حلمي أنت

البارت العاشر💛

# حلمي أنت
البارت العاشر
...قاموا فطروا ولبسوا وراحو عند بيت سليم
عشق وهي بتخبط ع الباب:سليييييم سلييييمووووو
الباب اتفتح..
اميره:كرم
كرم:أميره
عشق:بتعمل ايه هنا
كرم:كنت جاي اخد اميره في رحله
عشق:دخلنا بس كدا وقول رحله ايه
دخلوا البيت لاقوا سليم قاعد يشرب قهوه ف الصاله وراحو قعدوا جنبه
كرم:هنروح رحله بالمركب
اميره:مين رايح
كرم:كلمت نادر وجني وأيتن وسليم وانتي اهوه
عشق:وانا ف البطيخ
كرم:تعالي دا انتي تنوري
عشق:هاجي طبعا مش مستنيه عزومه طالما سليم رايح وهكلم زوجي المستقبلي قرة عيني
اميره بتبص لسليم:انت رايح
سليم:ايوه
عشق:بترد بقرف كدا ليه انت مش طايق نفسك ليه يابني
سليم مردش عليها
عشق:المهم هنروح امتي
كرم:دلوقتي حالا قوموا اجهزوا
عشق:انا جاهزه كدا كدا مش بننزل البحر
اميره:طب هقوم اغير هدومي
وسليم قام وراها وغيروا هدومهم وطلعوا
كرم:يلا بينا
عشق:يلااااا
وطلعوا من البيت
كرم شد إيد أميره:تعالي اركبي معايا "وفتح باب عربيته"
اميره بصت لسليم لاقته مش مهتم قامت ركبت مع كرم وعشق ركبت عربيتها وسليم ركب عربيته ،،عشق رنت ع خطيبها وقلتلوا واتقابلوا كلهم عند البحر قدام المراكب وركبوا المركب..
كرم:خدي عصير
اميره:شكرا
سليم شايفهم وقاعد مضايق
أيتن:اتفضل يا سليم بيه
سليم:لما نبقي برا الشغل متقوليش سليم بيه
أيتن:حاضر
جني:وحشتيني يا أميره
اميره:وانتي كمان وحشتيني
عشق:صورني يا عمرو هنا
عمرو:صوريني انتي بقي يابنتي صورتك خمسين مره
نادر:مالك يا سليم
سليم:مفيش حاجة
المركب كان دورين وكانو قاعدين فوق شويه وأميره نزلت تحت وبعد شويه كرم نزل وراها قام سليم واقف يبص عليهم من بعيد
كرم:قاعده لوحدك ليه
اميره:عادي بتفرج علي البحر شكله حلو اوي
كرم:انتي احلي
اميره بضحك:ميرسي ميرسي
كرم:سليم ماله
اميره:مش عارفه من اول ما رجعت مكتبه امبارح وهو مضايق يمكن حصل حاجه في الشغل
كرم:انتي هبله اوي
اميره:انا ليه انت اللي اهبل
كرم:انتي مش شايفه انه بيحبك مش شايفه بيغير عليكي مني إزاي
اميره:لالا مش بيحبني انت بتتخيل ياعم
كرم:تعرفي انه واقف يبص علينا دلوقتي
اميره بصت قدامها وشافته:فعلا بس يمكن واقف عادي
كرم:انا هخليكي تتأكدي
اميره:هتعمل ايه
كرم:هخليه يولع من الغيره
اميره:إزاي دا
قام كرم مسك إيديها وباسها من مقدمة دماغها
اميره بعصبيه دفعته:ايه اللي عملته دا يا كرم
سليم شافه ونزل جري زي البركان وراح عليهم ضرب كرم بالبوكس جامد وقعه ع الارض وقعد فوقه وفضل يضرب فيه وأميره واقفه تشده من عليه وتصرخ
اميره:سيبه يا سليم يا جمااااااااعه الحقووووو يا سليم سيبه
سليم بيدفع إيديها:وسعي كدا
اميره اتزحلقت ووقعت ف البحر والكل نزل عند سليم وكرم واول ما سليم شافها نزل وراها وكرم قام جري يقول لكابتن المركب يوقف المركبه
والكل واقف ينادي علي سليم وأميره
سليم عمال يعوم ويدور علي أميره ومسكها وهي لفت إيديها حوالين رقبته وبتتنفس بسرعه وعماله تكح
سليم:انتي انتي كويسه
اميره:مبعرفش اعوم متسبنيش
سليم:متخافيش مش هسيبك
اميره:فيه في البحر دا سمك قرش
سليم:اه فيه
اميره:اعااااااااااااااااااااااااااااااااا واتحركت جامد نزلت سليم تحت المايه وسابته
سليم طلع:يخرب بيتك مفيش مفيش
اميره:ام.. امسكني
سليم مسكها:دا انتي غبيه
اميره بصراخ:دانت اللي غبي انت انت اللي وقعتني
سليم بعصبيه:وانتي اللي عصبتيني
اميره بعصبيه برضه:هو انا جيت جنبك
سليم:مانتي واقفه انتي وكرم يبوسك من دماغك اللي عايز يتفجر دا
اميره:دا كان بيخليك تغير وبس يا حيوان وانا مكنتش اعرف انه هيعمل كدا
سليم:وهو يخليني اغير ليه وانا هغير منه هو
اميره:بيقولي انك بتحبني ولما يخليك تغيير كدا هتأكد
سليم:انتي غبيه اوي فعلا
اميره: بطل تقولي يا غبيه ووسع سيبني
سابته قامت واقعه تاني تحت المايه نزل مسكها
سليم: خليكي ماسكه فيا هتغرقي
اميره بحزن:انت عمال تتعصب عليا وتكلمني بقرف انا عملتلك حاجه
سليم بعصبيه:انتي مبتفهميش مش عايزك تمشي مع كرم
اميره:ومش امشي مع كرم ليه انت مالك
سليم بعصبيه:علشان علشان بحبك يا غبيه بحبك وانتي مش شايفاني
اميره:متحبنيش
سليم:هحبك
المركبه كانت رجعت ليهم تاني
أيتن بصوت عالي:سليم انت كويس
سليم:اميره انتي مبتحبنيش هاه مش شايفاني
اميره:مينفعش احبك ولا تحبني انا هرجع بيتي ومش هشوفك تاني
سليم:مترجعيش خليكي معايا
اميره:مينفعش
عمرو:هما مش بيطلعوا ليه
عشق:سيبوهم بيطلعوا اللي جواهم
جني:كنت حاسه ان فيه حاجه بينهم من نظره سليم ليها
سليم:مينفعش ليه ولا عاجبك كرم
اميره دفعته تاني ونزلت تحت المايه قام سليم مسكها
سليم:بقولك هتموتي لو سبتيني تاني مش همسكك هسيبك تغرقي ومش عايزه تقولي ان كرم عاجبك متقوليش
اميره  بعصبيه:انت حيوان كرم بعتبره صاحبي وبس وانت اللي غبي ومش شايف اني بحبك انت ومش ومش عايزه ارجع بيتي علشانك بس بس دي مش حياتي
سليم بحب:بتحبيني
اميره مردتش
سليم:وانا بحبك اوي وحضنها
اميره بهدوء وهي ف حضنه وماسكه فيه :خلينا نطلع يا سليم
سليم:تعالي
عام بيها ووصل لباب المركبه وطلعوا اميره وبعدين سليم وجابوا دفايات حطوها عليهم
جني:انتو كويسين
اميره هزت راسها بمعني اه
سليم:كويسين
عشق:انا شايفه انهم بقوا كويسين اكتر من الاول دلوقتي
سليم بص لأميره بحب
نادر:ايه اللي حصل يا سليم كنت بتضرب كرم ليه
سليم:سيبوني انا واميره لوحدنا شويه
قاموا طالعين فوق وسليم واميره فضلوا قاعدين تحت
سليم:انتي كويسه
اميره هزت راسها بمعني اه
سليم:انا اسف اني اتعصبت عليكي ووقعتك من غير قصد
اميره:ولا يهمك
سليم:اميره انا
اميره:نتكلم بعدين يا سليم علشان مش قادره اتكلم دلوقتي
سليم:تمام
...بعد شويه الكل عدي اللي حصل وقعدوا كلوا ويشربوا عصاير واكلات خفيفه ويتصوروا وشغلوا اغاني وغنوا معاها كانت أميره وسليم طلعوا فوق معاهم وهدومهم نشفت شويه وقلعوا كوتشياتهم علشان كانت لسه مبلوله اوي شغلوا مهرجانات وقامو كلهم يرقصوا ما عدا أميره كانت قاعده بصالهم ومبتسمه ليهم وسليم قاعد وباصصلها
عشق:قومي ارقصي معانا شويه
اميره:لا لا خليني كدا مرتاحه
نادر:ما تيجي يا سليم
سليم:لا مش عايز
...بعد الرقص قعدوا كلهم تاني وعملوا دايره وهما قاعدين وفضلوا يسألوا كل واحد سؤال جيه دور أيتن تسأل أميره
أيتن:أميره ليه بتحبي تاخدي حاجه مش بتاعتك
اميره:عمري ما اخدت حاجه مش بتاعتي يمكن انتي اللي مفكره انها بتاعتك
عشق:تمام الدور علي مين
كرم:انا هسأل نادر ،،لو حد غيرك بيحب جني دا قبل ما تتجوزوا هتسيبها لغيرك ولا مش هتسيبها
نادر:طبعا مش هسيبها طالما بحبها هعترفلها وهي اللي تختار
سليم:ولو هي شايفه انك مجرد صاحب يبقي متتعداش حدودك "بيتكلم وهو بيبص لكرم"
عمرو:تمام تمام انا هسأل عشق،، حبي لو انا كنت فقير هتحبيني برضه
عشق:طبعا
عمرو:هي دي اللي هتعيط عليا لما اموت
عشق: استني مكملتش كلامي طبعا لا مش هحبك
عمرو:هتعيط من الفرحه
ضحكوا عليهم وكملوا اسأله جيه دور سليم يسأل أميره
سليم:معنديش أسأله أسالي انتي
اميره:انت ليه بتتعصب بسرعه كدا
سليم:بتعصب لما حد يعصبني ومعروف عني اني انسان عصبي دا طبعي
...فضلوا يسالو بعض وقامو اتعشوا ورجعوا بالمركب لما الدنيا بقت ليل،،جني ونادر ركبوا عربيتهم ومشيوا وعمرو ركب مع عشق
عشق:استني يا عمرو متشغلش العربيه، يا أميره هتيجي معايا
اميره بصت لسليم لاقته واقف باصصلها بحزن وتمني انها متروحش معاها
اميره:لا هروح مع سليم
عشق:تمام سلااااام
كرم:تعالي يا أيتن اوصلك
..وركبت اميره مع سليم ومشيوا وكرم وأيتن ومشيوا
سليم:هتفضلي ساكته
اميره:مش عايزه اتكلم
سليم:بس انا عايز
اميره مردتش عليه وبصت من شباك العربيه
...وصلوا البيت ودخلوا وأميره راحه ناحية اوضتها سليم وقف قدامها قبل ما تدخل
سليم:لازم نتكلم
اميره:بكره
سليم:لسه هستني لبكره
اميره مردتش
سليم :طب ادخلي
دخلت اوضتها وقفلت الباب وغيرت هدومها وسليم نفس الشئ ونامو
اليوم ال 12،الصبح..صحيت أميره غسلت وشها وراحت عملت فطار وشويه سليم صحي وقعد ف الصاله أميره جابت الفطار وحطته قدامه وقعدت كلوا من غير ما حد يتكلم وشالت الاكل حطته ف المطبخ وعملتله قهوه وحطتها قدامه وقعدت
سليم:انتي كويسه
اميره هزت برأسهابمعني اه:لو عايز تتكلم في حاجه اتكلم
سليم:بحبك
اميره مردتش وبصت ف الارض
سليم:مش هتردي ،تمام، حبيتك من غير سبب متسأليش حبيتك ليه واتعودت علي وجودك جنبي اتعلقت بيكي وانا عارف انك هتمشي في يوم وارجع وحيد تاني مش عايزك تسبيني مش عايز اعيش نفس الوحده لما اطلب منك تنسي كل حاجه ونبدأ من دلوقتي وتعيشي هنا دايما معايا هبقي اناني أوي انا عارف ومش عارفين ايه اللي ممكن يحصلك لما تفضلي هنا اكتر "اخد نفس طويل وكتم دموعه وقال" بس هخاف من الوحده لو سبتيني "نزلت دمعه من عينه بص في الأرض ومسحها وأميره بصتله"
اميره:وانا مش عايزه اسيبك بس زي ما قولت مش عارفين ايه اللي هيحصلي لو فضلت هنا
سليم:والحل
اميره:خلينا أصحاب احسن
سليم بصلها بحزن:زي مانتي عايزه
وقام دخل اوضته غير هدومه و اخد شنطه وطلع ركب عربيته ومشي
اميره دخلت اوضتها قعدت تعيط وعدا النهار وجيه الليل من غير ما حاجه تحصل لكن سليم لسه مرجعش البيت قامت اميره تتصل عليه لكن رقمه مقفول كل اما تتصل مقفول رنت علي عشق
عشق:ميرو
اميره:عشق سليم طلع من الصبح ولسه مجاش
عشق:تلاقيه مشغول في الشركه عادي يعني
اميره:لا مش بيتأخر اوي كدا
عشق:اه انتو شكلكوا اتخانقتوا
اميره:لا مش اتخانقنا
عشق:سليم طلع من البيت مضايق
اميره:ايوه
عشق:طب ربع ساعة وهتلاقيني عندك سلام
اميره:سلام
بعد ربع ساعه...الباب بيخبط
اميره:عشق ادخلي
عشق:لا تعالي نشوف سليم
طلعوا ركبوا عربيه عشق وراحو مكان شبه الملعب
اميره:هو هنا
عشق:لما يبقي مضايق أوي بلاقيه هنا بيلعب كره السله لوحده ، انزلي ادخلي من هناك كدا هتشوفيه
اميره:ماشي شكرا يا عشق
نزلت اميره من العربيه وعشق مشيت ،دخلت أميره لاقته ماسك الكوره وبيلعب لوحده وكان لابس شورت بيج فوق الركبه بحاجه بسيطه وتيشرت اسود وشعره مبلول ونازل علي عينه،سليم شافها واقفه بعيد كان ماسك الكوره سابها وراح عندها وقعد علي الارض أميره قعدت جنبه
سليم:جيتي ليه
اميره:قلقت عليك
سليم:قلقتي ليه احنا مجرد اصحاب
اميره:الصحاب بيقلقوا علي بعض برضه،قوم يلا نرجع البيت
سليم:مين اللي جابك هنا
اميره:عشق
سليم:تلعبي
اميره:مبعرفش العبها
سليم:انتي مبتعرفيش تعملي حاجه قومي هعلمك
قامت وقفت وعلمها تلعب وترمي الكوره في السله لعبوا وضحكوا مع بعض لحد ما تعبوا
اميره وهي بتقعد علي الارض:ااااه كفايه هموت
سليم:كتكوته في نفسك اوي
اميره:من بقالنا ساعتين بنلعب
سليم:مكملناش ساعه حتي،،قومي يلا هنرجع البيت عندي شغل الصبح بدري
ومشيوا ركبوا العربيه ورجعوا البيت ودخلوا نامو
اليوم ال 13 الصبح...قامت اميره بدري خدت دش وطلعت عملتله فطار قام سليم واخد دش وقعد فطر وشرب القهوه
سليم:هتيجي معايا الشغل
اميره:عايزني اجي
سليم:تعالي
اميره:هقوم اغير هدومي
قامت غيرت وسليم دخل لبس بدلته وطلعوا ركبوا العربيه وراحو الشركه ودخلو مكتب سليم
سليم:ادخل
كرم:مش عايز المقابله اللي اتفقت عليها من غير ما تاخد رأيي دانا عرفت اني عندي مقابله من السكرتيرة بتاعتي
سليم:علشان لو خدت رأيك مش هتوافق
كرم:ولما تتفق مع مقدم البرنامج كدا هوافق
سليم:دا لمصلحتك والبرنامج اعلن انك هتكون معاهم بكره لازم تروح
كرم:وأكيد كمان خدت الفلوس
سليم:خدتها وحقك من الفلوس هيتحول تلقائي علي حسابك
كرم:مش عايز فلوس ومش عايز المقابله دي
سليم:مش بمزاجك
كرم:مش عايز اشتغل معاك تاني هنلغي العقد اللي بينا
سليم ببرود:هتدفع 30 مليون
اميره بصدمه:30 ايه
سليم برقلها
اميره:كملوا انا اتصدمت بس
كرم:ممعيش 30مليون دلوقتي
سليم:يبقي تفضل هنا وتشوف شغلك
كرم:انت بتعمل كدا علشان بوست أميره صح
اميره بصوت عالي:كرم ايه اللي بتقوله دا
سليم بيحاول يمسك اعصابه ويبقي بارد معاه:انا مبدخلش حياتي الشخصيه في شغلي
كرم:ماهو واضح انا مش رايح المقابله دي يعني مش رايحها
سليم اتكلم ف تليفون:ايتن تعالي حالا
دقيقه وأيتن دخلت
أيتن:اتفضل يا سليم بيه
سليم:رني علي سكرتيرة كرم خليها تيجي تعرفه المقابله الساعه كام وهيقول ايه
كرم:انا...مش....رايح
سليم:اسمع يا كرم انا لحد انهارده معملتش حاجه تضرك كله كان علشان مصلحتك وخليتك نجم كبير
كرم:قصدك علشان مصلحتنا وانا لو كنت وقعت مع اي شركه تانيه كنت هبقي نجم كبير برضه وناجح
سليم:محدش كان هيستحمل عنادك دا ومحدش كان هيدفعلك اكتر مني
كرم:ومفيش حد هيقدر يستحمل تكبرك وقراراتك
سليم:تقدر تطلع لو خلصت كلام
كرم طلع من غير ما يرد عليه وأيتن فضلت واقفه
سليم:أيتن لازم يروح المقابله دي
أيتن:حاضر يا سليم بيه هحاول
سليم:مش هتحاولي يا أيتن مش هتحاولي هيروح يعني هيروح انتهي الكلام
أيتن:حاضر يا سليم بيه
وطلعت أيتن وقعد سليم بيحاول يهدي
....ف مكتب كرم...بيخبط علي مكتبه بإيده الاتنين مش رايح يعني مش رايح أيتن دخلت من وراه
أيتن:اهدي يا كرم
كرم:متحاوليش تخليني أوافق
أيتن:مينفعش يا كرم مينفعش البرنامج نزلو إعلان انك هتكون موجود المقابله الجايه
كرم:انتوا اللي حطتوني في الموقف دا وانتوا اللي هتطلعوني
أيتن:ممكن افهم انت مش عايز تروح ليه
كرم:مسافر
أيتن:ايه السبب التافه دا أجل السفر انت تقدر تسافر في اي وقت
كرم:لا
أيتن:كرم انت كل مره تعاند مع سليم بيه وهو كتير اتنازل ليك لكن المره دي مش هيقدر والبرنامج دا هيعلي شهرتك اكتر واكتر
كرم مردش
أيتن:أهدي يا كرم وفكر فيها انا هطلع واسيبك تهدي براحتك
..ف مكتب سليم..
اميره:انا هطلع برا اشرب وجايه
وقامت طلعت راحت تشوف كرم لاقت مكتبه ودخلتله
كرم:هو بعتك انتي كمان علشان تخليني أوافق
اميره:لا هو مش بعتني ولا يعرف اني جايه ليك
كرم:أميره انا اسف علي اللي عملته ليكي كنت بحاول اساعدك
اميره:خلاص يا كرم مش مهم
كرم:يعني لسه اصحاب
اميره:ايوه
كرم:وافضل صاحب عندك
اميره:اممم لا لما توافق هتبقي أفضل صاحب
كرم:مش موافق علشان مسافر وعلشان سليم اخد القرار دا من قبل ما ياخد رأيي
اميره:هو فعلا غلطان كان لازم ياخد رأيك بس انا شايفه ان اللي حصل حصل وخلاص
كرم مردش
اميره:هو حد هياكلك لما تروح بالعكس هتكسب وبما انك نجم ومشهور فكدا هيفيدك اكتر
كرم:هفكر
اميره:فكر براحتك همشي انا بقي "ومشيت"
︎سليم:ادخل
أيتن:سليم بيه قهوتك
سليم:تمام شكرا
أيتن:لو حضرتك عايز اميره هي مع كرم في مكتبه انادي عليها
سليم:مع كرم
أيتن:ايوه كانو بيتكلموا في مكتبه
سليم:ماشي اتفضلي انتي
اميره:ممكن ادخل
سليم بصلها ومردش
اميره:شكرا "ودخلت"
سليم:كنتي فين
اميره:بشرب
سليم:امممم
فضل سليم قاعد في مكتبه شغال واميره قاعده معاه..
سليم:ادخل
أيتن:دي الأوراق اللي حضرتك طلبتها
سليم:كرم بيعمل ايه
أيتن:السكرتيرة بتاعته معاه في المكتب بيتكلموا
سليم:شكله وافق
أيتن:اعتقد كدا وهي بتعرفه الميعاد امتي وبتحكيله اللي هيتكلموا فيه والاسئله
سليم:تمام
أيتن بخبث:شكل أميره لما اتكلمت معاه وافق مش بيرفضلها طلب
اميره بصتلها بغضب واتوترت من سليم
سليم بيحاول يمسك اعصابه:اوقع فين
أيتن قربت منه ووقفت جنب كرسيه وهو قاعد:هنا وهنا
اميره لنفسها:اقعدي علي رجله احسن
سليم:حاجه تانيه
أيتن مدت إيديها تمسح علي كتف سليم:كان فيه حاجه علي الجاكت
سليم بصلها وضحك
أيتن بضحك:بعد إذنك "وطلعت"
اميره:انا كنت بقنعه علشانك
سليم مردش عليها
اميره :سليم
سليم مردش عليها
فضل شغال طول اليوم ولما خلص قاموا مشيوا من الشركه رجعوا البيت
اميره:هتاكل
سليم مردش ودخل الاوضه غير هدومه ولبس بنطلون جينز وسويت شيرت اسود وعليه جاكت جينز وطلع
اميره:رايح فين
سليم:يا لوز انا طالع اسهر برا
اميره:يا لوز قوله طالع تسهر فين
سليم:يا لوز قولها ملكيش دعوة "ومشي طلع برا ركب عربيته ولسه بيشغلها اميره فتحت الباب ودخلت
سليم:رايحه فين
اميره:اسهر معاك
سليم:المكان اللي هروحه مش هيعجبك
اميره مردتش عليه وبصت قدامها
سليم وهو بيشغل العربيه:براحتك
وساق بسرعه لحد ما وصلوا
اميره وهي بتتنفس بسرعه:قطعتلي الخلف حرام عليك
سليم مردش عليها ونزل اميره فتحت الباب ونزلت ومشيت وراه دخلوا مكان اوله ضلمه وبعدين انوار كتير ملونه واغاني صوتها عالي وبنات لابسه مش لابسه وشباب قاعدين يغنوا ويرقصوا وشبه السكرانين لا دول سكرانين فعلا
اميره بصدمه وصوت عالي وهي بتحط إيديها علي وشها:كباريه
سليم:اعتبريه كدا
اميره بصوت عالي:الاغاااااني صوتهاا عااالي اوووي
سليم بصوت عالي:محدش قاااالك تيجي معايااا
وسيبها وراح قعد في ركن جريت قعدت جنبه وجت واحده لابسه فستان فوق الركبه وبحملات رفيعه اوي ومبين جسمها اكتر ما مغطي وبتوطي لسليم وبتقوله تحب تشرب ايه
اميره مسكت وش سليم بإيديها الاتنين ولفت وشه ليها
سليم ضحك ولف بص للبنت تاني:مش عايز اشرب دلوقتي
البنت بدلع:طب هشربك من إيدي
اميره قامت وقفت بعصبيه ووجهت صابعها في وش البنت:دانا اللي هشربك السم من إيدي غوري من قدامنا بدل ما اشلفطلك وشك
البنت وهي ماشيه:مجنونه دي ولا ايه
سليم قعد يضحك
اميره:بتضحك علي ايه انت كمان دا انت بارد قوم خلينا نمشي
سليم:لا مش همشي عايزه تمشي انتي امشي
اميره لنفسها:امشي واسيبك وسط كل البنات دي إزاي هووف
اميره بصتله وبابتسامه مزيفه:لا مش عايزه امشي
طلب سليم سفن اب وليا عصير برتقال
اميره:انت بتيجي هنا كتير
سليم:مش كتير
اميره:احسن برضه والاحسن متجيش خالص
سليم:ليه
اميره:ليه ايه انت مش شايف البنات
سليم:بيحبوني علشان انا مفيش زيي غيرانه ليه
اميره:غيرانه.. مين دي اللي غيرانه وانا لو قومت شاروت لأي واحد هييجي عشره مش واحد
سليم بضحك تريقه:اه اه
اميره:مش مصدق طب اقوم اشاور
سليم:قومي كدا وانا اكسر رجلك
اميره ضحكت:مين غيران دلوقتي
سليم مردش
اميره:عايزه اشرب سفن انا كمان
سليم:لا
اميره:لا ليه انت قدامك خمسه ومش عايز تشربني واحده
وقامت واخده من قدامه واحده وفتحتها وشربت
سليم:لالا يابنت المجنونه
اميره:ااااه بيلسع كدا ليه بس حلو اوي
وشربت تاني
سليم:كفايه كفايه دا فيه نسبه من الخمرا
اميره بصوت عالي:بتقول اييه مش سامعاك من الدي جي
سليم:هاتيها هاتيها متشربيش تاني
اميره:لااااا وسع كدا
وقامت واقفه وشربتها كلها وقامت قاعده
سليم بيضرب علي وشها :انتي كويسه
اميره ضحكت وقامت فاتحه كمان واحده وشربتها
سليم:لا كفايه بجد
وخدها منها
اميره بصوت عالي:هااااااااااااه عايزه ارقص هااااااااااااه
وواقفه تتنطط جنب سليم:قوم ارقص قوم
سليم:كويس انك مش هتفتكري بكره اللي بتعمليه دا
اميره جريت وطلعت علي المسرح وقفت مع البنات والشباب اللي بيرقصوا ورقصت معاهم وتتنطط سليم قام جري وراها حطت إيديها علي كتفه وفضلت تتنطط وتصوت وتحرك شعرها يمين وشمال
سليم:كفايه يلا نمشي
اميره:لااااا خلينا يولا
سليم:يولا  انا ولاا  ماشي تعالي
وقام شايلها علي كتفه ودماغها متشقلبه وشعرها نازل
وطلعوا برا ركبها العربيه ولف علشان يركب وقرب منها يحطلها حزام الأمان باسته وضحكت سليم فضل مكانه متحركش بصلها لاقاها بتضحك
اميره:انتاا حلو اوي
سليم:وانتي احلي "وشد حزام الامان وحطلها وساق العربيه"
اميره وهي بتقرب دماغها منه:هاتلي عيونك دول
سليم:لما نوصل البيت ابقي خوديهم
اميره:انا بحباااااااك بحبك اوي يا سليم يا متكبر بس احنا أصحاب
سليم:اصحاب طبعا
اميره:اسكت اسكت خالص هشش انت مش صاحبي انت انت حبيبي
وطلعت دماغها وإيديها من الشباك وتصرخ:ياااا مامااااااا الواد دا اهوه حبيباااااااااااااي وهتجوزه
سليم بيسوق وعمال يضحك: بس يا اميره انتي قولتيلي احنا اصحاب بس وانتي مش بتحبيني
اميره:لا انا مش صحبتك انا مراتك
سليم:يعني هتخليكي عايشه معايا
اميره:اه هعيش معاك واتجوزك ونجيب عيال اجانب
سليم:ياريتك كنتي صاحيه وانتي بتقولي كدا
..في البيت...
سليم:ادخلي
اميره بتفتح إيديها:شيلني
سليم:تعالي
وقام شايلها زي المره الاولي راسها تحت للأرض ودخلها اوضتها ورماها علي السرير قامت ماسكه إيده
اميره:رايح فين
سليم:هنام
اميره:خليك هنا جنبي
سليم:هنام ف الاوضه اللي جنبك
سليم:كداااااب هتروح عند أيتن
سليم:هروح عند أيتن ليه
اميره:علشان هي بتحبك
سليم:لا مش هروحلها وانا مبحبهاش وبحبك انتي
اميره غمضت عينها ونامت طلع سليم وقفل الباب عليها ودخل اوضته ينام
اليوم ال 14 الصبح ..صحي سليم قبلها وعملها فطار شويه وصحيت أميره وطلعت برا
اميره وهي ماسكه دماغها:اه يا دماغي سليم دماغي هينفجر هاتلي حبايه بسرعه للصداع
سليم:افطري وبعدين هجبلك حبايه
اميره:انت تعبان انت كمان ولا ايه يا سليم
سليم:لا ليه....
#يتبع