المره الى فاتت احنا وقفنا لما أمجد كان هيمشي وانا وقفته عشان احكيله هو والدكتور
الحقيقه هى انى حوليا ناس كتير بحبهم وبيحبونى بس مخنوقه
الدكتور احكى
لو ينفع كنت حكيت
الدكتور بلاش انا
احكي لولدك مثلا
خمس سنين سفر وغربه
وحالا المفروض انى احكيله بعد السنين مغيرت فيا لو زمان كان ماشي
الدكتور: طب رنا
اختى وحياتى وكل حاجه بس مينفعش احكيلها الموضوع ميتحكيش
الدكتور وخالد ال......
لا مستحيل احكيله ده
ده جنان
الدكتور كده مبقاش فاضل غير أمجد
اى رايك تحكيله...؟
سمعت عن الخذلان يا دكتور
خذلان وهروب من المواجه
الدكتور ايوه
بس اكيد مجربتهوش
احب اطمنك انا جربته واول حد خذلني كان وبصيت لأمجد بحزن كان انت..
ايوه انت يا أمجد
بهروبك من المواجهه
امجد بصلي وبص للدكتور وطلب منه يسبنا لوحدنا وبدا يكلمنى
انا الى خذلتك
انا يا جنه
والى انتى عملتيه معايا كان اى
فاكره انا سفرت لى
فاكره الى قولتهولى
سرحت ف اليوم ده بحزن
ـــــــــــــــــــــــــــــــــــــــــــــــــــــــــــــــ
يا مصبتي مش تقولولى انى محكتهولكوش كنت هنسا كالعاده مش تفكرونى مش كل مره هقولكم بانسى وربنا بنسا
ماعلينا تعالوا احكيلكم الى حصل
في يوم كنت قبل امتحانات تالته ثانوى وامجد بيذكرلنا كالعاده كان لسه فاضله سنتين ف طب
كنت ماشي وشوية شباب عكسونى وفجاه لقيته بيتخانق وضربه وعمل مشكله اما رجعت البيت كنت متعصبه مدخلتش شقتنا دخلت عند رنا
وحكتلها الى عمله
رنا بهدوء مهو معاه حق اى حد مكانه كان عمل كده
بس مش بالطريقه دى ده حالا اسمعي الى هيتقال عنى الشباب اتخانقوا عليها وكذ وكذا واحلا كلام هيتقال
رنا: م ال يقول يقول هو مغلطش وحقه يعمل كده
الى هيجننى أمجد طول عمره عاقل اول مره يتهور كده
رنا: مهو عمل كده عشان انتى بالذات مبيطقش عليكي الهوا
مش فاهمه يا رنا قصدك اى
ا... اص... اصل...
اصل..
بطلى تقطيع وانطقي الكلام ع بعضه اصل اى
ف اللحظه دى أمجد دخل علينا وخضني
يوه يا أمجدخضتنا
أمجد اتجاهل الكلام وكمل كلام رنا
اصلى بحبك يا جنه
نعم..
بحبك
ب ح ب ك
وفضل يتكا ع كل حرف منهم
فجأه لقتنى اتعصبت وعيط وسبته ومشيت وتانى يوم طلبة اقابله
بص يا امجد انا مش بحبك ومش هعرف احبك
ولا احب اصلا غير اما اخلص دراسه
وقتها هارتبط باختيار اهلى
امجد سمع كلامى وسكت وبعدها فضل يشرحلنا وبعد امتحاناتنا سافر شويه واما عرف انى انا ورنا هندخل طب نفس كليته هرب من المواجه ونقل من الكليه عشان ميشوفنيش مش بس كده
لا ده خلص دراسه وسافر
سافر وسابنى ندمانه لانى فعلا كنت بحبه بس عملت كده غصب عنى وقتها رنا سالتنى
