻟﻌﺎﺩﻩ ﻛﻠﻬﻦ ﺧﻔﻴﻔﺎﺕ ﻭﻳﺒﻌﻦ ﺍﻟﻤﺴﺘﺤﻪ ﺑﻨﻈﺮﻩ ﻭﺣﺪﻩ
ﻋﺴﻞ .. ﺍﻟﻤﻬﻢ ﻫﺴﻪ ﻣﺎ ﮔﺘﻠﻲ ﻣﻨﻴﻦ ﺟﺒﺖ ﺭﻗﻤﻲ
ﻋﻤﺎﺭ .. ﺟﺎﻳﭻ ﺑﺎﻟﻜﻼﻡ ﻏﻴﺮ ﺍﻧﺘﻲ ﻗﺎﻃﻌﺘﻴﻨﻲ
ﺍﻟﻤﻬﻢ ﻇﻠﻴﺖ ﺍﺩﻋﻲ ﺭﺏ ﺍﻟﻌﺎﻟﻤﻴﻦ ﻳﻌﺜﺮﻧﻲ ﺑﻴﭻ ﻭﻟﻮ ﺻﺪﻓﻪ ﻭﺍﺳﺘﺠﺎﺑﻠﻲ ﻣﻦ ﺷﻔﺖ ﺻﺪﻳﻘﺘﭻ ﺍﻟﻴﻮﻡ ﻭﻳﺎ ﺍﻫﻠﻬﺎ ﺑﺎﻟﻤﻄﻌﻢ ﻭﻋﺮﻓﺘﻬﺎ ﮔﺒﻞ ﻷﻥ ﻛﻞ ﺍﻟﺘﻔﺎﺻﻴﻞ ﺍﻟﺘﺨﺼﭻ ﻇﻠﺖ ﺑﺬﺍﻛﺮﺗﻲ ﺣﺘﻰ ﺻﺪﻳﻘﺎﺗﭻ
ﻋﺴﻞ .. ﻣﻨﻮ ﻣﻬﺎ ﻟﻮ ﻏﻔﺮﺍﻥ
ﻳﻌﻨﻲ ﺍﻗﺼﺪ ﺷﻨﻮ ﺷﻜﻠﻬﺎ
ﻋﻤﺎﺭ .. ﻫﺎﻱ ﺍﻟﺒﻴﻀﻪ
ﻋﺴﻞ .. ﻣﻬﺎ ﻋﺮﻓﺖ ﻭﺍﻟﻠﻪ ﻷﻥ ﻏﻔﺮﺍﻥ ﻣﺘﺴﻮﻱ ﻫﺎﻟﺪﮔﺎﺕ ﺍﻟﻨﺎﻗﺼﻪ
ﭼﺎﻥ ﺍﻃﺒﮓ ﺍﻟﺨﻂ ﺑﻮﺟﻬﺎ ﻭﺍﺗﺼﻞ ﺑﻤﻬﺎ ﻣﻜﺎﻟﻤﺘﻴﻦ ﻭﻣﺎ ﺭﺍﺩﺕ ﺑﺎﻟﺜﺎﻟﺜﻪ ﺟﺎﻭﺑﺖ ﻣﻦ ﺍﻭﻝ ﺭﻧﻪ ﻭﺍﻻﻛﻞ ﺑﺤﻠﮕﻬﺎ
ﻋﺴﻞ .. ﺯﻗﻨﺒﻮﺕ ﺍﻥ ﺷﺎﺀ ﺍﻟﻠﻪ
ﻣﻬﺎ .. ﺑﮕﻠﺒﭻ ﺣﻴﺎﺗﻲ
ﺧﻴﺮ ﺷﻨﻮ ﺳﺮ ﻫﻼﺗﺼﺎﻝ ﺍﻟﻜﺮﻳﻪ ﺑﻤﺜﻞ ﻫﻴﭻ ﻭﻗﺖ
ﻋﺴﻞ .. ﺍﻧﺘﻲ ﺷﻠﻮﻥ ﺗﻨﻄﻴﻦ ﺭﻗﻤﻲ ﺍﻟﻌﻤﺎﺭ ﺑﺪﻭﻥ ﻣﺘﺴﺄﻟﻴﻨﻲ ﺑﺲ ﺍﺭﻳﺪ ﺍﻓﺘﻬﻢ
ﻣﻬﺎ .. ﻫﺎﺍﺍﺍﺍﺍ
ﻋﺴﻞ .. ﻭﻭﺟﻌﺎ ﺍﻥ ﺷﺎﺀ ﺍﻟﻠﻪ
ﺍﻟﻐﻲ ﻭﻟﭻ ﻻ ﺍﻃﻠﻌﻠﭻ ﻣﻦ ﺍﻟﺘﻠﻔﻮﻥ ﻭﺍﻫﻠﺲ ﻛﻔﺸﺘﭻ ﺷﻌﺮﺍﻳﻪ ﺷﻌﺮﺍﻳﻪ
ﻣﻬﺎ .. ﻫﺪﻱ ﺣﻴﺎﺗﻲ ﻫﺴﻪ ﺍﺳﻮﻟﻔﻠﭻ ﻛﻠﺸﻲ
ﻋﺴﻞ .. ﻓﻀﻴﻨﻲ ﺑﺴﺮﻋﻪ
ﺑﺪﺕ ﺗﺤﭽﻲ ﻭﺍﻟﺘﻠﻔﻮﻥ ﻳﻄﻮﻁ ﺑﺄﺫﻧﻲ ﻋﻤﺎﺭ ﺩﻳﺘﺼﻞ ﻛﻞ ﺩﻗﻴﻘﻪ
ﻣﻬﺎ .. ﺍﺳﻤﻌﻲ ﻋﻴﻨﻲ
ﺑﺎﺑﺎ ﺍﺧﺬﻧﻪ ﻟﻤﻄﻌﻢ ×××× ﻭﻣﻦ ﺧﻠﺼﺖ ﮔﻤﺖ ﻟﻠﻤﻐﺎﺳﻞ ﭼﺎﻥ ﻳﺼﻴﺮ ﻋﻤﺎﺭ ﺑﻮﺟﻬﻲ ﺑﺲ ﺍﻧﺼﺪﻡ ﺑﺸﻮﻓﺘﻲ
ﺍﺷﺮﻟﻲ ﻉ ﺍﻟﺒﺎﺏ ﻣﺎ ﻓﻬﻤﺖ ﺷﻴﺮﻳﺪ ﺍﺧﻴﺮ ﺷﻲ ﺭﺍﺡ ﻭﮔﻒ ﻳﻤﻬﺎ ﻋﺮﻓﺘﻪ ﻳﺮﻳﺪ ﻳﺤﭽﻲ ﻭﻳﺎﻳﻪ ﻭﻗﺒﻞ ﻟﻴﺤﭽﻲ ﻋﺮﻓﺖ ﺷﻨﻮ ﺍﻟﻜﻼﻡ ﺍﻟﻴﺮﻳﺪ ﻳﺤﺎﭼﻴﻨﻲ ﺑﻲ
ﺍﻟﻤﻬﻢ ﺭﺣﺖ ﻳﻤﻪ ﺍﻭﻝ ﺳﺄﻟﻨﻲ ﻋﻨﭻ ﻭﺑﻌﺪﻳﻦ ﻇﻞ ﻳﺘﻮﺳﻞ ﻋﻠﻤﻮﺩ ﺍﻧﻄﻲ ﺭﻗﻤﭻ ﻭﺣﻠﻔﻠﻲ ﺑﺸﻜﻮ ﻧﺒﻲ ﻭﺍﻣﺎﻡ ﻫﻮ ﺻﺎﺩﻕ ﻭﻏﺮﺿﻪ ﺷﺮﻳﻒ ﻭﻳﺎﭺ
ﻟﻠﺼﺮﺍﺣﻪ ﭼﺎﻥ ﻭﺍﺿﺢ ﺍﻟﺤﺐ ﺑﻌﻴﻮﻧﻪ ﻭﺍﻧﻲ ﻣﻦ ﺍﻭﻝ ﻣﺎ ﺷﻔﺘﻪ ﮔﺘﻠﭻ ﺑﺲ ﺳﻮﻳﺘﻲ ﺭﻭﺣﭻ ﻣﻤﻨﺘﺒﻬﺎ ﻭﻟﻮ ﺍﺩﺭﻱ ﺑﻴﭻ ﻟﻮﺗﻴﻪ ﻷﻥ ﻧﻔﺲ ﻧﻈﺮﺍﺗﻪ ﺍﻟﭻ ﺷﻔﺘﻬﺎ ﺑﻌﻴﻮﻧﭻ
ﻋﺴﻞ .. ﺑﺲ ﺗﺼﺮﻓﭻ ﻏﻠﻂ ﻣﻬﺎ
ﻣﻬﺎ .. ﻳﺎ ﺍﺧﺘﻲ ﺍﻧﻄﻲ ﻓﺮﺻﻪ ﻳﺠﻮﺯ ﺻﺎﺩﻕ ﻭﺗﺼﻴﺮ ﻗﺼﺔ ﺯﻭﺍﺟﭻ ﺑﻌﺪ ﺣﺐ ﻭﻣﻌﺎﻧﺎﺓ ﻭﺍﻛﺸﻦ
ﺍﺣﺴﻦ ﻣﺎ ﺗﺎﺧﺬﻳﻦ ﻭﺍﺣﺪ ﺗﺨﺘﺎﺭﭺ ﺍﻣﻪ ﻟﻮ ﺍﺧﺘﻪ ﺑﻌﺪ ﻣﺘﺸﻮﻓﭻ ﺗﻮﺯﻋﻴﻦ ﺑـ ﻗﺮﺍﻳﻪ ﻟﻮ ﺗﻬﺰﻳﻦ ﺑـ ﻋﺮﺱ
ﻋﺴﻞ .. ﺍﻟﻠﻪ ﻳﻄﻴﺢ ﺣﻈﭻ ﺩﻳﻼ ﻭﻟﻲ ﻭﺣﺴﺎﺑﭻ ﻋﺴﻴﺮ ﻭﻳﺎﻳﻪ ﺑﺲ ﺧﻠﻲ ﻳﺠﻲ ﺍﻟﺼﺒﺢﻋﺴﻞ .. ﺍﻟﻮﻭ
ﻋﻤﺎﺭ .. ﻳﺎﺑﻪ ﻋﺎﺵ ﻣﻦ ﺳﻤﻊ ﻫﺎﻟﺼﻮﺕ ﺍﻟﺤﻠﻮ
ﻋﺴﻞ .. ﺍﻧﺖ ﺷﻠﺰﮔﺖ ﺗﺮﻯ ﻋﻴﺐ ﻋﻠﻴﻚ ﻭﺍﻟﺤﺴﻴﻦ
ﻣﺎﻋﻨﺪﻙ ﺧﻮﺍﺕ ؟؟ ﻣﺘﺨﺎﻑ ﺍﻟﻠﻪ ﻳﺮﺟﻌﻬﺎ ﺍﻟﻚ ﺑﻌﺮﺿﻚ
ﻋﻤﺎﺭ .. ﻟﻴﺶ ﺷﻤﺴﻮﻳﻠﭻ ﺍﻧﻲ ﻛﻞ ﻫﺬﺍ ﺑﺲ ﻷﻥ ﺭﺩﺕ ﺍﺣﭽﻲ ﻭﻳﺎﭺ
ﺍﻓﻬﻤﻴﻨﻲ ﻋﺴﻞ ﺍﻧﻲ ﻣﺠﺎﻱ ﺍﻟﻌﺐ ﺍﻧﻲ ﺣﺒﻴﺘﭻ ﻭﺍﺭﻳﺪﭺ ﺑﺲ ﺍﻧﺘﻲ ﻣﺪﺗﻨﻄﻴﻨﻲ ﻓﺮﺻﻪ ﺍﺛﺒﺘﻠﭻ ﻫﺎﻟﻜﻼﻡ
ﻋﺴﻞ .. ﻫﻮ ﺍﻟﺤﺐ ﻏﺼﺐ
ﻳﻌﻨﻲ ﻣﺎ ﺣﺒﻴﺘﻚ ﺷﻠﻮﻥ ﺑﻬﺎﻱ ﺍﻟﺴﺎﻋﻪ
ﻋﻤﺎﺭ .. ﺍﻧﺴﺤﺐ ﻭﻋﺪ ﻭﻛﻠﻤﺔ ﺭﺟﺎﻝ ﺍﺫﺍ ﻣﺎ ﺣﺒﻴﺘﻴﻨﻲ ﺍﻧﺴﺤﺐ ﺑﺲ ﺟﺮﺑﻲ ﻣﺨﺴﺮﺍﻧﻪ ﺷﻲ
ﺷﻮﻓﻲ ﻭﺣﻖ ﺭﺏ ﺍﻟﻌﺎﻟﻤﻴﻦ ﺑﻌﺮﺷﻪ ﻣﺎﻋﻨﺪﻱ ﻧﻴﺔ ﺳﻮﺀ ﻭﻳﺎﭺ ﻭﻻ ﺭﺍﺡ ﺍﺗﺠﺎﻭﺯ ﺣﺪﻭﺩﻱ ﻣﺜﻞ ﺑﺎﻗﻲ ﺍﻟﺸﺒﺎﺏ ﺍﻟﻔﺎﺭﻏﻴﻦ
ﺍﻧﻲ ﺍﺭﻳﺪﭺ ﻣﺮﺗﻲ ﻭﺍﺗﺸﺮﻑ ﺑﻬﺬﺍ ﺍﻟﺸﻲ ﺭﻏﻢ ﻣﺎ ﺍﻋﺮﻑ ﻋﻨﭻ ﻏﻴﺮ ﺑﺲ ﺍﺳﻤﭻ ﻣﻊ ﺫﺍﻟﻚ ﺳﻴﻤﺎﻫﻢ ﻓﻲ ﻭﺟﻮﻫﻬﻢ ﻭﻣﺒﻴﻦ ﻋﻠﻴﭻ ﺑﺖ ﺍﺻﻮﻝ ﻭﻣﺘﺮﺑﻴﻪ ﻭﻧﻌﻢ ﺍﻟﺘﺮﺑﻴﻪ
ﻇﻠﻴﺖ ﺳﺎﻛﺘﻪ ﻭﻫﻮ ﻫﻢ ﺳﻜﺖ ﺷﻮﻳﻪ ﻭﮔﺎﻝ : ﺗﺴﻤﻌﻴﻨﻲ ﻟﻮ ﺷﻨﻮ
ﻋﺴﻞ .. ﺍﻱ
ﻋﻤﺎﺭ .. ﻳﻌﻨﻲ ﺍﻓﻬﻢ ﻣﻦ ﺳﻜﻮﺗﭻ ﻣﺮﺍﺡ ﺗﺤﻈﺮﻳﻨﻲ
ﻋﺴﻞ .. ﻣﺎ ﺍﺩﺭﻱ
ﻋﻤﺎﺭ .. ﺧﻴﺮ ﺍﻥ ﺷﺎﺀ ﺍﻟﻠﻪ
ﺭﺍﺡ ﺍﻋﻮﻓﭻ ﺗﻨﺎﻣﻴﻦ ﻷﻥ ﻭﺭﺍﭺ ﺩﻭﺍﻡ ﺑﺲ ﺣﺴﺒﻲ ﺣﺴﺎﺑﭻ ﺑﺎﭼﺮ ﺍﻭﻝ ﺍﻟﻠﻴﻞ ﺍﺧﺎﺑﺮﭺ ﺣﺘﻰ ﻧﺤﭽﻲ
ﻋﺴﻞ .. ﺍﻟﻠﻪ ﻛﺮﻳﻢ
ﻋﻤﺎﺭ .. ﻳﻼ ﺗﺼﺒﺤﻴﻦ ﻉ ﺧﻴﺮ
ﻋﺴﻞ .. ﻭﺍﻧﺖ ﺑﺨﻴﺮ
ﺳﺪﻳﺖ ﺍﻟﺨﻂ ﻭﻧﻤﺖ ﻭﺍﻧﻲ ﺍﻓﻜﺮ ﺑﻜﻼﻣﻪ
ﺛﺎﻧﻲ ﻳﻮﻡ ﺳﺎﻋﻪ ﺑﺎﻟﺘﺴﻌﻪ ﺑﻠﻠﻴﻞ ﺍﺗﺼﻞ ﻭﭼﻨﺖ ﻣﻘﺮﺭﻩ ﺍﺭﺩ ﻋﻠﻲ ﻭﺍﻧﻄﻲ ﻓﺮﺻﻪ ﻣﺪﺍﻡ ﺍﻧﻲ ﻫﻢ ﺍﺑﺎﺩﻟﻪ ﺷﻌﻮﺭ ﺍﻻﻋﺠﺎﺏ ﻭﺍﻻﺭﺗﻴﺎﺡ
ﻇﻠﻴﻨﻪ ﻧﺤﭽﻲ ﻭﺍﻓﺘﻬﻤﺖ ﻣﻨﻪ ﻫﻮ ﻣﻦ ﻋﺎﺋﻠﻪ ﻓﻘﻴﺮﻩ ﺟﺪﺍً
ﻋﻨﺪﻩ ﺛﻨﻴﻦ ﺍﺧﻮﺍﻥ ﻭﺍﺧﺖ ﻭﺣﺪﻩ ﻭﺍﺑﻮ ﻣﻴﺖ ﻣﻦ ﺯﻣﻦ ﺍﻟﻨﻈﺎﻡ ﺍﻟﺴﺎﺑﻖ
ﻛﻠﺶ ﺍﻧﻘﻬﺮﺕ ﻟﻤﻦ ﻋﺮﻓﺖ ﺑﻲ ﺧﺮﻳﺞ ﺗﺮﺑﻴﻪ ﻭﻳﺸﺘﻐﻞ ﻋﺎﻣﻞ ﺑﻤﻄﻌﻢ ﺣﺎﻟﻪ ﺣﺎﻝ ﺍﻻﻑ ﺍﻟﺸﺒﺎﺏ ﺑﻬﺬﺍ ﺍﻟﺒﻠﺪ ﻳﺪﺭﺱ ﻭﻳﺘﻌﺐ ﻭﺗﺎﻟﻲ ﻣﻴﺤﺼﻞ ﺛﻤﺮﺓ ﺗﻌﺒﻪ
ﻣﺮﺕ ﺍﻻﻳﺎﻡ ﻭﺻﺮﺕ ﺍﺣﭽﻲ ﻭﻳﺎ ﺑﺎﻟﺴﺮ ﻛﻞ ﻳﻮﻡ ﺳﺎﻋﻪ ﻗﺒﻞ ﻻ ﺍﻧﺎﻡ
ﺍﻣﺎ ﻛﻼﻣﻲ ﻓﭽﺎﻥ ﺭﺳﻤﻲ ﺑﺸﻜﻞ ﻣﻮ ﻃﺒﻴﻌﻲ ﺭﻏﻢ ﺗﻌﻠﻘﻲ ﺍﻟﺸﺪﻳﺪ ﺑﻲ ﻷﻥ ﺭﺩﺕ ﺍﺗﺄﻛﺪ ﻣﻨﻪ ﻭﻣﻦ ﻣﺸﺎﻋﺮﻩ ﻗﺒﻞ ﻻﺍﺳﻠﻤﻪ ﮔﻠﺒﻲ ﻭﺍﺗﺄﺫﻩ ﺑﻌﺪﻳﻦ
ﻭﺑﻌﺪ ﺷﻬﺮ ﺑﺎﻟﻀﺒﻂ ﮔﺎﻋﺪﻩ ﻭﻳﺎ ﺧﻴﺎﻝ ﺍﺭﺍﺟﻌﻠﻬﺎ ﻷﻥ ﻋﺪﻫﺎ ﺍﻣﺘﺤﺎﻥ ﭼﺎﻥ ﻧﺴﻤﻊ ﺻﻮﺕ ﺍﻧﻔﺠﺎﺭ ﻗﻮﻱ ﻫﺰ ﺍﻟﺒﻴﺖ ﻫﺰ
ﻋﺴﻞ .. ﻳﺎ ﺳﺘﺎﺭ ﻳﺎ ﺭﺑﻲ ﻫﺎﻱ ﻭﻳﻦ
ﺧﻴﺎﻝ .. ﻭﻟﭻ ﻫﺬﺍ ﺷﻜﻠﻪ ﻗﺮﻳﺐ ﻣﻨﺎ
ﻧﺰﻟﻨﻪ ﻧﺮﻛﺾ ﻟﮕﻴﻨﻪ ﻣﺎﻣﺎ ﺩﺗﺤﭽﻲ ﻭﻳﺎ ﺑﺎﺑﺎ ﺑﺎﻟﺘﻠﻔﻮﻥ
ﺳﻤﻌﺘﻬﺎ ﺗﮕﻠﻪ ﻳﺎ ﺻﺪﮒ ﻫﺬﺍ ﺍﻟﻤﻄﻌﻢ ﻟﻬﻨﺎ
ﺍﻱ ﺻﺢ ﻣﺒﻴﻦ ﻷﻥ ﺍﻟﺼﻮﺕ ﻗﺮﻳﺐ ﻛﻠﺶ
ﺗﺨﺒﻠﺖ ﻣﻦ ﺍﻟﺴﻤﻌﺘﻪ : ﻳﺎ ﻣﻄﻌﻢ ﺑﺲ ﻻ ﺍﻟﻴﺸﺘﻐﻞ ﺑﻲ ﻋﻤﺎﺭ
ﻋﺴﻞ .. ﻣﺎﻣﺎ ﺷﻜﻮﻭﻭ
ﺯﻳﻨﺐ .. ﺍﺻﺒﺮﻱ ﺩﺍ ﺍﺣﭽﻲ ﻭﻳﺎ ﺍﺑﻮﭺ
ﻋﺴﻞ .. ﻣﺎﻣﺎ ﻳﺎ ﻣﻄﻌﻢ ﺻﺎﺭ ﻳﻤﻪ ﺍﻻﻧﻔﺠﺎﺭ ﺍﺣﭽﻴﻴﻲ
ﺯﻳﻨﺐ .. ﻫﺎﻱ ﺷﺒﻴﭻ ﻣﻄﻌﻢ ××××
ﻫﻲ ﮔﺎﻟﺖ ﺍﺳﻢ ﺍﻟﻤﻄﻌﻢ ﻟﻮ ﺍﻧﻲ ﺭﺩﺕ ﺍﻭﮔﻊ ﻣﻦ ﻃﻮﻟﻲ
ﺭﻛﻀﺖ ﻓﻮﮒ ﺑﺲ ﺭﺟﻠﻲ ﺗﺮﺟﻒ ﺑﺤﻴﺚ ﺍﻟﻒ ﻣﺮﻩ ﻧﻠﻮﺕ ﻳﻼ ﻭﺻﻠﺖ ﻟﻠﻤﻮﺑﺎﻳﻞ..بيج قصص عراقيه حقيقيه من واقعنا.روعه الطائي
ﺧﺎﺑﺮﺗﻪ ﻣﺎﻛﻮ ﻣﻴﺮﺩ ﻭﻣﻮ ﻋﺎﺩﺗﻪ ﻻﻥ ﻣﻬﻤﺎ ﻛﺎﻥ ﻣﺸﻐﻮﻝ ﻳﺮﺩ ﺍﻭ ﻳﺮﻓﻀﻨﻲ ﻉ ﺍﻻﻗﻞ
ﺧﻴﺎﻝ .. ﺍﻧﺘﺒﻬﺖ ﺍﻟﻌﺴﻞ ﺗﺨﺮﺑﻄﺖ ﺍﻭﺿﺎﻋﻬﺎ ﻣﻦ ﻋﺮﻓﺖ ﺑﻤﻜﺎﻥ ﺍﻻﻧﻔﺠﺎﺭ
ﺭﺍﺣﺖ ﺍﻟﻐﺮﻓﺘﻬﺎ ﻭﻣﺎﻣﺎ ﻇﻠﺖ ﺗﺘﺼﻞ ﺑﺎﻟﻮﻟﺪ ﺗﻄﻤﺄﻥ ﻋﻠﻴﻬﻢ ﻷﻥ ﻃﺎﻟﻌﻴﻦ .. ﻋﻔﺘﻬﺎ ﺗﺨﺎﺑﺮ ﻭﺻﻌﺪﺕ ﺍﻟﻌﺴﻞ ﺍﺷﻮﻑ ﺷﻨﻮ ﺳﺎﻟﻔﺘﻬﺎ ﻟﮕﻴﺘﻬﺎ ﮔﺎﻋﺪﻩ ﻋﻠﻰ ﺳﺮﻳﺮﻫﺎ ﺗﺒﭽﻲ : ﺷﻜﻮ ﻋﺴﻞ ﺻﺎﺭ ﺑﻮﺍﺣﺪ ﻣﻦ ﻭﻟﺪﻧﺎ ﺷﻲ
ﻋﺴﻞ .. ﻣﺴﺤﺖ ﺩﻣﻮﻋﻲ : ﻻ ﺍﺳﻢ ﺍﻟﻠﻪ
ﺧﻴﺎﻝ .. ﻟﻌﺪ ﺷﺒﻴﭻ ؟ !!
ﻋﺴﻞ .. ﻣﻘﻬﻮﺭﻩ ﻉ ﺍﻟﻨﺎﺱ ﺍﻟﺮﺍﺣﺖ ﺑﻼ ﺫﻧﺐ
ﺧﻴﺎﻝ .. ﺻﻔﻨﺖ ﻋﻠﻴﻬﺎ : ﻣﺪﺍ ﺍﺻﺪﮔﭻ
ﺍﻧﺘﻈﺮﻱ ﺧﻠﻲ ﺍﺧﺎﺑﺮ ﻓﻴﺾ ﺍﻃﻤﺄﻥ ﻋﻠﻰ ﺍﺳﺮ ﻭﺣﺴﺎﻡ ﻭﺍﺭﺟﻌﻠﭻ ﺣﺘﻰ ﺍﻓﻬﻢ ﻓﻠﻤﭻ
ﺭﺣﺖ ﺧﺎﺑﺮﺕ ﻓﻴﺾ ﻭﺍﻟﺤﻤﺪ ﻟﻠﻪ ﺍﻟﻮﻟﺪ ﭼﺎﻧﻮ ﺑﻌﻴﺪﻳﻦ ﻋﻦ ﻣﻜﺎﻥ ﺍﻻﻧﻔﺠﺎﺭ ﻭﻣﺎ ﺑﻴﻬﻢ ﺷﻲ
ﺭﺟﻌﺖ ﺍﻟﻌﺴﻞ ﺍﺣﭽﻲ ﻭﻳﺎﻫﺎ ﺗﻨﻜﺮ ﺑﺲ ﻭﺿﻌﻬﺎ ﻣﻮ ﻃﺒﻴﻌﻲ ﻛﻠﺶ ﻭﻣﻦ ﺷﻜﻠﻬﺎ ﻋﺮﻓﺖ ﺍﻛﻮ ﺍﺣﺪ ﺑﺤﻴﺎﺗﻬﺎ ﻭﺧﺎﻳﻔﻪ ﻋﻠﻲ
ﻫﻨﺎﻙ ﺩﮒ ﺟﻬﺎﺯﻫﺎ ﺑﺲ ﺑﺎﻭﻋﺖ ﻟﻠﻤﻮﺑﺎﻳﻞ ﻓﺤﻄﺖ ﺑﭽﻲ .. ﺭﻛﻀﺖ ﺳﺪﺕ ﺑﺎﺏ ﺍﻟﻐﺮﻓﻪ ﻭﺟﺎﻭﺑﺖ ﮔﺪﺍﻣﻲ
ﻋﺴﻞ .. ﺍﻟﻮﻭ
ﻋﻤﺎﺭ .. ﻫﺎ ﺣﺒﻴﺒﻲ ﻣﺨﺎﺑﺮﻩ ﻋﻠﻴﻪ ﺍﺳﻒ ﻫﻮﺳﻪ ﻳﻤﻲ ﻭﻣﺎ ﺍﻧﺘﺒﻬﺖ ﻟﻠﻤﻮﺑﺎﻳﻞ
ﻋﺴﻞ .. ﮔﻠﺒﻲ ﺭﺍﺡ ﻣﻦ ﺍﻟﺨﻮﻑ ﻋﻠﻴﻚ
ﺻﺎﺭ ﺍﻧﻔﺠﺎﺭ ﻳﻢ ﻣﻄﻌﻤﻜﻢ
ﻋﻤﺎﺭ .. ﺍﻱ ﺻﺢ ﺑﺲ ﻣﺎ ﺭﺩﺕ ﺍﮔﻠﭻ ﺣﺘﻰ ﻟﻴﻨﺸﻐﻞ ﺑﺎﻟﭻ
ﻋﺴﻞ .. ﺍﺻﻼً ﺳﻤﻌﺘﻪ ﺻﻮﺗﻪ ﭼﺎﻥ ﻭﺍﺿﺢ ﻛﻠﺶ
ﻋﻤﺎﺭ .. ﻳﻌﻨﻲ ﺑﻴﺘﻜﻢ ﻗﺮﻳﺐ ﻣﻦ ﺍﻟﻤﻄﻌﻢ !!
ﻋﺴﻞ .. ﻫﺎﺍ
ﺍﻱ
ﻻ ﻻ ﻣﻮ ﻗﺮﻳﺐ
ﻋﻤﺎﺭ .. ﺑﻌﺪﭺ ﻣﺘﺜﻘﻴﻦ ﺑﻴﻪ !!
ﻭﻟﻮ ﺻﻮﺗﭻ ﺍﻟﻤﺨﻨﻮﮒ ﺩﻳﺸﺮﺡ ﻛﻤﻴﺔ ﺣﺒﭻ ﺍﻟﻲ ﻭﺧﻮﻓﭻ ﻋﻠﻴﻪ ﺣﺘﻰ ﻟﻮ ﻣﺎ ﺣﭽﻴﺘﻴﻬﺎ ﺑﻠﺴﺎﻧﭻ
ﻋﺴﻞ .. ﺑﭽﻴﺖ ﺑﺴﺮﻋﻪ ﭼﺎﻥ ﺍﺳﻤﻌﻪ ﻳﮕﻮﻝ
ﻋﻤﺎﺭ .. ﺍﺵ ﻛﺎﻓﻲ ﻭﺍﻟﻠﻪ ﻣﺎ ﺑﻴﻪ ﺷﻲ ﺑﺲ ﻻﺯﻡ ﺍﺭﻭﺡ ﻷﻥ ﺍﻟﻮﺿﻊ ﻫﻮﺳﻪ ﻳﻤﻲ ﻭﺍﺧﺎﺑﺮﭺ ﺍﻭﻝ ﻣﺎ ﺍﺭﺟﻊ ﻟﻠﺒﻴﺖ
ﻋﺴﻞ .. ﺍﻭﻙ ﺍﻧﺘﻈﺮﻙ ﻟﺘﺘﺄﺧﺮ ﻋﻔﻴﻪ ﻭﺩﻳﺮ ﺑﺎﻟﻚ ﻋﻠﻰ ﻧﻔﺴﻚ
ﻋﻤﺎﺭ .. ﻣﺎﺷﻲ ﮔﻠﺒﻲ
ﺳﺪﻳﺖ ﺍﻟﺨﻂ ﻭﺍﻧﺼﺪﻣﺖ ﺑﺨﻴﺎﻝ ﻳﻤﻲ ﻷﻥ ﻧﺴﻴﺖ ﻭﺟﻮﺩﻫﺎ ﻭﻫﻴﭻ ﺍﻧﻜﺸﻒ ﺍﻟﺸﻲ ﺍﻟﭽﻨﺖ ﺿﺎﻣﺘﻪ ﻋﻨﻬﺎ ﻛﻞ ﺍﻟﻔﺘﺮﻩ ﺍﻟﺮﺍﺣﺖ
ﺳﺄﻟﺘﻨﻲ ﻋﻦ ﻋﻤﺎﺭ ﻭﺍﻋﺘﺮﻓﺘﻠﻬﺎ ﺑﻜﻠﺸﻲ
ﺧﻴﺎﻝ .. ﻻ ﻋﺴﻞ ﻣﻮ ﺻﺢ ﺍﻟﺸﻲ ﺍﻟﺪﺗﺴﻮﻱ
ﻋﺴﻞ .. ﻟﻴﺶ ﻷﻥ ﻓﻘﻴﺮ ؟؟
ﺧﻴﺎﻝ .. ﺍﻛﻴﺪ ﻻ ﺑﺲ ﺍﻧﺘﻲ ﺗﺪﺭﻳﻦ ﺑﺘﻔﻜﻴﺮ ﺍﻫﻠﻲ ﻭﺑﻴﺖ ﻋﻤﻲ
ﻋﺴﻞ .. ﺍﻭﮔﻔﻲ ﻗﺒﻞ ﻟﺘﻜﻤﻠﻴﻦ ،، ﺍﺫﺍ ﻗﺼﺪﭺ ﻋﻠﻰ ﺣﺴﺎﻡ ﻓﻴﺎ ﺍﺧﺘﻲ ﺍﻧﻲ ﻣﺎ ﺍﺣﺒﻪ ﻭﺍﺷﻮﻓﻪ ﺣﺎﻟﻪ ﻣﻦ ﺣﺎﻝ ﻓﺪﺍﺀ ﺍﻟﺸﻐﻠﻪ ﺟﺒﺮ ﺧﻮﻣﺎ ﺟﺒﺮ
ﺧﻴﺎﻝ .. ﺑﺲ ﻫﻮ ﻳﺤﺒﭻ ﻛﻠﺶ
ﻋﺴﻞ .. ﺍﺩﺭﻱ ﻭﺍﻟﻠﻪ ﺑﺲ ﺷﺴﻮﻱ ﻣﺎ ﺍﮔﺪﺭ ﺍﺗﻘﺒﻠﻪ ﻛـ ﺭﺟﺎﻝ ﺑﺤﻴﺎﺗﻲ
ﺧﻴﺎﻝ .. ﻣﺎ ﺍﻋﺮﻑ ﺑﻌﺪ ،، ﺣﻴﺎﺗﭻ ﻭﺍﻧﺘﻲ ﺣﺮﻩ ﺑﻴﻬﺎ ﻭﺍﺗﻤﻨﻰ ﻣﺘﻨﺪﻣﻴﻦ ﻋﻠﻰ ﻫﺬﺍ ﺍﻟﺤﺐ
ﻋﺴﻞ .. ﺍﻥ ﺷﺎﺀ ﺍﻟﻠﻪ ﻣﺎ ﺍﻧﺪﻡ
ﻟﻠﻴﻞ ﺳﻤﻌﺖ ﺻﻮﺕ ﺣﺴﺎﻡ ﺟﻮﻩ ﺑﺎﻭﻋﺖ ﺍﻟﺨﻮﺧﻪ ﺑﺎﺳﺘﻐﺮﺍﺏ
ﻋﺴﻞ .. ﻫﺬﺍ ﺣﺴﺎﻡ ؟ !!
أنت تقرأ
#قسوة_الحب
General Fictionﺍﺣﺒﺘﻪ ... ﻓـ ﺗﺨﻠﺖ ﻋﻦ ﻛﻞ ﺷﺊ ﻷﺟﻠﻪ ﺍﺣﺒﻬﺎ ... ﻓـ ﺣﺎﺭﺏ ﺍﻟﺠﻤﻴﻊ ﻣﻦ ﺍﺟﻠﻬﺎ ﻫﻞ ﻳﻨﺠﺤﺎﻥ ﻓﻲ ﻫﺬﺍ ﺍﻟﻌﺸﻖ ﺍﻡ ﺳﻴﻜﻮﻥ ﺍﻟﺤﺮﻣﺎﻥ ﻣﻘﺒﺮﺓً ﻟﻪ
