#ياتالي صبري وسنيني
#بقلم ام فرح
كم مرة نسمع هاي الهتافات
وكم تابوت يشيع
وكم عريس زفينا
وكم جنازة بكبرخلينا...
بقلم ام فرح
هزار/شيعنا وصعدنا بالسيارات وامي اتخبلت مقبلت ع السيارة احطو وشمس وطريق طويل كالت دخلو وفعلا شالو الكشنات ودخلو جواا
وانطلقنا وصلنا المقبرة ونزلنا سننند ونمن على التابوت والف ياعلي قنعونه ننطي وامي بتراب اللحد مددت وتنحب اخذو ولقنو الشهاده ونزلو بالقبر واحن حسينه هاي المحطه الأخيرة يعني بعد سند ماكووو ومنسمع كلمة خالووو وكملو دفن وبعده رجعنا نسحل بروحنا سحل رجعنا خالين......
وصلن البيت والجادر منصوب وصوت القرآن ونزلنا مثل الجثث بس الجسد يتحرك ورگضت امي على غرفة سند وتجر بملابسه واشم واتحظن واتبوس وتشهك واخذت الصورة وحطته على كلبه......
ومر اول يوم الفاتحه وامي ياتطلع تركض ونرجعه اتريد ترجع للمقبره ياشايله للمستشفى وابويه كل اشويه الضغط صاعد وخشمه يجري دم وموفتي للبيت....
دمعتنا مانشفت واليوم الختمه وامي طلبت انسوي صنييه مثل صواني حنة العريس وملته حلويات واشموع وزينته والليل كله سهرانه لااكل ولاشرب على المغذي...
ومرت الايام وكل اسبوع انروح واليوم ٢/٢٢بشهر والحادث يوم١/٢١ احنا مسوين ثواب والحال نفسه ماتغير وجو البيت حزين والمكان موحش طفت شمعة بيتنا وراح عمود من عمدانه....
ام سند/ يوم بعد يوم اختنك والفراك هد حيلي
وگعدت من الصبح دخلت الغرفة سند ارتبه واشم اهدومه واليوم اروح ازورة وصفنت واخذتني ذاكرتي اشلون من سمعت خبر حملي ورجعت بيدي ورقة السونار واشلون ابوهم فرح والابتسامةملت وجه التعبان.....
واتحملت الحمل والنساوة وشفت الموت الما ولدت وعمليه وضيم مابعد العمليه وربيته وسهرت وداريت واتحملت وتالي كبرته للموت....
هزار/لميت روحي وحاطه راسي بين رجليه واخذتني ذاكرتي وشريط طفولتي والحد يوم ولادة سننند...
واني اشوفه موقف موقف سيناريو انعاااد عليه واذكر مع كل ولادة بنت تشبع امي قهر لان اعيروه بام البنات وابويه بابو البنات احنا منهتم لان هذا رزق من الله بس الناس واهل بابا اسمعون حجي وصبرت وتعبت بالولادات لمدة سنين اعيرونه وامي كالت انتن بناتي ولدي بنفس الوقت اريدكم رفعة راسي لازم تاخذون الشهادة واوصلكم لو ابيع عباتي لان بابا بس هو موظف وميلحك على العيشه واحنا اثمن نفرات....
بابا بعد احرص من ماما بخصوص الشهادة وفعلا اخذنا شهادات وكلنا اتعينه وماما اتردد الشهادة سلاح المرأة وتسهر واتحضر في سبيل اتوفر جو للدراسه....
ومن عرفنا ماما حامل بولد عيد صار عدنا
ومن ولدته من ايد الايد دللنا دلال الما كبر واخذ الشهادة وكان حلمه اصير ضابط وبعد سنين طويله برمشة عين ضاع التعب واسنين الصبر.....
ورجعت تلك القارورة الرقيقه الهشه...
انا واخواتي قارورات
مثل بقية القوارير
هشه من الداخل صلبة من الخارج
فرحه لم تكتمل حين ولدنا
ودمعة امي تختلط مع دعائها
الشاهد عليها الله ووسادتها
انا واخواتي قارورات
وصى بهم الرسول( ص)
قال رفقا بالقوارير
انا واخوتي
بعد سنين طوال وصبر وسهر
امي وتعب ابي والكلام الجارح
من الاهل والاقارب.....
ولد لنا سننننننننننند
طيب الطبع جميل الخلق
حسن الأخلاق بار بوالديه
حنين على اخواته امان
بمعنى الكلمه....
وفجأة القدر يخطف الفرحه
ويطفئ الشمعة...
ويأخذ السننننند والأمان..
حسيت على ايد تندسني بحنيه رفعت راسي بابا كال اشبي وليدي اهنا اني متحملت لان جنت واكفه على شعرايه وانفجرت وبجي ونحيب وحضني وحظنته وهو اجتافه بس تهتز بلا صوت واجمعن خواتي وامي اجت تتوجه لان حييل تعبت وضعفت واتمرضت والاكل تقريبا شالته كل اكلات سنند متاكله اتگول اشلون اكل واشبع وسند جوا التراب محروم من كل شي...
دخلت اتنعي وتبجي....
مامقسوم وانه سنين ربيتك
لو ادري يجيك الموت جان بروحي خليتك
يمه سننننند سنوووودي.....
اتعيط وكملت ابني وبحظني جان ينام هسه بكبر خليتك....
شبعنا بجي وسكتنا من كيفنا وبعده بابا كال محتاجين شي اكوو نقص سيارة حجزته وبعد الساعه٥الصبح اتفقت ويا نطلع للمقبرة انشاللة...
ومرن الساعات وصلينا وصبينا عشا وزعنا الثواب وكملنا ولملمنا كلشي وگعدنا نقرة قرآن وصارت الساعه ٤الصبح موعد اللقاء واجتي السيارة وصعدنا وابويه وامي سوو صورة جبيرة واخذناه ويانا واخذنا جرك وحلاوة وحلويات ثواب انوزعه ومشت السيارة وكلنه لهفه واشتياق وقهر وحزن....
وصلنا ونزلنا وانعاد المشهد گانو اول يوم استشهادة ورجعنا ميتين قهرر لاشافنا ولاشفنا....
ومرت الأيام واحنا كلمن التهت بحياته بس ماعفناهم وبابا وماما حيل بين عليهم افراكه وتعبو ودائما مرضى....
وفي الختام اتمنى الدعاء لهذه العائله بالصبر والصحه لام سند وابو سند....
احبكم اختكم ام فرح
لتنسون النجمه⭐
أنت تقرأ
ياتالي صبري وسنيني
Short Storyقصه تتحدث عن معاناةام واب وبناتها السته بعد طول سنين من الانتظار والدعاء والطلب من الله عز وجل لرزقهم بولد ليكون العكازة والسند لكن الموت يخطف تعبهم وسهرهم انتظارهم فيخيم الحزن عليهم....
