# حلمي أنت
البارت التاسع
وطلعوا ركبوا العربيه ووصلوا قدام..
سليم:ملاهي احنا هنلعب
عشق:حبيبي هناك اهوه انزلوا
عشق:حبيباااااااااااااااي
عمرو خطيب عشق فتح إيده الاتنين وبيضحك:عشقي وحشتيني
عشق:وانت كمان ،اعرفك دي اميره خطيبه سليم
اميره:لا لا انا صاحبه عشق
سليم:مش عارف مستحملها إزاي
عمرو:بحبها يابني ،عامل ايه انت، ومنوره يا أميره
أميرة:دا نوركم
سليم:تمام ، اكيد هي اللي مختاره المكان دا
عشق:فعلا يلا هنلعب طول اليوم
..ودخلوا الملاهي وكانت عشق وعمرو ماشيين قدام وماسكين إيدين بعض وسليم وأميره ماشيين وراهم
عشق:اول حاجه هنركب قطر الموت
اميره:بصي انا هقف اتفرج عليكم احسن
عشق:متخافيش سليم هيبقي قاعد جنبك "وغمزت لسليم"
عمرو ضحك وسليم برقلها واميره وقفت باصه ف الارض واتكسفت
عشق:ميرو بجد متخافيش جربيها يلا هنركب كلنا وعيشي اليوم مش هيتعوض
اميره:تمام يلا
وقطعوا تذاكر وركبوا كانت اميره جنب سليم وعشق جنب عمرو وراهم
عمرو لعشق:ايه الحكايه بينهم
عشق:حب من بعيد لبعيد كدا
عمرو: اهاا بس انتي قمر كدا ليه
عشق مسكت خدوده:يا نوحي يا نوحي انت اللي قمر
وضحكوا بعد شويه اللعبه بدأت تتحرك وتتحرك بسرعه وبسرعه اكتر وتلف وتدور واميره قاعده مرعوبه وعماله تصوت
سليم مسك إيدها وبصوت عالي:متخافيييش مش هتقعااااي
اميره بصوت عالي برضه:مش خااااايفه انا مرعوبااااه يالهواااااااااااااااااي
وسليم ضحك وبدأ يصرخ معاها بس مكانش خايف
اما عشق:يامااااااااااااااااااااااا همووووووووووت
عمرو:انا شايف الموت بعنياااااااااااااااااااا
...ونزلوا وكانو ماشيين يقعوا ع بعض من الدوخه
عشق بفرحه:لعبه قمر وترعب
اميره:اه حلوه اوي بس تخوف فعلا
عمرو:ها هنركب ايه تاني
عشق:دي
أميره: العربيات
عشق:ايوه لعبه هاديه شويه نستريح
وراحوا ركبوا سليم واميره ف عربيه وعشق وعمرو في عربيه وفضلوا يسوقوا ويخبطوا في بعض ويضحكوا وشويه وسليم واميره يبدلوا واميره هي اللي تسوق لحد ما وقت اللعبه خلص
سليم:بتعرفي تسوقي حلو
اميره:ايوه العربيات دي بس
عمرو:بقول نقعد نستريح
عشق:عندي مكان تحفه نستريح فيه والنفسيه تبقي تمام
عمرو:فين دا
عشق:اهوه
سليم:بيت الرعب
اميره:بتهزري
عشق:لا يلا ادفعوا التذاكر بسرعه
اميره:لا لا مش هدخل بجد بخاف اوي اوي
عشق:يعني احنا ندخل وانتي تقفي هنا لوحدك
اميره:ايوه عادي بخاف بجد
عشق مسكت ايديها جامد وشدتها:يا ميرو متخافيش دا مجرد لعبه مش حقيقه اللي هتشوفيه
اميره:يا عشق سبيني بخاف اوي هيحصلي حاجه جوا من الخوف
عشق:مش هسيبك امال سليم يا قلبي هيبقي لوحده جوا
عمرو وسليم ماشيين وراهم وعمالين يضحكوا عليهم وعشق بتشد أميره علشان تدخل واميره تشدها علشان متدخلش لحد ما وصلوا لأول اللعبه بيت الرعب كان عباره عن انهم هيمشوا طريق طويل ضلمه وهيقابلوهم حاجات وأشخاص تخوف
عشق جريت علي عمرو :متسبنيش الله يسترك بحبها بس بخاف برضه
سليم راح جنب اميره:متخافيش همشي جنبك
اميره هزت راسها بمعني ماشي موافقه
ودخلوا مشيوا جوا والطريق ضلمه فجأه واحد طلعلهم وشكله وحش اوي وكله دم
اميره صوتت:لالا مش هكمل طلعوني طلعوني
سليم:اهدي اهدي دا مش حقيقه
اميره:لا بخاف يا سليم طلعني
سليم:مينفعش نطلع الا لما نوصل لاخر الطريق من الناحيه التانيه
اميره:لا انا خايفه اوي عشق راحت فين
سليم:تلاقيهم مشيوا كملوا بصي غمضي وامسكي إيدي متخافيش وهنطلع
اميره:ماشي طلعني بسرعه علشان خاطري
سليم:حاضر
غمضت عينها ومسكت في إيده وموطيه راسها للأرض وفضلوا ماشيين فجأة حد لمس شعرها صوتت حضنت سليم ودفنت راسها في صدره وفضلت تتنفس بصعوبه وخوف وترتعش حاوطها سليم بيده وبهمس
سليم:تمام تمام مفيش حاجه هطلعك اهدي
اميره مش قادره ترد من خوفها
سليم حط إيده ع شعرها وفضلت دافنه وشها ف صدره ومشيوا تاني
سليم بدأ يكلمها علشان متخافش:اميره عارفه انا بتمني انك متلاقيش بيتك علشان تفضلي معايا عارف هتقولي عني أناني علشان انتي ممكن يحصلك حاجه هنا ومامتك وحشتك بس صدقيني هتوحشيني اوي لما تمشي يعني مين هيعملي الفطار مين هيعملي القهوه مين هتيجي معايا الحفلات اتعودت علي وجودك جنبي اوي مبقتش احب الوحده
فضل يكلمها لحد ما وصلوا لباب الخروج..
سليم:اميره وصلنا
اميره بعدت راسها عنه وهي بتفكر في اللي قاله حقيقه ولا كان بيقول كدا علشان يشغل تفكيرها ويبعدها عن الخوف
اميره:شكرا
عشق:أيه دا انتوا لسه طالعين ،ميرو مالك انتي بتعيطي
سليم:كانت خايفه
عشق حضنتها:يا قلبي دي لعبه مكنتش اعرف انك هتخافي اوي كدا انا اسفه
اميره:مش مشكله انا كويسه
عمرو:نستريح بقي
سليم:ايوه نقعد شويه
..وراحو قعدوا يستريحوا وراح عمرو وعشق يجيبوا فشار
اميره لنفسها:هووف اللي قاله دا حقيقه ولا ايه طب اسأله
سليم لنفسه:هي مش هترد عليا يارتني ما قولت حاجه ايه اللي هببته دا شكلها مبتقبلنيش فعلا وشايفاني متكبر وبارد
عشق:اتفضلووا الفشار
عمرو:مش جبنا عصير ولا مايه
عشق:اه صحيح سليم قوم انت واميره هاتو
سليم:ماشي
قاموا يجيبوا.. وطلبوا وواقفين مستنين يجهزوه
اميره لنفسها:خلاص هسأله يلا نفس عميق وهتكلم
أميره:سليم
سليم:ايوه
اميره لنفسها:اتكلمي بقي اساليه لالا مش عارفه
سليم:عايزه حاجه
اميره:لا خلاص
سليم:يلا
....وراحو قعدوا تاني مع عشق وعمرو وفضلوا ف الملاهي يلعبوا تاني ويتصوروا وراحو كلوا ف مطعم وراجعين البيت بعد ما بقوا بالليل ركبت اميره في عربيه سليم وعشق ف عربيه عمرو ووصلوا كلهم عند بيت عشق
عمرو:عايزه حاجه يا قلبي
عشق:لا مع السلامه ابقي كلمني لما توصل
عمرو:تمام كان يوم حلو يا جماعه مع السلامه
سليم:سلام
عشق:سلام
عشق:يلا يا اميره ندخل
سليم:استني
اميره:عايز حاجه
سليم:تعالو نشوف في حاجه ظهرت في المكان اللي جيتي منه
اميره:دلوقتي
سليم:اه اركبي يا عشق
عشق :ماشي
ركبت ومشيوا ووصلوا المكان بس مفيش حاجه موجوده زي كل مره
عشق:مفيش حاجة يلا نرجع
سليم:يلا علي بيتي
عشق:ليه
سليم:عايز قهوه
عشق:زفت لنفسك
سليم:لا حد يعملي او مش هوصلكم
عشق:تمام بسرعه اخلص
في بيت سليم ...
اميره:قهوتك
عشق :اشرب بسرعه
شرب سليم قهوته بكل برود وخلصها
عشق:يلا قوم
قام سليم وطالعين عشق ووراها اميره ووراها سليم طلعت عشق من الباب وجايه اميره تطلع قفل سليم الباب اتخضت اميره وبصتله
اميره:في ايه يا سليم
عشق من ورا الباب:انت يا حيوان
سليم بيتنهد وهو ساند ع الباب بإيده وقصاده أميره:خليكي هنا
اميره وهي بتبعد براحه:عشق برا
قام سليم حاطت إيده التانيه جنبها:خليكي هنا
اميره:سليم انت بتخوفني كدا انت كويس
عشق عماله تخبط ع الباب:انا هفضل واقفه كتير
سليم بصوت عالي:اصبري يا عشق
سليم بص لأميره:متخافيش بس عايزك تخليكي هنا انهارده
اميره:ليه
سليم اخد نفس جامد :علشان بتوحشيني
اميره وشها احمر قلبها دق جامد معرفتش ترد
سليم:هبعد عن الباب هنطلع نوصل عشق ونرجع هنا متخافيش مني مش هقربلك تمام
اميره هزت راسها بموافقة
سليم بعد واميره فتحت الباب عشق بصتلها بإستغراب وحركت راسها بمعني حصل ايه اميره مردتش
سليم:يلا هنوصلك
عشق:هتوصلني
وركبوا العربيه وسليم فرحان واميره لسه قاعده مصدومه من اللي حصل واللي قاله
اميره لنفسها:يعني كدا اللي قاله ف الملاهي كان حقيقه يعني هوحشه لو مشيت يعني بيحبني لالا مش مصدقه
سليم:بالسلامه انتي بقي يا عشق يا حبيبتي
عشق:وأميره
سليم:خلي بالك من نفسك
ومشي بالعربيه ووصلوا البيت وفتح سليم الباب دخلت اميره وراه وجريت ع الاوضه وقفلت الباب
سليم ضحك عليها ودخل اوضته ينام
..عاشر يوم الصبح صحي سليم وطلع من اوضته دخل الحمام وطلع ملقاش أميره صحيت لسه
سليم وهو بيخبط ع أميره:أميره
اميره:مين
سليم:مين ايه هيكون مين غيري قومي اعمليلي فطار
اميره:طيب
اميره لنفسها: اطلع ولا مطلعش ولا اطلع ازاي ما اطلع عادي هووف مش خايفه مش متوتره عادي مفيش حاجة حصلت
طلعت من اوضتها لاقت سليم قاعد في الصاله ومستنيها تطلع تعمل فطار فطلعت غسلت وشها وعملتله فطار وحطته قدامه وقعدت
سليم:كلي
اميره هزت راسها بمعني ماشي...
سليم:قهوتي
اميره قامت عملتله القهوه وشالت الاكل...
سليم:انتي كويسه
اميره حركت راسها ب اه
سليم:مش بتتكلمي ليه
اميره:مفيش حاجة
سليم:هروح الشغل وتيجي معايا قومي اجهزي
اميره:مش عايزه اجي
..تليفون أميره بيرن..
سليم:مين
اميره:كرم
سليم:مترديش عليه
اميره:ليه هرد
لسه هرد اخد منها التليفون ورد
كرم:الو
سليم:عاوز ايه
كرم:عايز ميرا
سليم:مش موجوده
كرم:ايه فين هي مشيت
سليم:ايوه مشيت يلا سلام ورايا شغل
وقفل المكالمه في وشه واعطي التليفون لأميره
سليم:انا داخل اجهز ادخلي انت كمان البسي علشان رايحين الشركه
اميره:بس
دخل سليم يجهز وأميره دخلت هي كمان وطلعوا سليم لبس بدله زرقاء وأميره لبست بنطلون جينز وبلوزه بيضه تقيله وربطت شعرها ديل حصان
وطلعوا ركبوا العربيه..وهما قاعدين ف العربيه
سليم:لفي دماغك كدا
لفت شد التوكه وساب شعرها مفرود
اميره بصتله بخضه
سليم:كدا احلي
وشغل العربيه ووصلوا الشركه ودخلوا مكتب سليم اميره قعدت علي كرسي قصاد مكتبه وسليم قعد علي مكتبه ،كرم عرف ان سليم جيه فدخل مكتبه شاف اميره جري عليها وفاتح إيده الاتنين
كرم:ميرااااااااااااا
سليم وقف قدامه
سليم:متلمسهاش
كرم:طيب وسع،، اميره انتي مش مشيتي فرحت اوي
اميره:لسه معرفتش طريق بيتي
كرم:طب تعالي نتمشي برا او نشرب حاجه يلا
سليم:لا
كرم:هو ايه اللي لا سيبها براحتها
اميره:انا هطلع شويه واجي
وطلعوا الاتنين وسليم واقف هينفجر من الغيره وهو مينفعش يطلع معاهم علشان عنده شغل..
اميره:هنروح فين
كرم:عايزه تروحي فين
اميره:مش عارفه
كرم:تعالي اوريكي بتدرب علي الاغاني فين
اميره:يلا
..ف مكان تدريب كرم..
اميره:حلو اوي المكان دا
كرم:المكان دا برضه بتاع سليم وانا وفرقة الموسيقا بنتدرب هنا
اميره:بيانو اهوه الله
كرم:بتعرفي تعزفي
اميره:ايوه انا كنت هشتغل معاك يعني سليم كان قالي انه هيقولك تاخدني مع فرقتك اتعلم العزف
كرم :مش قالي
اميره:يمكن نسي بقي علشان اللي حصل
كرم:طب ما تعزفي حاجه دلوقتي
اميره:ماشي انا فاكره مقطع كدا كنت بتدرب عليه دايما
وبدأت تعزف علي البيانو...
....في شركه سليم...
سليم:في ملفات تانيه
أيتن:لا دول بس
سليم:شكرا يا أيتن سيبت الشغل كله عليكي اليومين اللي فاتو
أيتن:ولا يهمك يا سليم بيه دا شغلي
سليم:طب هاتيلي فنجان قهوه
أيتن:حاضر "وطلعت"
..عند كرم واميره..
كرم وهو بيسقف:برافو برافو برافو
اميره:حلو بجد
كرم:تحفه انتي اتعلمتي فين
اميره:انا كنت ف كليه تربيه موسيقيه
كرم:اهاا
...وفضلوا كرم وأميره مع بعض وقت كبير وأميره تعزف شويه علي كل آله وكرم وقف يغني يسمعها صوته وعرفها كلمات الاغنيه الجديده وعرفها علي الفرقه اللي بتعزف وعلموها تعزف بطريقه احسن
وبعدين كرم وصل أميره للشركه تاني ودخلوا..
كرم:مش عايزه برضه تيجي تعيشي في الفيلا معايا
اميره:انا كدا مرتاحه
كرم:تمام براحتك ،بس بقولك
اميره:ايه
كرم :هو سليم بيضايق مني ليه لما بكلمك
اميره:مش عارفه يمكن خايف عليا
كرم:خايف مني عليكي انا عمري ما هأذيكي
اميره:عارفه انت احلي صاحب عندي
كرم:طب ادخليله يلا
اميره:سلام
كرم:سلام
كرم لنفسه:هبله دا باين انه بيحبها وبيغير عليها مني
اميره:ادخل
سليم:مانتي دخلتي خلاص
اميره راحت قعدت قصاده
سليم:كنتوا فين
اميره:روحنا مكان تدريب كرم وقعدت اعزف هناك و...
سليم:خلاص
تليفون اميره بيرن..
اميره:الو يا عشق
عشق:انتي هتنامي معايا انهارده ولا ايه
اميره:معاكي هخلي سليم يوصلني عندك
عشق:تمام مستنياكي سلام
اميره:سلام
سليم:هتروحي عندها
اميره:اممم
سليم:طيب هخلص واوصلك
اميره:اوك
..بعد شويه خلص سليم وطلعوا برا الشركه وراحو عند عشق
أميره:عايز حاجه
سليم:لا
اميره:هو انت مضايق من حاجه
عشق فتحت باب بيتها:ميرو جيتي
سليم:انزلي
اميره:تمام
عشق:اهلا ما تيجي يا س..
لسه بتكلمه سليم لف بالعربيه ومشي
عشق:هو ماله
اميره:مش عارفه
عشق:طب تعالي ندخل يلا
ودخلوا البيت واتعشوا وناموا..
اليوم ال 11..الصبح صحيت اميره وعشق علي صوت ام عشق بتخبط ع الباب علشان يقوموا يفطروا
عشق:تمام يا ماما جايين اهوه
اميره بصت ف تليفونها وتقول لنفسها:مرنش ليه
عشق:يمكن لسه نايم
اميره:ايه
عشق:عارفه انك بتشوفي سليم رن ولا لا
اميره:اها
عشق:تعالي نفطر ونروحله
اميره:تمام
...قاموا فطروا ولبسوا وراحو عند بيت سليم
عشق وهي بتخبط ع الباب:سليييييم سلييييمووووو
الباب اتفتح..
اميره:كرم
#يتبع
