اغتصاب بالاتفاق
الفصل الثامن
نورا نزلت لمستوى هند وقالت : ايوه انا هكون المربيه بتاعتك ايه رايك نكون اصحاب
اسر اتفاجا من رد نورا عليها وقرر انه يقرب بينهم العلاقه وقرر يسيبهم مع بعض شويه علشان يلاقى حل للقضيه لانها هتبدا التحقيقات معاهم وعارف انهم هينكروا التهم بعد خروج اسر .. نورا اخدت هند ودخلوا الطبخ وهند طلبت من نورا تعملها كيكه بالشيكولاته وقرروا يجهزوها سوا وحطوها فى الفرن وسابوها وقعدوا يتكلموا سوا
نورا .. احكيلى عنك شويه علشان نبقى اصحاب انا وانتى
هند .. اسمى هند اسر الشهاوى وعايشه مع بابا وتيته منال بعد موت ماما وبحب بابا اوى وهو كمان بيحبنى وبروح مدرسه ومعنديش اصحاب غير بابا وعمو خالد
نورا اتصدمت لما سمعت اسم خالد وسكتت هند ندهت عليها
هند .. طنط نورا روحتى فين انا بكلمك يلا احكيلى عنك
نورا .. هحكيلك بس مين عمو خالد اللى حكيتى عنه ده ياهند ممكن اعرف
هند .. عمو خالد يبقى جدو وجده اخوات يعنى بابا بيقول انه يبعتبر ابن عمه
نورا بينها وبين نفسها *يعنى اسر يبقى قريب خالد يارب هيحصل ايه معقول يطلب منى اتنازل طيب ليه سكت ومتكلمش معايا للوقتى يارب ساعدنى*
هند .. يلا بقى يا طنط احكيلى عنك زى ماحكيت مش احنا اصحاب
نورا .. طيب اسمعى ياستى انا فى كلية هندسه اخر سنه وعندى اخت حلوه كده زيك
هند .. طيب انتى ليه ش قاعده معاها مش الاخوات بيعيشوا سوا
نورا بدموع .. هى مش هنا هى مسافره بره اما ترجع هعرفك عليها واكيد هتحبوا بعض
هند .. ماشى اما ترجع عرفينا على بعض اه نسينا الكيكه زمانها اتحرقت
نورا بضحك .. هههه متاخفيش الكيكه لسه بدرى عليها تعالى غيرى على ما تخلص
اسر .. اسمعنى يامراد عايزك تتابع التحقيقات لاننا داخلين ع مرحله صعبه وخصوصا لو اثبتوا تورط خالد فى الموضوع الصحافه مش ساكته من الوقتى
مراد .. اطمن احنا بكره هنروح علشان هيعيدوا التحقيق مع نورا خاصة بعد تقرير الطبيب الشرعى الوضع هيكون مش سهل .. بس هتتصرف ازاى معاهم !!
اسر .. تصدق مش عارف هتعامل معاهم ازاى اللى صدمنى ان نورا انهارت اكتر لما شافته وكمان هجومها عليها وهو كمان كان تصرفه مش كويس قلقنى
عند نورا و هند
نورا .. الله شفتى الكيكه حلوه زيك يا قمر يلا نجهزها ع ما بابا يرجع ايه رايك
وخرجوا واتفاجئوا من وجود منال والدة خالد هناك وهند اول ما شافتها جريت عليها وحضنتها وكانت يتبص على نورا بطريقه غريبه
منال .. هند ادخلى العبى شويه جوه لانى هكلم طنط فى موضوع
هند .. حاضر ياتيته وقامت شده نورا .. مش تروحى مكان قبل ما تعرفينى
منال .. ممكن اعرف بتعملى ايه فى شقة ابنى اتكلمى
نورا .. انا مربيه لهند وبكون موجوده معاها فترة غياب الاستاذ اسر
منال .. طيب انا جيت يلا اتفضلى روحى بيتك واما نحتاجك هنستدعيكى
نورا .. أنا مش هقدر امشى قبل الاستاذ اسر مايرجع دى تعليماته ليه ياهانم
منال بعصبيه .. انتى مفكره نفسك مين يابت انتى انتى حتة شغاله لا راحت ولا جات يلا امشى اخرجى بره واياك اشوفك هنا تانى فهمتى واياك تاخدى حاجه معاكى
نورا خرجت وهى بتبكى وقررت تستنى اسر لما يرجع وفضلت قاعده فتره طويله واسر وصل ولاحظ ان فيه شخص قاعد على السلم واتصدم لما شاف نورا راح عندها
اسر .. نورا ايه اللى مقعدك كده اتكلمى ازاى تخرجى وفين هند
نورا ببكاء .. والدتك هنا وطلبت منى امشى ومرجعش تانى
اسر .. وليه مكلمتنيش وقتها وكنت اتصرفت تعالى معايا
وفتح الشقه ودخل لقى والدته قاعده مع هند ومستنينه اول هند ماشافته جريت عليه وبدات تبكى علشان نورا مشيت وسابتها وقالها كلمه بصوت واطى فرحت وخرجت
اسر .. اهلا يامى خير وليه مقولتيش انك جايه علشان اكون موجود
منال .. هستاذن فى بيت ابنى يا اسر شكرا انا هاخد هند وانت هترجع معايا
اسر..اسف يا امى الفتره دى هكون مشغول وهند محتاجه شخص يكون معاها
منال..قصدك ايه انى مش بهتم بها علشان كده جبت واحده من الشارع صح
اسر .. أمى لو سمحتى متدخليش الامور فى بعض هند هتفضل هنا ونورا هتكون معاها
منال بعصبيه .. اسمعنى كويس مش هسمح لحفيدتى تقعد مع واحده منعرفش حاجه عنها
اسر .. بس انا عارف عنها كل حاجه ومش محتاج اخد راى حد هند بنتى
فى الوقت ده دخلت هند وكانت معاها نورا ومنال اتضايقت لما شافتها وخرجت وسابتهم ونورا شكرت خالد وزعلت لانها مكنتش عايزه تحصل مواجهه بينهم بسببها
يتبع
القادم :
انكار المتهمين اتهاهمهم ونورا ستكون فى وضع صعب
أنت تقرأ
اغتصاب بالاتفاق
Misteri / Thrillerاقتباس سيف..ممكن افهم ايه اللى قلته ده مش اتفقنا ننكر ليه عملت كده خالد..ههههه لان انا عاوز كده بصراحه عجبتنى ومش هوصلها غير بطريقتى وليد..عايز اعرف ايه اخر تهورك ده هتضيعنا معاك فوق بقى عقلك فين خالد..اهدى انت وهو ابويا هيجى مع المحامى بكره وهتكلم...
