# حلمي انت
البارت الخامس
...اميره قعدت تنقل الملف ع اللابتوب وسليم شرب القهوه وقام نام وسابها قاعده
...رابع يوم الصبح صحي سليم وطالع من اوضته لاقي اميره نايمه ف الصاله ورافعه رجليها ع الطرابيزه وجسمها ع الارض والملف محطوط ع وشها قعد يضحك ع شكلها وراح يقومها
سليم:اميره ..اميره
اميره بنوم:اممم
سليم:قومي نامي ف الاوضه ،انتي نقلتي الملف
اميره وهي لسه تايهه ف النوم:نقلته يا زفت
سليم بزعيق:نعااام
اميره اتخضت من صوته وقامت:ايه ايه
سليم:قومي انخمدي جوا وانا رايح الشغل
اميره قامت:طيب
....سليم جهز وراح علي شغله واميره دخلت نامت
...ف الشركه ف مكتب سليم...
سليم:ادخل
أيتن:سليم بيه انهارده اليوم كله اجتماعات وجبت لحضرتك قهوتك
أيتن لنفسها:كويس الزفته مجاتش
سليم:تمام ...وطلعت ايتن
..عند مكتب أيتن
كرم:أيتن
أيتن:اهلا يا كرم
كرم:اميره مجتش مع سليم ليه
أيتن:كويس انها مجاتش الشركه منوره من غيرها
كرم:مجتش ليه يعني
ايتن:معرفش يا كرم
كرم: طب بقولك
ايتن:نعم
كرم:معاكي رقمها
أيتن:لا
كرم:طب ما تجبيه من سليم
أيتن:وهجيبه منه ليه احنا مش فاضيين يا كرم
كرم:مش يمكن لما تجبيه افضل اكلمها وأبعدها عن سليم
أيتن: ايه وانا مالي تبعدها ولا تقربها
كرم:اخلصي يا أيتن ما الشركه كلها عارفه انك معجبه بسليم
أيتن:كله عارف ما عدا هو
كرم: ها هتجيبي رقمها
أيتن:اصبر شويه
كرم:تمام لما تجبيه ابعتيه ع طول
أيتن:تمام
...فضل سليم في الشركه طول اليوم شغال واميره كانت صحيت وعملتله اكل وقعدت تتفرج ع التلفزيون مع لوز
...ف الشركه
ايتن:سليم بيه حضرتك هتمشي
سليم:ايوه فيه حاجه
أيتن:كنت عايزه رقم اميره اصل نسيت اخده منها انا وهي بقينا اصحاب كنت عايزه ارن اطمن عليها
سليم:خديه اهوه اكتبي .....
أيتن:تمام شكرا
...مشي سليم وركب عربيته ووصل البيت اول ما دخل اميره قابلته
اميره:سليم اخيرا جيت انا عملت اكل هتاكل
سليم:ايوه هغير هدومي واجي
دخل سليم غير وطلع وقعدوا ياكلوا وخلصوا
اميره:اتفضل قهوتك ،اتاخرت كدا ليه
سليم:الشغل كان كتير
اميره:اممم
سليم:اعمليلي مساج لكتفي
اميره:هااه
سليم:قومي اعمليلي مساج
اميره:هعملك زي ما بشوف ف التلفزيون
قامت واقفت وراه وقعدت تخبط بإيديها ع كتفه وهو قاعد
اميره:مرتاح كدا
سليم:كويس
اميره:طب كفايه بقي ولا ايه
سليم:كملي وانتي ساكته
فضلت تعمله كمان شويه
سليم:خلاص كفايه انا داخل انام
اميره:وانا كمان هقوم انام
...خامس يوم الصبح بدري صحي سليم وطلع من اوضته لاقي اميره واقفه لابسه نفس البيجامه اللي شافها بيها اول مره وعامله شعرها كحكه وبتعمله فطار
اميره بابتسامه:صباح الخير
سليم مردش عليها ودخل الحمام
اميره لنفسها:صباح النور يا اميره
جهزت الفطار وحطته ع الطرابيزه وسليم جيه قعد يفطر واميره قعدت تفطر
اميره :هتاخدني الشغل معاك
سليم:لا
اميره:ليه
سليم:مزاجي
اميره:سليم ما تشوفلي شغل عايزه اشتغل
سليم:عايزه تشتغلي ايه
اميره:اي حاجه
سليم:اقعدي ساكته
اميره:طب خدني معاك الشغل
سليم مردش عليها وقام دخل اوضته ولبس بدلته وحط برفانه ولبس ساعته وطلع
اميره لنفسها :قمر ماشي ع الارض
سليم:انا رايح الشغل
اميره:مش هتشرب قهوه
سليم:هشربها ف الشغل
...سليم طلع راح الشغل وسابني ف البيت قومت روقت البيت ونضفت المطبخ وطلعت قعدت ع الباب وخدت لوز معايا وقعدت اعمل كورات من التلج وابني هرم وإيدي تلجت بس هعمل ايه اسلي نفسي بأي حاجه وجبت تليفوني وقعدت اتصور واصور لوز وقولت لنفسي لما ارجع بيتي هوري لاصحابي وماما كل الصور دي
....ف الشركه..
عند مكتب ايتن
كرم:ايه جبتي الرقم
أيتن:اه اكتبه عندك
كرم:تمام تسلمي
كرم:امسكي دعوه ليكي ودعوه لسليم عامل حفله ف بيتي بمناسبه نجاح الالبوم
أيتن:تمام
طلع كرم برا الشركه علشان يتصل بأميره
..ف مكتب سليم..
سليم:ادخل
أيتن:سليم بيه دي دعوه لحضرتك من كرم عامل حفله في الفيلا
سليم:تمام حطيها ع المكتب
أيتن:عن إذنك
سليم:اتفضلي
..ف البيت.... تليفون اميره بيرن وهي قاعده تتفرج ع التلفزيون مع لوز
اميره:الو
كرم:الو اميره انا كرم
كرم:ااه ازيك يا كرم
كرم:كويس انتي عامله ايه
اميره:تمام
كرم:مش بقيتي تيجي الشركه ليه
أميره:عادي مفيش حاجة
كرم:طب كنت عايز اشوفك
أميره:تشوفني ليه
كرم:كنت هديكي حاجه مهمه اوي
أميره:بس..
كرم:هما عشر دقايق بس
اميره:تمام
كرم:قولي مكانك وانا اجي اخدك
اميره:انا في بيت سليم
كرم:تمام جاي اهوه سلام
اميره :سلام
اميره لنفسها:انا قولت انا ف بيت سليم يالهوي مش مهم هخترعله اي سبب المهم اقوم البس بسرعه بدل ما ييجي يلاقيني بالبيجامه ساعتها مش هعرف اقوله ايه
اميره: لوز انا هقوم البس علشان راحه مشوار باي
لوز:باااي
اميره قامت جري لبست بنطلون اسود وجاكت جلد اسود وتحته بلوزه بيضه عليها حروف بالاسود وكوتشي ابيض وسابت شعرها مفرود وطلعت ووقفت قدام باب البيت وكرم وصل
كرم:اتاخرت
اميره:لا
كرم:اركبي يلا
اميره:تمام ..هاا ايه الحاجه المهمه
كرم:شويه وهتعرفي
اميره:اوك
كرم:بس كنتي هنا ليه
اميره:اااا.. كنت بشوف لوز وحشني
كرم:اهااا
اميره: تعرفه
كرم:ايوه اعرفه لطيف
اميره:اممم
كرم:وصلنا يلا انزلي
اميره:ماشي
نزلوا ودخلوا كافيه..
كرم:اتفضلي اقعدي
اميره:ماشي ..ها قول الحاجه المهمه
كرم:تشربي ايه
اميره:لازم اشرب
كرم:ايوه لازم
اميره:نسكافيه
كرم:تمام ،،،لو سمحت اتنين نسكافيه
اميره:هاا
كرم طلع كرت دعوه وحطها ع الطرابيزه قدامها :اتفضلي
أميره:ايه دا
كرم:دي دعوه لحفلتي عامل حفله في فيلتي علشان البومي عمل نجاح كبير
اميره:اهاا الف مبروك
كرم:الله يبارك فيكي ،ايه هتيجي
*اتفضلوا النسكافيه
كرم:شكرا
اميره:مش انت مغني ونجم وكدا
كرم:اها
اميره:امال محدش بيجري عليك ليه وعايزين يتصوروا معاك
كرم:علشان دا كافيه محترم بمعني ان مينفعش الجرسون يسيب شغله ويقولي تعالي اما نتصور والناس اللي هنا مشهورين برضه او اصحاب شراكات كبيره
أميره:اها انما لو طلعنا مشينا برا الناس هتجري عليك علشان تتصور معاهم
كرم:لا انا عامل حسابي معايا ماسك وكاب
اميره:اهاا يعني انا دلوقتي قاعده مع واحد مشهور اوي اوي والبنات كلها هتموت وتتصور معاه
كرم:شوفتي بقي
اميره:شوفت
كرم:مردتيش عليا هتيجي الحفله
اميره:هو سليم هييجي
كرم:علي حسب مزاجه
اميره:لو سليم جيه هاجي معاه
كرم:تمام لو مجاش قوليلي مكانك وانا اجي اخدك
اميره:تمام
بعد شويه...
اميره لنفسها:طب انا المفروض امشي بقي بس هروح فين هقوله وديني لبيت سليم تاني كدا هيشك طب اروح الشركه بس يمكن سليم يكون رجع البيت طب ابعتله رساله اشوفه
في الشات....
اميره:سليم انت فين
بعد شويه سليم رد
سليم:في الشركه لسه ف حاجه
اميره:طب خليك مكانك انا هجيلك
سليم باستغراب:انتي هبله هتيجي ازاي
اميره: لما اجي عندك هقولك سلام دلوقتي
سليم:تمام
كرم:ايه اللي شاغلك في التليفون
اميره:هااه لا ولا حاجه امال انت جبت رقمي إزاي
كرم: مصادري الخاصه
اميره:اممم
كرم:بقولك
اميره:نعم
كرم:انتي مرتبطه
اميره:لا
كرم:طب كويس
اميره:ليه يعني
كرم:علشان لو حبتيني متحسيش بتأنيب ضمير انك خونتي حد
اميره: ومين قالك اني هحبك
كرم:علشان انا اتحب
اميره: اممم شكلك متواضع اوي
كرم:اوي
اميره:طب ينفع بقي توصلني لشركه سليم
كرم: تمام بس ليه شركه سليم
اميره:علشان اقوله ع حفلتك ومش عايزه اقعد ف البيت من دلوقتي
كرم: اوك Let's go
اميره:يلا
وطلعوا من الكافيه وركبوا العربيه ووصلوا الشركه ودخلوا
كرم:يلا سلام انا بقي ومتنسيش الحفله بكره بالليل
اميره:تمام سلام
مشي كرم وروحت عند مكتب سليم
ايتن:انتي راحه فين
اميره: زي مانتي شايفه داخله لسليم
أيتن:سليم بيه مش فاضي دلوقتي
أميره وهي بتدخل مكتب سليم:انا مش بستأذن منك ادخل ولا لا اصلا "وقامت داخله وقافله الباب ف وشها"
وراحت قعدت ع كرسي قدام مكتب سليم
سليم:جيتي ازاي
اميره:كرم جابني
سليم بعصبيه:نعم "وخبط ع المكتب بإيده"
اميره:متتعصبش كدا اهدي اهدي معرفش اني عايشه معاك هو جيه خدني من بيتك بس قولتله كنت ف بيتك بشوف لوز وروحنا.......................................بس كدا وجيت هنا
سليم:طب حلو روحي اقعدي معاه في بيته كمان
اميره بهزار:ياريت دا عنده فيلا
سليم:وبيتي مش عاجبك دلوقتي
اميره:لا بهزر معاك متبقاش قفوش كدا عارف يا سليم
سليم:ايه
اميره:انت لما تبقي عجوز مش هيبان عليك انك عجوز قولي ليه
سليم مردش عليها
اميره:تمام هعتبر انك قولت ليه علشان انت مش بتضحك فمش هيبقي ليك تجاعيد الناس العجوزه الكبيره في السن
سليم بجديه:متروحيش مع كرم في مكان تاني
اميره:ليه يعني كرم ماله
سليم:من غير ليه
اميره:بس كرم..
سليم بيقاطعها وبعصبيه:اميره اقفل الموضوع
اميره:خلاص متتعصبش كدا المهم
سليم:ايه
اميره:هتروح حفلته
سليم:مليش مزاج اروح
اميره: طب انا ليا مزاج اروح
سليم:لا
اميره:سليم وصلني لحفلته وامشي متدخلش او هرن ع كرم ييجي ياخدني
سليم:بطلي هبل
اميره: هنروح
سليم:هفكر
اميره بفرح:تمام
..سليم فضل شغال طول اليوم وانا قاعده العب بالتليفون مستنياه يخلص
سليم:يلا قومي
اميره:اخيرا خلصت
سليم:زهقتي
اميره:وجوعت اوي
سليم:طب قومي ونشتري اكل واحنا مروحين
اميره:ماشي
..مشينا ركبنا العربيه ووقفنا اشترينا اكل وروحنا قعدنا كلنا وشويه قومنا نمنا
...سادس يوم الصبح....
اميره:صباح الخير
سليم:صباح النور
اميره:هتروح الشغل
سليم:لا
اميره:هتروح الحفله
سليم:اعمليلي فطار
اميره:اهم حاجه فطارك وقهوتك
سليم:عندك مانع
اميره:لا طبعا يا سليم بيه
..روحت عملتله فطار وقعدت اكل معاه
اميره:ايه
سليم:ايه
اميره:هنروح الحفله
سليم:تمام هنروح
اميره بفرح:هييييييييييييييييه
سليم:قومي البسي هنخرج
اميره:هنروح فين
سليم:خمس دقايق تكوني جهزتي
قومت شيلت الاكل حطيته ف المطبخ ودخلت الاوضه غيرت هدومي وطلعت
سليم:يلا
اميره:يلا
طلعنا ركبنا العربيه ووصلنا قدام محل فساتين جميله
ودخلنا المحل
سليم:اختاري فستان للحفله
اميره:مش لازم يا سليم بجد
سليم:اللي هناك دا حلو
اميره:مش عايزه يا سليم
سليم:لو مختارتيش مش هنروح الحفله
اميره:بتهددني
سليم:اعتبريه تهديد
اميره:خلاص هختار
اختارت شويه فساتين وعايزه اجربهم
اميره:لو سمحتي ..فين البروفه
-اتفضلي من هنا
دخلت ولبست اول فستان وطلعت لسليم
أميره:ايه رايك
سليم:مقرف
أميره:دا ردك اللي مقرف
سليم:بتقولي حاجه
اميره بابتسامه مزيفه:هغيره
..تاني فستان..
أميره: ها ودا ايه رايك
سليم:قصير اوي
اميره:معنديش مشكله يبقي قصير
سليم:انا عندي مشكله
اميره:انا اللي هلبسه ولا انت
سليم:اللي بعده
اميره:يووووه "ودخلت تغيره"
..تالت فستان..
اميره:سليم دا جميل مفيش اعتراض
سليم:خرا
اميره:صبرني يا رب
...رابع فستان...
اميره:ودا
سليم:محتاجه تخسي كام كيلو
اميره بغضب:انا مش تخينه
سليم:اللي بعده
...خامس فستان...
اميره:غير قابل للنقد او التقييم دا تحفه
سليم لنفسه :متفصل علشانك ايه الجمال دا
اميره:عجبك
سليم: اه مش وحش
اميره:اغيره يعني ولا ايه
سليم:لا حلو يلا نشوف جزمه عليه
...اشترينا الفستان وخدني علي محل جزم..
سليم:دي حلوه شوفيها كدا
اميره:دي بكعب
سليم:ايوه
اميره:مبعرفش امشي بالكعب انا بقع وانا لابسه كوتشي
سليم قرب منها:لما تقعي همسكك
اميره:هااه
سليم:البسيها
اميره:اه هات
أميره:حلوه مقاسي
سليم:تمام
سليم دفع حقها وطلعنا من المحل ركبنا العربيه
اميره:هنروح البيت
سليم:لا هناكل الاول
اميره:ماشي
وصلنا عند مطعم ودخلنا قعدنا وطلبنا اكل
سليم:في حاجه ناقصه عايزه مكياج
اميره:انا شوفت عندك ف اوضتك مكياج
سليم:بتاع امي الله يرحمها تمام تعرفي تحطي منه ولا نشتري غيره
اميره:لا لا انا هحط منه وخلاص
سليم:ماشي
...اكلنا وخلصنا وقومنا مشينا ووصلنا البيت ودخلت الشنط وعلقت الفستان وطلعت قعدت مع سليم ف الصاله..
#يتبع
