#الكاتبه ام فرح
#ياتالي صبري وسنيني
اهدي الفاتحه ع ارواح الشهداء كافه والرحمه والخلود والصبر لذويهم.....
~~~
لونحجي الصدك لو ما نلف وندور
لو نسكت نشوف بعينه ونرضى
لو گلفه نطير وما نحط بالكاع
لو كلمن يضل ثابت على ارضه
لان هذا الوطن ذمه جبيرة هواي
والذمه برگبتك ترضى ماترضى
گوم احجي بضمير وبخت ناس
وبغيرت عراقي محلف بعرضه.....
بقلم ام فرح
في يوم وليلة تتغير حياة ام هزار
بعد صبر ومعاناة دامت سنين طويله.....
يوم يوم هاا حبيب امك اني بالمطبخ احضر ريوك تعال يانور عيون امك....
سند/صباح الخير وبست راس امي وابويه اذا الجاي جاهز صبيلي كوب اريد اروح اشتري تجهيزات من ساحة الطيران....
ام سند/ وين رايح مو ذاك الشهر اشتريت والوضع مو تمام وانفجارات والبارحه نزلت مجاز خلصته نايم وهسه من الصبح طالع أجله غير يوم.....
سند/اشلون تقبلين الضابط يلبس نفس بدلة ذاك الشهر وانتي تعرفين اشكد اهتم بلبسي.....
ابوسند/الله احفظك وليدي وملبوس العافيه بس امك حقه قبل شهر جهزت من باب الشرجي.....
سند /يابه مو انت تعرف نطلع واجبات واحتاج لان استهلك واكثر الاماكن لنروحله منكدر نغسل ملابسنا فيراد اكثر من بدله وبسطال وباقي التجهيزات.....
ام سند/جهزت الريوك على الميز وبدينا ناكل وكل اشويه اغص حتى بالمي وگلبي عصرني حيل عفت الأكل وسند بعده ممكمل كوبه كال الحمدالله والشكر سفرة دايمه حبيبه...
وباسني من راسي وكال تاج راسي يا نبع المحنه اني رايح محتاجين شي اجيبه ويايه
لزمت ايده بقوة گتله بلا هل روحةبعد روحي جاوبني هاي صدك تحجين ام سند واني وين رايح للحرب كم ساعه واني يمج نتغدة سوا سويلي برياني دجاج مشتهي حييل بعدني لازمه ايده انداريت على ابو كتله حجيلك كلمه يارجال......
سند/اودعناكم مع سلامه...
ام سند/مسمع جواب ابو وسلم وطلع من باب المطبخ اندار رفع ايده گناله الله وياك بس اني مخنوكه وكلبي مقبوض من كعدت الصبح وزادت الخنگه من سمعت إريد اروح الساحة الطيران لان دائماً بيه اصير انفجارات طلع ودعينا الله احفظه ورجعه سالم غانم.....
هزار/گعدت من النوم باوعت على غيث بعده نايم كمت غسلت ورحت للمطبخ لكيت بلابل الحب كاعدين اسولفون بابا يقره بكتاب وماما اتحضربالغده صبحت عليهم......
گتلهم متريكين بعدكم ياحلوين ماما جاوبتني الحمد الله اتريكنا ويا اخوج كالته بضوجه....
كتله الحلو شوضايج اليووووم خير جاوبتني اخوج راح الساحة الطيران اجيب تجهيزات كل مره اجيب من الكرادة.....
أنت تقرأ
ياتالي صبري وسنيني
Nouvellesقصه تتحدث عن معاناةام واب وبناتها السته بعد طول سنين من الانتظار والدعاء والطلب من الله عز وجل لرزقهم بولد ليكون العكازة والسند لكن الموت يخطف تعبهم وسهرهم انتظارهم فيخيم الحزن عليهم....
