# حلمي انت
البارت السادس
...اكلنا وخلصنا وقومنا مشينا ووصلنا البيت ودخلت الشنط وعلقت الفستان وطلعت قعدت مع سليم ف الصاله
اميره:يا سليم
سليم:ايه
اميره:شكرا
سليم:العفو
بعد شويه..
سليم:قومي اعمليلي قهوه
اميره:ماشي
قومت عملتله وجيت
اميره:اتفضل يافندم
سليم:انتي كنتي بتدرسي ولا ايه
أميره:اه كنت في كليه تربيه موسيقيه
سليم:وبتعرفي تعزفي دلوقتي
اميره:ايوه انا كنت بحب العزف علي الجيتار والبيانو اوي
سليم:اممم كنتي ف سنه كام
اميره:رابعه اخر سنه
سليم:اهاا ،، انتي نفسك ترجعي بيتك
اميره:اه نفسي ماما وحشتني واصحابي
سليم:وباباكي مش وحشك
اميره عينها دمعت:وحشني اوي بس هو مات الله يرحمه
سليم:ربنا يرحمه ويغفر له
اميره:يارب
اميره: ما تيجي نشوف في حاجه ظهرت في المكان اللي جيت منه
سليم:يلا
..قامو راحو المكان تاني
سليم:مفيش حاجه انتي متأكده من اللي بتقوليه انك وقعتي من دولاب والكلام دا
اميره:ايوه طبعا يا سليم هكدب ليه
سليم:طب يلا نرجع ونيجي مره تانيه
اميره:تمام يلا
...ورجعوا البيت وقعدوا
سليم:انتي لسه عايزه تشتغلي
اميره:ايوه عايزه لاقيتلي شغل
سليم: لو انتي فعلا بتعرفي تعزفي ع البيانو او الجيتار فالشغل موجود
اميره:بعرف وهتعلم اكتر
سليم:فيه اغنيه جديده مكتوبه لكرم وهتتلحن تقدري تحفظي وتعزفي اللحن بتاع الاغنيه
اميره:هحاول
سليم:تمام هكلم كرم ياخدك مع الفرقه اللي بتدرب معاه
اميره:ماشي شكرا اوي يا سليم
سليم:العفو
قاعدين نتفرج علي التلفزيون في هدوء سمعت صوت همس صوت حاجه ماشيه ببص ورايا وانا وقاعده لاقيت حاجه شبه الصندوق من حديد وليها عجل من تحت
اميره وهي بتشاور عليه:س سليم اايه ددا
سليم بيبص وراه:هوا ايه
اميره:دا دا بيمشي يا مامااااااااااااااااااااااااا
سليم:يا نهار اهدي يابنتي اهدي دا هينضف البيت
اميره:يعني ايه
سليم:هو ايه اللي يعني ايه هينضف البيت دلوقتي دا اختراع ألي بيساعدني ف البيت هتلاقي الصندوق دا من تحت عمال يشد كل التراب اللي في الأرض وبعدين العجل الصغير اللي تحت دا هيدخل جواه ويطلع مكانه شرشوبه مدوره ومبلوله شويه ويلف يمسح البيت ويدخل مكانه
اميره مردتش ومتنحه للي بيحصل وبتسمع اللي سليم بيقوله
سليم وهو بيشاور بإيده قدامها:اميره
اميره:هاااه
سليم:يابنتي
اميره:ايوه ايوه دخل الاوضه اهوه
سليم:اه هينضفها
اميره:اه،، ايه دا وانت بتخليني اكنس وامسح البيت ومقولتليش علي البتاع دا
سليم:انتي اللي قولتي انك هتعملي كدا علشان تقعدي في بيتي
اميره:طيب استني اتفرج بقي
وفضلنا طول اليوم قاعدين وقرب ميعاد الحفله وسليم مقالش هنقوم نجهز امتي
اميره:سليم
سليم:ايه
اميره:هنروح الحفله امتي
سليم:كمان ساعتين
اميره:ماشي
بعد شويه ...
سليم:فاضل ساعه
اميره:طب هقوم اجهز
سليم:من دلوقتي
اميره:ايوه علشان منتأخرش سلام
...قومت جري دخلت الاوضه وقفلت الباب وبعد ساعه سليم كان قام يجهز وخلص ولبس بدله سوده وجزمه سوده وشكله كان حلو اوي
سليم وهو بيخبط ع باب اميره:انتي موتي جوه اخلصي
اميره:اصبر شويه يا سليم الله الله
سليم:خمس دقايق لو مش لاقيتك قدامي مش رايحين الحفله
اميره:تمام تمام
سليم راح قعد مستنيها في الصاله ولوز قاعد يتفرج علي التلفزيون ..بعد خمس دقايق....
سليم:اميراااااااااه الخمس دقايق خل...
قبل ما يكمل كلامه اميره فتحت الباب كانت لابسه فستان اسود طويل كان واصل للارض وجزمه الكعب سوده وفارده شعرها ومطلعه خصلات من شعرها قدام
وحاطه روج نبيتي اول ما سليم شافها وقف فضل باصصلها وهي بصاله ومبتسمه
اميره:شكلك حلو
سليم:هاا اه انا عارف
اميره:ماشي
سليم: خدي
اميره:ايه العلبه دي
سليم:افتحيها
اميره بصدمه وفرحه:ايه السلسله التحفه دي ألماظ
سليم:مش حقيقي وكانت بتاعت امي البسيها ع الفستان هتبقي حلوه علشان الفستان ساده
اميره:جميله اوي يا سليم شكرا اوي مش عارفه اقولك ايه ثانيه هدخل البسها قدام المرايه
سليم:بسرعه
دخلت لبستها وطلعتله...
اميره:حلوه
سليم:ايوه
لوز:شكلك حلو اوي اوي يا أميره
اميره:يا قلبي ميرسي انت اللي حلو اوي باي
لوز:بااي
...طلعنا ركبنا العربيه ووصلنا الحفله وداخلين
سليم:بقولك
اميره:نعم
سليم:متتحركيش من جنبي
اميره:صدقني حتي لو عايزه اتحرك مش هعرف بالكعب دا
سليم:يبقي احسن ،،تعالي نروح نقف عند الطرابيزه اللي هناك دي
...كرم شافهم وراحلهم
كرم:ايه الجمال دا طالعه شبه الأميرات فعلا اجمل واحده ف الحفله
اميره بضحك:شكرا انت كمان شكلك حلو اوي
كرم:تسلمي،،احم ازيك يا سليم
سليم:كويس
كرم:فرحت بجد انكم جيتوا الحفله نورتونا
اميره:وانا كمان فرحانه اني جيت الصراحه والف مبروك مره تانيه علي نجاحك وبالتوفيق دايما
كرم:الله يبارك فيكي طب هستأذن هسلم علي الضيوف
أميره:اتفضل
سليم:امتي بقيتوا اصحاب كدا
أميره:عادي كدا اهوه بقينا اصحاب وهو شخص اجتماعي ولطيف
سليم:اممم لطيف اوي
اميره:احنا بنخلينا واقفين كدا وخلاص
سليم:لا ف الحفلات بنقابل اصحابنا ونشرب اي حاجه وبيبقي فيه اكل برضه وشويه واغاني تشتغل وكل اتنين يطلعوا يرقصوا وبس كدا اللي عايز يفضل في الحفله يفضل واللي عايز يمشي بيمشي اه ونسيت ممكن كرم يطلع يقول كلمه بمناسبة نجاحه وكدا
أميره:اهاا وانت بتطلع ترقص
سليم:لا
أميره:ليه
سليم:علشان مش بيبقي معايا بنت ارقص معاها
أميره:واللي مش معاه بنت بيقف يتفرج وبس
سليم:لا برضه بيعزم علي بنت انها ترقص معاه
أميره:وانت مش بتعزم ليه علي بنت من الحفله
سليم:علشان مبحضرش حفلات كتير ولما بحضر مش بحب ارقص اوي
أميره:اممم
أيتن:سليم بيه
سليم:اهلا يا أيتن
أيتن:مكنتش متوقعه اني اشوف حضرتك هنا
سليم:كنت فاضي فجيت
اميره لنفسها:كداب اوي دانا اتحايلت عليك
أيتن:اميره ازيك
اميره:تمام
*واحده زميله أيتن بتنادي عليها
أيتن:طب بعد اذنك يا سليم بيه
سليم:اتفضلي
..بعد شويه وهما لسه واقفين جيه زميل سليم ومراته
نادر زميل سليم:لا لا لا مش مصدق انك موجود
سليم بضحك:لا صدق وبعدين نجاح ألبوم كرم يعني نجاح شركتي برضه
نادر:بالتوفيق يا باشا ..مش هتعرفنا ولا ايه خطيبتك
سليم:اميره قريبتي مش من هنا ودا نادر وجني مراته اصحابي
جني مرات نادر:منوره في مدينتنا يا أميره
أميره:حبيبتي تسلمي
نادر لسليم بصوت واطي:قريبتك ايه انت هتعملهم عليا مفيش حاجه بينكم يعني
سليم:اسكت يابني مفيش حاجه بينا
نادر:تمام انا هعرف لوحدي "وقام باصص لجني مراته وغمزلها "
نادر:وانتي قاعده فين دلوقتي يا أميره
أميره:في فندق
جني:وجيتي الحفله إزاي
أميره:مع سليم انا وكرم اتعرفنا وبقينا اصحاب ودعاني علي حفلته فجيت مع سليم
نادر:انتي وكرم اصحاب بس ولااا
سليم بعصبيه:اصحاب وبس قالت اصحاب
نادر :وانت متعصب ليه يا سليم
جني:خلاص بقي يا نادر هو تحقيق بس انت اتعصبت ليه يا سليم
سليم:بقول نقطع العلاقه اللي بينا احسن
جني:ليه كدا يا سليم انت زي اخونا
نادر:واميره بقت زي اختنا برضه
أميره:ليا الش..
جني:وقريب تبقي مرات اخونا
أميره:نعم
سليم:احم كفايه لحد كدا هما بس بيحبوا يهزروا
نادر:يمكن الهزار يقلب جد
سليم:ميقلبش يا نادر
جني:خلاص يا نادر ،،فستانك جميل اوي يا اميره زوقك تحفه
أميره:حبيبتي انتي اللي جميله
كرم:الحبايب متجمعين
نادر:والنجم وصل
كرم:حبيبي
أيتن:متجمعين من غيري
نادر:اخبارك ايه يا أيتن
أيتن:تمام
نادر:مش ناويه تستقيلي من شركه سليم وتيجي شركتي
جني:اجيلك انا يا حبيبي
نادر:يا قلبي انتي تنوري بس انتي عارفه اني عايز أيتن لشغل
سليم:متحلمش أيتن مهمه في شركتي
جني:أيتن اللي يدفعلك مرتب اكتر اشتغلي معاه
أيتن بضحك: لا انا حابه شغلي في شركه سليم بيه
أميره لنفسها:حابه شغلك ولا حابه سليم
كرم:الاغاني بدأت ،اميره ممكن ترقصي معايا
سليم بسرعه:مبتعرفش ترقص
كرم:هعلمها
سليم:مش عايزه تتعلم
كرم:هو انت المحامي بتاعها يا سليم سيبها ترد
سليم:قريبتي
نادر وجني واقفين يضحكوا عليهم وفاهمين انهم معجبين بيها وسليم غيران عليها من كرم
نادر:تمام تمام هنحل المشكله دي اميره مع كرم وسليم مع أيتن وبعد شويه يبدلوا
جني:ايوه كدا كويس موافقه يا أميره
اميره:بس انا مبعرفش ارقص فعلا
جني:دا رقص بسيط مش بتتحركي كتير يعني
اميره:تمام
كرم شد أميره من ايديها:يلا بسرعه
راحوا كلهم يرقصوا كرم مع اميره بيتحرك ببطئ وبيعلمها وفرحانين وجني ونادر مع بعض وأيتن وسليم مع بعض طبعا أيتن فرحانه
كرم:بتتعلمي بسرعه اهوه
اميره:يعني مش اوي
كرم:كدا حلو
اميره:تلميذتك
..عند جني ونادر...
جني:مش مصدقه انها قريبته بس
نادر:ولا انا مصدق
جني:شوفت مكانش عايزها ترقص مع كرم ازاي
نادر:كان هيولع لا وبصي عليه دلوقتي باصصلهم بغضب
جني:تعال اما نقرب منهم ونقولهم بدلوا بقي
نادر:يلا
جني:كرم يلا يا بابا ارقص مع أيتن شويه
كرم:سيبوني مع اميره كمان شويه
نادر:يلا يا حبيبي سيب القرايب مع بعض
جني:أيتن يا قلبي كرم عايزك معاه بدلوا يلا
أيتن:اوك
وبدلوا راح كرم مع أيتن وسليم مع أميره
كرم:وانت يا نادر مش هتبدل مع حد
جني:مراته حبيبته معاه يا عسل
نادر:مقدرش
سليم:اتعلمتي
أميره:مش اوي
نادر:احلي قرايب شوفتهم في حياتي
سليم:ياعم ركز مع مراتك بعديه عني يا جني
جني:بس يا نادر سيب اخوك سليم يعيش اللحظه
سليم:ااااه رجلي
أميره :اسفه اسفه مش قصدي
نادر:دوسي علي قلبه كمان ولا يهمك
أيتن راحت وقفت جنبهم هي وكرم:انت كويس يا سليم بيه
جني:اه يا أيتن كويس مش ضربته بالنار يعني
أميره بصوت هادي:انت كويس
سليم:تمام مفيش حاجه
اميره:خلاص كفايه تعال نقعد شويه
سليم:يلا
...وراحو قعدوا ونادر وجني وايتن وكرم لسه واقفين يرقصوا
اميره:رجلك كويسه
سليم:كويسه متقلقيش
*الجرسون:تشربوا حاجه يا فندم
سليم:هاتلنا عصير
*الجرسون:اتفضلوا
أميره:حلوين اوي نادر وجني
سليم:اه كانوا بيحبوا بعض واتجوزوا
كرم:بتشربوا من غيرنا
وقام واخد كوبايه اميره وشرب منها
سليم:دي كوبايه اميره يابني
كرم:هتشرب من مكاني
أميره:لا طبعا
نادر:انتوا كبرتوا ف السن تعبتوا من الرقص
كرم:يا حبيبي تعال اقعد من بقالنا ساعه بنرقص طبعا هنتعب
جني:غني يا كرم شويه وبطل كلام
كرم:هغني بس بشرط
نادر:ايه
كرم:ان أميره تشرب من العصير دا
سليم:قالتلك لا
نادر:ماله العصير
كرم:شربت منه فمش عايزه تشرب مكاني قولها ياعم نادر ان انت وجني بتشربوا من كوبايه العصير نفسها عادي
نادر:انا وجني متجوزين يابني
كرم:طب مانا واميره هنتجوز
سليم بصله بعصبيه واميره كمان والاتنين ردوا عليه ف صوت واحد:نعمم
كرم:اقنعيها يا جني ف حد يرفض يتجوز نجم مشهور
أميره:بطل هبل احنا اصحاب
كرم:خلاص يا ميرو بهزر معاكي
أيتن:بس انتوا حلوين مع بعض فعلا
جني بخبث:وانتي يا أيتن حلوه مع مين
اميره لنفسها:مع سليم
أيتن:اختاريلي انتي يا جني
جني:لما اعرف هقولك يا قمر
كرم: اميره انتي هتسافري امتي
اميره:مش عارفه
جني :مش عارفه ازاي يعني انتي عندك مشكله
سليم:لا هي عايزه تقعد هنا شويه فمش حددت ميعاد علشان ترجع بيتها
كرم:خليكي معانا مترجعيش
أميره:انا قاعده معاكو اهوه لسه مش همشي دلوقتي
كرم:قوموا قوموا بسرعه
نادر:في ايه يابني
كرم:هنتصور صوره جماعيه ،،يا زين تعال صورنا بسرعه
وقفنا نتصور نادر وجني واقفين جنب بعض وانا وسليم في النص وكرم جنبي وأيتن جنب كرم
كرم:بعد إذنكم كدا تعالي يا ميرو صوره لينا لوحدنا
سليم:كلنا هنتصور مع بعض
كرم:يا باشا صوره انا وهي للذكري قبل ما تسافر
سليم وقف مضايق وكرم واميره وقفوا في جنب يتصوروا بالكاميرا
أميره:ابقي ابعتلي الصور دي يا كرم حلوين اوي
كرم:حاضر وانتي اللي حلوه
أميره:طب وسع كدا اتصور صورتين لوحدي
كرم:اتفضلي يا برنسيسه
وقفت اتصور وبعد شويه جيه سليم وقف جنبي من غير ما يتكلم فبصتله باستغراب
سليم:ايه هتصور
أميره:طب امشي يعني
سليم:لا خليكي
سليم وقف حاطط ايده في جيبه وانا واقفه جنبه وحطيت إيدي في جنبي
اميره:سليم اعمل اتنين كدا✌
سليم:ايه الهبل دا
اميره:اعمل بقي واضحك
سليم:اهوه
اتصورنا وجيه كرم وقف جنبنا وعمل اتنين برضه وجني ونادر وأيتن جم وقفوا معانا اخدنا صور كتير مع بعض وحلوه اوي ونادر وجني اتصوروا مع بعض وطبعا أيتن مسابتش سليم الا لما اتصوروا هما الاتنين لوحدهم وخدنا المصور زين صوره علي غفله كان جني ونادر حاضنين بعض بحب وأيتن باصه لسليم وسليم باصصلي وانا وكرم بنضحك وباصين لبعض وخلصت الحفله
جني:أميره هاتي رقمك نبقي نتكلم بقي ونتقابل تاني
اميره:طبعا اكتبي .....
جني:هرن عليكي سجلي رقمي بقي
اميره:تمام هسجله
سليم:أميره يلا نمشي بقي
اميره:يلا
كرم:اوصلك
سليم:انا اللي هوصلها
كرم:وصل انت أيتن
سليم:أيتن لو جايه لوحدك تعالي اوصلك في طريقي
أيتن:تمام شكرا يا سليم بيه
نادر بضحك:اطلع نام يا كرم
كرم:تصبحوا علي خير بقي
اميره:سلاااااااااام
كرم:سلام يا ميرو
...مشينا ونادر وجني ركبوا عربيتهم ومشيوا وانا وايتن رايحين نركب مع سليم لسه بفتح باب العربيه اللي جنب سليم أيتن جت فتحته بسرعه ودخلت وبصتلي بضحكه بانتصار رجعت فتحت الباب التاني وركبت ورا وسليم ركب وشغل العربيه ومشينا
أيتن:وصل أميره الاول يا سليم بيه انا مش مستعجله
اميره:وانا مش مستعجله
سليم:بيتك اللي هيقابلنا الاول يا أيتن
أيتن:طب تمام
سليم وقف العربيه قدام بيت أيتن ونزلت
أيتن:تصبح ع خير يا سليم بيه "ومشيت دخلت بيتها"
سليم:انزلي
أميره:مين انا
سليم:انزلي اركبي جنبي هنا
اميره:اه حاضر
نزلت وركبت قدام جنبه وشغل العربيه ووصلنا البيت
سليم:اميره
اميره:نعم
سليم:لو عرفتي طريقه لترجعي بيتك هترجعي
اميره:ايوه
سليم وقف باصصلها وبيقول لنفسه:اتعودت انك تكوني معايا مش عايزك تمشي ولما تمشي هتوحشيني اوي
أميره:انا هدخل اغير وانام
سليم حرك دماغه بمعني ماشي
ودخلنا نمنا...
سابع يوم الصبح، صحيت عملت فطار وشويه وسليم صحي
اميره:good morning
سليم بصلها وراح قعد في الصاله
لوز:صباح الخير يا أميره
اميره:صباح النور يا حلو
جبت الفطار وحطيته قدام سليم وقعدنا فطرنا
اميره:رايح الشغل
سليم:لا
اميره:انت مضايق من حاجه
سليم:كلت اعمليلي قهوه
اميره:ماشي
اميره:اتفضل ، ودخلت الاوضه
اميره:السلسله شكرا
سليم:حطيها ف الدرج
اميره:تمام
حطيت السلسه في الدرج اللي ف اوضته وطلعت قعدت معاه ف الصاله
وقعدت اتفرج التليفزيون وبعد شويه الباب بيخبط كان سليم في الحمام ولوز في اوضته
اميره اتخضت وقامت وقفت بسرعه:اعمل ايه اعمل ايه افتح ولا ايه
جريت خبطت علي سليم
اميره:سليم افتح افتح
سليم:افتح ايه انتي مجنونه
اميره:لا لا متفتحش فيه حد بيخبط علي الباب
سليم:طب ما تفتحي يابنتي
اميره:افتح طب ما افتح هو حد هياكلني
روحت فتحت الباب براحه لاقيت بنت طويله واقفه وشها ابيض وشعرها اسود والبت قمر انا حبيتها
اميره والبنت في صوت واحد:انتي مين
البنت:انتي بتعملي ايه هنا وسليم فين
ودخلت البيت
البنت:سليم فين
اميره:في الحمام
سليم طلع
سليم بفرحه:عشق
اميره لنفسها:حتي اسمها قمرين
عشق:سليم
وخدوا بعض بالاحضان وانا لسه واقفه مكاني مش فاهمه حاجه خالص والباب لسه مفتوح
عشق:مين دي انتي ايه اللي جابك بيت حبيبي
اميره بصدمه:حبيبك
عشق:اه حبيبي اطلعي برا...
#يتبع
