القسم الثاني
#الكاتبه ام فرح
#ياتالي صبري وسنيني
طلعت امي بالكراح مفرفحه ورافعه اديه اتناجي رب العالمين والبنات وحده اتقنع
وحدة اسكت بجهال والبقيه لازمات امي هدير كالت بابا جاب تكسي من الربگه ما انتبهت ابويه مو بالكراج ركض طلعنا صعدنا بالسيارة وندعي ونبجي......
كوة وصلنا ازدحام وانفجار الطرق كله مقطوعه....
ابو سند/ جبت تكسي ولو بيدي اطير المكان الانفجار الطرق مقطوعه وازدحام ابو التكسي گالي عمي هذا حدي شوف القطع والقوات جان وصلتك لان حالتكم حاله وانشالله ابنك مابي شي....
ام سند/كتلهم نزلوني اني امشي ونزلت طايره اركض واتعثر واصيح سند يمه يالواااااحد وينك يمه وابو سند وهزار ورايه لزمتني هزار لان عثرت مرة ثانيه وابوسنديسأل عن الانفجار...
اسمع الناس اتكله حجي محد طلع سالم الانفجار يم التجهيزات العسكريه سيارة حجي سيارة مفخخه موعتهم....
والناس اصيح الله اكبر وكله ادور ع اهله ولده وتركض منا ومنا....
هزار/رجليه ماتن واباوع ع حال امي وابويه مو اقل من حالي علامات الخوووف بانت علينا وگل مانقترب من مكان الانفجار القوات منتشره وصوت سيارات الاسعاف والنجده موقف يقشعر اله البدن...
رن جهازي طلعته ابو غيث كال انتو وين اني بالبيت اجيت عليكم طاير گتلة بساحة الطيران واشهك كال جايكم....
جهازي مابطل اتصالات والبنات خبصني امفرفحات حقهن جاوبتهن جاي اندور
ادعووو ماكو غير الدعاء....
كمنا نبجي بنحيب من المصيبه الكدامنا والدم والمي سوا...
ابوسند/اتقربت من شرطي سألته نقلتو الشهداء والمصابين للمستشفى جاوبني اي حجي المستشفى اليرموك.....
ركضت ع ابو الاسعاف سالته اشلون نعرف ولدنا اذا الروس والرجلين والايدين مكطعه كال حجي الله اباوع الحالكم حسبي الله ونعم الوكيل......
هزار /هاي مسافه عن الانفجار والجثث هشكل مطشرة ومكطعه نفسي كامت تغلي ركضت ع على حاويه مال الزباله اتقيئت متحملت الشفته جسمي يختض مثل السعفه......
ابويه سودة عليه فوك راسي ويفرك بظهري وامي مثل المخبله تسأل بناس.....
دورناوسألنا ما حصلن شي مكابلين مكان الانفجار والاهالي اجمعوا والنسوان وگلنا نلطم ونبجي اخرشي ابويه كال انروح لليرموك
نسأل وركض اخذنا تكسي وانريد الطريق يخلص صار اشطوله....
ام سند/وصلنا اليرموك والسيارة بعده مواكفه فتحت الباب ونزلت ركض واصيح يمه سند بعد عمري يالواحد وينننننك...
ابو سند/طبينا اليرموك هوسه والجثث بالساحه والمصابين والناس هوسه طبيت اسأل محد اجاوب لان ممسجلين اسماء.....
أنت تقرأ
ياتالي صبري وسنيني
Short Storyقصه تتحدث عن معاناةام واب وبناتها السته بعد طول سنين من الانتظار والدعاء والطلب من الله عز وجل لرزقهم بولد ليكون العكازة والسند لكن الموت يخطف تعبهم وسهرهم انتظارهم فيخيم الحزن عليهم....
