# حلمي انت..
البارت الثاني
اميره:هو دا انت وانت صغير
سليم:وريني كدا اه انا حلو
اميره:اه حل..اعااااااااااااااااااااااااااااااااا الحقناااااااااااي (ونطت وقفت علي الانتريه)
سليم جيه جري عليها وبفزع:فيه ايه فيه ايه
اميره بتشاور ع الدبدوب وبتتكلم بخوف :ال الدبدوب اتحرك وجيه وقف جنبي
سليم بصلها وبص للدبدوب وفضل يضحك
اميره: انت بتضحك علي ايه انت بيتك مسكون ولا ايه ياحزني ايه اللي جابني هنا روحني الله يخليك
سليم:اقعدي بس اهدي دا اسمه لوز وبيتحرك وبيتكلم عادي
اميره:يعني مش عفريت ولا مسكون
سليم:لا طبعا متخافيش..وبص للدبدوب:تعال يا لوز دي اميره
اميره رفعت ايديها :ازيك يا لوز
لوز بصوت طفولي:كويس ازيك يا اميره
اميره :كويسه وراحت وقفت جنبه وطبطبت عليه
سليم:ها استريحتي مش بيعض يلا ناكل بقي
وجاب سليم اكل وقعدوا ياكلوا..
لوز:اميره اميره انتي هتخليكي عايشه معانا ع طول
سليم:لا طبعا هتاكل وتقوم تمشي
اميره:همشي اروح فين يعني هخليني علي ما نلاقي طريقه ارجع بيها بيتي
سليم:هو انا اللي كنت خليتك تيجي هنا
لوز:سيبها يا سليم دي جميله اوي
اميره:خد قلبي اهوه
سليم:طيب هتخليكي هنا لحد بكره وبس والدنيا ضلمت دلوقتي اساسا مش هينفع تطلعي برا
اميره بفرح:هاااه.. فين اوضتي بقي
سليم:هتنامي ع الكنبه دي شايفاها
اميره:تصدق انا غلطانه اني سألتك "وقعدت تبص حواليها" امممم انا هنام ف الاوضه اللي هناك دي
سليم :نعم دي اوضتي
اميره:البقاء للأسرع
سليم:يعني اي..
لسه بيكمل كلامه اميره كانت قامت جريت ع الاوضه وقفلتها من جوا
سليم قام وراها بغضب:اميره افتحي الباب دي اوضتي
اميره من ورا الباب:نام انت بقي ع الكنبه شايفها
سليم:طب تعالي خدي الاوضه اللي جنبها
اميره:لا دي عجبتني خلاص
سليم:ماشي من بكره الصبح هتغوري من بيتي
اميره مردتش عليه وراحت نامت ع السرير وسليم دخل الاوضه اللي جنبها ونام ولوز راح اوضته الصغيره
..تاني يوم الصبح صحيت أميره وهي لسه بنفس البيجامه اللي كانت قاعده بيها ف بيتها وقامت طلعت برا الاوضه ولسه بتفتح باب الاوضه لاقت سليم واقف في وشها وبيبتسم بخبث
سليم:صحيتي
اميره هزت راسها ب لا
سليم قام ماسكها من ايديها:طب يلا بقي بره بيتي
اميره:طب استني استني بس
سليم:مش مستني ولا دقيقه "وعمال يشدها ع الباب علشان تطلع"
اميره:يووووه بقولك استني "وشدت ايديها منه" مش انت قولتلي انك هتشوف طريقه ارجع بيها بيتي
سليم:لا مليش دعوه مش انا اللي جيبتك هنا علشان ارجعك يلا اطلعي برا بيتي بقي
اميره:ايه دا انت إزاي تسيب بنت لوحدها ف مكان متعرفوش ومتعرفش طريق بيتها فين الرجوله فين الرحمه فين الانسانيه فيييييين
سليم ببرود:خلصتي
اميره: ايوه لاقيتها نتفق علي اتفاق
سليم:اتفاق ايه دا
اميره:انا هساعدك في البيت هنا هنضفه واعملك والاكل وأي حاجه انت عايزاها
سليم:مقابل ايه
اميره:مقابل اني اقعد في بيتك لحد ما الاقي بيتي
..سليم سكت ومردش...
اميره: السكوت علامة الرضا
سليم:قومي اعمليلي فطار بعد كدا تروقي البيت
اميره بفرح:اوامرك يا باشا
..وجريت عملتله فطار وحطته قدامه
اميره:اتفضل
سليم:اقعدي كلي
..وقعدوا فطروا
اميره:سليم
سليم:ايه
اميره:ممكن أسألك سؤال
سليم:لا
اميره:ماشي هو انت قاعد لوحدك ليه فين أهلك
سليم بعصبيه:مش قولت لا متساليش وكمان انتي مالك اطفحي وانتي ساكته ولا قومي شيلي الاكل واعمليلي قهوه ساده
اميره:انا لسه باكل
سليم بصلها بغضب
اميره:خلاص كلت هقوم اعملك القهوه
....وشالت الاكل وراحت علي المطبخ تعمله القهوه وواقفه تكلم نفسها
اميره لنفسها :إنسان مغرور ومتكبر اوي مع انه قمر ف الشكل بس غروره يخلي اي حد يكرهه
لوز:صباح الخير يا اميره
اميره:صباح الخير يا حلو بتفطر زينا ولا ايه
لوز:لا لا مش بفطر
اميره:ماشي بقولك عايزه اسالك سؤال
لوز:اسألي
اميره:هششش وطي صوتك هما اهل سليم فين امه وابوه وعايش لوحده ليه
لوز بحزن:اهله ماتو في حادثه
اميره:يعيني ربنا يرحمهم طب اخواته فين
لوز:هو وحيد مش عنده اخوات
اميره:اممم زيي انا معنديش اخوات طب هو شغال ايه
سليم بصوت عالي:فيين القهوه
اميره :هجيبها اهوه
اميره:اتفضل
سليم:ماشي
اميره:ماشي اسمها شكرا
سليم:انتي اللي تشكريني علشان قعدتك في بيتي
اميره بصوت واطي:ذلني بقي
سليم:بتقولي حاجه
اميره:بقول شكرا
وقعدت قصاده وهو قاعد فاتح اللاب توب وشغال عليه وبيشرب قهوته
اميره:سليم
سليم:ايه
اميره:عايزه اطلب طلب
سليم:لا
اميره:هو انت عارف انا هطلب ايه
سليم:قومي نضفي البيت
اميره:هووف حاضر حااااااااااااضر
....وقامت كنست البيت ومسحته ..
اميره:خلصت ينفع اطلب طلب صغير خالص
سليم:عايزه ايه
اميره:عايزه..
#يتبع
