المره الى فاتت وقفنا لما ماما حست انى عارفه الحقيقه وقالت
معقول تكون.....
لا لا لااااا يار والنبي لا
الا هى دى هى فرحة عمرى
يا سلام يا سمر طب قولى كلام غير ده من أمتى...؟
ده احنا دافنينه سوا
انا وانتى عارفين الى فيها
ثم اطمني يا سمورتى
هى متعرفش حاجه لو تعرف كانت عملت معايا زى معملت معاكى
بس هي اكيد عارفه ان فى حد ف حياتى
دى بنتى وانا قاريه دمغها
المهم متعرفش ان انا انتى كنتى بتبقي متاكده انها نايمه وقتها
عيب عليك حبيتين منوم يا خالود يا حبيبي كفيل ينيم اى حد
جدعه المهم تهدى وانا زى مقولتيلي ف الفون هاحاول اصلح بينكم وارجع كل حاجه
جدع يا خالد ده انت الى ف القلب
وهو حد خاد قلبي غيرك
بس بقولك اى مين أمجد ده انا مرتحتش ليه نظراته ل جنه مريحتنيش الواد ده بيحبها وواقع للآخر
مظنش بعد الى عملته جنه معاه زمان مستحيل يحاول يرجعلها او هى هتقبل بيه وخصوصا انه خطب اطمن
سمر..
عيب عليك يا خالد بنتى وانا عارفها
ومعرفتيهاش ليه لما غيرت باب الشقه ومطلناش لا دهب ولا فلوس يا ناصحه
الدور والباقي عليك اما نشوف شطارتك انت يا حبيبي
احنا لسا هنستنا تعالى وانا اوريكى شطارتى
ايدك بس كده بقولك البت خلته طلقنى
وانا رحت فين يا قلبي
الله ع قلبي دى بتضعفني
ايوه كده احبك وانت رايق يا ابيض يا قمر
♕♕♕♕﷼
فضل بابا جنبي ف البيت تلات ايام ورافض يسبني اروح الجامعه وامجد بيطمن عليا وهو رايح الشغل وهو جاى وبيغير ع الجرح وكل شويه يرن يسال
م انكرش انى حنيت واشتقت بس مكنتش اقدر ارجع انا مش هعمل زى م اتعمل فيا
رابع يوم الصبح
اصحى اصحى
اصحااااا
بابا........ بابا...بابا.... بااااااباااااا
يا بش مهندس
اصحا يا هندسه يالهوى ع الكسل طيب....
وقمت شايله الغطا عنه ورحت فاتحه الشباك
سيبيني يا جنه انام شويه
قوم
يا جنه
قووووم
طب بس بس بتزعقي لى
وهو قايم انا مبقتش عارف انا الى ابوكى ولا انتى الى ابويا يا ست جنه
بصتله من المطبخ سمعتك يا بابا علفكره بطل برطمه
طب بذمت ابوكى بنت عاقله هتقول لابوها بتبرطم
وكمان دكتوره
نفسي اعرفانتي مصحيني بدرى لى
