الحلقه 30
#قسوة_الحب
(Haider)❤️
عسل.. تعشيت ويا حسام بره
هستونه داخلين للبيت تلگانه اسر من الباب
اسر.. وين صرتوا يمعودين
حسام.. خير خويه گول
اسر.. تعالوا اريد افاتح امي بموضوع خيال
حسام.. وليش تفاتحها ؟!!
اسر.. شنو ليش
مثل ما خربتها بنفسها تصلحها بنفسها
خو ما هي تلوص واني الابتلي والله حلوه هاي
حسام.. ماشي
بس حاول تلزم اعصابك شويه منريد مشاكل
اسر.. ان شاء الله
عسل.. دخلنه سوه
لگينه بيبي ومرت عمي گاعدات وحدهن بالصاله
الحجيه.. ليش هيچ دتتأخرون مو والله يظل بالنه يمكم
حسام.. شكو علينه قابل
بعدين ممتأخرين الساعه بعدها عشره ونص بيبي
اسر.. يوم
وئام.. ها حبيبي
اسر.. عندي موضوع وياچ
وئام.. خير ان شاء الله گول
اسر.. قبل اسبوع تقريباً طلبت خيال من عمي
وطبعاً بسبب المشاكل الي صارت بـ اخير فتره باجي زينب رفضت رفض قاطع وهسه اجه دورچ حتى تتدخلين وتقنعيها
وئام.. وليش ما انطيتني خبر
يعني اتصور من الاصول تبلغني قبل الكل مو تخليني اخر من يعلم
اسر.. انتي تدرين بيه رايدها من زمان
بعدين اني مچنت رايح حتى افتح وياهم الموضوع لا هيچ صارت فجأه
باوعتله وسكتت
ها شگلتي
شتريد
شوكت ترحين حتى تحچين وياهم
بكيفك
حسام.. هاي شنو
ام اسر تگول بكيفك ومتعترض والله صدمه
وئام.. شبيك انت الثاني
حسام.. شبيه يعني
اكيد چنت متوقع راح تگوليله مطلقه واني ما اخذ الابني إلا بت بيت واذا عاندت وردت تتزوجها فـ شرطي الوحيد تتزوج عليها مو هيچ
وئام.. لا مو هيچ
من شوكت اني حاچيه مثل هالكلام
واذا على عسل فـ سبب شرطي تعرفه حسام لذالك لتغشم روحك
اسر.. هسه عوفونه من الفات
يوم ترى مرت عمي شايله بگلبها عليچ فوگ متتصورين فـ خليچ مستعده لأي رد فعل منها
وئام.. اي ادري
وحضرتك ما لگيت غير هذا الوقت حتى تورطني وياها
اسر.. بكل الاحوال
مراح تتصالحون اذا متنازلتي ورحتيلها لو متردين تتصالحين وياها
وئام.. طبعاً اريد اصالحها
بس ما اتصور تقبل نتصالح بمثل هيچ وضع
الحجيه.. يعني انتي ما عندچ اعتراض ابنچ يخطب خيال
أنت تقرأ
#قسوة_الحب
General Fictionﺍﺣﺒﺘﻪ ... ﻓـ ﺗﺨﻠﺖ ﻋﻦ ﻛﻞ ﺷﺊ ﻷﺟﻠﻪ ﺍﺣﺒﻬﺎ ... ﻓـ ﺣﺎﺭﺏ ﺍﻟﺠﻤﻴﻊ ﻣﻦ ﺍﺟﻠﻬﺎ ﻫﻞ ﻳﻨﺠﺤﺎﻥ ﻓﻲ ﻫﺬﺍ ﺍﻟﻌﺸﻖ ﺍﻡ ﺳﻴﻜﻮﻥ ﺍﻟﺤﺮﻣﺎﻥ ﻣﻘﺒﺮﺓً ﻟﻪ
